::أمانه عليج,,شتسوين لو كنتي مكاني؟والله اعااني يابنات تعبت خلاص عطوني حل منطقي ومفيد

[softlady]

والله انا احترم راي فوفو واشوف في شي من الصواب بس والله ودي اتناقش معاكم اذا ماعليكم امر

ساعات الوحده شتسوي تتحمل تتحمل وبعدي مو اذا اسكتت انقهرت واذا كلمتها ريلها بيقولها شنو ماعندج ريال تكلمينه

يعني المقصد

ليش مو كل واحد يعرف حدوده يتمادى ويتمادى واهي جنه ماتقدر تتكلم ولاتسوي شي

ناقشوني بليز

 

[على وجهها سمة الأبرياء]

صبري واحتسبي الأجر
وعديها امج وانه اللي تقثج هذي امج والوحده ماتزعل من امها

بس على قولتج حرمه كبيرة والحريم الكبار لي حطو احد براسهم يزهقونه عيشته

 

[هداااويــ]

مشكورين بنات اللي ردو ماقصرتوو كلامكم يريّح عسى الله يريّح قلوبكم

اللي تقول نطلع بشقه بصراحه مانقدر لظروفنا الماديه


واللي تسأل اذا كنت انا الجنّه الوحيده اللي ساكنه معاهم؟
جوابي :لا في غيري حريم حمواني ساكنين بالبيت

واللي تقول ليش تدخل جذي لا احم ولا دستور
اقولج شسوي الشكوى لله

واللي تقول يمكن اهي تظايقت لان اليهال ماعيدو عليها
لا انا نزلتهم الصبح لانهم كانو سهرانين و خليتهم يعايدون عليها ويبوسونها والموقف اللي ذكرته لكم صار المغرب

واللي تقول اهي مره عوده و ماتعرف بالموضه .
اقولج : ان انا لبسي نفس لبس وحده من حريم حمواني يعني تقريبا" نفس الستايل . ودااايمن خالتي تمدح لبس مرت حمااي وتقول ان ذوقها حلو !!!!!!

و اللي تقول شلون معاملة حريم حمواني؟
اقولج : حريم حمواني يعاملونها برسميه
واللي انا تهاوشت معاها تعامل خالتي بتعالي وتكبر ودايمن تحسس اهل زوجي انها اعلى منهم بالمستوى وخالتي تموووووووت فيها وتسوي لها الف حساب ودايمن تدافع عنها جدامها و وراها

واللي تقول لاتخلين زوجج يكلمها ولا تقولين لزوجج اللي يصير من امه

الله يعلم ان دايمن اقول حق زوجي : الزوجه تتعوض بس الام ما تتعوض
و زوجي اهو يشوف بعينه معاملتها لي والله ودايمن اقوله لاتزعلها ولا تكلمها واهو مايحب يزعلها بس اهي اللي تقعد تسئله ويجاوبها بهدووء يعني مايعصب و يزفها ولا شي مهما كان هاذي امه

والله يابنات ان ردودكم تهبل وماقصرتو معااي

بس انا محتاره شلووووووون اعاملها؟؟

اذا عاملتها عدل تقثني وتقط نغزات وتعيب على كل شي يخصني من طبخ من كلام من لبس من تصرفات


و اذا عاملتها برسميه ,, تاكل قلب زوجي بالحنّــــــــه اففففففف كل ماتشوفه اشفيها مرتك و اشفيها مرتك؟؟ و اذا قال
مافيها شي.. تقعد تحن تبي تعرف شفيني

و اذا قالها ليش جذي تعاملينها تقعد تبجي وتسوي فلم وقصه​

 

[وحــده..]

انا معاج انه فى خالات الله يهداهم .. مو طيبين ومهما عطيتها او قدرتيها ما يعجبها وتشوفه ضعف فيج مو ميزه ...

نصيحتى لج لانى قريبه وايد من وضعج ... انه تردين عليها باى حركه تصير منها ولكن باحترام ... بمعنى .. شوفى حبوبه انا حامل وربى عالم بالتعب الى انا فيه واذا يوم واحد ما نزلت تعصب وتعلق وتشكى حق ريلى ... ولما تشوفنى وتسال عنى واقولها انى كنت تعبانه ترد على انا كنت بالتاسع واغسل حوش وصايمه ( فديت الفيلم الهندى ) تدرين يوم سألت اهلى قالولى رد عليها : اى خالتى هذا على ايامج ايامنا غير .. واذا تمت تعيد سالفه الحوش وانها كانت قريندايزر لا تردين عليها وشغلى نفسج بشى ثانى .. انا حالا قاعده احاول اتجنب الاحتكاك الزايد والقوى .. اشوى اشوى قاعده اخف .. وانطر اقوم بالسلامه علشان انشغل معى البيبى .. ويصير عندى عذز ..خفى عن الاحتكاك فيها ولا تطوفين لها وايد .. وهم لا تدخلين ريلج بينكم ... والله المستعان

