إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عشق]

رد: إذا أنتي مطلقه شاركينى؟

عهود الله ينصرج على كل من ظلمج يارب

 

[*الحالمه*]

رد: إذا أنتي مطلقه شاركينى؟

عهود الحب

ثقي تماما يا قلبي ان الله معاج ما دمتي تذكرينه و تلجئين له

خلي ايمانج بالله قوي

و فرشي سجادتج .. صلي ادعي من كل قلبج

اقري قرآن

و انتي رايحه المحكمه لا تنسين الأدعية وهم لا تنسين صدقه لمحتاج

ان شاء الله ربي يفرجها عليج

و تجين تبشرينا بان ربج استجاب لدعائج

و تأكدي يا حياتي ان اللي ربج كاتبه اهو اللي بيصير

و ان شاء الله ما راح انساج من دعائي انتي و كل مسلم و مسلمه

بس انتي لا تنسين نفسج من الدعاء ترى لا يرد القضاء الا الدعاء

هو سلاح المؤمن في مواجهة مشاكله

الله يبرد على قلبج و يهون عليج

 

[مدام فستقه]

رد: إذا أنتي مطلقه شاركينى؟

انا من زمان متابعتكم واقرا ردودكم
ويا عهود الحب انا حاسه فيج لان طليقي حسبي الله عليه كان معلقنى
تخيلوا ثلاث ترباع السنه اللى تزوجت فيها علقنى فيها وسبب طليقته حسبي الله عليها وفوق هذا كانت ماذيتنى
واهو تزوجنى على طمع ما اقدر اقول سالفه بالتفصيل لان وايد بنات بالمنتدى راح يعرفنونى اذا كملت القصه
وما طلقنى الا بعد سنه بالضبط

والحين صارلى شهرين من تطلقت ما اقول الا حسبي الله ونعم الوكيل وانشالله اشوف حوبتى فيه وباهله لان ظلمنى معاه
وادعوا لى بالرجل الصالح اللى يعوضنى

 

[قطوة الاعلام]

رد: إذا أنتي مطلقه شاركينى؟

أهمالأسئله ؟؟؟
كم دام زواجك؟ دام زواجي سنة لاني كنت حامل لمن صار الخلاف انا قعدت معاه شهر بتحديد فيه عيوب الدنيا من حقد وشك وبخل وتفكير مو شي
هل تظنين أنك غلطتي وأنك سبب الطلاق؟ بالعكس لو ما طلبته جان انا صرت مينونة او انتححرت
حاسه بالظلم ؟ نعهم منه اهو ومن اهله الطالمين
شنو أكثر شي مضايقك بعد الطلاق؟ ولا شي مااسمع كلام الناس اطنش الناس تتكلم وما يخلص الكلام سواء تطلقت او لا
تشتاقين له وتتمنين تردين له ؟ وااااااااااااااااااااااااع
شنو أكثر شي ندمتي عليه وعطي نصيحتج لنا؟ ندمت اني تزوجت بس فيه بيبي بينا بنوته عسل خوالها صارلين لها ابوه ثاني


وأترك لك المجال تختارين السؤال الي في بالك وتجاوبين عليه بصوت عالي ؟ بنااات تزوجوا اللي تحبونه مو مثلي انا ولا تستعلسون في الانجاااب يعني انا لمن ولدت اهلي دقوا عليه اتصدقون مايه الا بعد شهرين يبي يسجل البنت بالاسم الي انا مابيه عاندني بالاسم انا ماحبه لاني رفعت عليه قضية نقفة وبلاوووي ين لانه بخخخخخخخخيييييييييييل وطلبت خدامه حقي وشقة اهو ملزوم لاني طلقيته وعنده بيبي م

 

[دلعووووه]

رد: إذا أنتي مطلقه شاركينى؟

كم دام زواجك؟
4 شهور بس

هل تظنين أنك غلطتي وأنك سبب الطلاق؟
لا والله حشى السبب من اهله الله يسامحهم

حاسه بالظلم ؟
ايه والله وايد وربي اني مسكينه وعل نياتي :0bee2e8d89:

