أمريكا2011؟! هالمرة سفرتي غير!!

[malekatsabaa]

صباح الخير

بنات ابي اسماء مطاعم اسلاميه في نيويورك قريبه من التايم سكوير
وفي اورلاندو غير مطعم (القدس)
بليييييز

وصج من التايم سكوير لي الاوتلت woodbury تقريبا ساعه وربع ؟؟؟...هذا بعد ماحسبنا زحمة الطريج!

 

[أم أحلى جود]

السلام عليكم اشلوونكم لي عوده معاكم ان شاء الله بس بغيت اسأل رونه والبنات في منطقه امدحولي اياها وايد تبعد عن ميامي نص ساعه اسمها فورت لودرديل يقولون جنها نيس وكان اباريس ياريت الي اعرفها يفيدني
واشلون على تذاكر دزني شنو الافضل والارخص احجز من النت ولا لارحت هناك ساعات تلاقين بالفندق يبعونهم ارخص شرااايكم ؟

 

[new woman]

صباح الخير علا الاهيين بتجهيزات السفر

ان شاء الله اتروحون وترجعوووووووووون بالسلامة

 

[cat_q8]

السلام عليكم
رونا شلوووونج وااااي يحلوج ماشالله بالج طويل الله يجزاج كل خير على الردرد والمعلومات الحلوة والدقيقه :eh_s(7):
انا كنت معاج بتجمع 2009 ورحت اورلاندو وحده استااانسا بس العام ماسافرت كنت حامل بس هالسنه انشالله راح تكون سفرتي
كاللأتي
طبعا حجزنا وخلصنا على الامارتيه وتذاكرنا 1900 دينار انا وريلي و ولدي اربع سنين وبنتي 9 شهور خط السير كويت-دبي ساعه ترانزيت -لوس انجلوس يقعد بلوس انجلوس 10 ايام بعدين بروح ساندييقو اقعد فيها اربع ايام وبعدين لاس فيغاس اربع ايام وبعدين ارد لوس انجلوس اقعد 6 ايام عشان المطار مناك
عندي جم سؤال واستفسار وانتي ماتقصرين:eh_s(7):
1-لاس فيغاس كافي لها اربع ايام ولا اقل ولا اكثر؟
2-شنو احلا الاماكن بلوس انجلوس وسانديغوو ولاس فيغاس؟
3-احسن فندق بلوس انجلوس يصلح لنا كعائله معانا عيالنا؟
4-احسن فندق بسانديغو ولاس فيغاس؟
5-ولدي اربع سنوات اطلبله تودلر سيت حق السيارة ولا لا ؟
6-لما احجز سيارة من النت شلون اعرف انها تأمين شامل او لا ؟

 

[new woman]

اليوووووووووووووم مختفييييين

 

[^noonaa^]

هااااااااي بناااااات

امبيييه اشفيكم غطيتووو لوول

وعليييييه جذي الويكند يسوي فيكم

 

[new woman]

بصراحة لاحظت ان امريكا حلاتها بس حق شخصين وياهل فوق 7 سنوات

اكثر من جذي كسرت ظهر بالمصاريف ودووووخه لا غرفة تكفي ولا سيارة تكفي

 

[واصله]

بناتوا
شخباركم
ابي المووقع اللي فيه كل اسوقه لوس انجلوس وعناوينهم وين احصله
انا سفرتي ان شالله 13/6 عالاماراتيه
حجزت وايلشايرهوتل مسوين عليه عرض حق البنات اللي يدورون فنادق ترا الفندق حلو وكل شي يمه واهم شي ان فيه ستاربكس

 

[أم صالح]

بصراحة لاحظت ان امريكا حلاتها بس حق شخصين وياهل فوق 7 سنوات

اكثر من جذي كسرت ظهر بالمصاريف ودووووخه لا غرفة تكفي ولا سيارة تكفي

صاجه أنا ماحب أللويه بالسفر واليمعه بس وين أودي عيالي ماقدر أسافر بدونهم

 

