إنتشار الحجاب اليهودي

[حلوى عمانيه]

عاد شكله مو حلو


بنات ابي اصدمكم عدل ذاك اليوم بالافنيوز والله العظيم لفيت عليها وعيوني طايره زين ماحصلت لي طقه وحده لابسه ملفع ولابسه تنوره قصيره من جدام ولها ذيل والمشكله القصر واصل نص الساق ولابسه كعب طووووووووووويل والساق نصه طالع يمه شكلها لوعه

يعني معقوله لدرجه هذه مافي ذوق ولا ذرابه ..ما عندها احد ينصحها يقولها شكلج غلط

 

[حلوى عمانيه]

للجميع :eh_s(17):

 

[BaiTotia]

حلوى عمانية

ترا أول صورة حطيتها سوو مثلها وأكو بترتر بعد يرهش من بعيد ومشجر الحمد لله والشكر

أما ثاني صورة من عندي بس لا تستبعدينها عادي عندهم

 

[بنوته ذربه]

الله يهديهم
والحمد لله اللي عافانا

 

[منوووووله]

بعلق بالصور

 

[Dr.Nouf]

يفشل

 

[bnt_mafia]

الي تقول يا تتحجبون عدل ولا عقوا الحجاب.
اقول لها خلي لج عقل .. الحين يعني تبينها تخربها عالاخر
وقاحه ..وخاصتا لما تيجي وحده م تعرف طريق للحجاب وقاعده تنصح ..
عاد شّي ابرك من لا شّئ .. وانتوا مثل الي يقولون يلي تسكر خربها عالاخر ولا تصلي .. حلوه هذي.
وسالفه ألحجاب والي تلبس تحته بنطلون .. الحمدلله والشكر حجبت راسها وقسمت سيقانها. لا وبعد الملابس الوان وشكال وصبغ اظافر وكسسوارات
حشا. وين رايحه
يعني اللبس الشرعي يكون بس فالتحجب وأباقي ماله دور في اثاره الفتن والشهوه

مكياج والحاله لله
مشكله وألله ويقولون احنا مسلمين .. (لا وبعد خليجين )
هالكلام اوجهه للكل مب بس للبنات الي عندكم .. لكل بنات. المسلمين

في اسلوب أرقى من جذي في الرد عيب هالكلام والحمدالله كلنا نعرف ربنا ودينا الاسلامي
استغفر الله اللهم لا تبلانا

 

[أإلع ـشق دلع ـهـأإ]

سكتي بسسس

حيييل محتر قلبي عليهم والله يعورون قلبي حييييل

المشكله يشوفون شكلهم حلو واحنا الكشخه والذرابه !!

اقسم بالله شكلها مو حلو ولا تغري

يعني الحين اهي متحجبه ولابسه لقنز ضيج وقميص صغييييير حييييل فخوذها وساقها كله مرسوم رسم والقميييص ضيج صدرها مبين عدل

ولابسه الملفع القطن وزانطه نفسها حييييييل

بالله هذا حجاااب ؟؟؟

الاجانب بيشوفون بيقولون هذا حجابكم اللي تتكلمون عنه ؟؟

حرااااام والله حرااام الحجاب للستر يستر مفاتن البتن ربي مايبي شي فينا يبين

عبايه ونقاااب ومو اي عبايه بعد عباية راااس

العبايه استر لج ووالله

وترى ورب الكعبه حتى الشباب يتطنزون ع لبسكم والله والله

حتى اذكر بنت كتبت موضوع بحياة الزوجيه تقول انه زوجها يتطنز ع لبسها وقالت انا لبسي نفس البنات وقالت زوجي قال حجابج جنه حجاب سيلانيه تقول يتطنز ع حجابي واهي تلبس ملفع قطن وتقول طنز علي

فيابنات ديروا بالكم لا تقولون احنا شكلنا حلو ويغري اتقوا الله والله اراح احد يفيدج

والله يسسستر علينا وعليكم

 

[Patcholli]

