إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

[M!ssq89]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

الله يعوضنا بنات ،

اي والله ماندري الخيرة في ما اختارة الله

انا الحمد لله مرتاحه وماهمني كل كلمه قالها

اهم شي اهلي واهما طااف

خيولون

حتا عندنا عرس ولد عمي يوم الاربعا واهما بيووون

والله بحضر وبكشخ ومالي شغل فيهم

خيولون ،،

 

[الريم30]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

عفيه شوفي حالج والناس ماتخذين منهم خير

 

[جلكسيه اس 3]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مو منكسره ولا شي
بس لانه حقير
حسبي اللله عليه

و ليلحين يظلم و مستانس
و انا متاكده ربي بيعدل بينا لانه اختار النفاق
و على كيفه ماعطاني احقوقي
يقول ماتستاهل
!!
حسبي الله ونعم الوكيل

و يارب يكون عبره لكل ضالم

انا الحين حت سلام على امه ما اسلم
كرهتها كره انا طبعي الي يظلمني اكرهه
و حتى سلام ما اسلم عليهم
طبعا الحجي بس حق امه لانه ماتوقعتها حقوده
اما اهله و خواته واخوانه بالعكس عادي لو يسلمون اسلم عليهم

 

[Jamaiel]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

خواتي العزيزات
لاتتضايقون علي شي مالكم يد فيه ولكنه من صنع القدر وكل شي مقدر ومكتوب من نحن اطفال في الارحام انسوا اللي صار واعتبروها تجربة ودرس في الحياة ولاتخلون حياتكم توقف بالعكس دوسوا علي جروحكم واوجاعكم وابتسموا للحياة ولاتحطوا اللوم علي انفسكم بسبب شخص منافق خاين للعشرة اشغلواانفسكم بالصلاة بالدعاا اهتمي بعمرج وصحتج وهواياتج اهتمي بعيالج اذا عندج اعيال صيري قوية وسعيدة لا تنظرين للماضي خليه وراج عيشي لليوم وباجر واقلبي صفحات الالم وياليت لو تمحينها من حياتج عشان تحسين براحة واخييرا
الله ينور طريجكم بالفرح بعد الحزن والراحة بعد الشقاا اميييين يارب

 

[طموحه بزياده]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مرحباااااا




اخباركم؟

ان شاء الله كلكم بخير واحسن حال

 

[kenda]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

صباح الخير اشلونكم بنات شخباركم وان شاء الله ربي يعوضكم ويعوضني قولوا امين:yaaaaaarb:

انا امس استلمت ورقتي من المحكمه واخيرا تطلقت بعد معاناة مع ريلي معني ما تميت معاه الا اربع شهور و8 شهور ابيت اهلي ولا اصلح ولا دق ولا يبي يدش بيت اهلي وطلبني بيت الطاعه والحمدالله محامي فكني منه وطلقني ادعولي باقي حكم النفقه يوم الخميس واغراضي الحكم يوم الخميس الي بعده ان شالله اخذهم والله يعوضني باللي احسن منه واهوا يصيرلي بس ماهمني كلام اهله ولا احد الي اسمعه اطلعه من اذني الثانيه وتحيا العزوبيه ^_^ وااي صج صج احس اني حره :ggdw:
​

 

[Beauty is Me]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

الله يعوضكم بالازواج الصالحين

اللي ينسونكم اللي عشتوووه


من ألم


الله كريم

ان شاء الله نفرح فيكم وحده وحده

لا تتضايقين حبوبه بالبدايه تفكرين فيه وتحسين تسرعتي
او تحنين له

هذا بس بالبداية
لانه ليحن مو مستوعبه شصار

وابليس يوسوسلج

تستاهلين انسان صالح يستاهلج وتستاهلينه

البدايه صعبه
وتحسين مشاعرج متلخبطه

بس صدقيني مع الايااااااام راااح تنسيييينه

وتوصلين لدرجه لمن تفكرين تقولين امبي مو جنه انا
اللي عشت وعانيت



انا مو قاعدا اتفلسف

انا اقولج متأكده انج راح تتخطينه


والله راح يعوضج

ويعوضني

بالعكس داومي

كملي حياتج


الله فوووووق عالظالم

والله ييسر دربج


ولا تنسوني من دعواتكم

 

[!! شوق !!]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

وبين تلك الأحزان وهذه الآم
هل ذُكر دواءٌ أنجح من الصبر،
وهل عُهد بديل خير من التصبُّر؟؟
يا نفس صبراً فعقبى الصبر صالحة
لا بد أن يأتي الرحمن بالفرج ..

لم نأخذ على الدنيا عهدا بأن تصفو لنا ..
وأن تفرش لنا دروبنا بالحرير ..
فقد طبعت على الكدر
طبعت على كدر وأنت تريدها
صفوا" من الأقذاء والأكدار



دارٌ متى ماأضحكت في يومها
أبكت غدا ..قُبحا لها من دارفي زحمة الحياة وبين أزماتها ...