[أم صالح]

بصراحة لاحظت ان امريكا حلاتها بس حق شخصين وياهل فوق 7 سنوات

اكثر من جذي كسرت ظهر بالمصاريف ودووووخه لا غرفة تكفي ولا سيارة تكفي

صاجه أنا ماحب أللويه بالسفر واليمعه بس وين أودي عيالي ماقدر أسافر بدونهم

 

[ودي***أفرح]

بناتوا
شخباركم
ابي المووقع اللي فيه كل اسوقه لوس انجلوس وعناوينهم وين احصله
انا سفرتي ان شالله 13/6 عالاماراتيه
حجزت وايلشايرهوتل مسوين عليه عرض حق البنات اللي يدورون فنادق ترا الفندق حلو وكل شي يمه واهم شي ان فيه ستاربكس

ممكن تحطين موقع الفندق وبجم الليله؟؟

 

[ناسي626]

امبييييييييييه وينكم:eh_s(11):

 

[.. ღ همس ღ ..]

الله يهنيج

تروحين وتردين بالسسلآآمه

 

[واصله]

ودي افرح
والله احنا حجزناه من موقع اكسبيديا مافي غيرة وايلشاير هوتل
طلع الفندق حق 18يوم مع السيارة 600دك

 

[q8tiaa81]

وينكم اليوم حده صخخخخخة ماكو احد

 

[أم بنوته]

صباح الخير على أحلى أمريكيات
وينكم .......صارلكم جم يوم صخه...... عسى المانع خير......
يالله عن الكسل ناطره مشاركاتكم ....:eh_s(7):​

 

[^noonaa^]

السلاااام عليييكم
شلوونكم

هااا وييين البنااااات عسى ماااشر??!!


بناااات اللي متعودين يسافرون مسافات طويله

شتسوون بالطيااره واتقزرونهاا بشنووو
لانه من الحين احاااااتي انا كرهييي الطياااره من اركبها وانا جبدي بس تقلب وصداااااع

شكلي هالمره باخذ بندول نايت جوود اطخ وانااام

 

[rawona]

رووونا يعطيييج ألف ألف عافيه متميزه دايما ماشاءالله عليج موفقه يارب

رفيجي حابه سفسر عن خط حق خدمة ال بي بي والواتس اب لأن أنا سالت هناك قالوا شركة تي موبايل إقطعت هذي الخطوط

المؤقته اللي فيها خدمه مافي إلا العقد المعروف

عندج فكره رووونا ؟؟؟؟

هلا حبوبه

الخدمة تشتغل بأمريكا عادي وما انقطعت .. وعادي تاخذين خط من امريكا مؤقت للنت او للمكالمات وتستخدمينه اوفر واحسن من خط الكويت وفي شركات تسوي هالشي

T mobile

at & t

روووووووووونه الله يعطيج العافيه على الصور والمعلومات

سيفت كل شي علشان ما انسى

ابشرج صرتي مشهوره عند زوجي وعيالي ...كل شوي طالعه بمعلومات يقولون من قالج اقولهم روووونه ...

عاد هم ما يحمدون ربهم بس طايحين طنازه علي يقولون خلصنا من عزيز ( العرب المسافرون) طلعتي برووونه

بس انا عطيتهم طاف وما ارد عليهم.......

لوووول انا من هالناحية مشهوره عند كل الناس وعدوة الازواج كلهم يقولون خربت حريمهم وشيشتهم على أمريكا :bbbiu: حتى أول كتاب نزلته لي كان عن السفر :/

قوة بنات شلونكم روونة ماكو مسرحيات في اورلاندو هالصيف؟ ودي اروح مسرحية استانس فيها انا واليهال كان بخاطري شريك

مادري شنو تقصدين بالمسرحيات .. بس في عروض ..