شنو أكثر شي مضايقك بعد الطلاق؟
القعده عند اهلي اول ماتطلقت

تشتاقين له وتتمنين تردين له ؟
وايد والله ساعات لما ياخذ بنته احس اني احبه ودي ارجع له لكن هذا نصيبي

شنو أكثر شي ندمتي عليه وعطي نصيحتج لنا؟
زواجي بكبره ندمت عليه وبصراحه رفضت 5 قبله ولما يه ريلي سبحان الله وافقت عليه
وطالع شلون صار معاي الحمدلله على كل حال
ونصيحتي لكم : لاتتزوجين الا لما تسألون عنه حتى لو شهر كامل وانتو تسألون عنه عشان مايطلع نفس زوجي
الحمدلله والشكر ..

اختصار قصتي
لما كان عمري 18 سنه يولي يمكن 5 يخطبوني << عادتهم بعد لوووووووووووووول
المهم ماوافقت عليهم كنت اقول ابي اعنس وانا عانس ويع من الرياييل قطع ماحبهم
وقبل لادش 19 بشهر خطبتني وحده من طرف صديقة اختي
حق اخوها المليغ :dddds: ورفضته بعد قبل لاشوفه بس ابوي حسافه قالي مايصير كلما واحد يخطبج ترفضينه خلاص انتي كبرتي وبعمر الزواج واحنا مودايمين لج اما انا شوي وفيني بجيه مابي اتزوج ابد
بس اختي اصرت اني اشوف خواته وامه وطبعا شفتهم
واليوم الثاني شفته انا وابوي
وتخيلو وافقت على طول بدون تفكير ( وربي بنات يوم امه زارتنا امسكت ايدي وبعدها هدتها ماني عارفه ليش تقول حق اختي ايدها بارده وتغمز حق اختي ) حاسه ان مسويتلي شي عشان اوافق على ولدها استغفر الله ماحطها بذمتي
المهم وافقت وحددنا الملجه وصارت الملجه وكنت حدي خايفه حتى لساني انربط يوم شفته وحتى اهو
غصب نتحجى مع بعض من المستحى المهم تزوجته وكنت وايد زينه معاه ماطلب شي ابد حتى الفلوس غصب اخذ منه استحي اقولها بس اهو شوي بخيل ماحب هالشي بالريال واذا تهاوشت معاه يكبر السالفه ويقول حق امه واخته عني وطبعا مايصدقون خبر على طول ينقلونه حق ابوي ومن هالسوالف زهقت منه ومره قالي شوفي اذا امي دقت علي ردي عليها اما اذا رقم ثاني لتردين واهني خفت قلت اكيد عنده ارقام بنات وحاط قفل عشان لاشوف تلفونه حسبي الله ونعم الوكيل
بس بصراحه كرهته يوم حملت وطلبت الطلاق منه وكان يقولي ان اول عنده خرابيط انزين شكو تقولي
ويقول في وحده من كثر ماتحبني يايه بيتنا تخطبني وانا زهقت من هالسالفه لأن وايد سمعتها من اهله عشان يقهروني
وامه طبعا عراقيه خايسه :eh_s(14): دايم تخرب علينا الله يسامحها وبصراحه هددت اهلي قلت لهم ياتاخذوني او اسوي شي بنفسي والحبايب اخترعو على طول خذوني وقعدت عند اهلي بشهر 10 وعلى شهر 2 تطلقت منه صج كرهته بحمالي وبعدها يوم ولدت اشتقتله بس شسوي الله كريم .. وهذا اختصار قصتي لأنها طويله حيل ..
بس لما يشوف بنته يوم يزور بيت اهلي يقول حق اختي عني اني ارفسه على رقبته ودايم اقل ادبي صج مايستحي
بس شسوي شباب الحين طايشين .. الله كريم يارب تعوضني بزوج صالح امين يارب العالمين ..

وان شاء الله يعوضكم بنات اللي مطلقه بزوج صالح امين يارب ..

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الله يعوضكم يارب انا مو مطلقة بس دشيت الموضوع حابة أدعي لكم ... وبصراحة استفدت وايد من نصايح سمراء ومن عهود .

