::أمانه عليج,,شتسوين لو كنتي مكاني؟والله اعااني يابنات تعبت خلاص عطوني حل منطقي ومفيد

[هداااويــ]

انا اقول تكونين رسمية احسنلج واشتري راحة بالج

صح كلامج

 

[عالمي مدهش]

بالعكس خليج طيبه معاها هدي مره كبيره وتقبلج لتصرفاته راح يكبرج بعيني ريلج وحتى جمواتج بينهم وبين بعض

وكل واحد يسوي باصله وانتي دوري اللي عند الله موالحريم

 

[Suzi Juro]

خليج رسمية جدا ، لأن شافتج مسكينة و تقدر عليج قامت تسوي هاحركات والباجي ما تتجرأ عليهم لأنها تعرف شنو الرد.

لا تنسين انها أم زوجج ولها حق عليه و حق الأم تعرفينه لأنج أم بعد. بس انتي خليج جدا رسميه لا تغلطين ولا تعطين مجال أحد يغلط عليج.

وان شاء الله تطلعين جريب بشقة ولا بيت بروحج وكل هالأشياء تختفي.

 

[ورد و ريحان]

اصبري حبيبتي وخلي هدفج للاخره موللدنيا
والله صدقيني بكون معاج انشالله
وعلى نيتج ياحبيبتي
الله يهدي النفوس

 

[% إماراتيه %]

ماشاءالله على رد فوفو 22

 

[sweeet]

وأنا أقرا موضوعج أحس جنج تكتبين عني . نفس حالتي بالظبط بس أنتي أحسن مني عالأقل إنتي ريلج الله يخليه لج يدافع عنج ويكلم أمه أنا إذا قلتله ما يصدق وعباله أبالغ ولا يحاول ياخذ حقي منها أو يوضحلها .. ولاتخافين اللي تسوينه مايضيع عند ربج ..ودام ريلج زين معاج فهذا أهم شي .. والله يوفقج

 

[om_dodo]

لاحول الله استعينى بالله مايخيب رجاج تقبلى مرورى

 

[** ام الجراح **]

حبيبتي حل سالفتج بسيط ,,,,


عملي ام زوجك طبييييييييييعي عارفة يعني شنو طبيعي يعني شيء تبينة سوية ماتبينة تقولين والله يا خالة ما يخالف انا افضل الشيء الفلاني واهم شيء شيلي زوجك من الموضوع لو شنو لادخلينة اياك يطلع منك ان في خلاف بينكم تحسنت كان بها ما تحسنت اجرج على الله عامليها عادي مرة عودة حسبت امج شيء ما يعجبك تكلمي الانتقاد اللي تقدرين تطوفينة طوفية واللي ما تقدرين باسلوب حلو قولي لها لا بسيطة يا قلبي ,,,

 

[بنت الخليج11]

الله يعينج انا مابي احط نفسي مكانج لني فعلن مكانج وعايشه هالمور بكل تفاصيلها وكل يوم واكثر من الي قلتيه بس وش نسوي الله يعين ويصبر الواحد

 

[om-a7madeno]

ااااااااااااااااااه يا قلبي جيكي الخاص حبيبتي

 

[MLAM7..~{]

والله داايم اسمع سواالف اقوى من ساالفتج وكله ظلم بعد

بس حبيبتي دووري راااحت زووجج وماايهمج احد يعني

خاالتي على عيني ورااسي ويمكن مااتقصد شي من اللي تسويه او عباالهاا صح وانتي الغلط يعني تعرفين
تفكير الكباار شلوون ,,

بس انتي لاا تتغييرين ولاا تتضاايقين واضحكي واستاانسي

واذاا ضاايقتج بشي تذكرري زووجج وعياالج هم اهم شي ,

واكثري من الدعااء واللي بيفرجهاا لج

اذااا شفتيهاا بتقول او بتعصب على شي كررري اللهم اجعلهاا بردآآ وسلامااا والله وااحده مجربته مع امهاا بس تهااوشهاا على اتفه سبب
وصاارت كل مااتشوف امهاا تقوله والحمد الله تغيرت عليهاا امهاا

سبحاانه حناا غاافلين عن الدعاااء وهو مفتاااح كل شي

واساال الله العلي القدير انه يسخر خاالتج لج وتعيشين بسعااده ,

 

[SaD FaCe]

قريت موضوعج اكثر من مره

حاولت اعرف ليش خالتج تفرق بالمعامله بينج وبين الباجي

وبالنهاية عرفت

من جملتج هاذي





حبيبتي واضح ان خالتج مره كبيره بالعمر وهفواتهم كثيره ولا يأخذ عليهم لانهم بحسبة الام

ولكن

((((سالفة كل مره اذا كلمها زوجي )))

هذا دليل واضح ضدج ان كل سالفة وحركه تصبينها بإذن الزوج وينفعل ويواجه امه

الى ان جرحتي قلبها بولدها

لا تنكرين ولا تبررين ........

حبيبتي

بليز لا تحاولين تخلين الزوج بأي حالة من الاحوال يواجه امه بسوالف حريم

انتي ممكن تتحملين بحكم انج حبيبتة وزوجته وتوّج شباب

ولكن

الام بعد قلبي تتحسر لما تشوف حشاشة جوفها يواجها ويحقق معاها بسالفه يمكن تكون غلطانه او لا فيها

وتذكري انتي وكل حريم اللي عايشين ببيت الحموله

انكم ضيوف عندهم ماردكم بتشترون بيت او يطلع لكم بيت

وتنفصلون عنهم

اتركوا ذكرى حلوه

ودايما اقول للبنات

لاجل عين تكرم الف عين

اذا الزوج حبيب اتحمل اهله وطوايفهم كلهم

:ggdw::ggdw::ggdw::ggdw::ggdw:

 

[Joody]

الله يعينج حبيبتي اهي مره كبيرة تحمليها يقولج لأجل عين تكرم ألف عين وبعدين لاتقولين تعاملين ام ريلج احسن من امج لان مافي مره بالدنيا تستاهل تعاملينها احسن من امج تعاملي مع ام ريلج عادي لا تجاملينها زيادة عن اللزوم خلج على طبيعتج معاها