حبيبتي انتي وضعج غير زوجج ماتغير ولا قال خلاص بعوصج أو حس بأغلاطه !! لو تغير وعوضج عن الماضي واحسن معاملتج وقام يدلعج وانقلب انسان ثاني يحبج ومايسوي مشاكل ويراضيج هم ماراح يغير نظرج !!
مليتي لان خلاص ماشفتي تغيير زين منه
وانا كتبت ردي الاول محتاجه حلول مومحتاجه كلام سلبي ما يفيد صاحب المشكلة
وانتي شدراج محسستني جنه عايشه معانا
واجد كان يقول ابي اتغير وارجعي ورجعت وزعلت
بس هو كلام بس عشان يبيني اظل معاه وما يخسرني
مو صج ناوي يتغير
وهو تغير شوي مثل ما سويتي انتي مع زوجج تغيرتي عشان شفتي انه نفذ صبره
صار في تغيير من زوجي بسيط تحسن طفيف تجاهي
بس انا كرهته خلاص ما عاد اتقبله لا ويقولي اصبري الواحد ما يتغير 100% بيوم وليله يبي عمري يروح معاه بمغثه وهو مو ناوي يتغير صج
لان ما في شي اتذكره منه الا المغثه وافتعال السوالف والحجج والمشاكل والاهانات
اللي بوصله لج الانسان له طاقه ويطفش وممكن يكره اذا خلص صبره
صح انتي تغيرتي وما قررتي تغيرين الا انج شفتي انج وصلتيه حده من المغثه والعصبيه والهواش
الانسان سواء مراه او رجال له حدود
انا مابي اصدمج بس الناس شخصيات وكل شخصيه لها ردة فعل والمثل يقول : " اتقي شر الحليم اذا غضب"
بالنسبه لي اذا خلص صبري مع احد ما ارجع احبه نهائي
مثل ما صار مع زوجي حاول وحاول بس خلاص كرهته
لدرجه لو يجي الحين يقول ارجعي واحطج بقصر واعطيج مهر جديد واتغير واصير ادمي
هم ما ابيه
اللي من اولها وانا عروس ما فز فيني وفرح جيته جاهل وصغيره ما اعرف شي
يتحجج علي ويتفنن بمغثتي واهانتي
شنو ارجي منه
اذا ما اتذكر الا المغثه ولما شافني صامله صج ع الطلاق قرر يتغير متى عقب ما وصلني حدي وخلا صبري ينفذ
