ابي اتزوج تعبت .....!

[طيباء]

السلام عليكم ورحمه الله وبركاته
خواتي العزيزات انا اسمي طيباء من السعوديه
اليوم سجلت بالمنتدى وحابه انكم تساعدوني
بصراحه تعبت مره
ابي اتزوج بس
المشاكل بالبيت متعبتني مره وصايره حمل ثقيل على اهلي
انا وربي مااتشرط ابد بس مدري ليه الحظ معدوم معي ولا مره انخطبت عمري 28
بس مشكلتي مو حلوه وبطه ابي اي شخص يرضا فيني

ويطالع قلبي مايطالع شكلي
اقاربنا صارو لماتنخطب وحده من بناتهم مايخبروني وحتى امي تدري وماتخبرني
يخافون احسدهم مايدرون اني افرح لهم اكثر من فرحي لنفسي
خواتي من تساعدني وربي تعبت الكل شايل همي بالبيت
صايرين مايطيقون كلمه مني
خواتي تكفون اذا فيه مجال تساعدوني الل يجزاكم الجنه

 

[اوراد الحلوة]

اول شي كثري من الإستغفار
وثاني شي حبيبتي الزواج قسمه ونصيب
وثالث شي يا قلبي سوي ريجيم وغيري شوي من نفسج
وبالعكس مو كل من تزوج مرتاح
وقولي الحمد لله على كل حال
سبحان الله وبحمده سبحان الله العظيم

 

[لمى الهاجري]

كلنا نبي نتزوج بس شنقول الحمد لله على كل حال انا هلي يرفضون المعرس والله المستعان شنسوي قدر ومكتوب

 

[Winter Q8]

كل شي نصيب و كل شي بوقته ,, و الله يقول اسعى يا عبدي اهتمي بنفسج ضعفي و لا تقولين مو حلوة مافي بنت مو حلوة بس في بنت تهتم و الثانية لا .. و الله يرزقج الزوج اللي يهنيج و يسعدج ..

 

[cba girl : )]

الله يرزقج بالزوج الصالح

بس حبيبتي اهتمي فشكلج وجسمج حتى لو الريال يدور المرا عشان اخلاقها لابد يكون فيها حلا شوي بيعيش معاها العمر كله

سوي ريجيم اهتمي بشعرج اذا يحتاج ببشرتج وبتصيرين حلوه ان شاء الله

 

[أبلة فاتن]

يارب كل البنات يتزوجون​

 

[Tom ♥ Jerry]

.


حبيبتي الزواج قسمه و نصيب
خليها على الله و انتي عليج بالدعاء و بس ما تقدرين تسوين اي شي اكثر من جذي

بالنسبه لشكلج و جسمج .. الواحد ما يغير خلقه ربة بس يهتم بنفسه و بشكله كثر ما يقدر
اول شي خففي اكل و اخذي فيتامينات و حديد راح تنفعج وايد
حق الشعر و حق جسمج بشكل عام .. دشي نادي و خلج رشيييقه لما توصلين للوزن المطلوب
اهتمي بشكلج و شعرج و شخصيتج و اهم شي خلي عندج ثقه بنفسج

اهتمي بنفسج عشانج انتي بس مو عشان الناس تشوفج حلوة
لااا عشان انتي تشوفين نفسج حلوة و تعجبين نفسج قبل الناس :***


موفقه :$

 

[دلوعة أبوهآ]

.


حبيبتي الزواج قسمه و نصيب
خليها على الله و انتي عليج بالدعاء و بس ما تقدرين تسوين اي شي اكثر من جذي

بالنسبه لشكلج و جسمج .. الواحد ما يغير خلقه ربة بس يهتم بنفسه و بشكله كثر ما يقدر
اول شي خففي اكل و اخذي فيتامينات و حديد راح تنفعج وايد
حق الشعر و حق جسمج بشكل عام .. دشي نادي و خلج رشيييقه لما توصلين للوزن المطلوب
اهتمي بشكلج و شعرج و شخصيتج و اهم شي خلي عندج ثقه بنفسج

اهتمي بنفسج عشانج انتي بس مو عشان الناس تشوفج حلوة
لااا عشان انتي تشوفين نفسج حلوة و تعجبين نفسج قبل الناس :***


موفقه :$

:rerrerek:

 

[ماركة انثى‘]

الله يرزقج بالزوج الصالح

 

[khawla&tito]

توج صغيره (=


ونصيبج بيجيج ان شاء الله استغفري واايد وادعي ربج


الله يوفقج

 

[زهرة دلقينيوم]

في وايد بنات بطات ومتروسين واللي محليهم دلعهم ونعومتهم حاولي تهتمين بنفسج وحاولي انج تنزلين من وزنج حطي هدف جدامج انج بتضعفين عشان نفسج وصحتج والزواج قسمه ونصيب
والله يكتبلج الرجل الصالح كثري من الدعاء بتذلل صلي صلاة حاجه