مادري اذا تحبون جذي في مطاعم يسوون عروض وانتي تتعشين .. مثل

Pirates dinner show

Arabian Nights dinner show

انا ما احب اكلهم فما اروح حق هالعروض ..

في عرض 3D حق شريك في اليونيفيرسال اللي باورلاندو .. وفي عروض ثانية بعد لبارني داخل اليونيفيرسال .. وعرض بيوتي اند ذا بيست على المسرح في حديقة ديزني هوليوود ستوديوز وعرض ذا ليون كينغ وعرض نيمو على المسرح في حديقة الانيمال كينغ دوم مالت ديزني ..

سؤال ثاني روونا تحمليني عروض سيرك دي سوليه راح تكون موجودة في اورلاندو هالصييف؟

في عرض حق سيرك دي سولييه موجود في داون تاون ديزني بأورلاندو اسمه لانوبا

La Nuba

روحوا اهناك وشوفوا الايام اللي فيها العرض وحجزوا من اهناك اذكر حجزت الدرجة الثانية كان سعر التذكرة 87$ شي جذي للشخص .. ومسموح لكل الاعمار

روووونه
اليونيفرسال بس واحد بلوس انجلس صح؟
انزين الرحله اللي تركبين باص ويورونج شلون يسوون الافلام واماكنهم بعد باليونيفرسال؟؟
ياريت تحطين لنا اسم الرحله هذي علشان بحجز الحدايق اللي بلوس انجلوس

ايي حبوبه البونيفيرسال بس حديقة وحدة + السيتي ووك في لوس انجلوس .. بس تقصين التذكرة كل شي داخل ابلاش ومنها القطار اللي فيه العروض لأغلب الافلام مثل الفك المفترس .. وأماكن تصوير ديسبريت هاوس وايف .. وكينغ كونغ وغيرهم .. وفيها بعد الحديقة وايد العاب وعروض .. بس تعتبر اقل من اللي في اورلاندو بوايد ..

راح احط لكم موقع لحجز التذاكر وان شاءالله تستفيدون منه ..


اي في شارع المشاهير walk of fame تقدرين تحجزين حق تور بالباص ويودونكم صوب بيوت المشاهير ويورونكم بيوت دكتور فيل ومايكل جاكسون وغيرهم ويودونكم صوب علامة هوليوود علشان تصورون يمها وهذا كله مو باليونيفيرسال برحلة منفصلة بشارع المشاهير وراح تلاقين وايد اكشاك فيها عروض للرحلة تحجزون لها وتروحون بنفس اليوم بس حاولوا تروحون مبجر علشان يمديكم الوقت

وناسه صرت عضوة في بريميوم اوتلت قبل لا نسافر بطبعهم

تأكدي من تاريخ انتهاء القسيمة علشان ما تتوهقين اهي صالحة لمدة شهر

اسم الولايه Tennessee
اسم المنطقه Knoxville تنطق نوقزفيل
اسم المطارMcGhee Tyson Airport.

مشكوره الجوري .. شكلي باشوف ظروفي اذا لغيت ميامي يمكن اروح سموكي ماونتن بالطيارة !

rawona
مشكوررررررررررررة حبيبتي بجد يعطيك ألف عافية عالمعلومات الحلوة

بس عندي استفسار بخصوص العروض الي بنيويورك ؟؟ تنصحين نروح لها ؟؟ و كم ساعة وقت عرضها ؟؟ يعني تضيع اليوم علينا او لا لان ماراح نطول بنيويورك ؟؟ و عرض لاين كينج يمدحونه كثير تنصحين نروح له لان معنا اطفال ؟؟ و عموما العروض تستحق التجربة للعائلة الي وقت سفرتها مو كثير مره ؟؟ لان ما عندي اي خلفية عن العروض و عرضها و ايش تقدم بالضبط ؟؟

يسلمــــو يا عسل و يسلموووو بعد لاي وحده ترد على استفساري ...... من كثر ما حبيت التجمع الحين بفتح تجمعكم حق 2009 تقولون حلو و مليان معلومات

لو تدخلين على المواقع للعروض اللي في نيويورك راح يطلع لج تفاصيل كل عرض واوقات عرضه على حسب التاريخ اللي تختارينه غالباً مدة العرض من ساعتين الى ساعتين ونص .. وفي عروض تبتدي 2-3 العصر وفي عروض بليل على ال8 يعني على حسب العرض واليوم والتاريخ ..

