أمريكا2011؟! هالمرة سفرتي غير!!

[أم بنوته]

ام البنوته
عروس الدنيا

الله يخلي لكم بناتكم ,, انشاءالله اذا بناتكم شافو الجو هناك راح يستانسون

الله يسلمج حبيبتي مشكوره
و الله يوفقج بامتحاناتج إن شاء الله و يفرحج بالنتايج الحلوه :yaaaaaarb:​

 

[أم بنوته]

بناااات وينكم؟؟

يلا قولولي استعداداتكم للسفر وشنو سويتوا وما سويتوا ..

ناطرتكم ولي عودة مع صور جديدة وتعليمات مهمة وأهم الأشياء اللي ممكن تشترونها من أمريكا وما تطوفونها

:eh_s(15):​

هلا روونا شلونج و شلون بنياتج
على الاستعدادات تدرين أنا ما سويت شي للحين كله معتمده أنه باجي لي وقت لين 1-7 بس أحس الأيام تركض و أنا للحين ما سويت شي
يبيلي جناط ..... و بشتريلي هدوم حقي ..... و بشتريلي جوتي مريح و انتو بكرامه بس ما أدري من وين آخذ....و أبي اشتريلي ترينق حق المطار ..... و أبي جنطه صغيره حق أغراض بنتي الصغيره بعد ما أدري من وين آخذ .....و بشتري كاميرا فوتو بس ما أدري آخذها من هنيه و لا من أمريكا :eh_s(10): ...... و عدسات ....​

 

[أم بنوته]

عيون منوعة الصور اتينن
تسلم إيدج ... و كملي ناطرين الباجي
:eh_s(7):​

 

[mf6nt el3lat]

اااااااااااااااب

 

[rawona]

من صجج روووونا عيالي لازم يشترون شي يديد وما يخذون القديم لما اقولهم كلامكم يقول لا ما نبي

انا عن نفسي ما ني ماخذه ملابس وايد == خوفج اروح هناك وماكو قياسي ولا جم طووويل

اقول اشلون اعرف لما احجز سيارة ان اهيا معاها التأمين ما شفت خانة فيها تأمين وين ألاقيها ؟؟

ايي ميخالف اشتريلهم يديد بدله او بدلتين انا هم لازم اشتري لعيالي بجامه يديده وبدله للطياره وبدله ثانية سبير هذيل لازم يدد لووول طولهم شبر ويتشرطون .. الله يعينا عليهم

بالنسبة لي عندي قمصان مخيطتهم بس مستهلكين شوي وراح اقطهم اهناك احنا شوي لويه لأن مو دايماً تحصلين لبس متحجبات .. فلازم ناخذ احتياطنا بس اليهال لبسهم متوفر اهناك ..


على التأمين تلاقين بند مكتوب عليهم full insurance coverage او full damage waver شي جذي .. واذا مكتوب libelity insurance يعني تأمين ضد الغير بس مو شامل ..

Mystère

اي بس هذا شكله ؟؟؟ حلو رونه يسوي حتي الوصف الي كاتبينه ما يشوق ؟؟؟ اروح له و لا لا

مستير + لانوبا + زاركانا كلهم نفس الفكره والروح تقريباً وونيسين لليهال جيكي عليه باليوتيوب وشوفي ريفيوز عنه .. انا عجبني لانوبا اكثر بس اليهال حبوا هذا اكثر فمادري يعتمد على الذوق وكل واحد وشنو يفضل وعموماً عروضهم على مستوى واحس يستاهلون :eh_s(15):

https://www.youtube.com/watch?v=xGGWgenb2KY
عجبني خلاص بحجز لووول احسن من ولا شي شسوي بعد

زين تسوين وتغيير وترفيه لليهال بعد .. :eh_s(7):

قاعدة احجز حست ودرت ما لقيت كلمة تأمين حق السيارة

انتوا وين اتشوفونها ----- انا لابسه نظارة وهم ما أشوووف

انتي من اي شركة حاجزة؟

روونااا ايي نبي امااكن التشري اللي بكالي اهم شي :d

وشنو احسن عروض لاس فيغاس؟

ان شاءالله .. بالنسبة لعروض لاس فيغاس حطيت افضل العروض والمواقع مالتهم بصفحة من الصفحات عاد دوريهم