لان ساعات انتي تكونين عايشة جدام الناس متزوجة بس داخل بيتج ماكو أي انسجام أو تواصل أو راحة نفسية مع زوجج ....

صدقوني عندي قاعدة : تعيشين في بيت اهلج معززة مكرمة ولا مع زوج ما يدري عن هوا دارج ....

بس

اللي عندها اعيال لازم تتحمل وتصبر مع هالزوج علشان تربيهم لان الياهل تنكسر نفسيته بطلاق امه وابوه انا خالتي مستشارة نفسية ودايما اتأكد لنا على هالنقطة .


يارب يمسح على قلوبكم حبايب قلبي ... من أمس وانا أقرا ردودكم وقسما بلله العظيم أنتوا أقوياء .... اللي تحملتوا كل هالضيم وهمن تضحكون وتسولفون وتفرفشون ... صح والا غلط كلامي ؟ :denya:


ومابيكم تنسون الدعاء ....... ولا تنجرفون وراء كلمة حب غير صادقة تنقال لكم خاصة في رياييل يصطادون بالمية العكرة ويستغلون المطلقة .... أحس من واجبي اقول هالنصيحة لأن ربي يحاسبني لو ما قلتها ...

أحبكم يا بنات ديرتي :q8:


يارب يعوضكم بأزواج احسن منهم


واخيرا ديروا بالكم على نفسكم ...
تحياتي أختكم : قطوة :aha:

بنيابه عن جميع الخالعات و المطلقات اشكرج على هذه الدعوه الله يستجيب منج يارب
وماقصرتي ..:68_asmilies-com:

 

[عهود الحب]

رد: إذا أنتي مطلقه شاركينى؟

تسلمون بنات على كلامكم الي يوسع الصدر
رحت للمحكمة وحسيت من الجلسة انه القاضي ماراح يطلقني
محد راح معاي يشهد بالجلسة
وانا ماعندي قدرة كلامية استحي وتوترت لما شفت زوجي السابق

وكنت موعارفه ابرر طلب الطلاق للضرر عدل
كل ما اقول شي يطلع كلامي غلط هههههههه
والغريبة انه زوجي السابق شاف المحامي يدنق علي يكلمني وانا واقفة يمه
بغى يموتني شقني بعيونه شق

حسيت بيقوم يطقني انا والمحامي وربي ستر
حاول يكلمني سويت روحي ماشوفه
وانا والله اشوفه بس مضيومة حب قديم واحاول اموته
وفوق جذي مكابرة الجرح ذبحتني

رديت البيت وبجيت لين صفى راسي

لا البجي يبرد القلب ولا الحظ قام وتسنع

الحال من ردي لأردى


بس الحل عند حلال العقد

 

[عهود الحب]

رد: إذا أنتي مطلقه شاركينى؟

دام الدنيا فرقتنا مادري متى يطلقني ويطلق سراحي
قلبي طير ومحبوس بقفص ويرفرف لين يموت ضيم وحرة
والشريجة تحررر تحررر


وما ني قادرة انسى الي صار بيني وبينه
والقاضي خلاني ما اساوي بيزة

شوي ويقولي انتي ماتطيعين زوجج

طبعا هو حكم مرجح

واكيد بيرفض الطلاق بالتقرير الي بيكتبه واكيد بيكتب انه مافي سبب مقنع للطلاق

حسبي الله ونعم الوكيل


العيد ماهو عيد

ولا الحظ راضي يبتسم لي

 

[عهود الحب]

رد: إذا أنتي مطلقه شاركينى؟

كل عام و انتم بخير

عيدكم مبارك عسى الفرح فالكم بهالعيد

​

 

[برونزية رشيقة]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

العفووووووووووووووو حياتي ما سويت شي انتوا تستاهلون ...

وعسى الله يفرح قلوبكم انشاءالله .. ويعوضكم عن اللي شفتوه .

عيدكم مبارك ...... ضحكوا واستانسوا وقطووووا الهم ورة ظهوركم ... استااانسوا بالعيد .