قد تضيق مساحات الفرح ...

و لربما انتحرت فراشاتُ الأمل ...

صبرنا أم جزعنا سوف يجري.... قضاء الله بالحق اليقين..

​

 

[kenda]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

الله يعوضكم بالازواج الصالحين

اللي ينسونكم اللي عشتوووه


من ألم


الله كريم

ان شاء الله نفرح فيكم وحده وحده

لا تتضايقين حبوبه بالبدايه تفكرين فيه وتحسين تسرعتي
او تحنين له

هذا بس بالبداية
لانه ليحن مو مستوعبه شصار

وابليس يوسوسلج

تستاهلين انسان صالح يستاهلج وتستاهلينه

البدايه صعبه
وتحسين مشاعرج متلخبطه

بس صدقيني مع الايااااااام راااح تنسيييينه

وتوصلين لدرجه لمن تفكرين تقولين امبي مو جنه انا
اللي عشت وعانيت



انا مو قاعدا اتفلسف

انا اقولج متأكده انج راح تتخطينه


والله راح يعوضج

ويعوضني

بالعكس داومي

كملي حياتج


الله فوووووق عالظالم

والله ييسر دربج


ولا تنسوني من دعواتكم

عدل كلامج والله يعوضنا ان شاءالله وانا الحمدالله مو قاعده اشتاقله ولا شي ونفسيتي بالعلالي وقاعده اكتبلكم وانا بالدوام ما توقف حياتي عشانه وهذا نصيب وعسى ان تكرهوا شيئ فهو خير لكم ولانه ربي يحبني طلعت خباياه بسرعه وكرهته الحين لما اتذكر اني اشلون وافقت عليه اضحك على نفسي
واكره اشوف صورته او اسمع طاريه فا احمد ربي على هالشي والحين ما افكر الا بدراستي بكمل دراستي وافضى حق عمري ومتفائله انه ربي بيعطيني ويعوضني باحسن منه بأذن الله :eh_s(17):^_^

 

[جلكسيه اس 3]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

اشلونكم شخبارركم

مع حيات العزوبيه
بنات بسالكم انتوو شتسوون بمعاشاتكم
انا اول معاش خربطة فيه وايد
بس الحمدلله وين ما اروح اتصدق
يا بميتين فلس يا بنص دينار

قاعده افكر المعاش الي راح ينزل بعد العيد
اسويلي استقطاع اشرايكم اخليه اميه ولا خمسين و لا سبعين
علما انه ماعندي شي غير اقساط سيارتي و حضانة ولدي
و بعد المعاش بحاول اشتري بس الضروريات اشرايكم

 

[جلكسيه اس 3]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

و على فكره ليلحين احلم احلام غريبه
و دايما ادعي ربي ينصرني
بوربي طليقي ان الظلم ما يدوم
و مصممه على هالشي

 

[قل علها خيره]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

سكرتيره انا للحين مانزل معاشي قالوا على شهر 11 ينزل
مافكرت شسوي فيه اصلا هم جم بالضبط مادري؟ انا ماعندي عيال

 

[*درر*]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مسااااء الخيرات
أخبااااركم !
أنااا الحمد لله
قااعده اقنع نفسي باللي صار وإحااول أنسئ يالله أحس كاانهاااا حلم وهو موكفوو أحد يوقف عمره عشاانه كذااب ومخاادع وظالم بس لأني قلبي ضعيف وحساساااا حريم قلوبنااا ضعيفااا نرحم لآخر لحظه

بس أنااا بقوي قلبي الدنياااا فيهااا مصاااائب أقوى وأقوووى اقوووى
ألحمد لله بس على كل حاااال
أناا عندي ثقه أنااا الله بيعوضناااا
ولنااا خيراااا مانعرفهااا

ياااارب متى يجئ اليوم اللي أقول عدت هالفتررره زي الحلم إيه والله الله يحبنااااا وخلنااا نكشفهم بدري ولأ توهقنااا بعيااال الله بعوون اللي عندهاااابس الله فووووووق مخلق نفس وضيعهااااا

شؤوق / سيفت الموضوع اللي بتوقيع جداااا رأااائع. جزاك الله خيرررر

 

[جلكسيه اس 3]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

سكرتيره انا للحين مانزل معاشي قالوا على شهر 11 ينزل
مافكرت شسوي فيه اصلا هم جم بالضبط مادري؟ انا ماعندي عيال

انتي اشكثر صارلج تطلقتي
انا معاشي اربعميه و شي حسافه لو مكملينه عالاقل و ستين او سبعين زياده
بس يالله الحمدلله
يمكن الي شهادتها اقوى معاشها يكون اكثر اتوقع جذي

 

[غرور الريم]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

لا حبيبتي كلنا معاشنا نفس الشي 440
ماله شغل بشهاده

 

[جلكسيه اس 3]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

لا حبيبتي كلنا معاشنا نفس الشي 440
ماله شغل بشهاده

انا اربعميه و سبعه و ربعين

شالمعنى انتي اربعين و مو كثري !

