إلي سكنوا مع حمولتهم وياهم الإستقلال والفرج علموني اشسويتوا!

[الشوارفسكيه]

عفيه بنات ابي تجارب وصراعات بعدها فرج من رب السماوات !!!؟

 

[om.fhody]

امبيييييييييييييييييييييييييه تحسسيني انج بتهاجرين ولا بتقطينها بالشارع

ياربي هذا حقج وبعدين يعني اهيا ماطلعت من بيت حموله وسكنت بروحها!!

طلعوا وكل يوم تعالوا سيروا شفيها واخذوا شقه جريبه يمهم
ومشاءالله 6 اعيال لو كل يوم اي واحد خلص الاسبوع ومن غير ماتحس بشي

واذا كلش كلش قفلت قوليله نبني شقه كامله عندهم مثلا

 

[الشوارفسكيه]

رد: رد : إلي سكنوا مع حمولتهم وياهم الإستقلال والفرج علموني اشسويتوا!

الله يسمع منج واطلع باقرب وقت ممكن يارب :$

اهله مافيهم عيب حشى ولا بيني وبينهم شي

بس انا ابي استقل

حبيبتي فيييييييهم ولا مااااافيهم عيب

عاوزين نخرج ! عاوزين نخرج ! عاوزين نخرج !

هههه ترا واللهمن كثر المشاكل احب اضحك ردت فعلي ضحك وخبال مو حزن
قولوا ما شاء الله لوووول

 

[الشوارفسكيه]

امبيييييييييييييييييييييييييه تحسسيني انج بتهاجرين ولا بتقطينها بالشارع

ياربي هذا حقج وبعدين يعني اهيا ماطلعت من بيت حموله وسكنت بروحها!!

طلعوا وكل يوم تعالوا سيروا شفيها واخذوا شقه جريبه يمهم
ومشاءالله 6 اعيال لو كل يوم اي واحد خلص الاسبوع ومن غير ماتحس بشي

واذا كلش كلش قفلت قوليله نبني شقه كامله عندهم مثلا

لاااا الله يخليج ما انقرص من اذوني مره ثانيه لو يبنولي جنه فوق بيتهم ما أسكن عندهم خليني بعيده عنهم بس ابي اقولج موقف واحد خالتي فيها حب تملك لعيالها فظييييع ما اتحب احد يمسهم بشعره ظالمين ولا مظلومين دايما اهما الصح مايهمها اذا سبوني ولا غلطوا علي اتصدقين تضحك !! مره ريلي تغشمر قال خنطلع ابشقه انا ومرتي
مع ان على غشمره جان تبجي و اتقوم من السفره وقالت له شي عور قلبي حييييل اتقوله اشوووف منو ابيهتم فيك ! شوفي انا هالصيف خاربه خاربه راح اطلع على قص رقبتي وقولوا الشوارفسكيه ما قالت

 

[om.fhody]

كل شي بأول يعور بس مع الايام يهدا

الله يعينج بس حاولي ماتخسرين ريلج حبيبتي

 

[فديت اللي احبهم]

رد : إلي سكنوا مع حمولتهم وياهم الإستقلال والفرج علموني اشسويتوا!