 

[يابختي]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا تطلقت عقب ملجة....
بالبداية ما همني راي الناس همني نفسي... بس بعد فترة بديت احسفي بعض البنات حواليني يكشون مني... خايفين اني احسدهم مع ان ما عندي هالطبع والحمدالله.. فابتعدت عنهم.. وفي منهم اللي اشكره تقولي... انتي لا ولد ولا تلد على شنو مشغوله... .. وفي اللي اشكره قامت تخاف من ريلها مني..واصلا ريلها عينه زايغة.. وقامت اذا بروح مكان واهيا تبي تروح..تخلي احد ثاني يوصلها مو ريلها ... عاد من الله انا ريلها ما ينزل لي من زور...


واللي كان اكثر شي يذبحني... تشمتت الناس فيني...


الحمدالله على كل حال

 

[رحاب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

شلونكم بنات

عيدكم مبارك وتقبل الله طاعتكم​

 

[رحاب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا تطلقت عقب ملجة....
بالبداية ما همني راي الناس همني نفسي... بس بعد فترة بديت احسفي بعض البنات حواليني يكشون مني... خايفين اني احسدهم مع ان ما عندي هالطبع والحمدالله.. فابتعدت عنهم.. وفي منهم اللي اشكره تقولي... انتي لا ولد ولا تلد على شنو مشغوله... .. وفي اللي اشكره قامت تخاف من ريلها مني..واصلا ريلها عينه زايغة.. وقامت اذا بروح مكان واهيا تبي تروح..تخلي احد ثاني يوصلها مو ريلها ... عاد من الله انا ريلها ما ينزل لي من زور...


واللي كان اكثر شي يذبحني... تشمتت الناس فيني...


الحمدالله على كل حال

نفس اللي أمر فيه .. الله يعينج حبيبتي​

 

[*الحالمه*]

رد: إذا أنتي مطلقه شاركينى؟

عيدكم مبارك و عساكم من عواده
== << ضايق خلقها لان رمضان خلص الله يعوده علينا بصحة و عافية

يارب بهاليوم المبارك الفضيل

اليوم اللي تتنازع في قلب المسلمين مشاعر متناقضه

حزن لرحيل شهر الخير و العمل و الطاعات و السكينه و فرح لقدوم العيد

تشفي كل مريض فأنت الشافي المعافي

و تفرج هم كل مهموم و كربة كل مكروب

اللهم أسألك بأسمائك الحسنى كلها أن ترزق كل محروم

و تهدي كل ضال و تنور دروبنا بنور الايمان و طاعة الرحمن

اللهم انا لما انزلت لنا من خير فقراء

اللهم انا لما انزلت لنا من خير فقراء

اللهم انا لما انزلت لنا من خير فقراء
===================

ما عليه يا عهود تفرج باذن الله انتي الحي بالدعاء

و ادعي بهالنص :

" اللهم انك اعلم مني بما ينفعني و يضرني

اللهم اسألك بقدرتك و عظمتك أن تفرج همي و تجعل لي مخرجا

اللهم ان كان في رجوعي لزوجي خيرا لي و له فسهل ذلك و ان كان

في رجوعي له شر لي و له فابعده عني و ابعدني عنه و اصرفه عني

و اصرفني عنه

اللهم انك تعلم ضعفي و انت القوي فأعني و ارحمني "


حاسه فيج يا اختي روحة المحكمه مهي هينه لبنات الحمايل شلون و اهي مجبره عليها

الله معاج يا قلبي ... لا تفقدين الأمل و تأكدي ان ربج ارحم عليج منج انتي !!