العروض اللي تصلح للاطفال من كل الاعمار بس عرض سيرك دي سوليي زاركانا اما باجي العروض فمن 5 سنوات وفوق ..

روونه مشكوره وايدعالصور والمعلومات الحلوه:eh_s(7):
بس عندي استفسار
انا اذكر المره الي طافت طبعت الفاوجرات بالكويت وخذيتهم معاي
وهناك مارحت الكستمر سيرفس... على طول استخدمتهم بالمحلات...ولا انا ناسيه:eh_s(10):


بنات الخصم ص يصير عجييييب:eh_s(15):لاطوفونه.

في جذي وفي جذي في ورقة تطبعينها عليها اسمج وفيها قسيمة لاستلام دفتر الخصومات تاخذينها للكوستومر سيرفيس يعطونج الكوبونات وغالباً العروض اللي فيها افضل ..

هلا رونا

اول شيء ممكن تعطيني فندق زين بنيويورك يم التايم سكوير حق 4 كبار و2 صغار حق ليلتيين

وبعدين خط رفيجتج من الكويت ولا شاريته من هناك

شوفي هالفندقين واختاري منهم اللي يناسبج وكلهم قراب من التايم سكوير

Marriott New York Marquies

Residence Inn New York Manhatten/ Time Square

وخط رفيجتي ماخذته من اهناك وانا العام فاتحه حطوط من اهناك ودزيت لها مسج أتأكد قالت لي لا عادي الخدمة شغالة وما انقطعت وتوني ماخذه خط من امريكا !

بنات ولي يعافيكم

قاعدة احجز طيران داخلي من نيويورك إلى لوس انجلوس حق 3 كبار و3 صغار يطلع لي السعر ألف تقريبا نا جربت كل الشركات الطيران تقريبا

معقولة اسعار الطيران الداخلي غالية جذي

وا

اسعار التذاكر الداخلية من 60- 100 دينار على حسب الولاية والموسم .. وحزة الحجز وللكبار والصغار نفس السعر

صباح الخـــــــــــــــــــــــــــــــير أحلى بنات

أبي أطلب طلب صغير من خبيرات كاليفورنيا واورلاندو .....

بطلب لأني ادري فيكم ما تقصرون

أبيكم تفيدونا شنو أحسن الاشياء اللي نشتريها من أمريكا ؟؟؟؟ ملابس - جناط - تكرمون جواتي - مواد تجميل - واشياء أخرى

وبسألكم عن الايفون والبلاك بيري تنصحون نشتريهم من أمريكا ,,,,وليش؟؟؟؟

وشكـــــــــــرأأأأأأأأأأأأأأأ

بالنسبة لي سوق أمريكا حلو والأحلى العروض اللي يسوونها ساعات تشترين أشياء مو في بالج عن الحسافة بسبب سعرها والعروض اللي مسوينها .. وعلى الآي فون اخذيه من محلات الابل ستور بأمريكا والبلاك بيري والاجهزة الثانية جيكي عليهم بمحلات بيست باي best buy

انا ماأقصد الخدمه علي خط الكوي لان تري راح طلع الفاتوره بالاميات اللي ستعمل الخدمه علي خط الكويت

أنا اقصد خط شركات ثانيه فيها خدمه كان في تي موبايل ب 70 دولار مادري جم والله ناسيه