هلا روونا شلونج و شلون بنياتج

على الاستعدادات تدرين أنا ما سويت شي للحين كله معتمده أنه باجي لي وقت لين 1-7 بس أحس الأيام تركض و أنا للحين ما سويت شي

يبيلي جناط ..... و بشتريلي هدوم حقي ..... و بشتريلي جوتي مريح و انتو بكرامه بس ما أدري من وين آخذ....و أبي اشتريلي ترينق حق المطار ..... و أبي جنطه صغيره حق أغراض بنتي الصغيره بعد ما أدري من وين آخذ .....و بشتري كاميرا فوتو بس ما أدري آخذها من هنيه و لا من أمريكا :eh_s(10): ...... و عدسات ....​

تكرمين جوتي رياضه راح اشتريهم من اهناك .. انا عندي شوز من ايكو صندل ومريح باخذه معاي .. وعلى الجناط في محل بالمثنى حلو وعنده تشكيله كبيرة من جناط السفر وهم ذاك اليوم مركز سلطان اللي بالسالمية منزل تشكيله حلوه من جناط السفر وماركات متنوعه ومنزل جناط لليهال بعد اذا بتشوفينهم حق بنتج ..

على التريننغ جوسي كوتر امس دازيلي مسج مسوين 60% خصم روحي شوفيهم .. والكاميرا اشتريها من اهناك احسن انا جذي سويت وشريت كامرتي من اهناك ..

العدسات الطبية اخذيها من اهني لأن اهناك صج العدسات ارحض بس ما يبيعونج الا اذا عندج ورقة فحص نظر .. واذا ما عندج تسوين فحص نظر عندهم اعتقد سعره قبل 7 سنوات شي وسبعين دولار الحين مادري جم .. وعقب ما يسويلج الطبيب فحص يفتحون لج ملف وتقدرين تشترين عدسات منهم .. وتلاقينهم بوول مارت بكورنر النظارات والعدسات :rerrerek:

 

[rawona]

عيون منوعة الصور اتينن

تسلم إيدج ... و كملي ناطرين الباجي

:eh_s(7):​

اييي والله تسلم ايدج عيون وناطرينج :ggdw::ggdw:

 

[rawona]

الحين رديت لكم مع أهم المحلات والبضايع اللي ممكن تشترون منها بأمريكا .. الكل يدري ان اغلب محلات امريكا واوروبا قاعده تبطل في الكويت .. بس هذا ما يمنع ان اهناك البضاعة اجدد والاسعار افضل :eh_s(15):


محل انثروبولوجي

Anthropologie

هذا محل فيه ملابس وعنده سوالف للبيت والمطبخ حلوه وراقية وريحته المحل عجيبة من الشموع

هذا موقعهم الالكتروني

http://www.anthropologie.com/anthro/index.jsp

موجود بلوس انجلوس وهم بفلوريدا وتقدرون تطلعون عناوين المحل عن طريق store locator من الموقع نفسه :eh_s(15):



يتبع .. :eh_s(7):​

 

[rawona]

Sephora

المحل موجود بالكويت صح .. بس انصحكم قبل السفر انكم تروحون وتفترون فيه وتلقون نظرة عليه .. علشان لما تدخلون اللي بأمريكا تركزون على الماركات اللي مو موجوده عندنا وتشوفونها ..

موقعهم عجيب وسوالفهم وماركاتهم روعة انا مستحيل ادخله وما اطلع منه ب400$ - 500$ :eh_s(10):

http://www.sephora.com/



برونزاج من سيفورا بخاخ

ماركة بير مينيرال الطبيعية للماكياج

كل مستحضراتهم طبيعية وفيها فيتامينات ما تضر البشرة



مخفي العيوب ينحط قبل كريم الأساس من ماركة سماش بوكس وفي منه انواع وهم هالماركة عجيبة لكريم الاساس والكونسيلر

هذي بعض الشغلات غير الماسكارا .. وكريمات المساج والتنحيف وغيرهم ومستحضرات الخاصة بالعناية بالقدمين والايدين .. ذكرتوني بالمحل .. اهناك استمتع بالتسوق فيه اهني اللي عندنا احسه ما يفتح النفس ولا يشوق :bbbiu:​

 

[أم بنوته]