وااااي فديتك وفديت مواضيع هالمنتدى فعلا هالموضوع جاء على الجرح....... اخ بس اخ وش اقول وش اخلي.....سالفتي قمة القهر ...انا ساكنة في دور طيب وهو في عمارة يعني فيها ثلاث ادوار وانا الدور الثالث واخوة الدورين اللي تحت لانة متزوج ثنتين الاخ طيب...وام زوجي ساكنة معي تقربلي اصير بنت ولد اخوها ...المهم ابوة ميت وعندة ماشاء اللة 7 اخوان غيرة وهوة اصغرهم .....لين اللحين ماجتكم السااالفة _03ba:هههه اللحين يابنات لي دور لحالي بس واللة ليت مالي الا غرفة وحمام تكرمون ومطبخ اة واة بس مالي بيت واللة العظيم اللحين امة مسوية فيهااا من جد انها فاهمة وكذا مرررة بزياااادة تتلقف في كل شيء ومستحيل احط شيء فالبيت فالمطبخ واجي وهو مكااانة مستحيل هذي غير الحوسة اللي تسويها فالمطبخ ولا تتحكم تبغى نومتي وقومتي على كيفها ولبسي وكل شيء بس ترى انا صغيرة تزوجت وانا نهاية 17 واللحين 20 بس بسم اللة شخصيتي قوية ههههه كنت اسكت واسكت والا تمااادت تخيلوا حتى زوجي يوم يقوم الصبح بيروح الدوام واللة تجي تقعد جنبي عالسرير وعاد احاينا يعصب يبغة يلبس وكذا .....يعني تسوي حركااات ....المهم نفذ صبري واللة صرت ماسكت لها وحاقرتها مررة وتعاند يابنات واللة يعني كانها طبينتي .....وترمي كلام واحيانا تتشكى كذب عند زوجية وعاد كان طوالي هوااش علي ليل نهااار واللة اول سنة كرهتها ماكني عروس ليل نهار بكى وبعد سنة حاولت اكلمة افهمة مرة ورى مرة ويعني صار اهون من اول بس مو مرررة وصبري شسوي يعني والسنة الثالثة بعد كنت اناقشة واللة يابنات من القهر ابكي وانا اناقشة ودوب حس فيني وتغير واللحين هذي السنة الرابعة لي تغير الحمد للة بس مو زي ماابغى اةةةة بس يابنااات حتى الطلعة لا ممنوع ياامة ياااخوة واعيالة مايصير نطلع وهم لا طب انا وش دخلني هم مايبغون ليش انحرم عشاانهم ليش وش ذنبي ...لا وازيدكم يوم يجون عيالها الساااادة يانعني بنزورها تخيلوا يابناااات خمس وست عوااايل عندي فالبيت وتعالي شوفي الحوسة والحالة ليش طيب وفية دورين غيري ليش مايتقسمووون فالبداية كنت اسكت واشتغل بس بعدين طفشت وبعدين عوايلهم كبيرة كل عايلة من 5 و6 اقل شيء واللة قهر كني شغالهم لهم وصرت اطنش واللة ماعمري اشتغلت اذا جوا مالي فيهم كل وحدة تنظف ورى عيالها واللي زوجها صاحي تسوي له فطور المطبخ قدامها ماني مكلفة بهم ولا على طول السنة يجونن والا ياخذن اجازات تخيلوا بالشهر ويقضونها عندنا واللة زهقت ليش طيب انا ماابغى اطلع وزوجي صار يراعي هالنقطة بس بعد ايش....بعد ماذقت المر .....ومايكلمني بس امة تعالوا شوفوا ...قلت بكيفك عيالك بيزورونك ماني مكلفة كل اسبوعين وثلاث يتجمعون وانا اكرف ليل نهار مالي شغل لا والقهر حماتي اللي تحت خواتها ماخذين حمواني عرفتوا طب ليش ماينزلون عند اختهم خير والا انا فندق واللة قهر وتعالوا شوفوا حركات الحمواات والتخريب والا وحدة تكلم عيالها يخربون زي مايبغووون وعااادي قهر .....والصيفية اللي فاتت خلاص انفجرت ونقلت غرفت نومي في نفس البيت...يتبع

 

[حلاوتي حلوه]

رد : إلي سكنوا مع حمولتهم وياهم الإستقلال والفرج علموني اشسويتوا!

بالعكس بيت ريلج وناسه على الاقل معاج ناس لي طلع زوجج تقعدين معاهم لي موضعي يطبخون غداج بس اللي ماضايقين بيت اهل زوجي مرت اخو أهيا معانا بنفس البيت وصارت هوشه بيني و بينها و زوجي زعل و طلع والله بتزهقين برا بروحج انا كل يوم أتحسف أني تهاوش ضيقت خلق و زوجي راعي دواوين وانا بروحي اووووووف

 

[حلاوتي حلوه]

رد : إلي سكنوا مع حمولتهم وياهم الإستقلال والفرج علموني اشسويتوا!

حجي كلا بدايات لووووول


لأني شابكه من الايفون مو من لأب لوووووول

 

[فديت اللي احبهم]

رد : إلي سكنوا مع حمولتهم وياهم الإستقلال والفرج علموني اشسويتوا!

