::أمانه عليج,,شتسوين لو كنتي مكاني؟والله اعااني يابنات تعبت خلاص عطوني حل منطقي ومفيد

[انا مو هني]

روحيلهااا
والله صج قوليلها خالتي بكلمج بموضوع
وقللها خالتي انا احبج وقاعدا احاول ان اخليج ترظين علي
وقاعدا اسوي كل شي يطري على بالي احس انج تحبينااا
وما اقارن نفسي مع احد من حريم حمواني
بس والله ار جم موقف احس ان انحرج فيهم وقوليلها سالفت العيد
لااااتطوووفين شي
خل تحس بالي سوتا
قولي شبيقولون الناس الحين عني
اكيد ماتدري عن عيالها وعيالها وصخين قوليلها خالتي يرظيج جذي يقولون عن عيال ولدج
وانا بالعكس مخليتهم يرتاحون اشوياا ومجهزا ملابسهم ومهزا كل شي
بس شالفايدا لمن خذو الناس هالفكرا السيئا عن عيالي
قوليلهااا انا عادي بالطقاق خل اطلع جدامهم بالشينا بس شذنب هالياهال
وبعدين غيري الموضوع
واي موقف اتسويه كوني لها بالمرصاد قولي ان ظايقاج هالموظووع
يمكن اهيا تتصرف جذي عبالها انتي ما تحسين او ان ما قاعد يئثر فيج هالشي
قوولي وخلج مثل ما انتي طيبا وحبوووباااا وبس

 

[درة الشاميه]

السلام عليكم




و عيدكم مبارك










اللي فاظيه تسمع مشكلتي تسمعني بكل هدوء واللي موفاظيه فأقولج طلعي ولا تقرين لاني ابي افضفض كل اللي بقلبي















بنات ركزو معاي

بقولكم بالتفصيل عشان تكونون معاي بالصوره

والله يعلم اني ما اجذب ولا ابالغ و لا ادافع عن نفسي


بنات انا متزوجه وعندي عيال الحمدلله عسى يحفظ عيالي وعيالكم


وعندي حموات و حريم حموان

ساكنه عند حمولتي


من اول ماتزوجت وانا اعامل خالتي معامله وايد زينه ,, ما اقولكم اني كامله بس الله يشهد علي اني اعاملها احسن من امي


ادري بتنصدمون وتقولون (هاذي تبالغ) بس والله اني اعاملها احسن من امي,, دايمن اتقرب منها و احاول اسوي كل شي تحبه,,,

غيرت من نفسي وايد عشان خاطرها

والله ساعات اسوي شغلات مابي اسويها بس عشان خاطرها



بالمختصر يعني انا مو مقصره معاها بشي






بتقولون وين المشكله؟ انا اقولكم






خالتي تسوي حركات تقثني وايد ..
يعني والله اي شي اسويه مايعجبها! اي شي اقوله مايعجبها!
اي شي البسه مايعجبها! ( مع ان والله الكل يشهد ان ذوقي وايد حلو , والله مو غرور بس حتى بالجامعه
وايد بنات ماعرفهم يسئلوني : من وين بدلتج؟ شنو ماركة عدساتج ؟ وين صابغه شعرج؟

يعني هذا دليل ان الحمدلله ذوقي حلو.. حتى حمواتي وحريم حمواني يعجبهم لبسي ومكياجي

اهي دايمن تطلع فيني عذاريب من كل النواحي طباخي لبسي كلامي ,,,,,,,,,,كل شي كل شي

بس مادري ليش خالتي جذي تسوي.. يعني تبي تقثني وبس






يعني من المواقف اللي تقث







اول يوم العيد

عيالي كانو نايمين ,,,,,,قلت حرام بخليهم نايمين لان نامو متأخر وبعد ساعتين ايي اسبحهم واكشخهم عشان يسلمون على الناس خليتهم نايمين و رحت كشخت وتمكيجت و نزلت قعدت معاها لان الناس داشين وطالعين يعيدون علينا

