ابي اسافر هونج كونج بعد عيد الفطر .. ساعدووني

[ام زوووز]

السلام عليكم يا حلوات .. ابي مساعدتكم إلي إتعرف الأماكن الحلوة في هونج كونج عفية إتقول لي:eh_s(7):

 

[اغادير الكويت]

تروحين وتردين بالسلاااامه ان شالله..
هونج كونج حلوه - ونظامها بريطاني..
يعني كأنج ب لندن -- يتكلمون انحليزي وفيهم ناس حببوبين ويساعدون لو طلبتيهم
انا رحت لها وبصراحه جداً راقيه
سكنت بفندق اسمه نيثان بشارع كولون حلو وفيه اسواق ما اعتمدت ع التاكسي لانهم بصراحه نصابين يغيرون العداّد من غير ما تحسين
بهالشارع فيه محلات واسواق - وفي اسواق بليل ستاربوكس وفي سوق نفس المركز الفرنسي عندنا بس طبعاً فيه ماركات مو عندنا
فيه بعد بهالشارع محلات صغيره تفتح بليل
بصراحه اعتمدت ع القطار اللي بالنفق حلو ورخييييييييص بشكل خيالي
تاخذين بروشور من الفندق وتعتمدين عليه
كان اكثر روحاتي اتمشى او بالقطار
هونج كونج فيها -- الاوشن بارك مدينة الالعاب المائيه
متحف الشمع وايضا الافنيوز اوف ستارز
وطبعاً غراااامي // هاربر سيتي هذي منطقة الماركات الاصليه يعني تنزل بفرنسا وبهونج كونج بنفس الوقت
عجييييييييب مو محلات لاااااااا
مجمع ل شانيل -- مجمع برادا - كل ماركه لها مجمع كامل
ديزني لاااند
بصراحه بشكل عام الدوله حلوه
يتعاملون بالدولار الهونك كونجي - انتي اصرفي فلوسج دولارات امريكيه
ونصيحتي لج لاااتاخذين فلوس كويتيه مايعترفون فيها
اخذي سعودي..
واذا كنت نسيت شي او بخاطرج شي انا حاااضره