صارت غرفتين جنب بعض وحمام كرمتوا وسويت باب عليهم بس تعللت ابي الغرفة الثاني لبنتي والعااابها اصلا هي بقي صغيرة سنتين ههه ومن شافتت البااابتعالوا شوفوا قلبتها سالفة ليش انة سمع كلامي وزوجي ماتلكلم لانة اخير ا فهم ان هذا ابسط حقوقي ومارد عليها والصراااحة ليتني سويت كذا من اول ارتحت فررررق لانها على جنب مو وسط البيت فهمتوا وصرااحة اعتبر نفسي مالي بيت بس هالغرفتين وبسسس.عاد الاستقلالية مستحيل الاقيها حتى لو زوجي بيطلع من البيت مو الحين بعد اربع خمس سنوات على الظروف عادي مافرقت كذا والا كذا ماراح ارتاح لا من امة ولا من اخواانة اخخخ بس واللة انا حامل اللحين والنفسية زفت بس غصبن عني وزوجي معد اكلمة خلاااص طفشت حاولت فية ننقل مو راااضي ....سامحوني يابناات ماصدقت الاقي حد افضف لة واللة

 

[الشوارفسكيه]

رد: رد : إلي سكنوا مع حمولتهم وياهم الإستقلال والفرج علموني اشسويتوا!

صارت غرفتين جنب بعض وحمام كرمتوا وسويت باب عليهم بس تعللت ابي الغرفة الثاني لبنتي والعااابها اصلا هي بقي صغيرة سنتين ههه ومن شافتت البااابتعالوا شوفوا قلبتها سالفة ليش انة سمع كلامي وزوجي ماتلكلم لانة اخير ا فهم ان هذا ابسط حقوقي ومارد عليها والصراااحة ليتني سويت كذا من اول ارتحت فررررق لانها على جنب مو وسط البيت فهمتوا وصرااحة اعتبر نفسي مالي بيت بس هالغرفتين وبسسس.عاد الاستقلالية مستحيل الاقيها حتى لو زوجي بيطلع من البيت مو الحين بعد اربع خمس سنوات على الظروف عادي مافرقت كذا والا كذا ماراح ارتاح لا من امة ولا من اخواانة اخخخ بس واللة انا حامل اللحين والنفسية زفت بس غصبن عني وزوجي معد اكلمة خلاااص طفشت حاولت فية ننقل مو راااضي ....سامحوني يابناات ماصدقت الاقي حد افضف لة واللة

وااي حبيبتي الله يعينج وضعج صعب اليت ازواجنا يحسون ويراعونا

 

[سيدة الذوق]

رد : إلي سكنوا مع حمولتهم وياهم الإستقلال والفرج علموني اشسويتوا!

في حل ان تكبرين سالفه
قليل اللي يسمعون الكلام بحل سلمي يعني دخلي احد من برا يقوله انه مو قادره تتحمل وجذي

بس ممكن تخسرين زوجج بالحاله هذي يعني بيتضايق انج طلعتي سوالف برا

انتي ابتدي انج تقولين ابي بيت بروحي قسم خاص فيني

عيالي غرف ومطبخ بروحي

ممكن يبني وممكن يقول ماعندي ذيك ساعه قولي بطلع برا ومن حقي

 

[ام اغلى الناس]

الصراحه اتمنى هاليوم
و كنت احن عليه اننا نطلع
لكن بعدين عرفت انه الاجارات نار و معاشاتنا ما تساعد كل هالمصاريف
و صعبه نطلع عشان ابوه رجال كبير ما يتحرك
الله يصبرنا و نطلع على بيوتنا

 

[queen-bee]

رد : إلي سكنوا مع حمولتهم وياهم الإستقلال والفرج علموني اشسويتوا!

الموضوع يبيله طولت بال وصبر ودعاء تالي الليل:yaaaaaarb: بالنسبة لي اهما ناس طيبين ومافيهم شي بس انا ابي الحرية والاستقلال والحوسة بالبيت براحتي ودي ادش البيت محد يخز جياسي ويفكر شنو فيها مافيها ودي لي طلبت من المطعم محد ينقد<<<<<قلبي متروسة
وانا وياج شوارفسكية عاااااااااااااوزين نخرج عاوزين نخرج

 

[cat33]

احمدي ربج ماشفتي اختى اللي بغرفه وربع صاله وحمامهم مشترك مع هنديتهم وعندها خمس اطفال ونسيت ومطبخ قد السمسمه و7 سنين مارضا يطلعهاا يقوولها حنا مطولين ؟بدل الاجار في جيبه ورايح على كرووت ليلي انتوو خابرين احم احم ومسوي نفسه مطوع شريف رووما والعمه من الفلوووجه ماتخليهم ينزلووون اختى ماتت موتى مثلها علشاان تطلع رووحج وتطلعين من البيت

 

[BiiShOoO]

وااي الله يعينج و يفرجها عليكم يااا رب

 

[bint_looda]

وااااي الله يعينكم ان شالله حاولو تلقوون الايجاابيات ابيت الحموله تصبركم على ماتطلعوون على بيتكم سيدااا يارب