اختي ظبيه بو طبي انا اللي قلت الوحده ياتلبس حجاب اسلامي شرعي صحيح او لاتهين الحجاب بالفتنه والبهرجه والبدع الدخيله والتشويه للحجاب الاسلامي اللي شرعه رب العالمين
بس شنو قصدج يعني خلي عنج عقل ؟؟
ليش شايفتني حاطه مصاصه بحلجي ولا سفيهه عشان تقولين خلي عندج عقل ؟؟
لا والله انا مصره على راي وهالاشكال مانبيها عندنا اما حجاب شرعي محترم و غيره لا مانبي اهانه ولا نبي هتك لسنة الله ونبيه الله فرض الحجاب للستر مو للفتنه ولفت الانظار
لما رب العالمين يامرنا بشي ماقدر اجامل واقول لا ميخالف شي يغطي على شي يعني حتى ابسط شي واهو الحجاب المحترم الساتر مو قادرين البعض يلتزمون فيه ؟؟ هذا امر رب العالمين مو امري انا عشان تقولين خلي عندج عقل
عندي عقل الحمدلله وما ارضى البدع وقلة الحيا اللي قاعدين نشوفها من بعض اللي يسمون روحهم محجبات واهما اشباه مفاصيخ هذا تشويه للحجاب وتشويه لامر رب العالمين وفرضه وتشويه لاسم الحجاب جدام الناس سواء المسلمين او غير المسلمين الحين حجة اغلب البنات السفور شنو ؟؟ ان حجاب هالوقت مايستر شي وتعالي شوفي لبس فلانه وعلانه محجبات بس بالاسم ؟
لا حبايبي هالحجاب مانبيه ومحنا مجبورين نتقبله ونقول شي احسن من شي ^_^
اتوقع لو رسول الله عليه الصلاة والسلام موجود ويشوف هالنماين اللي حاطتلي صحن طائر على راسها واللي مطلعه رقبتها وتراجيها وتقول هذا حجاب بيقول : : " صنفان من أهل النار لم أرهما بعد : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات على رؤوسهن كأسنمة البخت المائلة ، لا يدخلن الجنة ولا يجد ريحها ، وإن ريحها ليوجد من مسيرة كذا وكذا " رواه أحمد ومسلم في الصحيح .

وبالمقابل تعالو نشوف البعض لو مديرها او مسؤلها بالدوام يطلب منها طلب تستذبح عشان تحصل على بونس وترقيه او عشان لا تحصل زفه و عقوبه بس لما اني حق شرع رب العالمين نتهاون ونقول شي احسن من شي ؟ عجبي والله لهالمنطق ..
اللي عندها اعتراض على شرع الله لاتتهمني بقلة العقل خل تحتفظ برايها لنفسها لاني مستحيل اجامل بالحلال والحرام والشرع ^_^

 

[Patcholli]

اختي العشق دلعها والله توني راده من الجمعيه وشفت بنات الله لا يوريج الصماخ حدث ولا حرج كلكم شايفينه وعارفينه
بس اللي صدمني لابسه قميص قصير حييييييييييييييييييييييييييييييل والسكيني حيل ضيج كل تضاريسها مرسومه رسم رسم بالله ليش الحجاب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذا مو تشويه وقلة احترام واهانه للحجاب اللي على راسها ؟؟؟؟؟؟؟؟؟؟؟؟
حسبي الله ونعم الوكيل

 

[AL*DANA]

هذا ما يعتبر حجاب سكارف الله يهديهم
واللي اعرفه ان الخدم اهم اللي يلبسونه عند الطباخ علشان شعرهم ما يطيح فيه ههههه ​

انا معاكم ان الحجاب ستر بس مو شرط بالعبايه يعني لبس مايفضح معالم الجسم وما يلفت النظر ويكون ساتر انا متحجبه وما البس عبايه مو معنا ان اخلاقي مو زينه بالعكس الحمد الله في ناس يلبسون عبايه بس ما عندهم اخلاق كلش
وهم في بنات مو متحجبين بس ملابسهم زينه ومحترمييين واخلاق ​

ويابنات حبايبي انا اشوف بعد بنات يلبسون عبي وزين وواسع ونقاب والعين ملياااااااااان مكياج ويلفت النظر هم هذي مشكله ​

وغيره مرة شفت وحده لابسه عبايه مخصره تخصر والكعب الي صوته يبط الاذون والكبه اللي تقعد قبيله فيها الله يهديها والمشكله العوده اهيا ان ريلها وراها ولا شكثر ريايل يرقمونها وريلها معاها
و المعروف ان العبايه للستر بس قامو يشوهونها لاحول ولا قوه الا بالله ​

وهم بنت لابسه لبس فاااااضح حده حجاب شفاف و بلوزه لي الخصر و لقنز طويل هذي ام الصدمه ​

الله يهدي الجميع ان شاء الله ويستر علينا ​

^^
^^
^^
وجهة نظر ​

 

[كويتية بروما]

الشرهه مو على اللي لبس هالحجاب
الشرهه على اخوها وابوها وخالها وعمها الديوث اللي خلاها تطلع بهشكل وما ردها ولفها كف وقالها استري نفسج
وع امها اللي قاط البيت ع الخدم ولاهيه بحفلاتها واستقبالاتها وبوي فرند مالها وما ربتها
نلوم منو ولا منو
الله استر عورتنا وامن روعاتنا