في الخدمه بس الحين قطعوا مافي

ري اللي بسافر رلاح توهق بهالشيء وانتوا موعارفين مافي غلا خطوط عاديه simple t mopile بس مسجات عاديه وبين خطين ببلاش داخل امريكا اما خدمه ال بي بي والواتس اب مافي
انا أنصح اللي تسافر تسكر خدمتها علي خط الكويت لان راح يصرف وايد رفيجتي رجعت فاتورتها
ماصدق 220 لاتستغربون أنتوا لو تتصلون من خط الكوي مكالمه بس شوفوا جو يحسب

اي حبوبه تأكدت منها قالت لي اهي ماخذه خط امريكي وشغال .. فلا تحاتين ان شاءالله

صباح الخير

بنات ابي اسماء مطاعم اسلاميه في نيويورك قريبه من التايم سكوير
وفي اورلاندو غير مطعم (القدس)
بليييييز

وصج من التايم سكوير لي الاوتلت woodbury تقريبا ساعه وربع ؟؟؟...هذا بعد ماحسبنا زحمة الطريج!

على المطاعم بأدور واقولج .. وبالنسبة للأوت لت احنا يبعد عن الفندق 45 دقيقة بالسيارة بس ساعات الفندق يسوي خدمة ويودينا بالشتل او دشي على موقع الاوت لت حاطين لج ارقام تكاسي وشركات توديج واتييبج وشوفي بجم يودون واختاري افضل سعر .. او ممكن تأجرين سيارة ليوم واحد علشان تروحين اهناك .. يعتمد على كل واحد وشنو يحب ..

السلام عليكم اشلوونكم لي عوده معاكم ان شاء الله بس بغيت اسأل رونه والبنات في منطقه امدحولي اياها وايد تبعد عن ميامي نص ساعه اسمها فورت لودرديل يقولون جنها نيس وكان اباريس ياريت الي اعرفها يفيدني
واشلون على تذاكر دزني شنو الافضل والارخص احجز من النت ولا لارحت هناك ساعات تلاقين بالفندق يبعونهم ارخص شرااايكم ؟

المنطقة حلوة وشرحة وحلو تتمشين فيها وحتى السكن ارخص شوي من الساوث بيتش ومو بعيدة عن ميامي .. مروها عن الحسافة

وعلى التذاكر راح احط مواقع لحجز التذاكر بس لا تحجزون الا اذا رحتوا اورلاندو ساعات الفنادق تسوي عروض وما تفرق وايد عن الموقع فتحجزون من الفندق افضل انا اسوي جذي ..

 

[rawona]

السلام عليكم
رونا شلوووونج وااااي يحلوج ماشالله بالج طويل الله يجزاج كل خير على الردرد والمعلومات الحلوة والدقيقه :eh_s(7):
انا كنت معاج بتجمع 2009 ورحت اورلاندو وحده استااانسا بس العام ماسافرت كنت حامل بس هالسنه انشالله راح تكون سفرتي
كاللأتي
طبعا حجزنا وخلصنا على الامارتيه وتذاكرنا 1900 دينار انا وريلي و ولدي اربع سنين وبنتي 9 شهور خط السير كويت-دبي ساعه ترانزيت -لوس انجلوس يقعد بلوس انجلوس 10 ايام بعدين بروح ساندييقو اقعد فيها اربع ايام وبعدين لاس فيغاس اربع ايام وبعدين ارد لوس انجلوس اقعد 6 ايام عشان المطار مناك
عندي جم سؤال واستفسار وانتي ماتقصرين:eh_s(7):
1-لاس فيغاس كافي لها اربع ايام ولا اقل ولا اكثر؟
2-شنو احلا الاماكن بلوس انجلوس وسانديغوو ولاس فيغاس؟
3-احسن فندق بلوس انجلوس يصلح لنا كعائله معانا عيالنا؟
4-احسن فندق بسانديغو ولاس فيغاس؟
5-ولدي اربع سنوات اطلبله تودلر سيت حق السيارة ولا لا ؟
6-لما احجز سيارة من النت شلون اعرف انها تأمين شامل او لا ؟

