إعلان توظيف محامي الدولة بالفتوى والتشريع

[طيش طفله]

لا الاجازه القضائيه ٣ شهور لهم بس اذا يبي يقعد شهر اسمه بدل ويستلم معاشين . قصدي ١٨٠٠ حق اللي اللحين بيتعينون . اخر مره بطلوو سنة ٢٠٠٠ .. لما توظفوون ٢٠٠٠ كان معاشهم ١٢٠٠ !!!! اللحين مع الزياده فرق المعاش حق اللي بيتوظفون اليدد فهمتي حبوبه

 

[طيش طفله]

هههههههه واي تضحكون وانتووو تتهاوشون لطفتوو الجو شوي
استمرووو

 

[داريني]

صباح الخير يا حلواات هدوو شوي انا ما احب اتدخل بس اتابعكم من بعيد و شفت اشيا فقلت لازم اتدخل ارد عليكم ابرد قلبكم. ،.... انا كنت بالشئون المالية قسم الرواتب. و طبعا عارفين اخر دفعه تعينت قبل عشر سنين عند اول مربوط 1095 و يتدرج و يزيد الراتب مع تدرجات الوظيفيه و كل ما كان كفء وتقريره امتياز يزيد بسرعه يعني من محامي ب و ا و نائب اول و ثانو وكيل مساعد الى مستشار يوصل الراتب الى 4000 و شوي .. و طبعا غير كل سنة في اعمال ممتازه اقل شي كان 8 الالف و حق مستشارين 14 و جنه هالسنة وصل 16 الف عليهم بالعافية وبالنسبة حق الاجازات مو ستين يوم عاد قويه هذي ههه 45 يوم و بعدين يزيد مع تدريج الوظيفي وايد مميزات بس ما راح اخلص. و عموما الي تبي تستفسر عن الرواتب تتصل بالادارة و تطلب مديرة الادارة المالية اسمها هيام عبدالسلام او طلال العبدالله اذا عندكم اساله بخصوص للرواتب و ترا حلوين و ما راح يقصرون و اذا في اساله بخصوص الاجازات والاشيا الادارية بشئون الادارية هم دقوو و طلبو مديرة نبيلة الميل او محمد المسباح او واحد مصري اسمة حسام و محمد و اتمنى اكون ساعدكم و سامحوني اذا تدخلت و موفقين ان شالله*

 

[داريني]

و يا بنات انصحكم لا تسالون محامين هناك مع احترامي لهم لانه الحين كل شي تغيير يعني رواتبهم اول تعيين قبل عشر سنين غير انتو ان شالله اذا تعينتو لانه قوانين تغيرت و في زيادات بس هم مو وايد بس سالو شئون الادارية اهم متخصيصن بالاشيا الادارية *

 

[السمبتيك]

تعوذوا من ابليس بنات

الصراحه انا انصدمت والله

ليش كل هذا !!!!

احنا هني متيمعين عشان ناازر بعض حق قبولنا بالفتوى ان شالله

مو نتهاوش مع بعض

والصرلحه انتي يا ناديه مصختيها !!!!

واتمنى ان هالشي مايصير بعد

نبي نكون على قلب واحد

والله لا يجيب الزعل بينا ان شالله

 

[Peony]

داريني
يسلم هالمرور الحلو ومانبيج اتابعينا وتقطعين نبيج دايم تواصلين معانا

الله يوفقكم حبايبي كلكم

 

[داريني]

بوني و لووو انا بالخدمة و الي اقدر عليه اسويه و ما يصير خاطركم الا طيب و ان شالله كلكم تنقبلون يا رب

 

[blue diamond]

يعطيج العافيه داريني​

 

[blue diamond]

فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً​

 

[جنات]

بنات حبيباتي منو اتابعون بتويتر الي يكتبون اخبار الفتوى ؟

 

[omtela]

اعتذر عن الاستمرار في التعليقات نظرا لما وصل اليه الحوار

 

[taliya]

بناات من مصدر موثوق جدا ترا طلعت نتايج القبوول و دقوا عالمقبولين و قبلوا جيدجدا و امتياز بس

 

[طيش طفله]

هههههه لا حبوبه انا اقولج من مصدر موثوق قبلوو بس ال ٥٠ امتياز . وردوو ال١١٠ يراجعونهم واهمه الجيدجدا .. شوفي جريدة الوطن تاريخ ٨ اللي اهيه امس صفحه ١٧

 

[نادية_]

انا جيد بس استاهل اشلون ما يقبلوني ودام هم يبون الجيد جدا والامتياز وما ياخذون الا عالمعدل عليل شحقه المقابله الشخصيه؟؟

المفروض دام فيه مقابله شخصيه معناته انه الجيد والجيد جدا والممتاز متساويه حظوظهم والفرق بينهم هو المقابله اللي هي بالمعنى العربي الواسطه


ديرتنا كل ماله بانحدار.............الله يستر

 

[Peony]

انا جيد بس استاهل اشلون ما يقبلوني ودام هم يبون الجيد جدا والامتياز وما ياخذون الا عالمعدل عليل شحقه المقابله الشخصيه؟؟

المفروض دام فيه مقابله شخصيه معناته انه الجيد والجيد جدا والممتاز متساويه حظوظهم والفرق بينهم هو المقابله اللي هي بالمعنى العربي الواسطه


ديرتنا كل ماله بانحدار.............الله يستر

اسئله لج اختي :
1- على اي اساس قيمتي نفسج انج تستحقين الوظيفه
انا اعرف واايد بنات جيد ومحتاجين الوظيفه وااايد يعني كلهم يستحقون ؟!!
يعني الفتوى لازم تقبل ال 700 كلهم ؟!!
2- تقولين الجيد جداً والامتياز متساويه حظوظهم !!!!!!! والحكم اهوا الواسطه يعني الفيصل بينهم الواسطه !!!
بعدين تقولين ديرتنا بانحدار !!!
ارجو ترجمه كلامج !!
تطالبين بمساواه الامتياز بالجيد جداً وتبين الفيصل هو الواسطه مو الدرجات وتقولين الديره بانحلال !!!!!!!!

احب اذكرج بكلامج انج كنتي تقولين الواسطه تخلي الديره بانحلال والمفروض مافي واسطات ولا بتشتكين بالجرايد ومادري شنو !

والحين تطالبين بالواسطه !!


واذا بيقبلون بدون واسطه بس على المعدل تقولين الديره بانحلال !!


اسمحيلي اقولج كلامج متناقض !

 

[نادية_]

انا ودي ماكو واسطه بديرتنا............بس شنسوي اذا الديره ماشيه جذيه لازم نمشي معاهم ولا اذا ما مشينا معاهم جدامنا حل من 2
يا نقعد بالبيت للابد

او نتوظف بمكان خايس وتعب ومعاش 700 وشي بس

واحب ارد على كلامج اذا المفروض عالمعدل جان ماكو مقابله شخصيه ...........عيل شحقه المقابله الشخصيه!!!!!!!

 

[طيش طفله]

بنات اعتذر بصلي وبنام ماراح اتابع الهوشه الليله هههههههه

 

[Lays BL.ketchup]

طيش طفله لا تخليني - مو معقوله كل ليله اتابع بروحي :krkrkr:

 

[Peony]

الصفحه الي تقول عنها طيش طفله

http://watanpdf.alwatan.com.kw/alwatanPDF/2011-07-08/17.pdf

 

[Peony]

طيش طفله وليز بالكاتشب
روحو صلو ونامو عادي قلبي
ماكو هواش لاتحاتون !!