إعلان بنك الكويت المركزي

[nizqa_girl]

بنات لي متي المقابلات يعني متي تطلع النتايج احد عنده فكره ظ

 

[q881988]

الاسئلة كانت كلها احراج
شنو اقل درجة يبتيها باي مادة ؟ عن شنو تتكلم ؟ شلون تقديمج بامتحانهم لا وتكون النتيجة عنده ؟ شسويتي من تخرجتي للحين ؟ شتعرفين عن البنك ؟
هذا اللي اذكره ويكونون 10 بقاعة اجتماعات تارسين الطاولة

 

[one two 3]

الاسئلة كانت كلها احراج
شنو اقل درجة يبتيها باي مادة ؟ عن شنو تتكلم ؟ شلون تقديمج بامتحانهم لا وتكون النتيجة عنده ؟ شسويتي من تخرجتي للحين ؟ شتعرفين عن البنك ؟
هذا اللي اذكره ويكونون 10 بقاعة اجتماعات تارسين الطاولة

وي :eh_s(2):

 

[nizqa_girl]

ولا عشره ولا واحد نفس الشي خلكم ثقه وعااادي شنو يعني اول مره الوحده تدش بين مجموعه ناس اخذوها جذي والله مافيها شي

 

[nizqa_girl]

جاوبوني بنات منو عنده فكره متي اخر يوم مقابلات ؟؟ ومنو فيكم ليلحين مانادوه مقابله وشكرا؟

 

[CBA student]

حسب علمي ان اليوم اخر يوم لمقابلات بكالريوس محاسبة و اتوقع من الاسبوع القادم راح يبدون يقابلون باجي التخصصات لان اتوقع انهم بدو اول شي بالمحاسبة لان عددهم كبير. انشاالله على ما تتشكل الحكومة اليديدة يكونون خالصين.
موقفين جميعاً.

 

[nizqa_girl]

انا دبلوم وخلصت مقابلتي

 

[حضن امى]

بنتى دبلوم حاسب الى بس للاسف مااتصلوا علينا علشان المقابلة
يعنى مرفوضة ولا شنو؟؟
فيه احد للحين مااتصلوا عليه؟؟

 

[CBA student]

لا خالتي لا نحاتين ترا ليلحين ما خلصوا مقابلات و ترا يدقون عليكم حدا حدا يعني احتمال يدقون عليكم و يقولون لكم باجر المقابلة او يدقون قبل المقابلة بثلاث ايام بحد اقصى فلا نحاتين تو الناس. و اذا تبين تتطمنين تقدرين تتصلين فيهم و تسالينهم علشان لا تحاتين .
و اتمنى للجميع التوفيق انشاءالله

 

[pearlq8]

اي تو الناس مقابلات تخصص الكمبيوتر ليلحين ما دقووو علينا اتوقع الاسبوع الياي ... المحاسبه وااايد طولوووووووو سبوووع و نص ماشاءالله ... ان شاء الله احنا الاسبوع الياي ...

 

[^^ROSE^^]

عسى الله ييسر لكم الرزق الحلال ويبعدكم عن الحرام و يرزقكم وظايف احسن من اللي تبونها ان شاء الله

الحرام .. طريقه سهل ويسير .. والشيطان يزينه ويحليه .. مثال: (هالوظيفه زينه ومحد محصلها والمعاش قوي واصلا هذا مكان حكومي شدخله بالربا)
والحلال .. أيضا سهل ٌ طريقه وقريب من الفطرة .. لكن الشيطان يصدكم عنه ويصعبه في عيونكم ونفوسكم لا تهواه .. مثال: (محد محصل وظايف وان رفضتوا هالمكان ماتلقون مثله وبتظلون مده طويله بطاليه بدون معاش)
والانسان ساعات يطيع نفسه !! ويتبع أمرها .. فيهلك !! ويمشي مع الحرام الله يبعدنا و يبعدكم عنه يارب...

انا كتبت قبل عن فتوى تحريم العمل بالبنك المركزي لان هو المنظم للعمل الربوي بالبلد ويسهل امور البنوك الربويه بعدة معاملات واجراءات لولاها لكان العمل الربوي صعب

وانا مو نوعي ألح على الانسان لما انصحه لاني ادري ان كل واحد عنده عقل و يختار بعد مايعرف شنو الحلال وشنو الحرام

بس سامحوني هالمسأله بالذات مضطره اكرر التذكير فيها لا لشيء سوى ان الربااا ذنب عظيييييم مو هين ياجماعه
انا ادري ان في ناس محتاجين وظيفه
وفي ناس يبون مكان يعطي راتب قوي ومايبون وزارات
وناس ماودهم ينطرون الديوان و يبون يتوظفون اسرع
كل هالاشياء ممكن تخلي الواحد يتغاضى عن سالفه الحلال والحرام

