ااااااااااه يا بنات منقهرة من مرت حماي ... شورو علي شسوي ؟؟

[غروري بتواضعي]

حبيبتي بصراحه انا استانس اذا احد احتر مني لان زوجي شايلني فوق راسه فشنو تسوين لاتقوليلها خليها تموت غيره منج بس خلي زوجج يعرف وخلي علاقتج بحدود السلام وبس واذا زوجج شرالج شي لاتقوليلهم اول شي عن العين وثاني شي علشان مايقولون هاذي تحرنا

تدرين المشكلة اني ماخذ ولا اعطي وياها او مع حريم حمويني الثانيات ولا احتك فيهم يعني ماقولهم انا اشتريت وسويت وحطيت بس المصيبة ريلي اللي ذابحني وقاهرني قهر اقوله لا يعلم ولا ييب طاري لاحد بس الله يهداه دايم مبطل دريشة بيته لهم يعني يقولهم الاكو والماكو ... تخيلي مرة كنت خايفة عن الحسد والعين وكنت مشترية نفنوف حيل غالي حق العيد وكلهم قالولي جم سعره ماعلمتهم لاني اعرفهم حريم والعياذبالله عقولها ناقصة وعيونهم حارة بس ريلي راح قالهم من وراي انه بالسعر الفلاني يعني مجذبني عندهم .... ماقول غير الله يهداه بييبلي المرض مجنني ..

 

[غروري بتواضعي]

ولاتصيرين خبله وتطيحين لها الميانه بينها وبين زوجك وخليه يعاملها رسمي والتلفون الله يعافي الموبايل خلى كلامك كله فيه ترىمو بعيد تسمعلك وحاولي تلغين اللي الخط المشترك يمكن وانتي ما تدرين تطيح السماعه وتسمع سوالفك بالشقه ترى عينها على زوجك

عدل كلامج حبيبتي اهي عينها على زوجي اهي وخواتها تخيلي الريال تزوج وخذاني وللحين عندهم امل فيه والله مصيبة ... والظاهر اني اقوله يشيل التلفون المشترك ابرك واحسن من عوار الراس ... بس مرات بصراحة ودي اخليه عندي عشان اسمعلها شتقول عني ماتقول واعرف الاعيبها واكشفها ع حقيقتها يعني اوصل معاها ليمن اشوف شتبي توصله بالنهاية عشان اعرف شلون اتعامل وياها خصوصا انهاا للحين ماعرفت اني جاكتها ... والا اشرايج.؟؟؟؟

 

[الوجه السمح]

وااي احسه حيل حقوووده و قلبه اسووود بس تدري اذا اهيه جدام زوجج تسوووي روحه حبووبه لا تبين له انج زعلانه لكن اذا مرتي يمه او سمعتيه مره ثانيه قولي له انا شنو سوويت لج عشان تحقدين على و تكرهيني وما تتمنين الخير حقي وفاتحيه بلمووضوع اذا تكلمت

 

[غروري بتواضعي]

لله در الحسد ماأعدله أول مابدأ بصاحبه فقتله

ترى حسدها بيقتلها أهى فخليها بغيضها

وأنتى ليش محتره ؟ بالعكس معناته أنج مهمه ولافته أنظارهم وميتين منج

أحلى طاف حبيبتى وتأكدى الحاسد والله مايتهنى حتى فى نومته

الله يهديها ويشفيها من مرض الحسد

كلامج عدل ... ثاااااااااااانكس يا قلبي تسلمين :tek:

 

[غروري بتواضعي]

وانتي شلي مزعلج اهيا الي محتلاه منج مو انتي
ومو قاعده تسببلج مشكال بس تغار منج وتحش فيج