ايه أنا اليهال ما راح أشتريلهم شي من اهنيه .... بس أنا يبيلي و انتو بكرامه جوتي مريح
و عالجناط اتصدقين ذاك اليوم رفيجتي بالدوام قالتلي عن المثنى شكلي بروحله اهوه و مركز سلطان و العدسات بآخذهم من اهنيه لأنه العدسات اللي ألبسهم مو موجودين عند كل المحلات بس عند حسن فباخذهم من اهنيه أخاف ما أحصلهم هناك​

 

[rawona]

ماركات حلوة بأمريكا وما تطوف .. ​

Tory Burch ​

حلوه للجناط والفلاتات وعندهم ملابس بس مو ذاك الزود اكسسواراتهم حلوه بعد ​

http://www.toryburch.com/


​

يتبع ..​

 

[rawona]

ايه أنا اليهال ما راح أشتريلهم شي من اهنيه .... بس أنا يبيلي و انتو بكرامه جوتي مريح


و عالجناط اتصدقين ذاك اليوم رفيجتي بالدوام قالتلي عن المثنى شكلي بروحله اهوه و مركز سلطان و العدسات بآخذهم من اهنيه لأنه العدسات اللي ألبسهم مو موجودين عند كل المحلات بس عند حسن فباخذهم من اهنيه أخاف ما أحصلهم هناك​

انا جذي اخذ عدساتي من اهني لأن مالي خلق لويتهم اهناك .. وروحي المثنى وهم مري مركز سلطان انا عجبتني عندهم جناط ديلسي بس قلت بآخذ من اهناك .. :eh_s(10):

 

[^noonaa^]

رووووووناااا

كملييي نااااطرتج

<-- اتموووت عالاسوقه

 

[أم بنوته]

روونا على طاري سيفورا .... لما رحت واشنطن و كان آخر يوم لنا فيها و باجر بنرد الكويت رحت البنتاغون مول عشان أكمل اللي ناقصني من السوق .... و مريت سيفورا و اشتريت اشكثر سوالف كريمات و مكياج من سماش بوكس و ماركات ثانيه تقريبا دفعت 700 و شي دولار المهم لما وصلت الفندق و كنا ساكنين بالرتز كارلتون اللي بالام ستريت نزلنا و نزلنا أكياسنا مالت السوق و كانو وايد خذاهم منا اللي يشتغل بالفندق عشان يوديهم الغرفه و رحنا احنا الغرفه و بعدنا بشوي يانا العامل و يابلنا الأكياس .... ثاني يوم قعدت الصبح و بديت أجهز الجناط عشان الرده و اكتشفت انه كيس سيفورا مو موجود و راح زوجي و سأل عنه بالفندق تحت قالوله انه ما فيه شي عندهم ..... صج صج حزتها حيل احتريت و انقهرت على أغراضي..............​

 

[ودي***أفرح]

رووونا كملي الاسواق ...يهبل السوووووق

 

[عروس الدنيا]

روونا على طاري سيفورا .... لما رحت واشنطن و كان آخر يوم لنا فيها و باجر بنرد الكويت رحت البنتاغون مول عشان أكمل اللي ناقصني من السوق .... و مريت سيفورا و اشتريت اشكثر سوالف كريمات و مكياج من سماش بوكس و ماركات ثانيه تقريبا دفعت 700 و شي دولار المهم لما وصلت الفندق و كنا ساكنين بالرتز كارلتون اللي بالام ستريت نزلنا و نزلنا أكياسنا مالت السوق و كانو وايد خذاهم منا اللي يشتغل بالفندق عشان يوديهم الغرفه و رحنا احنا الغرفه و بعدنا بشوي يانا العامل و يابلنا الأكياس .... ثاني يوم قعدت الصبح و بديت أجهز الجناط عشان الرده و اكتشفت انه كيس سيفورا مو موجود و راح زوجي و سأل عنه بالفندق تحت قالوله انه ما فيه شي عندهم ..... صج صج حزتها حيل احتريت و انقهرت على أغراضي..............​

وااي انا انقهرت من صجج ؟؟؟
انزين الله يهداج جان اشتكيتي بالفندق و راويتيهم الفاتوره و لا طلبتي كشف البنك شي و لا رحتي سيفورا يطلعون لج فاتوره ثانيه و تراوين الفندق مو شويه:krkrkr::krkrkr:

 

[عروس الدنيا]