الله يفرج همج و يحققلج اللي فيه الصالح

خلج متفائله ... و فرحي قلبج و قلي عيالج

ترى احنا بعيد و ان شاء الله انه سعيد و كله خير

الله يحفظج :eh_s(6):

 

[*الحالمه*]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

عيدكم مبارك يا زميلاتي العزيزات

فالكم السعاده ان شاء الله و الإنطلاق نحو أمل جديد

 

[عهود الحب]

رد: إذا أنتي مطلقه شاركينى؟

حسبي الله ونعم الوكيل في كل من سعت بمضرتي
حسبي الله ونعم الوكيل فيهن وانا ادري ساس مشكلتي كلها من تحت راس حريم


حسيبهن ربهن


عسى من ذوقتني ضيم الحرة والقهر والغبينه تذوقه عاجل ولا آجل
عسى من ذوقتني الشريجة وغبينة الهجر والاشاعات والضيم تذووووووووووقه


بحق هالعيد ووبحق هالخمسة الي بحضني


حسبي على كل من هدم بيتي عسى ربي يكتب له يذوق ربع حرتي



حسيبهم ربهم والله ماسامحهم




دخلة المحكمة ماهي سهله والقهر جدام رجلج ؟؟؟ شي ماربيت عليه


دخلت المحكمة اطلب حقي وحق عيالي غصيبه ماهو بكيفي مير عسى ربي يحلها عسى ربي يسهل اموري



يارب احترت واحتارت فيني خطاي


ان مشيت لجدام لقيت روحي رديت قري


لا الزمان طاعني ولاقدرت اطيعه



ظلم الغريب اهون علي من ظلم اقرب الناس لي


حسيبه ربه والمصيبة يقول للقاضي ابي مرتي ولا اسامح من يطلقها مني

والقاضي زين زين الله ستر ماطقني والله حسيت بيطقني

انا مابي شي خلاص ابي بس كرامتي جدام نفسي


كرهت نفسي لما مصخرني القاضي حسسني اني ناشز


انا ناشز ؟


يجوز


بس بالاكيد السبب ظلمه لي وبهتانه فيني جدام خلق ربي
حسبي الله ونعم الوكيل
الله يكتب لي الخيرة


الحالمة بنسخ دعائج واحفظه بجهازي
واقراه كود يرتاح قلبي


احس مضيومة وانا والله موكئيبه انا انسانه احب الفرح والحياة وامشي حياتي كيف مامشت
مير الزمان مرات يحسسج بمراااااااااااااااااااااااارة غصب ماهو طيب نطعمها

كثرت كلام ولا برد قلبي من ضيم الظلم

 

[ror44]

رد: إذا أنتي مطلقه شاركينى؟

وااااااااااااااااي الله يكون بعونج ,,,
يالله يفرج همج وينصرج على من ظلمج

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا تطلقت عقب ملجة....
بالبداية ما همني راي الناس همني نفسي... بس بعد فترة بديت احسفي بعض البنات حواليني يكشون مني... خايفين اني احسدهم مع ان ما عندي هالطبع والحمدالله.. فابتعدت عنهم.. وفي منهم اللي اشكره تقولي... انتي لا ولد ولا تلد على شنو مشغوله... .. وفي اللي اشكره قامت تخاف من ريلها مني..واصلا ريلها عينه زايغة.. وقامت اذا بروح مكان واهيا تبي تروح..تخلي احد ثاني يوصلها مو ريلها ... عاد من الله انا ريلها ما ينزل لي من زور...


واللي كان اكثر شي يذبحني... تشمتت الناس فيني...


الحمدالله على كل حال

(( يا بختي )) خلي ثقتج بنفسج قويه ..
صدقيني مو مسالة مطلقة .. مسألة انج مو متزوجه وبس كل وحده تخاف على زوجها من أي وحده مو متزوجه عاد عانس ولا مطلقه ولا بعد ما يه نصيبهاااا مو هذي مشكلتهااا
صدقيني مرات اكون داخله مطعم مع رفيجتي ويكون في وحده قاعده مع زوجهااا احسهااا تطلق طلق ولاده على ما نستقر في مكان بعيد عن عين زوجهااا هذي و هي ما تعرف اني مطلقه يعني لا تحطين في بالج ..وبصراحه انا وحده ما اسكت
لو سمعت كلمة انتي شنو عندج ؟؟ مشغوله فيه كله فاضيه ؟؟
والله ارد عليها رد يجعمهااا ولا تقدر تدري علي بنص كلمه ..الحمدالله على كل حال جنه تطلقناااا واحنا فرحانين بالطلاق
ما جنه كان الحل الوحيد الي جدامنااا
الله يعوضنا خير يارب ..