المهم


كانت الصاله متروووووووسه حريم





وانا قاعده اسولف

ولا اشوف خالتي قامت دشت داخل


قلت بقلبي يمكن بتييب شاي ولا عصير ولا شي من المطبخ





شوي جان تدخل و معاها عيالي






تدرون شلون صايرين؟؟






والله ماتصدقون









كل واحد فيهم ,, الشعر مدهّـن و كشّه و لابسين ملابس بيت وملابسهم طبعا وصخه لان تدرون ملابس نوم وهذول يهال بسرعه يوصخون ملابسهم .. و حفّــااي مو لابسين جواتي و بنتي الصغيره حفاظتها مترووسه وصخ وريحتها فايحه

@@ تخيلووووووووو خالتي قعدتهم من النوم و دخلت عيالي بالصاله جدام الناس عشان يسلمون على الناس وهم جذي اشكالهم اول يوم العيــــــــــد



انتو مستوعبين؟؟ تهقون شيقولون عني الناس؟؟اكيد بيقولون هاذي ماتعرف السنع وعيالها وصخين جذي لابسين اول يوم العيد!! ولا يمكن يقولون عيالها فقاره ماعندهم ملابس للعيد!!






ارتفع ضغطي حيييييييييييييييييييل بس والله اني انطميت وسكت



شسوي معاها تعبت تعبت



المشكله انها بس معاي انا جذي والله

باجي حريم حمواني تحبهم وتحطلهم الف حسااااااااااااااااااب


ليش تعاملني جذي؟؟مادري....مع اني اعاملها احسن من باجي حريم حمواني







مرّه صارت مشكله بيني وبين وحده من حريم حمواني جان تصف معاها وتدافع عنها مع ان والله والله اني مو غلطانه وكنت مظلومه

و قلت حق خالتي انتي ظلمتيني وانتي مو عادله

جان تروح حق زوجي وتقعد تبجي وتسوي سالفه


وزوجي قالها انتي ظلمتي مرتي ليش تفظلين فلانه (مرت حماي) عليها؟؟
قالت والله اني احب مرتك و ما افرق بين مرتك والباقي







و كل مره اذا زوجي كلمها وقالها ليش تسوين جذي ؟؟ تقعد تبجي وتسوي فلم وقصه وتسوي نفسها مظلومه








انا تعبت وايد وايد


ودي تكون زينه معاي وتكون امي الثانيه

بس الله يهديها مافي شي عاجبها منّي انا بالذااات

يعني لو اهي مع الكل جذي جان قلت ميخالف مره عوده واهي جذي بس اهي بس معاي انا جذي






لما اعاملها عدل تسوي حركات تقث



بفتره من الفترات وصلت حدي و قلت خلاص بصير رسميه معاها عشان اريّح نفسي من عوار القلب




قامت كل ما شافت زوجي تقوله اشفيها مرتك ليش متغيره ليش ماتقعد معاي ليش ماتسولف معاي!!!


اشتبي بالضبط ماني عارفه

ادري طولت عليكم بس والله ابيكم تحسون فيني

و بليز ابي كل وحده تحط نفسها مكاني وتقولي شالحل بأمااانه


لاني جربت معاها كل شي مافاد

لا المعامله الزينه فادت ولا المعامله الرسميه فادت



عسى الله يوفق كل من ترد علي

ناطرتكم​

shofay 3aleha mthl ommch bsl 7al ench et3eeshen ebsheqqa broo7ch o tro7illaha bs wagt alyam3a al esboo3eyya o etha es2ltch te3atherelaaha b2nch mashqoola wayd o lahyaa bs 9ery inty a lzaina o klmatdshen yebay 6bq m3shaaaach

 

[سبائك من ذهب]

الله يساعدك على هالخالة انا كنت مثلك شربت المر 7 سنين كنت ساكنة عندهم ورتنى خالتى الظيم الله يجازيها والله ماارتحت الا يوم طلعت بيت بروحى وعرفت قدرى الحين صرت انا العزيزة يوم صرت بعيدة منهم لله هالخالات يغارون منا ماادرى شنسوى عشان يرضون انا اظم صوتى للخوات واقول خليج رسمى معاها احسن حتى لو حست شنو هاذا اللى قاعدة تسوية فيج شوية لاتقهرين عمرج عليها وتجاهليا اهم شى رضا زوجك وسعادتكم

