ابصراحة تعرضتي للضرب...

[نذرت الحب]

انا عن نفسي اي والله كفخني وكنت ابجي حيل مرات اكون الغلطانه بس ماكنت متعمده الغلط والله
وكان السبب بانه يطقني ظغط وتحريض من اهله والدليل والله اني مرات ما اسوي شي تخيلي وانا نايمه بالشتا حزت البرررررررد يجيب بطل ماي باااارد ويصبه على راسي
وروح ينام بالصاله لا وبعد سوالف اشكثر ماتنقال لو أقولها الكل بيقولي ماعندج كرامه بس خليها علا الله
ناره ولا جنة اهلي

ااخ شنو هالحركة مالت الماي البارد .... سوري يس صج نذالة
حسبي الله عليهم هالرياييل يحسبون المره ما عندها كرامة
النبي الكريم يقول في حديث "" ما اكرمهن الا كريم وما اهانهن الا لئيم""
بس اهم ياخذونها من صوبهم ان الرجال قوامون على النساء ويسووون فينا الي يبوون حتى الطق يحسبونها من القوامة...

 

[نذرت الحب]

تعرضتي للضرب<<احس بهالكلمه جني جدام اوبرا وويهي ازرق لوووووووووووول


هههههههه عاد انا امووت على هالاوبرا اظاهر متأثره فيها لاشعوريا ...

 

[فوفو22]

ارفض اسلوب الضرب من الزوج

وارفض اسلوب الاستفزاز من الزوجه

وكل زوجه تعرف طبع زوجها

اذا هو من النوع اللي ما عنده كنترول علي اعصابه

فالمطلوب منها عدم
اثارته

فوفو

 

[أبله جهراويه]

ااخ شنو هالحركة مالت الماي البارد .... سوري يس صج نذالة
حسبي الله عليهم هالرياييل يحسبون المره ما عندها كرامة
النبي الكريم يقول في حديث "" ما اكرمهن الا كريم وما اهانهن الا لئيم""
بس اهم ياخذونها من صوبهم ان الرجال قوامون على النساء ويسووون فينا الي يبوون حتى الطق يحسبونها من القوامة...

خليها علا الله بس هذي نقطه من بحر

 

[سويت فانيلا]

هذا ماسلوب والرجوله موبالطق واكيد اذا المره شريه تتحمل اللي يصير لها

 

[رتو الكيوت]

لا لو ضاربني كان شفتيني بدوانيه المطلقات ض1

كلش اتقبله الا الضرب !

فيها قباااايل

 

[_زينه_]

اعرف الادب قبل لا اشوف رقعة وجها

وبعدين منو هو عشان يمد ايده ؟؟؟

 

[وجة الشمس]

اكييييد لا
من يكون هو عشان يادبني
انا مادبه قبل لا اخذه كلامج:eh_s(15):

 

[نذرت الحب]

مشكوريين حبايبي
ان شالله دوم حياتكم الزوجية في هناء

 

[ام خلوودي حبيبي]

شوفي اول شي لاتغلطييين الريال موته اذا غلطتي عليه او قطيتي عليه حجي ماثمنينه حجي يحس بإهانه فيه ولاتراددييين ولاتصارخين بالعكس انا جربت الصوبين لم احاجيه بهدوء وبتفاهم وبذكاء وبإحترام وما اغلط او ألاسن والله يتحسف على اي كلمه قالها ويعتذر بعد واذا مديت لساني لو معاي حق تنقلب الدنيا فووووق تحت انا وبصراحه ومع الاسف زوجي مد ايده علي مره وحده بسسسسس وان شاءالله اخر مره وانا اعترف ان انا الي ضغطته لان كنت اقط عليه قطات وحذرني وااااااااااااااااايد بس كنت ما اسيطر على نفسي مع انها قطات بسيطه موجايده بس زوجي شديييد وحساس وفوق هذا انا ماسكت عنه بس كان الحل عندي غييير يمكن ما تأيدوني دقييت على اخوه العود إلي اثق فييه وأمن عليه اسراري انسان دكتور عاقل الي اكبر منه ب12سنه وقلت له وولد الحلال وقف معاي وماراضى وعصب لان عنده السالفه ماتستاهل مدة ايد وعدله وعطاه حجي وخله زوجي يتحسف حيييييييل واعتذر لان انا واااااااااااااااااايد زينه مع زوجي ومومقصره ابدا وحاطته بعيوني بإستثناء اذا عصبت اقط قطات وانحلت مشكلتي الحمدالله ولا احد درا عن شي غير اخوه ولا وصلت للأهل لان انا ادري لو موصلتها لأهلي جان وجان الله يعلم بالحال راح تكبببببر فأنا حليتها بطريقتي وطبعا انا مهددته اي مده ايد هالمره الاهل ماراح الجأ ل
اخوك والحمدالله وانا ماقمت اقط عليه ابدا كثر ما اقدر لو معاي حق احاجييه بهدوء حيل ما اقولكم اسكت عن حقي لالالالالالا آخذ حقي بس بالطريقه الي مايقدر يمسك علي ممسك لان ما اغلطططط بالعكس يحس بغلطه ..... ومن يومه ماتجرأ يمد ايده والله يثبته