بس اتمنى صج انكم تراجعون نفسكم بهالموضوع
انتوا سألوا لاتسمعون كلامي
بس لاسألتوا لاتسئلون اي احد
سألوا احد متخصص وموثوق فيه وحكموا بعدها اذا مستعدين تشتغون بهالمكان بعد اللي عرفتوه ولا لأ


ولا تيأسون من انكم تلقون وظيفه احسن من هالمكان

الله سبحانه وتعالى قال: انا عند ظن عبدي بي فليظن بي مايشاء
وعزتي وجلالي لأرزقن من لاحيلة له حتى يتحير اصحاب الحيل


و من يتق الله يجعل له مخرجا

هذي اخر مره اكتب فيها عن هالسالفه بهالموضوع لان اعتقد الفكره خلاص وصلت

الله يهديكم ويبعدكم عن الحرام ان شاء الله

 

[Dee-q8]

يزااج الله خير اختي (رووز)

مشكورة عاالتنبيه, انا كنت مسوية سيرج من قبل
واللي قريته, ان حرمة الشغل بالبنك المركزي تعتمد على نشاطاته وطبيعته في كل دولة

ممكن تشرحيلنا لي حرام " بالضبط " ؟
يعني شي دقيق مو كلام بشكل عام عشان ناخذ قرار بقناعة
الله لا يهينج

 

[^^ROSE^^]

ولا يهمج حبيبتي
هذا ردي الاول عن حرمة العمل بالبنوك الربويه+البنك المركزي
http://www.q8yat.com/t796522-15.html
علما باني كنت مقدمه حالي حالكم بس لما قريت الفتوى مارحت المقابله و مو متحسفه ابدا على الموضوع

وهذا الجزء الخاص بالبنك المركزي

ثانيا : حكم العمل في البنك المركزي


السؤال: أخ يسأل يقول: إنه يعمل في مؤسسة النقد العربي السعودي، وعمله عدُّ النقود التي تودع في المؤسسة من قبل البنوك الربوية، فما حكم عمله؟

الجواب: هذا واضح أنه حرام، ما دام يعد النقود التي توضع من البنوك الربوية في المؤسسة، وهذا لا يحتاج إلى سؤال؛ لأن البنك المركزي في أي دولة أو بنك البنوك هو البنك الأساسي، والذي يسمى عندنا: مؤسسة النقد، الذي كل يوم يجبر بالمقاصة بين البنوك في التعامل؛ فكل يوم يأخذ من هذا ويعطي هذا.. إلى آخر هذه المعاملات، فمن هنا هو بنك البنوك، فهذا العمل عمل ربوي، وعمل محرم؛ لأنه يقر الربا، ويشجع عليه، ويخدم أهله؛ فأكبر خدمة تقدم للبنوك الربوية هو ما تقوم به مؤسسة النقد من المقاصة فيما بينها، ولولا هذه المقاصة لصعب عمل البنوك جداً، ولاحتاجت إلى عملية طويلة، لا تخفى على من يعرف هذا من أهل الخبرة، فالموظف في مؤسسة النقد وبالذات في هذا القطاع، لا شك أنه يدخل في عموم الحديث والأدلة التي ذكرناها في تحريم الربا، والعمل في المؤسسات الربوية.


إقتباس:
أعمل في البنك في إحدى الدول في قسم لا يتعامل بالمعاملات الربوية علماً بان البنك المركزي يتعامل بالفوائد وهو مؤسسه حكومية فما هو حكم العمل في البنك المذكور أرجو إفادتي ؟.

الحمد لله
عملك في البنك حرام ، حتى لو كنت في قسم لا يتعامل بالمعاملات الربويَّة ، ويكفي أن " البنك المركزي " هو أم البنوك ورأسها ، والعمل في الأقسام الأخرى إنما هو متمم ومكمل لأقسام الربا ، ومن كلِّ الأقسام يتكون البنك بل كل المؤسسات الربوية .

بل إن العلماء أفتوا بعدم جواز العمل حارساً أو سائقاً في مثل هذه المؤسسات فكيف بالكاتب ؟

قال الشيخ ابن عثيمين رحمه الله :

لا يجوز العمل بالمؤسسات الربويَّة ولو كان الإنسان سائقاً أو حارساً ؛ وذلك لأن دخوله في وظيفة عند مؤسسات ربويَّة يستلزم الرضى بها ؛ لأن من أنكر شيئاً لا يمكن أن يعمل لمصلحته ، فإذا عمل لمصلحته كان راضياً به ، والراضي بالشيء المحرم يناله من إثمه .