وانتي بروحج قلتيها قاعده تاخذ ذنوبي خليها

عدل كلامج حبيبتي بس الحين الحية الذيبة تسوي خطط وبلاوي من وراي وتطلع سمها علي يعني بالعربي رريحتها فاحت ... يعني تحش عند اهلها خل تولي قلعتها مالي شغل فيها بستين داهية انشالله تاخذ ذنوبي كلها بس انها تتمادى وتحش وتذم فيني عند خالتي ام ريلي وتكوكها علي هني لااااااااا والف لااااااا ... يعني شنطر بعد ليما يصير العن من جذي ... خصوصا ان ام ريلي تاخذ برايها وحجيها حيل يعني تصدقها وهذا الحجي مو من عندي يعني انا سامعتها بالتلفون وجاكتها بنفسي .. وخالتي متغيرة علي حيل الايام هذي احس انها اهي اللي مغيرتها علي خصوصا انها ذيبة ومجاملجية وكلكجية وراعية اسلوب مو مثلي ياخلف الله علي ... ماقول غير حسبي الله ونعم الوكيل على كل انسانة شيطانها قوي :0bee2e8d89:

 

[غروري بتواضعي]

انا معاها

شنو عانس ما عانس وجياكر ..!

يمكن هالعوانس احسن عند الله منج حبيبتي مو شرط الوحده متزوجه عشان ادش الجنه ولا المتزوجه يعني خلاص اسكت

والله يعينج ...حقريها هذي يبيلها اسلوب طنش تعش تنتعش

انا ما عندي الا وحده واتينن الله يتمم علينا بس لو كانت نسره اسوي روحي مو مهتمه الزم ما علي خالتي وريلي واهيه ام الطااااف ولا راح اتعب لييش اتعب نفسيتي واهيه مستانسه ..! لما تشوفج مطنشه قلبها بيحترق فـ طنشي طنشي طنشي

وحطي في بالج ان الله يمهل ولا يهمل يعني اذا ضرتج بشي ولا تكلمت عنج لا تنسين ان ربج فوقها وراح يصيرلها موقف وبتتحسف على اي شي سوته معاج

يؤيؤيؤيؤيؤ :eh_s(11): شفيج حبيبتي كليتيني بقشوري الله يهداج انا مايبت شي من عندي هذا الصج ...وهذا السبب اللي اهم غايرين مني عشانه انهم بنات الحلال زيرو جمال .... عالعموم ثاااااااانكس

 

[غروري بتواضعي]

حبوبه طاف كلنا لنا مواقف مع مرت الحمى بس اذا رديتي عليها انتي بتطلعين بالشينه والعوبه ... ولا تطنزين على خواتها ان لقيتي عيب في مسلم استري عليه .

واللي يحش فيج ومو مخليج بحالج ابد وحاسدج ع شي مو اهو اختاره ويبي يلقفه منج ومو قادر ؟؟؟ ساعتها شبتسوين ؟؟؟

انا يا حبيباتي ماطرحت الموضوع الا من زود حرة قلبي والظلم اللي شايفته وربي اني مقهورة ومنكوية بنار ... يعني انسانة انا زينة وياها وماشافت مني مضرة لا اهي ولا خواتها فوق هذا تحش فيج وتشوفين منها بلاوي غير الحش يعني علوم وسوالف بالخش والدس واهي وخواتها راعيات قيل وقال وحجي ونميمة ... ماني قايلة غير الله يهديهم انشالله ...

 

[بنت الانصاري 77]

بصراحه المفروض تعطينها طاف ما لج شغل فيها الحقران يقطع المصران
الحمد لله انا عندي خاله و حموات و جناين اغلى عندي من الهوا الطاير الله لا يحرمني منهم ولا من ريلي انا عندهم يا دهينه لا تنكتين
الله يحفظنا من عيون الحساد
اللهم امييييييييين

 

[قمرهم-كلهم]

عطيها طاف وعيشي حياتج لزوجج واعيالج

 

[غروري بتواضعي]

والله مثل ما قالو الخوات طاف وكثرت هالسوالف تعبك نفسيا حتى مالك خلق لزوجك بس تفكرين فيها وتدخلك بمشاكل مع زوجك

اي والله صاجة ماتلامين ... انا معطيتها طاف من امه بس مبين الانسان اللي حاسدج وحاقد عليج يعني مبين من عيونه وحركاته .. تخيلي مرة جدامي تتحسر من ردينا السوق انا وريلي وشافت الاغراض بيد ريلي يوصلها لباب الشقة وهني ويهها يعطي اشكال والوان وتأفف ووتتحسر جنه ميت لها احد .. ع فكرة حريم حمويني الثانيين غير عنها احس اطيب واحسن منها بس هذي شرية وشايفة روحها مادري ع شنو ودايم تقطها بالويه تقول انها مالها حظ خخخخخخخخخخخ بالله هذي مو مريضة نفسيا ؟؟