 

[Behtar]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مرحبا ..
شفت الموضوغ وقلت بما انكم خبره ومريتوا بتجربة الطلاق
حابه اطرح مشكلتي وانتوا احكموا ...
تزوجت عن حب من اربع سنين وعندنا ولد عمره سنه وشهر
وااهله اهما الي فرقونا الحين انا لامه اغراضي وكل شي وبروح بيت اهلي
وعيبه يخاف اهله واي كلمه يقولونها يصدقها او تكسره او او يعني البلا ف اهله
واهما يكرهوني كره العمى فحيل اثروا علينا على ان نحب بعض حيل
بس اهر مشكله مع اهله واهو شاف ظلمهم ومدة ايدهم لي وتطاولهم علي
هاوشهم يوم ردينا الا اخوه لكبير وامه طاحوله مسجات ومكالمات يقولون له احنا نحبك ونبيك
بس السوسه مرتك حشت راسك ويخاف من كلمة سكانه مرته
فشسول الحبيب قالي تعتذرين لامي تخدمين اهلي لو جونا وان ماتبين توكلي عالله مايردج الا الطلاق
ونا معروفه عزيزة نفس الا كرامتي لا فوق ماهم غلطانين وظالمين شوف عيونه يبي اخدمهم
تعبت منهم مرات اقول بطلق وافتك من اهله بس مرات اقول احبه اخاف يتزوج بعد الحيايا خواته وامه يسوونه يبونها من الله
شنو اسوي بنات ياربي خايفه من تجربة الطلاق مجتمعنا حيل مايرحم المطلقه شسوي ساعدوني الله يخليكم
باجر اخر يوم لي عالقرار ،،،،

 

[غرور الريم]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

انا حبيبتي تطلقت بسبت ابووه اهو الي قاله يطلقني وابووه من النووع قويه شخصيته
ومايثني كلمته والطلااق حصل بسبب مشاكل عائليه مو بسببي واحنا نحب بعض وانا عندي طفلين
بعد شهرين جيت اخذ باقي اغراضي ولا اهو قبالي وانا ماقدرت امسك اعصابي قلتله يافلاان ليش طلقتني
واحنا نحب بعض وصدمني انه ابووه اهو الي جبره انه يطلقني ويقووله راح ازوجك احسن منها واحلى
واهو يقولي قبل لا اطلع اني غاليه عنده ..شلون غاليه وانتي دمرتني ودمرت حياه عيالك بالسهووله
صدق اني الكرامه غاليه عندي بس عشان عيالي انزلها وهذا ياحبيبتي طلااق يعني ولدج ماراح يعيش مع امه وابووه
اصبري عشان وولدج ولا تتأخذين القرار الا مفكره عدل واخيرا هذي حياتج واستخيري وشاور اهلج
والله يهديه ويسخر قلبه لج ويوفقكم ان شاء الله*

 

[Behtar]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

غرور يعني تشوفين اني ادوس ع كرامتي ؟
مادري ياربي مااادري شسوي
انا اكره اهله اهم ساس البلا
لو اقعد عنده بييني منهم مشاكل وبنرد عالطير يللي
بنرد هواش ونجره والسبه اهله مادري شسوي مااادري تعبت افكر تعبت من المشاكل
وميته خوف من الطلاق وحياتها احس بتواجهني مصاعب وماقدر اتخيله يتزوج غيري
احس بموت من الهم اكتب وانا عيوني غرقانه من الدموع
رضى يتخلا عني عشان اهله نسى حبه لي بهسهوله
حتى قمت اشك بحبه

 

[over love]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

Behtar

حبيبتى ماله داعي الطلاق وموضوع ياتسوين الى ابيه يابطلقج كلام فاضى الزواج مو لعب ولا فوضه !

يمدون ايدهم عليج ويملون شروطهم ياتسوينها يابنطلقج هذا اسمه وقاحه وظلم لاتخلين احد يتحكم بحياتج حبيبتي

من رايى انج تقوليله وبحزم أنا متزوجتك مومتزوجه أهلك مابيهم يتدخلون بحياتي ولا احتك فيهم ولا يحتكون فيني

روح زورهم وبرهم وقوم بحقهم بس انا ماتجبرني عليهم وترى كرامتى من كرامتك أما الطلاق مو أهم يقررون حياتنا !!!

نقديه على عمره حسسيه انه اهو صاحب القرار مو أهله ..

وتمسكي بقرارج ولاتقبلين اخذ ورد فيه ان وافق زين على زين وان ماوافق الله فوقه اهو وأهله وعسى ربي يكتب لج الخيره

رياييل أخر زمن @