أما من كان يباشر القيد والكتابة والإرسال والإيداع وما أشبه ذلك : فهو لا شك أنه مباشر للحرام ، وقد ثبت عن النبي صلى الله عليه وسلم من حديث جابر رضي الله عنه أن النبي صلى الله عليه وسلم لعن آكل الربا وموكله وشاهديه وكاتبه ، وقال : هم سواء .

" فتاوى إسلامية " ( 2 / 401 ) .

وسُئلت اللجنة الدائمة عن رجل يعمل حارساً ليليّاً في أحد البنوك ، وليس له علاقة في المعاملات ، هل يستمر في عمله أو يتركه ؟

فأجابت :

البنوك التي تتعامل بالربا لا يجوز للمسلم أن يكون حارساً لها ؛ لأن هذا من التعاون على الإثم والعدوان ، وقد نهى الله عنه بقوله : ( ولا تعاونوا على الإثم والعدوان ) .

وأغلب أحوال البنوك التعامل بالربا ، وينبغي لك أن تبحث عن طريق حلال من طرق طلب الرزق غير هذا الطريق .

وبالله التوفيق ، وصلى الله وسلم على نبينا محمد وآله وصحبه .

" فتاوى إسلامية " ( 2 / 401 ، 402 ) .

والله أعلم

طبعا في بنات بيقولون الشخص سال عن البنك المركزي السعودي واحنا بالكويت
الجواب: وظيفه البنوك المركزيه بكل العالم متشابهه
هو المؤسسه المنظمه لعمل جميع البنوك بما فيها الربويه
تجبر البنوك جميعا على ايداع مبالغ لدى البنك المركزي وعليها فائده والفائده طبعا ربويه
اداره المقاصه هي التي تجبر البنوك انها تشيل بعض عساس مايخسر بنك وهذي اللي تم ذكرها بالفتوى انها تسهل العمل الربوي ولولاها لكان صعب على البنوك الربويه الاستمرار
واداره المقاصه موجوده بالبنك المركزي الكويتي حتى يالنا سؤال عنها بامتحان المحاسبه

البنك المركزي هو اللي يحدد سعر الفوائد وينظم العمل فيها والفائده=ربا

الزبده: معاشات الموظفين تندفع من هالمؤسسه المنظمه للعمل الربوي والمشجعه عليه


وعشان اريحج
في شخص قالي ان راح المقابله قبل سنه ومن ضمن الاسئله قالهم انه قدم عالبنوك الاسلاميه
قالوله ترى احنا نعتبر بنك ربوي (البنك فيه قطاع مصرفي و موظفين teller)
حتى قالوله شلون مقدم هني دام انك ماتبي مكان ربوي احنا شغلنا ربوي
الحمدلله والشكر يعني هاللي قاعد يقوله هالكلام مستانس انه مسؤول بهالمكان و يعترف انه ربوي وحرام
يعني هذا الكلام منهم هم مو من بره
هم يدرون عن روحهم ان شغهم ربوي
فالولد رفض الوظيفه مع انه انقبل بس قالهم مابي والله عوضه بمكان احسن منهم
وحتى لو مشتغل بوزاره عاديه كافي ان الراتب حلال


اذا حابه تعرفين اكثر مثل ماقلتلج سألي واحد من المختصين
عندج دكاترة كليه الشريعه
في وايد مشايخ بالكويت وسهل الوصول لهم
دام ان همج انج تتأكدين مني عن صحة هالكلام انا متأكده انج ماترضين بالحرام وتبين تتجنبينه
فنصيحه سالي لما تقتنعين ويمكن تقنعين غيرج ان يبتعد عن الحرام و لج أجره ان شاء الله

الله يوفقج و يوفق الجميع ان شاء الله

 

[nizqa_girl]

هلا بنات ها بشروا منو خلص مقابله , ومنو ليلحين ناطر يقابلونه مادقوا عليه ولا منو دقوا عليه قالوله مقبول ؟؟؟؟ قولولي

 

[nizqa_girl]

upp

 

[mweegah]

قوه بنات, خلصوا كل التخصصات و قابلوهم و له شنو؟
التمويل صار عليه شي؟

 

[nizqa_girl]

هلا بنات ها بشروا منو خلص مقابله , ومنو ليلحين ناطر يقابلونه مادقوا عليه ولا منو دقوا عليه قالوله مقبول ؟؟؟؟ قولولي

انا خلصت اسبوع الي طاف دبلوم اداره منو ماخلص ليلحين ؟؟؟؟

 

[nizqa_girl]

upp

 

[nonosha]

قوه بنات, خلصوا كل التخصصات و قابلوهم و له شنو؟
التمويل صار عليه شي؟

اليوم دقوا علي باجر مقابلة (تخصص تمويل )

 

[nizqa_girl]

مشكوره ننوشه وبلتوفيق يالله بنات منو بعد مقابلته باجر او خلص مقابلته؟