رساله للبنت الكاسيه العاريه
انتي لما تترصصين وتطلعين ويشوفج وافد زبال ولا خمام ولا عامل نظافه حلاله مو عنده
يشتهيج ويخيل عليج ولما ينام يحتلم فيج
اشلون ترضين اللي يسوى واللي مايسوى يتمتع فيج
اقول طيح الله حظج اكثر ومالت عليج

 

[ŁäĎỷ Piŋk]

يعطيج الف عافيه

 

[بحرانيـه]

من وانا بالقماط اسمع الحجاب اليهودي صراحة احنا نعرف شلون الحجاب اليهودي ووايد تسوون نوع من هالماضيع الي جد تكررت

 

[لذه السكر]

الموضوع استفزني خصوصا اني افكر فيه من فتره

خلال زيارتي لمدينة مانشستر البريطانية واللي فيها عدد كبير من اليهود لاحظت لبس الحريم
من الجده الى الطفله الصغيره ام الاشهر ولا وحده لابسه بنطرووون ولاااا وحده

اللون السائد بلبسهم الاسود قلييل شفت لابسين الوان ..ولا وجود اصلا للاوان الفاقعه يعني حته اللي تلبس ملون كحلي زيتي ابيض ..
+ الهيلاهوب الاسود مع ان كان صيييف وحر بس الكل لابس

تدرون هذيل منو اللي بالصوة ؟؟؟؟؟



















حريم يهووووووووووووووود واترك لكم التعليق

المصادر :

Ultra-Orthodox Rabbis Put Out Fatwa Against Jewish Burka-Wearing Women

Mostly Kosher: More on the "Jewish Burqa"
/

 

[كويتية بروما]

من وانا بالقماط اسمع الحجاب اليهودي صراحة احنا نعرف شلون الحجاب اليهودي ووايد تسوون نوع من هالماضيع الي جد تكررت

حياتي الموضوع تمت اثارته لان هالحجاب مال اليهود صار موووووضه دارجه عند بناتنا بالكويت
والموضوع مو مكرر الموضوع ظاهره جديده طلعت بالمجتمع الكويتي
ومن حقنا نناقش شي مو عاجبنا ودخيل ع دينا ومجتمعنا
وحياج الله

 

[ريماR]

...............................

 

[Tom ♥ Jerry]

,


هههههه انا اتييلي الظحكه اذا شفت بنت تلبسه !
يعني فوق مآ آنه حرآم و مآ يغطي الرقبه
مو حلوو و شكله حيل حيل يظحك /:
مآدري وش يحسون فية الي يلبسونة
آعرف وحده تلبسه الصراحه يظحك وآيد .. و يفشل


آلله يهديهم و يعرفون الموضه من الخبال !

 

[*مطبخ الذواقة*]

للاسف بعض البنات اللي يهيدهم داسو بعفة الحجاب وخلوه رمز للفتنه ولفت الانتظار ..!!
عيل ليش الحجاب ؟؟ الحجاب من اسمه واضح انه يحجب مفاتن المراه وزينتها عن الانظار وانه يكون ستر وغطاء لها عن غير المحارم
بس بهالوقت قاعدين نشوف الهوايل صار الحجاب يلفت النظر اكثر من الملابس بعد ..!!
يعني انتهك غرض الحجاب ومع عدم احترامه من البعض للاسف
الرقبه طالعه والبف 3 طوابق والليقنز اللي مفصل الريل من الفخذ لي الساق حتى الركبه منحوته بالتفصيل .. وهذا نشوفه بكل مكان للاسف ..
اللي ماتعرف معني الحجاب ولا سبب لبسه ولا تدري ليش اهي حاطته على راسها لها حلين اما تتركه وتقعد سفور او انها عالاقل تحترم رب العالمين اللي شرع هالحجاب بحشمته و ستره ..
هاذي معصيه كبيره .. رب العالمين شرع الحجاب للستر وبعض البنات يعاندون ويخالفون ويسوونه رمز للفتنه والزينه وجذب الانظار
الله يستر باجر لا يسوونلنا اثواب صلاة سواريه ولا ماركه ..
يا الله رحمتك وسترك وهدايتك لامة حبيبك عليه الصلاة والسلام

تسلم يمناج فعلا قلتي كل اللي بقووووووووله وازود



اما البفه هذي انتهت موضتها مادري ليش البعض مجلب فيها تقول تبي تبين طويله !!!!


​

 

[* ليــــدي *]

آمس في البيرق شفت ثنتين لابسين جذي وحاطين تراجي
شكلهم غلط ويضحك جنهم فلاحات
العقل نعمه