هلا روونا شلونج و شلون بنياتج

على الاستعدادات تدرين أنا ما سويت شي للحين كله معتمده أنه باجي لي وقت لين 1-7 بس أحس الأيام تركض و أنا للحين ما سويت شي

يبيلي جناط ..... و بشتريلي هدوم حقي ..... و بشتريلي جوتي مريح و انتو بكرامه بس ما أدري من وين آخذ....و أبي اشتريلي ترينق حق المطار ..... و أبي جنطه صغيره حق أغراض بنتي الصغيره بعد ما أدري من وين آخذ .....و بشتري كاميرا فوتو بس ما أدري آخذها من هنيه و لا من أمريكا :eh_s(10): ...... و عدسات ....​

الجناط الكويت اغلي انا شريت جنطتين من الكويت و بعدين بالرده شريت من امريكا
شوفي بتي جي ماكس و مارشال يبيعون ديلسي رخاص و غيرها بعد
و يصير تيبين اغراضج بكراتيين

و الهدوم انا اشتري و اقطهم هناك من محل بمجمع اسمه السندس مجابل الايوب تحت محل يبيع اشكثررررررررررررررررررر قمصان خياط الكويت على 5 و 6
حلوين و قطن و خفاف روحي اخذيلج جم واحد
و اشوه انه الهبه الحين شيلات قطن فاريح شي لوووول

و الجوتي و انتي بكرامه اخذيلج كروكس من هناك
انا عندي كروكس اصلي شاريته من اوتلت فلوريدا ب 5 دولار لووول ليالحين امي تزفني تقول جان يبتي و قطيتي بكل حمام واحد

 

[UniquẼ ♥ ώomaN]

رووونه ماباقي شي علي سفرتج وناااااسه
مثل حالتي مادري اشفيني طخييييت مالي خلق شي
والدليل اني بسافر اوربا وانا حضرتي مطيحه بتجمع امريكا هههههههههه

بالتوووفيق للجميع

 

[ناسي626]

انا بس شريت 2 تريننغ وملابسي اللي باخذهم اغلبهم ملابس الدوام الصبح الصراحه انا ما احب اكشخ بالدوام ستايلي فلات وبنطرونات وقمصان او بلايز لي الركبه وملافع قطن واهممممممم شي النظاره الشمسه لازم سوده ما اتحمل اشعة الشمس القويه وبسسسسسسس يعني لبسي موجود بالكبت
والجنطه باخذ انا وحده وزوجي وحده واذا نبي ناخذ من هناك زياده الله يستر بجم جنطة بنرجع
والمحلين اللي حطتهم رونه شوقووووووووووووووووووووني يلا متى نرووووووووووح
شكلي بودي الجناط الزاده بالشحن من اخر منطقة نطبها يعني يمكن سان فرانسيسكو او سان دييغو

 

[ناسي626]

اهلين بنات
رونا ان شاءالله بس شوفوا الي يبي يزور سان فرانسيسكو لا يتنقع داخل ترا يومين ولا ثلاث وخلصوها
علشان تاجرون سياره وتروحون ليك تاهو بس من شهر خمسه لييه عشره ولا تسعه اوقع تتسكر ( لثلج يذوب )
بس ماعليه روحوا شوفوا شوي طبيعه في يوسيمتي بارك بجو شهر سته ولا خمسه وااااااااو طبيعه وشلالات وتقدرين اخيمين وتنامين ولا تاجرين كوووخ وبعدها اخذيلج جم يوم وزوري رد وود ( شجر الحمرا العملاقه ) دشوا داخل اكبر شجره وانتي بالسياره

مجنونة حبه ممكن ترشحين لنا مكتب او اكثر للشحن وبجم الكيلو ؟ وياريت يكون مجرب من قبل
في سان فرانسيسكو
وثاااااااانكس:eh_s(7):

 

[أم صالح]

أنا سفرتي 27/6 وللحين مأسويت شي مالي خلق معهد حيلي من الامتحانات بلبس ترينغ من اللي عندي قطن بارد من فكتوريا حق الطياره وبأخذ معاي ترينغ ثاني. وجينز وبنطلون اسود وقمضان طويله وبس وبالطياره جوتي كروكس اسهل عشان التفتيش بالمطار يفصخونه الجواتي هذا اسهل حتى ريلي واليهال كروكس واليهال اهم شي الاي بود للطياره *