 

[روعه الأحساس]

عندي وعندك خير شرايك عاد أنا حمواتي 5 وأنا أصغر وحده فيهم والحمدلله أنا وظيفتي حيل كبيره وتخيلي أقسم بالله مومدحه بنفسي أدري بتقولين رحم الله إمرء عرف قدر نفسه بس والله ولله الحمد حلوه وصغيره ودلوعه وأنا الوحيده ساكنه بره عن بيت حمولتي وكلهم الله يكفيني شرهم غيورات وأخر مره دخلت عليهم بمناسه العيد خالتي انبهرت من شكلي قصيت شعري قصه جديده ولبست بدله روعه المهم يوم شافوني كلهم كل وحده تصد عني والله وبالله وحده من القهر كفخت عيالها أزعجوها والثانيه طلعت وماتغدت راحت بيت أهلها للعلم هي ناويه تتغدى وتقعد وثنتين يطالعون بعض ويبتسمون من الغيره إلي قطعت قلوبهم والأخيره بنهايه الغدا تمد بوزها يمين ويسار وتقولي حلوه بدلتك من وين شاريتها عبالها بقولها مسكينه المهم نصيحه اكشخي وتدلعي ودلعي خالتك أشتريلها مره عطر مره شنطه تستاهل هي إلي مربيه الغالي وموفقه حبوبه وبقولك من تابع الناس مات هماً

 

[سنعه بس مظلومه]

واللي يحش فيج ومو مخليج بحالج ابد وحاسدج ع شي مو اهو اختاره ويبي يلقفه منج ومو قادر ؟؟؟ ساعتها شبتسوين ؟؟؟

انا يا حبيباتي ماطرحت الموضوع الا من زود حرة قلبي والظلم اللي شايفته وربي اني مقهورة ومنكوية بنار ... يعني انسانة انا زينة وياها وماشافت مني مضرة لا اهي ولا خواتها فوق هذا تحش فيج وتشوفين منها بلاوي غير الحش يعني علوم وسوالف بالخش والدس واهي وخواتها راعيات قيل وقال وحجي ونميمة ... ماني قايلة غير الله يهديهم انشالله ...

شوفي حبوبه اذا هي مريضه نفسيا اصير نفسها؟ طبعا لا اترفع عن مستواها .. والله يخليج الحين منو مايحش وربي احسن الناس واكثرها دين تحش ..انا خالتي حافظه القرآءن ومصليه وصآيمه . اذا جيت عندها حشت بحريم حمواني واتوقع اذا رحت حشت فيني .. شسوي؟ امسكها واقولها انتي قلتي عني جديه؟ بتكبر المشكله وممكن توصل للقطاعه .. احسن شئ اسكر الجآم واصير زينه مع النآس وزوجي اوصيه خصوصيتي ماتطلع برى .. واتوكل على الله

 

[سنعه بس مظلومه]

جديه= جذيه<<< مصريه متزوجه كويتي :krkrkr:

 

[غروري بتواضعي]

وااي احسه حيل حقوووده و قلبه اسووود بس تدري اذا اهيه جدام زوجج تسوووي روحه حبووبه لا تبين له انج زعلانه لكن اذا مرتي يمه او سمعتيه مره ثانيه قولي له انا شنو سوويت لج عشان تحقدين على و تكرهيني وما تتمنين الخير حقي وفاتحيه بلمووضوع اذا تكلمت

اي الظاهر جذي اني بفاتحها بالموضوع مرة ثانية ان تطورت ماراح اسكتلها ابدااااااااا ..المشكلة انها تلعب ع الحبلين تسوي روحها جدام اهل ريلي زينة ومسكينة وحبوبة واهي بالحقيقة ذيبة وحية كل يوم لها لون وشكل ... عالعموم ثانكس يا قلبي

 

[غروري بتواضعي]

بصراحه المفروض تعطينها طاف ما لج شغل فيها الحقران يقطع المصران
الحمد لله انا عندي خاله و حموات و جناين اغلى عندي من الهوا الطاير الله لا يحرمني منهم ولا من ريلي انا عندهم يا دهينه لا تنكتين
الله يحفظنا من عيون الحساد
اللهم امييييييييين