 

[هيبة ملك]

صبري عليها ومالج الا الاجر

 

[أحلى^حياه]

المفروض لمن تدخل عيالج الصالة جدام الحريم تقومين وتضحكين جنج عادي و تقولين وي قعدتو من النوم يالله تعالو اسبحكم وعاااااادي اخذيهم وطلعي بره وقولي الله يهداج خالتي جان تناديني لمن قعدو اسبحهم والبسهم ملابس العيد
وانا اقولج العيايز اخذيهم على قد عقلهم اهم شي ريلج صاف معاج انتي مع ريلج مو معاهم

 

[ملح و سكر]

انا اقوول .. صيري زينه معاها وظلي على معاملتج الزينه .. بس دمجيها برسميه .. يعني لاتصيرين احسن من حريم حموانج .. لا صيري عاادي جدا .. وبعدين كثرة المقارنه بتعبج حبيبتي .. لاتقارنين ليش تعامل فلانه جذي وتعاملني جذي .. ليش توقف مع فلانه وتخليني انا ..
شفتي هلحجي؟؟ حتى لو كان وهم يصير صج وان كان صج يزيد .. فا شيلي هلمقارنه وبالعكس رافجي حريم حموانج .. وخلج رسميه مع الكل .. وقعدي مع الكل وسولفي وضحكي ...

وبعدين حبيبتي بالمواقف الي تفشل مثل موقف عيالج بالعيد .. كنتي تقدرين اول ماتشوفين خالتج مدخلتهم تقولين " وي وي وي .. وتبتسمين .. وقولي خزيااه .. شلون يطلعون جذي .. دقيقه عن اذنج خالتي واخذيهم من ايدهم وقولي دقيقه خيبدلون ايغسلون ابسرعه واييبهم توهم قاعدين مساكين هههه .. خزياه يفشلون .. وجدام الحريم عادي جنج مستانسه انهم يو وانها اتماري فيهم بس اشكالهم تفشل .. وقولي خل ايتزقرتون وييون .. دقايق ونادي الخدامه بسرعه تغسلهم وشور سريع وتنشفين شعرهم وتلبسينهم وتعطرينهم وثواني وتودينهم ودشين عليهم مع عيالج .. واهما متهندمين . ... "

بجذي كنتي تقدرين تسيطرين على الموقف بعقل بدون فشيله وبدون لا يكون موقف ينزرع فبالج انه يفشل

حليتيه بحكمه تكونين ...


واذا على انتقادها لج .. كل ما تقولج شي قولي وييه مووضا عاد الحين .. ويي كلمن يسالني عاد عنه .. اهاا .. بس هاذي ردودج على الانتقاد .. لاتايدين اي احد ينتقدج .. بس بيني ان اها اايي .. انج بس قاعده تسمعين وحسسيهم بالثقه بلي تسوينه .. بيسكتون بعدها انشالله .. وموفقه

انا مع الاخت فى كل اللى قالته ...............وزياده لاتعطين الشى اكثر من حجمه

يعنى هذى خالتج مهما تسوين لها تظل اهى ام زوجج ...........عامليها بالاحترام ..بس لاتزيدين



عن الشى وانتى لازم تفرضين احترامج جدامها ............والله يعينج........

 

[رهام الكويت]

عامليها رسمي أحسن حل

عندي سؤال لج ( انتي أكثر وحدة تقعدين معاها ولا لا؟؟ )

 

[سنعه بس مظلومه]

الله يعينج موقف لاتحسدين عليه بصراحه

البنات ماقصروا بس انا لو مكانج ما اروح اول لزوجي اقولها بوجهها لاني موخايفه منها ولا من حركاتها البايخه وترى كل ما كنتي بعيده تحطج على راسها

 

[نور78]

تحملي خالتج علشان ريلج ودايما ادعي بكل وقت صدقيني مع الوقت راح اتعرف انها اغلطت عليج وماشالله عليج انتي سنعة وصابره وخلج علي طول جذيه وصيري انتي الاحسن والله يعطيج علي نيتج يالغاليه