هلاااااااااااا والله كاااات شلونج؟؟

شخبارج؟ احنا شكلنا ما نتيمع الا على أمريكا ههه

يلا زين تسوين وحلو التغيير .. بالنسبة لأسئلتج :

1. انا قعدت في لاس فيغاس 4 ايام في فندق الفنيشين وحضرت عرضين ومامداني اخلص شارع الستريب كله ! تدرين ليش؟ بسبب اليهال والعربانات ! يعني لو رايحين اثنين اخف لنا واسرع .. بس حلوه فيغاس على الحر وايد حبيتها واستانست فيها .. وان شاءالله تستانسون فيها وتحبونها ..


2. الاماكن اللي بلوس انجلوس وايده .. عندج اللونغ بيتش حلوه وفيها مطعم يوناني لذيذ .. وعندج منطقة سانتا مونيكا هم ونيسه وحلو التمشي فيها .. وفي مكان اسمه ذا غروف عجييييييييب حيل حبيته وحلوه القعده فيه وفيه سوق الفلاحين .. اذكر دخلت محل كوستو برشلونه فيه وكان مسوي سيل خذيت لبناتي جاكيتين مع الضريبة ب 75$ ! وبالكويت بالسيل الجاكيت الواحد 15 دينار ! وفيه مطعم تشيز كيك فاكتوري ومحل نورد ستروم كبير وقاعة سينما كبيرة وفي مطعم يوناني اهناك بس غالي شوي بس اكله لذييييييذ .. وطلبنا لليهال عيش ابيض ومرقة باميا ولنا ورق عنب وشاورما وحلينا ابقلاوة وقهوة يونانية :eh_s(15):

اممم شنو بعد .. في منطقة بالجنوب اريفاين فيها مجمع اسمه irevan specture ماني ذاكره الاسم بالضبط هم حلو وايد وتصميمه اندلسي والخليجيين فيه شكثرهم وآخر كشخة وقز لي تالي الليل لوول ..


وفي مكان بعد حلو اسمه فيكتوريا قاردن .. سوق مفتوح وهم فيه مطاعم ووايد حلو والتمشي فيه حلو بعد ..


وبالنسبة لسان دييغو فيها السي وورلد وسان ديغو زوو وسان دييغو وايلد لايف .. والتمشي بسان دييغو داون تاون هم حلو .. وفي منطقة تروحين لها من سان دييغو بجسر طويل اسمه كورونادو في مكان حلو فيه محلات تذكارية ومطاعم ومنهم مطعم يوناني ومطعم بيتزا وتطل على السان دييغو داون تاون .. المنظر والقعدة اهناك ولا اروع

وفي منطقة اسمها لاهويا هم حلوة .. وفي مكان اسمه children pool اهو شاطيء الفقمات .. توقفون وتشوفون الفقمات وتصورونهم .. راح احط صور ومعلومات عن قريب ..


السكن في لوس انجلوس انصحج مدام عندج يهال شوفي اي فندق تبع فنادق الريسيدانس ان ماريوت

Ressidence inn اي مكان تحصلين سعره حلو ومناسب حجزي فيه ..

بالنسبة لسان دييغو ما سكنت فيها فما اقدر افيدج في ناس تسكن بسان دييغو نفسها وفي ناس تسكن بلاهويا .. على حسب ..

بالنسبة للسكن في لاس فيغاس ..

The Venetian

Bellagio

Wynn Las Vegas

MGM

وفي واحد يديد اعتقد اسمه ارايا يمدحونه .. وعموماً اغلب الفنادق اللي على الستريب حلوه .. بس هذيل شفتهم بنفسي واعجبوني حيل ..


بالنسبة لولدج ممكن تطلبين له كار سيت بالنسبة لي ما اطلب احطهم واربطهم عادي بالسيارة

وعلى التأمين شوفي ناشونال كار وحكي بخانة الدولة اللي انتي منها الكويت وحطي الولاية اللي تبينها راح يطلع لج السعر بالدينار والدولاد وراح يكتب لج اذا كان التأمين انكلوديد او لا ..