 

[ام الدرر]

حبوبة
وشدراج انه راحتج وسعادتج بالزواج
ممكن يجيج واحد يشقيج ويعذبج اكثر من بيت اهلج
انا مو قصدي لا تتزوجين ولا تنطرين الزواج
قصدي لا تجعلين الزواج همج الكبير وطموج
اصبري ياعمري وادعي ريج بتيسير امورج كلها وراحة نفسج
عسى الله يسخر لج الطيبين من خلقه ويرزقج الزوج الصالح اللي يحبج ويخاف الله فيج​

 

[حلمي وامالي]

الله يرزقج ويريح بالج يارب
عليج بالاستغفار والصلاة على النبي

 

[تهبل و تستهبل]

حبيبتي اول شي ابييج تشوفين هالموضوع و اتمني تشووفيينه و تطبقيينه ان شااءالله

http://www.q8yat.com/t1051386.html

ثاني شي خلج واااثقه من نفسج شنوو تقولين انا موحلوه و بطه
اذا ع المتن تراا واايد مثلج كاانوو امتان و الحين تعالي شوفيهم شضعفهم
دخلي قوقل كتبي قبل و بعد الرجيم راح تشوفين و ما راح تصدقين كاانت برميل تمشي صاارت جسم انثوي ضعيف
دخلي عندنا قسم السمنه و النحافه فيه واايد تجمعات اختاري التجمع الي يعجبج
و سوي رجيييييم بس ماا يكوون قااسي لانه الرجيم القاسي فيه ضرر
ثااني شي ليش تقولين انا موو حلوه خلج وااثقه بنفسج اهم شي الثقه
و مثل ما قلت اول شي كثري استغفاار ع الاقل 100 مره تراا موو صعبه كلش
انا الحين صرت استغفر 500 و ان شااءالله ادووم ع 500
الحين رااح انزل لج صوووره تسهل عليج الاستغفاار كلش موو صعبه حيييل تراا حده سهله

 

[Alias]

حطي اسمج عند خطابة وانشأ الله يرزقج بولد الحلال. كل مره ولها جمالها لا تقولين عن نفسح مؤ حلوه واذا على المتن عادي اكثر الحريم متان وتزوجو عادي

 

[تهبل و تستهبل]

شووفي هذي الصووره بالايد الوحده 50 مره و اذا استغفرتي بالايدين تصيير 100 مره شفتي شلون سهله
طبعا الصوره ياايبتها من قووقل
​

 

[خلطات المذهله]

اسال الله الذي رفع السماء بغير عمد ان يرزقج الزوج الصالح باقرب وقت

 

[فطوم 84]

اقري البقره وسورة يس
واستغفري يوميا
وصلي صلاة قيام الليل يوميا

وصدقيني بتزوجين باذن واحد احد

شوفي الزواج قسمه ونصيب في بنات اعرفهم تزوجوا بالاربعين تخيلي
والله الزمن تغير

الحين الثلاثين عززز الشباب

عمرج صغير توج. باول شبابج

لاتتحبطين ولايهمونج الناس

انا محافظه علي البقره وسورة يس يوميا والله مااجذب عليج

اني من اقراهم. بعدها بفتره. يجوونا ناس.

ومانتفق. بس يجوون. تدرين الله كاتب لي يوم بتزوج فيه

وكاتب لج يوم. بيجيج هاليوم. بس الله بيسمع منج. حفظج. للقران وقرايتج له وتقربج له وتذكري دايما هالحديث للنبي عليه افضل الصلاة والسلام

قول النبي ان الله حيي كريم يستحي اذا رفع العبد له يديه ان يردهما صفر خائبين)) والله والله والله

الله مايرد عبده الفقير

بس جربي الايات والصلاة والاستغفار وردي اهني اكتبي

لنا فرحتج. بالرزق باذن الله

الله يرزقج وييسر امورج ويرزق جميع البنات اللي يبون الستر ازواج صالحين اللهم امين

 

[حدى عنيده]

الله يرزقج باللي يسعدج يارب

 

[حنان الحربيه]

اول شي ابيك تفتحين اليوتيوب على مقاطع
الدكتور احمد عماره واسمعي كل مقاطعه
وطبقي كلامه والله والله راح تتغير نظرتك للحياه 180 درجه
وانتي كيف حكمتي على نفسك انك مو حلوه
ياما شفنا موحلوات ومتزوجات
لكن المهم الاهتمام بنفسك سوي رجيم
خلطات تفائلي وراح يتغير كل شي حولك حتى شكلك
واكثري من الاستغفار وصلاه اليل
وربي بيفرجها عليك
بس لا تكتائبي ولا تشيلين هم
اكبر من طاقك
عيشي حياتك قد ماتقدرين
محد ماخذ من دنيا شي


موفقه