 

[عاشقه مودي]

والله موقف ما تنحسدين عليه الله يكووون بعونج ..
أنا مو متزوجه بس ما شاء الله البنات مايقصروون

 

[hatoona]

الله يعيتج اختي وانا مقدره موقفج بس انا دوم اشوف اذا الجنه محترمه وتبي رضا خالتها تصير الخاله نسره ونصيحه عطيها طاااااااااااااااااااااااااااف ولا تعورين قلبج معاها وصيري رسميه معاها وادري راح تستغرب الوضع جم وتتحلطم بس بعدين بصير الوضع عادي وبترتاحين وراح تحبج موووووووت لانج مطنشتها ولا يمكن تخاف منج وتحسبلج الف حساب بعد

 

[قلبي فقلبه]

رايي من راي فوفو لاتدخلين زوجك ودام هو عارف طبعك وحركات امه تكلمي معاه قوليله بعامل امك برسميه واذا سألته عنك يقولها مافي شي عشان ترتاحون لاتقصرين بحقها ولا تتمادى علاقتك معها عشان ترتاحين والله يسهل حياتك واذا تحبين زوجك تحملي عشانه ومهما صار لاتكلمين معاه عن موقف معين عشان مايطفش منك خليه يشوف وبس

 

[shjoon]

الله يعينج ... لا تحتكيين وايد فيها وعامليها برسميه ومخافة الله

ولالا ادخليين ريلج بالسوالف واذ بتقوليله حلفيه لا يرد الكلام لامه

واحسن حل تطلعيييييييييييين من البيت ...اريح لج

 

[كنت ما أدري...]

انا مع جوجو gorgeous
صراحة احس انه الخالات يصيرون جذيه لما تكون الجنة طيبه وهاديه وحبوبه
ودايما تسكت ومسالمة
ولا شرايكم
؟؟؟؟؟؟؟

 

[كنت ما أدري...]

انا مع جوجو gorgeous
صراحة احس انه الخالات يصيرون جذيه لما تكون الجنة طيبه وهاديه وحبوبه
ودايما تسكت ومسالمة
ولا شرايكم
؟؟؟؟؟؟؟

 

[امواج الكويت]

الله يسخرها لج

 

[over love]

أعتقد والله أعلم أنها وايد تغار منج مو لسبب فيج شخصيا بس أتصور أنها تحب ريلج وايد !!!

أنا خالتى طلعت بعينى عظم والسبه عشقها لريلى !!

خلج عاديه وزينه معاها واستمرى مثل ماأنتى ولاتهتمين لنغزاتها وكلامها لبسج مقتنعه فيه وعاجبج مو بالضروره يعجبها لاتظايقين عمرج

أكلج موعاجبها يكفى أن عاجبج وعاجب ريلج

يعنى رأيها مومهم بصراحه ليش انتى معطيته أهميه زياده عاللزوم !!!!

الخلاصه عامليها زين مثل معاملتج قبل وأحتسبى الأجر وكل تصرفاتها طنشيها لأن مومهمه نهائيا المهم هو ريلج يعجبه الى تسوينه

 

[درة أهل الطولات]

شدعوة تدخلين زوجج بكل شي يصير ..

هذي امه

 

[هداااويــ]

شدعوة تدخلين زوجج بكل شي يصير ..

هذي امه

حبيبتي اقري كلامي عدل قبل لاتقولين رايج

اشدعوه من كل اللي كتبته ماخذيتي الا سطر واحد!!!

صفّي نيتج عشان الله يرزقج

حياج الله​

بناات فيدوني بليز

 

[Wa7shni ShoF eLq8]

الله يعينج ويصبرج طول ما انتي تحسنين المعامله والنيه ربي بجازيج يوم من الايام

 

[دمع القلوب]

اف اف اف الموقف صراااااااااااحه قوي حيل لو انا بمكانج يمكن ابجي


بس انتي شنو كان موقفج بهاللحظه اخذتي عيالج والا سكتي

وقلتي لرجلج الموضوووووع شنو ردة فعله بصراااااااااااحه

 

[هداااويــ]

اف اف اف الموقف صراااااااااااحه قوي حيل لو انا بمكانج يمكن ابجي


بس انتي شنو كان موقفج بهاللحظه اخذتي عيالج والا سكتي

وقلتي لرجلج الموضوووووع شنو ردة فعله بصراااااااااااحه

ويهي قام يقط الوااان جدام الناااس و ظليت ساكته وما كلمتها ولا قلت لها شي عن حركتها هاذي

