أمهات .. بنات .. خوات .. تعالوا نتفادى الحوادث ايللي ماكانت عالبال

[c a t w o m a n]

تسلمون عالمرور

إختي لا تخلين الياهل عالسرير لا تقولين ما يقلب لي الحين بين لحظه و لحظه تلاقينه قالب من دون سابق انذار

 

[swanyway]

سلك الكواية اذ بتكوين او التلفون او الاب توب يشدها و تطيح عليهم بسم الله عليهم فاانتبهوا من اي شئ فيه سلك

الشماعة اللي توقف بروحها موب اللي معلقه على جدا عليها عباية يشدون العباية وتطيح الشماعة بكبرها و الشراشف والمفارش نفس شئ يشدون المفرش ويطيح كل شئ على الطاولة

الاقلام دايم يالحلقج يا بالعين و المفاتيح بعد الثلاجة مرة وحده من عيالنا عمرة سنتين و شوي دخلت الثلاجة و صكت على عمرها مااكتشفناه الا بعدين و بعد الدواليب والخزانات

بيبان السيارة لازم تنقفل وبعد النوافذ و مايتحكمون فيهم

 

[.،:"$الـعـوبــــة$":،.]

صح ذكرتوني،،

بنتي سريرها جنب سريري وانا احط مطارة الماي ومقسم الحليب ورضاعتها عالكوميدينه على اساس اقوم اسويلها،،

من بدت اتمسك واتوقف انصدمت انها اتمد ايدها للمطاره والرضاعه قزاز من بعدها قمت ابعد سريرها عن الكوميدينه،،

وبعد صايره تنط من سريرها بس اشوا انس ملزقته بسريري والا كان طاحت عالارض !

من بدت تمشي تكرمون اتفللللت تفللللت عالحمام واخاف تزلق فيه او تفتح الماي الحار !

لان عيالي اسم الله عليهم اذا راحوا الحمام ينسون يسكرون الباب !!

ياربي الله يستر عليهم احس شغلات شكثر !!

​

 

[عنووشه]

انا بنتي مره كنت حاطتها بسريرها والسرير يم سريري ومنزله الحمايه اللي علي صوبي عشان اسهل لي بجت ولا شي



ما اشوف بنص الليل الا اللي ناطره. وجايتني زحف


وهو عمرها كان سنه اخترعت الصراحه


ومرا بعد حاولت تاكل الزقاير اللي بالطفايه


انا بنتي اي شي بالحلج وحنااانه.

 

[سوسو حبيبتى]

لوووول المفروض نسمي المووضوع مغامرات اولادنا النووتي


سوسو بنتي من يومها وهي مبدعه كل شي كانت تعمله ..

اكتر من مرة توقع من على السرير

وبسببها كل الادراج مالت المطبخ وغرفه النوم كانت مقفوله

ودرج السكاكين للحين اعلي شي

وكانت هوايتها المفضله تتطلع كل الصحون

بس الحين الحمدلله تعلمت شوي .. ومن القواعد المهمه انها ممنوع تتدش المطبخ طول ما انا بطبخ

بنت عمي كانت شايله ابنها وهي بتتطبخ ووقع من ايدها ع النار وانحرق

من يومها صار عندنا عقده

 

[mafio98]

مرة ثانية لاتدخليين ايدج بلعوومج


حطييه بطنه على ركبتج

و طقي ظهره 3 مرات ورا بعض

ااذا مانفع حطيي ظهري على بطنج وانتي مييلي شوي ليي جداام

يعني اتصيرين انتي فووق

و ظغطي على بطنه حييل

راح يطلع الغطا انشالله
اانا السوارة شفت طرفها طاالع فا سحبتها يعني سوارة تقدرين تمسكيين طرفها
بس الغطا ساعات ماتبين طرفها فا لما
صبعج اتدش داخل زيادة

ثانكيو عالمعلومه طريقتج صح بس انا حزتها كنت مخترعه واهو بالعربانه وعلى مابطل العربانه واشيلع مادري شبيصير الحمد الله عدت على خير

 

[om MaRyooM]

ياسلام عليكم .. روعة هالموضوع

يسلموو كات حبيبتي




انا الحين عندي مشكلة مع ريووم عمرها 5اشهر
جم مرة اقعد على صوتها اطل عليها والاقي الكنبل فوق وييهها مادري شلوون يصعد

مع اني اكون حذرة لما اغطيها
فانام وانا موسوسة اخاف تختنق

 

[c a t w o m a n]

اهلا و سهلا نورتوا


حيا الله ام مريوم عيل لو اقولج بنتي كنت امهدها بالسرير اقوم القاها بمكان ثاني بالسرير واهي ممهدة قعدت اراقبهااكتشفت انها و اهي نايمه تعافر فتصير مثل الدودة تزحف من مكان لي مكان .. اتوقع الكمبل نفس الشي تعافر بريلها ترفعهم او ايدها تييبه على ويهها

 

[om MaRyooM]

هههههههه

صح تحليج عدل ..بس ماردي شالحل

 

[.،:"$الـعـوبــــة$":،.]