 

[غير كل الناس]

طوفي ووسعي الخاطر والله يفرجها

 

[شنكولة]

لا لا لا الا سالفة انها تدخل الجهال على الحريم وهم مبهذلين موقف كلش ماينسكت عنه
سوري بس هي شافتج تسكتين بالمواقف استانست

 

[لحظة غروب]

ختصاااار خاالتج تغااااااااار منج

والدلييل ان زووجج صاااف ويااج ومريحج وانتي اكشخ وحده حبييبتي الخاااله او بعض الخاالات الله يهداااهم يبوون حريم اعيااالهم مبهذلين وصخيين عشاان ازواجهم يكرهوونهم

لو هي عااقله جاان ما جااابت العياال مبهذلين لان العيبه بتصير عليهااااا

وبعدين ياا قلبي اعتبريهااااا سفييييهااااا

 

[بدوية بملامح كشميرية 86]

ان الله مع الصابرين

اصبرى حبيبتى والله معاج

 

[هداااويــ]

ماقصرتو بنات شاكره مروركم


الله يعلم ان ودي تكون علاقتي معاها ممتازه و قلوبنا صافيه على بعض

لان اهي جدة عيالي يعني بنظل مع بعض طول العمر مو يوم يومين وافارقها

و انا طبعي ماحب المشاكل و ماحب اشيل بقلبي على احد ولا احد يشيل بقلبه علي


و انا عمري ماشيشت زوجي عليها بالعكس داايمن اقوله : امك ثم امك ثم امك

و الزوجه تتعوض بس الام ماتتعوض.

و زوجي يشوف بعينه اللي يصير ويشوف معاملتها لي ... وحتى يوم صار خلاف بيني

وبين مرت حماي كان اهو موجود و شاف امه شلون وقفت مع مرت حماي و مدحتها وقالت فيها شعر

ودافعت عنها ... و انا ماقالت بحقي كلمه وحده زينه و طلعتني غلطاانه مع اني مظلومه

و يومها قلت لها وانا مكسورة الخاطر : انتي ظلمتيني

و الله يا بنات يومها نمت و انا قلبي محترق و دمعتي على خدي

و ثاني يوم راحت حق زوجي تبجي و تقوله مرتك تقول عني ظااالمه!!

قالها يمه:" الله يهداج انا كنت موجود وشايف اللي صار من طأطأ لي سلام عليكم

انتي قعدتي تمدحين مرت اخوي ووقفتي معاها وطلعتي زوجتي غلطانه و حتى ماذكرتي فيها حسنه وحده!"

قالت له : انا ما افرق بينهم و انا اعتبر مرتك مثل بنتي بالضبط!!!!!!!!!!!!!


ماعتقد اهي ترضا على بنتها جذي!! وماعتقد ترضااا ان بنتها تنقهر من خالتها و خالتها توقف مع مرت حماها وتدافع عنها واهي اللي غلطانه!!

والله يابنات انا لما انخطبت الكل كان ينصحني ويقولي خلج رسميه مع خالتج عشان تتجنبين المشاكل وعشان لاتدخل بحياتج

بس انا كنت اظن اذا عاملتها مثل امي و احسن راح تحبني و تريحني

الله يعلم اني حاووولت كثر ماقدر اصير زينه معاها و غيّرت من نفسي وايد اشياء عشانها

والله حتى خدامتي مخليتها عندها طووووووووووووول اليوم والله ساعات اكون محتاجه خدامتي بس

ما اناديها اقول حرام خل تساعد خالتي بشغل البيت (للعلم ان عندها خدم) بس انا من طيبي اخلي خدامتي

عندها طول اليوم والله ساعات ماشوف خدامتي يوم كامل لانها دايمن عند خالتي تغسل وتنظف

و تكوي وكل شي

ومع هذا كله مايبين بعينها الله يهديها

ولما اصير رسميه معااها تسأل زوجي كل ماشافته ليش زوجتك متغيره؟؟

يقول مافيها شي .....
تقعد تحن تحن تحن<<<< جنها تبي مشاكل​

 