 

[Q8Lady]

أنا تعرضت للتكفخ لووووووول في مرات كنت انا غلطانه و مرات لا ! في ريايل منهم زوجي فاهمين السالفه غلط ان بالطق راح اسويله اللي يبيه ولا اسكر حلجي وما اتكلم اذا شفته يغلط ! طبعا غير التحريش اللي من الناس اللي تشيش ويقولون اي طقها عشان اتأدب !!!

الله كريم شنسوي على قولة الاخت اللي قالت ( ناره ولا جنة الاهل )

مو رجوله الطق ابدا .. بس موجود و منتشر بعد ووايد حريم ينكفخون على اتفه الاسباب و متحملين مو كل وحده تقدر تروح بيت اهلها وتحصل اللي تبيه ، مو كل وحده حياتها سهالات

بس الحمدلله على كل حاااااال

 

[ملح الدنيآ.]

الريآل اذا شد معاج انتي رخي والعكس لا توصلونها حق الطق بتكرهين حياتج جذي واصلا الطق ماراح تنسينه وبتتكون نقطه سوده بحياتج

الله يخليلكم حق رياييلكم ويهديهم لكم ياآآرب .~

احم احم طمووشه ​

 

[مسك الجنه]

لاتوصلين الامور لمرحله الضرب عالطول ابتسمي بوجهه واذا تهاوش معاج خل يتكلم ويتكلم لما يخلص احقريه وانتي بينج وبين نفسج استغفري لما تنهي السالفه وبجذي ماراح تصير مشاكل بينكم الحياه يبيلها طووووووووووووووووله بال انا زوجي لما يصارخ ويتهاوش لو اهوو غلطان كل شي بحزتها اقول حاضر حاضر يابوفلان واذا صار هادي اطلع حرتي بالمناقشه طبعا لما اخليه يتأسف ​

 

[نذرت الحب]

مشكوريين يابنات على الردود وفعلا مثل ما قالت الاخت ملح الدنيا الضرب فعلا نقطة سوودة في العلاقةالزوجية...

 

[بقــآيآ جـروح]

ليش الريآآل يطق مرته يعني آهيه قآآعده وسآآكته وآهو جذي يطقهآآ
آكيد معصبين اثنينهم ويصيحون مآآيسمعون بعض فهو شنو يسوي
يقول آطقهآآ تبجي وتسكت وآنآ آرتآآح من الصيآآح والنقآآش آحسن حل
تخليه يصيح لين يطيب ثنآآه وبعدين تنآقشه بهدوء آذآآ آهيه عصبيه تطلع
من الغرفه او سيده تفكر ان الحين رآآح يطقهآآ آو تفكر آنهآآ بمكآآن عآآم
وتتصرف ع هالاسآآس ​

 

[برنسس كاتي]

طبعا لأ !!
انا ما انطقيت ببيت ابوي عشان يجي هو ويطقني !!
فيه تفاهم فيه كلام فيه اساليب للحوار
والي تنطق المفروض مااا تسكت

 

[فرولااااا]

لاااااااااااااااا بينه انه نهاااائي مممنووووع وين قاعدين اتزوج عشااااااااان انطق
طبعا اذا غلطانه يمكن وبعد طق طبيعي يعني يدزني اوك بس شي عادي

 

[فرولااااا]

بييينيييله قصدي .... أاأأب

 

[سفيره الكويت]

يجوز انه يطقج بس ضرب التنبيه على الخطأ وليس الضرب المبرح قصد الايذاء الطفل يوم يغلط فوسيله الضرب رادعه له كونه يخاف ينضرب

نفس الشي الزوجه اذا تخلت عن عقلها وهناك الكثير من النساء لا يتحاورون بالعقل لا اقصدك انتي اقصد نساء اخرين فهي سليطه اللسان

وعديمه الفائده بالمنزل فضربها للتنبيه قد يفيقها مما هي فيه

لكن يبقى الضرب اخر وسيله يجب استخدامها فالحوار هو انجح وسيله

 

[هُدوء]

انتي حآولي توخرين عن آلموآقف آللي تخليه ةة يتنرفز منج ويطقج ؟
تكلممي معآه بآاسلوب غير مبآششر مو تقطينهآ بويهه ةة ،

بآلنسبه ة لي ريلي مآعمره ة طقني وحتتى لو اهو معصب مآعمره ة مد يده علي ،
لـآني قآيلتله ة منَ الـآول ، ولو مد آيده رآح آوقفه ة عند حده !!
لــآن بيآخذهآ حلآ ، ككل شوي بيطقني ،



,