ام مريوم سوي نفسي ،

اذا انتي ماتمهدينها كثري ملابسها ومولازم كنبل،،

اخذلها بيجامات كامله ثقال حييييل وخلاص،

 

[c a t w o m a n]

او كمبل مذركير المشخل ثقيل يدفي جفسيه طبقتين لانه طويل و ان ياه عالويه ما تحاتين

 

[om MaRyooM]

كات وومن

عدل كلامج .. الحين قاعدة اجفس الكمبل من الصوبين احطه تحتها عالجوانب عرفتي






العوبة

ماادري .. احس الياهل يحس باماان بالكمبل

تخيلي انج لابسة هدوووم ونايمة بس مو فوقج كمبل .. احس شعور مو شي
هههه

 

[دنيا أبوها]

موضوع أكثر من روعة ....
يعطيج الف الف عافية .....

انا بنتي صغيرة ٤ شهور ...
الشي اللي ما كنت انتبه له .. لمن البسها الكبوس او القبعة .. واهي نايمة ...ساعات اطل عليها و الا مغطيها لحدةخشمها وحلجها واهي مو قادرة تتحرك لاني اكون ممهدتها ...

اي وساعات وهي بحضني اسوي رضعتها خاصة بالليل لمن اكون مستعجلة ودايخة ... فالمطارة ثقيلة مرة بغت تزلق عليها وهي بحضني .. بس الله ستر ..
الحين ما قمت اسوي الممية وهي بحضني .. حيييل خفت من هالسالفة ...

الله يحفظ عيالنا وبيبياتنا من كل شر وأذى ....

 

[c a t w o m a n]

الله يسلمج حبيبتي الأروع مرورج

الله يحفظ عيالنا من كل سو يا رب

 

[bnoota-kw]

انا بنتي وايد اقعد من النوم والكمبل على ويها العوبه عبالها وناسه لمن اشيله تضحك وهي عمرها 9 شهور وااااايد احاتي هالسالفه وووو بعد .....

اي
مره كنت منيمتها يمي بالفراش بس بالطرف هذا قبل لاتقلب ولا شي تخيلو تقلبت فجأه وكنت حاطه يمها مخده دازتها وطايحه على الارض والارض سيراميك بس الحمدالله طاحت على المخده بعدين الارض من عقبها تووووووووووووبه تنام يمي على فراشها .

وبعد مممممم :eh_s(10):

مره مقعدتها على القنفه ورحت اسوي مميه حقها وابوها قاعد يمها عشتو :eh_s(20):
البنت قاعده تلعب بمصاصتها ولا تزلق منها المصاصه واهيا تبي تييبها جان تنقلب من فوق القنفه بعد عمري بنيتي :eh_s(2): عانت المسكينه ...

 

[c a t w o m a n]

لا تحاتين سالفه الكمبل سمالله عليها تقدر توخره عنها اذا مضايقها


وسالفة السرير صاجة اشكثر اخاف منها انا بنتي فجأة عالسرير قلبت ما كانت تقلب حزتها فديروا بالكم ياهل لي ياهل يختلف في يهال يقلبون باربع شهور في يهال يقلبون بو ست شهور ما تدرين

 

[hooryah q8]

كرسي الاكل صارت ابنتي ازلقت و انحكرت تحت ماقدرنا انطلعها انا و ريلي الا لما شلنا الصحن الي بالنص يالله طلعناها

والله اليهال حوادثهم اتخرع يبيلهم امجااااابل

 

[نعوومة *كيووت]

أنا ولدي لما كاان صغيير وكاان نايم بالليل وانا نائمه وقمت ابي اغير حفاظه الا أشوف وجهه كله مغطى بالدم بوقته كاان يحبي
وأخذ مفتاح البيبسي وشق اللجام بس أنا مانتبهت له ونيمته وفعلا كااان الموقف الله لايعيدة وطبعا للحين اللجام حساس وبين فترة وفترة ينزف خصوصا انه معه سيوله بالدم واللحين هو عمرة 6 سنوات فديته الله يحفظه ويشافيه

 

[HASB_83]

خوووش موضوع

وايد بنات كل رد يخرع اكثر من اللي قبله!

انا بنتي اسم الله عليها توها 4 اشهر ونص ليلحين ما تقلب عدل عدل بس تلف وتحوس.. يعني لما اخليها تلعب على الارض وتحتها اللحااف اشوف راسها مكان ريولها


اتوقع بعد فتره راح تقلب عدل

بس انا بفراشها حاطه السكيوريتي اللي دار مدار الخشب وايد اامن


الله يحفظهم ان شاءالله

 

[يا كويتنا]

موضوووع رووووعه


انا بس حابه احذركم من غطاوي الاقلام القطن الصغير عشان مايدخلونه بخشمهم صارت مع بنت اختي


قطن الاذان ديروا بالكم منه



وغطاوي ماي الصحه الصغير بعد وي البارح بالمخيم بنت خالتي غصت بغطات الماي يالله طلعناه من حلجها

واهم اهم شي قربت لمسيرات ديروا بالكم من الاعلام والعود الخشب لا يدش بلهات الجاهل قبل جم سنه كنت منومه بنتي والا وحده منومه معانا ولدها قازينه بحلجه بالعلم المبوز مال العلم وخايطين لهاته له. الله يستر عليهم يااارب



وسلامتكم وسلامت اعيالكم واهم اهم شي استودعيهم في كل طلعه لج وروووحه سوا كنتي معاهم او لا