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

شلونكم بنات

عيدكم مبارك وتقبل الله طاعتكم​

[

/b]​

منا ومنج صالح الأعمال يا رب شلونج حبيبتي ؟؟ ​

 

[سمراء كويتية]

رد: إذا أنتي مطلقه شاركينى؟

حسبي الله ونعم الوكيل في كل من سعت بمضرتي
حسبي الله ونعم الوكيل فيهن وانا ادري ساس مشكلتي كلها من تحت راس حريم


حسيبهن ربهن


عسى من ذوقتني ضيم الحرة والقهر والغبينه تذوقه عاجل ولا آجل
عسى من ذوقتني الشريجة وغبينة الهجر والاشاعات والضيم تذووووووووووقه


بحق هالعيد ووبحق هالخمسة الي بحضني


حسبي على كل من هدم بيتي عسى ربي يكتب له يذوق ربع حرتي



حسيبهم ربهم والله ماسامحهم




دخلة المحكمة ماهي سهله والقهر جدام رجلج ؟؟؟ شي ماربيت عليه


دخلت المحكمة اطلب حقي وحق عيالي غصيبه ماهو بكيفي مير عسى ربي يحلها عسى ربي يسهل اموري



يارب احترت واحتارت فيني خطاي


ان مشيت لجدام لقيت روحي رديت قري


لا الزمان طاعني ولاقدرت اطيعه



ظلم الغريب اهون علي من ظلم اقرب الناس لي


حسيبه ربه والمصيبة يقول للقاضي ابي مرتي ولا اسامح من يطلقها مني

والقاضي زين زين الله ستر ماطقني والله حسيت بيطقني

انا مابي شي خلاص ابي بس كرامتي جدام نفسي


كرهت نفسي لما مصخرني القاضي حسسني اني ناشز


انا ناشز ؟


يجوز


بس بالاكيد السبب ظلمه لي وبهتانه فيني جدام خلق ربي
حسبي الله ونعم الوكيل
الله يكتب لي الخيرة


الحالمة بنسخ دعائج واحفظه بجهازي
واقراه كود يرتاح قلبي


احس مضيومة وانا والله موكئيبه انا انسانه احب الفرح والحياة وامشي حياتي كيف مامشت
مير الزمان مرات يحسسج بمراااااااااااااااااااااااارة غصب ماهو طيب نطعمها

كثرت كلام ولا برد قلبي من ضيم الظلم

حبيبتي عهود الحب ..
أول شي عيدج مبارك و الخير فالج يارب
وثاني شي ..
انا كنت طالبه طلاق للضرر وظلت أوراقي بالمحكمه من جلسه لي جلسه حول 10 شهور وآخر شي طلعت روقة ((ضبت و إحظار )) لأن عليه نفقه وقامو اهما اتصلووو على مكتب المحامي وقالوو مستعدين نطلق بس خل تقسط لنا المبلغ لأن ما عنده .. ورحت ثاني يوم وسويت خلع وافتكيت (( الفال لج انشالله )) سمعيني حبيتي عدل (( المحكمه ما لها شغل بأسبابج مقنعه و لا لأء لأن وفي وايد ناس يطلبون طلاق للضرر و ما يذكرون الأسباب متحفظين يعني .. و المحكمه تطلق تطلق مدامج طلبتي الطلاق ويكون بعلمج ترى شاهدة الأهل لا تجدم ولا تأخر يعني باختصار المحكمة راح اطلقج بس راح تاخذ وقت لأن عندج عيال توقعي سنه و نص ومن رفع القضيه وبعدين لا تخافين من سالفة ناشز ولا تطريلج على بال لأن اذا قالو عنج ناشز يتم الطلاق و تسقط عنج نفقة الطلاق يعني حول 600 دينار <<< خبره بالمحاكم عيشي حياتج و لا تحاتين والطلاق مرده بيصير بس الصبر الصبر يا قلبي ..والله يفرج همج انشالله ​