و زوجي شافها وهي تبي تدخل عيالي عند الناس وقالها وين موديتهم ؟ قالت عند الناس

قالها بس اهم ما تسبحو وملابسهم مالت البيت مايصير نطري خل مرتي تسبحهم وتكشخهم

قالت له بس بدخلهم شوي خل يشوفونهم الناس ​

 

[DaSh^_^teYa]

الله يعينج حبيبتي كلش مو خوش حركه والصراحه اكيد الحركه مقصووده ويمكن خالتج محتره منج من معامله ريلج وبتطلعج بالشينه الله العالم بس انشالله ما تكون نيتها جذي لانه الله ما يطق بعصا :0bee2e8d89:
ونصيحتي لج سوي الي يرضيه ضميررج وخلج رسميه وياهاا ؟ مو يعني ما تسولفين ولا تكشرين لا خلج حبوبه مثل ما انتي بس لا تاخذين وتعطين معاها لا اهي ولا حمواتج وحريم حموانج لان الحريم يموتون عالحجي والهمز واللمز
:gathering:
خلج انتي الكبيره والزينه والحمدلله بشهاده الكل انتي جذي مو محتاجه هالشي منهم وقابلي الاساءه بالاحسااان مردهم لج والله يسخر زوجج لج ياارب
والله ملااقه ياربي شفيهم الخالات جذي ياخذون بنات الناس عشان يأذوونهم وما يرضون على بناتهم ​

:eh_s(1):

 

[عيش و مرق]

الله يعيتج اختي وانا مقدره موقفج بس انا دوم اشوف اذا الجنه محترمه وتبي رضا خالتها تصير الخاله نسره ونصيحه عطيها طاااااااااااااااااااااااااااف ولا تعورين قلبج معاها وصيري رسميه معاها وادري راح تستغرب الوضع جم وتتحلطم بس بعدين بصير الوضع عادي وبترتاحين وراح تحبج موووووووت لانج مطنشتها ولا يمكن تخاف منج وتحسبلج الف حساب بعد

انا معاج انه فى خالات الله يهداهم .. مو طيبين ومهما عطيتها او قدرتيها ما يعجبها وتشوفه ضعف فيج مو ميزه ...

نصيحتى لج لانى قريبه وايد من وضعج ... انه تردين عليها باى حركه تصير منها ولكن باحترام ... بمعنى .. شوفى حبوبه انا حامل وربى عالم بالتعب الى انا فيه واذا يوم واحد ما نزلت تعصب وتعلق وتشكى حق ريلى ... ولما تشوفنى وتسال عنى واقولها انى كنت تعبانه ترد على انا كنت بالتاسع واغسل حوش وصايمه ( فديت الفيلم الهندى ) تدرين يوم سألت اهلى قالولى رد عليها : اى خالتى هذا على ايامج ايامنا غير .. واذا تمت تعيد سالفه الحوش وانها كانت قريندايزر لا تردين عليها وشغلى نفسج بشى ثانى .. انا حالا قاعده احاول اتجنب الاحتكاك الزايد والقوى .. اشوى اشوى قاعده اخف .. وانطر اقوم بالسلامه علشان انشغل معى البيبى .. ويصير عندى عذز ..خفى عن الاحتكاك فيها ولا تطوفين لها وايد .. وهم لا تدخلين ريلج بينكم ... والله المستعان

الله يعينج حبيبتي كلش مو خوش حركه والصراحه اكيد الحركه مقصووده ويمكن خالتج محتره منج من معامله ريلج وبتطلعج بالشينه الله العالم بس انشالله ما تكون نيتها جذي لانه الله ما يطق بعصا :0bee2e8d89:
ونصيحتي لج سوي الي يرضيه ضميررج وخلج رسميه وياهاا ؟ مو يعني ما تسولفين ولا تكشرين لا خلج حبوبه مثل ما انتي بس لا تاخذين وتعطين معاها لا اهي ولا حمواتج وحريم حموانج لان الحريم يموتون عالحجي والهمز واللمز
:gathering:
خلج انتي الكبيره والزينه والحمدلله بشهاده الكل انتي جذي مو محتاجه هالشي منهم وقابلي الاساءه بالاحسااان مردهم لج والله يسخر زوجج لج ياارب
والله ملااقه ياربي شفيهم الخالات جذي ياخذون بنات الناس عشان يأذوونهم وما يرضون على بناتهم ​

:eh_s(1):

انا اقول مثلهم

 

[استثنائيه]

عطيها اقنور

تعاملي معاها بحدود الواجب وبس

وتشوفينها باجر تحط لج قدر ومقدار حالج حال حريم حموانج

لو شتسوين لام الزوج مايبين الطيب بعينها

وتجذب اذا قالت انتي مثل بنتي لان انتي مرة والدها

الله يعينج