[<<لمار>>]

انا مع الاخت فوفو وكلامهم عين العقل اهى شليلة عليج لان ولدها يدافع عنج ويتجاهلها انا اقول كبرى دماغج وترى ماكو شى يستاهل الواحد يزعل علشانة

 

[ZajiL]

الله يعينج وصبرج على مابتلاج
تدرين شتسوين عامليها بس بمايرضي الله يعني لاتضغطين على نفسج وتسوين المستحيل
ولاتصيرين حيل رسميه
خلييج وصط ولا تضغطين على نفسج

الله يسخرها لج يارب

 

[هداااويــ]

روحيلهااا
والله صج قوليلها خالتي بكلمج بموضوع
وقللها خالتي انا احبج وقاعدا احاول ان اخليج ترظين علي
وقاعدا اسوي كل شي يطري على بالي احس انج تحبينااا
وما اقارن نفسي مع احد من حريم حمواني
بس والله ار جم موقف احس ان انحرج فيهم وقوليلها سالفت العيد
لااااتطوووفين شي
خل تحس بالي سوتا
قولي شبيقولون الناس الحين عني
اكيد ماتدري عن عيالها وعيالها وصخين قوليلها خالتي يرظيج جذي يقولون عن عيال ولدج
وانا بالعكس مخليتهم يرتاحون اشوياا ومجهزا ملابسهم ومهزا كل شي
بس شالفايدا لمن خذو الناس هالفكرا السيئا عن عيالي
قوليلهااا انا عادي بالطقاق خل اطلع جدامهم بالشينا بس شذنب هالياهال
وبعدين غيري الموضوع
واي موقف اتسويه كوني لها بالمرصاد قولي ان ظايقاج هالموظووع
يمكن اهيا تتصرف جذي عبالها انتي ما تحسين او ان ما قاعد يئثر فيج هالشي
قوولي وخلج مثل ما انتي طيبا وحبوووباااا وبس

بعد عمري مشكوره على ردج ونصايحج الحلوه

بس جان زين اقدر اسوي مثل ماقلتي و أي موقف يصير اقولها ان هالشي ضايقني

بس مااااااااقدر

لانها ماشاءالله تسوي من الحبه اوبه على قولتهم

و أي شي اقولها حتى لو شي عادي تروح تقول حق زوجي مرتك قالت جذي ومرتك سوت جذي

وتقعد تبجي :eh_s(1):

والله ساعات تصير مواقف عاديه وبسيطه تقعد تبجي بجي موطبيعي @@

مادري ليش تسوي جذي​

 

[كيكه توفي]

عامليها عدل مهما سوت لانها مره عوده
أنا مو متزوجه بس يدتي جذي تقط الحجي وماتثمنه ويضايق مو بس حق حريم عيالها حتن احنا عادي
وهم تفرق بينا وبين عيال عمتي معنها كلا معانا وعندنا واحنا اللي نقوم فيها ونوديها ونيبها واهم ولا دارين عنها
بس حبيت اوضح لج معاملتها هذي مو لانج مرت ولدها او قاصدتج او شي اهما جذي
أتمنى ان كلامي يكون واضح ومفهوم قصدي
وميخالف حبيبتي عامليها احسن معامله لو مهما سوت وحاولي تحطين عذر حق كل من أساء لج
دايما المشكله او الصدمه بأولها تخليج تفكرين باشياء وتصك الدنيا فيج بعد فتره فكري فيها راح تحسين ان شي بسيط وما يسوى

 

[رهشRAHASH]

تحمليها علشان ريلج

 

[%ام النورين%]

حبيبتى طوفي خالتج مثل امج يشهد اللة هالكلام هذا قلته لمرة حماي قبلج كانت دايم اتشكالي من تصرفات خالتى معاها انا عن نفسي شفت منها مواقف وعمرى ما زعلت كنت اطوف وكاني ما سمعت او شفت منها شي مردنا بنصير خالات وبنجرب حريم عيال عسى ربي يبلغني فيهم ويبرونى مثل ما ابر والدينى ووالدين زوجى