موفقه

بصراحة لاحظت ان امريكا حلاتها بس حق شخصين وياهل فوق 7 سنوات

اكثر من جذي كسرت ظهر بالمصاريف ودووووخه لا غرفة تكفي ولا سيارة تكفي

بالعكس عندي اهي انسب مكان لليهال مقارنة بأوروبا .. وفي فنادق نظام شقق فندقية وتكفي العايلة وهم السيارة اختاري نوع الميني فان .. وين بتروحين اي ولاية؟ ووين تبين تسكنين؟ بلغيني يمكن اقدر افيدج او اساعدج

بناتوا
شخباركم
ابي المووقع اللي فيه كل اسوقه لوس انجلوس وعناوينهم وين احصله
انا سفرتي ان شالله 13/6 عالاماراتيه
حجزت وايلشايرهوتل مسوين عليه عرض حق البنات اللي يدورون فنادق ترا الفندق حلو وكل شي يمه واهم شي ان فيه ستاربكس

اسامي اسواق كاليفورنيا موجوده كلها بالملف امريكا .. طبيعهم واخذيهم معاج يفيدونج ان شاءالله .. وتروحين وتردين بالسلامة يارب

الله يهنيج

تروحين وتردين بالسسلآآمه

الله يسلمج .. مشكوره والله يجزاج خير

صباح الخير على أحلى أمريكيات

وينكم .......صارلكم جم يوم صخه...... عسى المانع خير......

يالله عن الكسل ناطره مشاركاتكم ....:eh_s(7):​

صارله يومين الانترنت مادري شفيه مو شغال عندي واشبك من الآي فون بس ما اقدر اشارك عدل

يلا ان شاءالله اليوم انزل صور ومعلومات جديدة :eh_s(15):

السلاااام عليييكم
شلوونكم

هااا وييين البنااااات عسى ماااشر??!!


بناااات اللي متعودين يسافرون مسافات طويله

شتسوون بالطيااره واتقزرونهاا بشنووو
لانه من الحين احاااااتي انا كرهييي الطياااره من اركبها وانا جبدي بس تقلب وصداااااع

شكلي هالمره باخذ بندول نايت جوود اطخ وانااام

بالنسبة لي احب الطيارة اللي تطير بليل لوول .. علشان انام انا وعيالي واحسن شي تسوينه تاخذين حبة اللوعة انا تقلب جبدي بعد من المسافات الطويلة فقبل الاقلاع بنص ساعه اكل الحبة .. واذا ما قدرت انام باندول نايت وانام

بالنسبة لليهال آخذ معاي دفاتر تلوين لهم والعاب تركيب وبازل والآي باد .. وآخذ لهم سناكس ساعات ايوعون وما يحبون اكل الطياره فلازم كاكاو وحلاو وخرابيط .. وانا اخذ لي مجلات وكتب ..

اذا كلش كلش تسلي بكتابي واقريه هم عن السفر راح يسليج وبس نرجع من امريكا اوقع لج عليه لووول

 

[q8tiaa81]

مشكورة روونا ابتلشتي فينا )) نونة حبيبتي انا اول ماركب عادي الهى على ماضبط وضع اليهال وجذي وعلى ماياكلون وجبتهم ويخلصون ومثل ماقالت روونا انا دايما اوديلهم ايبود او بي اس بي ومعاهم قصص تلوين والوان ويلهون وولدي الكبير يعشق الافلام والكارتون عاد يستانس بالطيارة يطالع لما يغفى انا عن نفسي احب العب سودوكو او اشوفلي فلم وانزل العاب وايد بالايفون والهي نفسي فيهم تقزر صدقيني وساعات احاول اروح مواصلة عشان ادوخ وانام مع اني مهما نمت مانام اكثر من ساعتين