عدل كلامج قلبي .... الله يخليهم لج يا ربي ويخليلج ريلج بعد :eh_s(6):

 

[غروري بتواضعي]

عطيها طاف وعيشي حياتج لزوجج واعيالج

انا للحين الله مارزقني بيهال ادعيلي يرزقني بالذرية الصالحة ... وتسلمين يا قلبي :tek:

 

[غروري بتواضعي]

عندي وعندك خير شرايك عاد أنا حمواتي 5 وأنا أصغر وحده فيهم والحمدلله أنا وظيفتي حيل كبيره وتخيلي أقسم بالله مومدحه بنفسي أدري بتقولين رحم الله إمرء عرف قدر نفسه بس والله ولله الحمد حلوه وصغيره ودلوعه وأنا الوحيده ساكنه بره عن بيت حمولتي وكلهم الله يكفيني شرهم غيورات وأخر مره دخلت عليهم بمناسه العيد خالتي انبهرت من شكلي قصيت شعري قصه جديده ولبست بدله روعه المهم يوم شافوني كلهم كل وحده تصد عني والله وبالله وحده من القهر كفخت عيالها أزعجوها والثانيه طلعت وماتغدت راحت بيت أهلها للعلم هي ناويه تتغدى وتقعد وثنتين يطالعون بعض ويبتسمون من الغيره إلي قطعت قلوبهم والأخيره بنهايه الغدا تمد بوزها يمين ويسار وتقولي حلوه بدلتك من وين شاريتها عبالها بقولها مسكينه المهم نصيحه اكشخي وتدلعي ودلعي خالتك أشتريلها مره عطر مره شنطه تستاهل هي إلي مربيه الغالي وموفقه حبوبه وبقولك من تابع الناس مات هماً

يؤيؤيؤ وااقطيعة الله يعينج حبيبتي انتي سيم سيم انا :dddds: ماعليج ولا يهمج اصلا انتي دوري اللي يغثهم وين وسويه خخخخخ هذيل النوعية ماينفع معاهم الا جذي والا الطيب بهالزمن هذا ياكلونه اذا ما كلاهم :eh_s(6):

 

[لوازم العائلة]

لله در الحسد ماأعدله أول مابدأ بصاحبه فقتله

ترى حسدها بيقتلها أهى فخليها بغيضها

وأنتى ليش محتره ؟ بالعكس معناته أنج مهمه ولافته أنظارهم وميتين منج

أحلى طاف حبيبتى وتأكدى الحاسد والله مايتهنى حتى فى نومته

الله يهديها ويشفيها من مرض الحسد

معاها وزياده عليها(اصبر على كيد الحسود فان صبرك قاتله النار تاكل في نفسها ان لم تجد ماتاكله)

 

[غروري بتواضعي]

شوفي حبوبه اذا هي مريضه نفسيا اصير نفسها؟ طبعا لا اترفع عن مستواها .. والله يخليج الحين منو مايحش وربي احسن الناس واكثرها دين تحش ..انا خالتي حافظه القرآءن ومصليه وصآيمه . اذا جيت عندها حشت بحريم حمواني واتوقع اذا رحت حشت فيني .. شسوي؟ امسكها واقولها انتي قلتي عني جديه؟ بتكبر المشكله وممكن توصل للقطاعه .. احسن شئ اسكر الجآم واصير زينه مع النآس وزوجي اوصيه خصوصيتي ماتطلع برى .. واتوكل على الله

صااااااااااااااااجة يا قلبي :ggdw::ggdw: وربي اني مامدحلج روحي بس احسن منها واتغاضى عنها ومعطيتها طاف ... وريلي الله يهديه عيزت وانا اقوله لا تقول لاحد عن اللي بيني وبينك ولا تطلع اسرارنا برا بس عمك اصمخ :0bee2e8d89:

 

[غروري بتواضعي]

معاها وزياده عليها(اصبر على كيد الحسود فان صبرك قاتله النار تاكل في نفسها ان لم تجد ماتاكله)

درر ... ثااااااااااااانكس يا عسل :tek: