ألم ....

[Q8yah in Q8]

السلام عليكم ورحمة الله وبركاته
باختصار...
بنات اذا في بنت حاقره ريلها عشان تبي يحس بمسؤلياته ومن حرته الظاهر مد ايده عليها !! شتسوي بهالحاله
شكرا يا بنات

 

[ريماس77]

رد : ألم ....

توضيح اكثر لاني مافهمت شي علشان نساعدج اختي

 

[chanel N22]

وضحي

 

[ام ميلافـ]

رد : ألم ....

مايبيبلها تووضيح اهي حقرته واهو من الحرره مد ايده علييها

انا بقولك الرجال دوبه ودوب الحقر اذا حقرتييييه بيييولع بس ماتوصل انه يمد ايده كلش بالتافهم بينحل

طيب يالغالييه وضحييله قولي ماسويت هالشي الا ابيك تحس تفاهمي معه لان الحقران بيزيييده عليك والله يكون بعوونك

 

[فاقده ابوهاااا]

رد : ألم ....

يمكن يكون امعصب ومد ايده هذي مو نهاية العالم خل تفهمه انه هالشي ما يجوز شرعا وخل تفهمه غلطه وان شاء الله تكون آخر مره وكل شي بالتفاهم يصير وربي يهديهم

 

[Q8yah in Q8]

رد : ألم ....

شكرا يا بنات عالردود
بس فهمته اللي تبيه واهوا حاقر ومعاند ومو راضي يحس

 

[الأميرة جوري]

رد : ألم ....

الريال يموت قهر من الحقران شيء طبيعي بس التفاهم حلو احسن من الحقران يعني متى ماسالها اشفيج تقول اللي حارها شنو احسن من الحقران اللي يرفع الضغط بصراحه

 

[عاشقة_الجمال]

في رياييل اسلوب الحقران ما يمشي معاهم

 

[Q8yah in Q8]

رد : ألم ....

شكرا عالردود





بالتفاهم بالحقران بالدلع بكل شي جربت
عيبه العناد والراس اليابس والتسلط واللي يبي وعلى كيفه يمشيه
ولازم ترضى بدون لا تزعل !!!*

 

[الـوايـلـيـة]

حاولي بطريقة ثانيه غير الحقران

 

[نور الكوثر]

الحقران ممكن يكبر المشاكل في بعض الاحيان مو كل الرياييل يمشي معاهم اسلوب الحقران

 

[وردة الحياة]

ميخالف الوحده تصبر مو حقران لا مبالاه..لا لازم تهدي الوضع بهدوء وتحاول تنسى الموضوع..
والمناقشه الهاديه...الوحده لازم تطلب الامان من ريلها عشان تفتح قلبها له وتقوله عاللي مضايقها

لا تعاندين الريال ولا تحقرينه...بالعكس سايسيه وبالاخير والله المرأه اهي اللي ربحانه

 

[shayo0oma]

لو انا صارلي الوقف ما ابطل حلجي واتم احقره لمن يعرف شلون يراضيني ويعرف شلون يتفاهم معاااااااااي

 

[الشهد كله]

ردة فعله صج إنها طبيعية بس قوية ما ينسكت عليها

إذا إهي تعرف طبعه ليش تحقره ؟؟؟؟؟

إذا إهي تعرف إنه جبريت ليش التطنيش ؟؟؟؟

خليها تسكت هاليومين عنه لحد ما يطيح اللي براسه ويراضيها

صار الطق هواية عند أغلب الشباب

الله المستعان ​

 

[sweet dashttya]

رد : ألم ....

مايبيبلها تووضيح اهي حقرته واهو من الحرره مد ايده علييها

انا بقولك الرجال دوبه ودوب الحقر اذا حقرتييييه بيييولع بس ماتوصل انه يمد ايده كلش بالتافهم بينحل

طيب يالغالييه وضحييله قولي ماسويت هالشي الا ابيك تحس تفاهمي معه لان الحقران بيزيييده عليك والله يكون بعوونك

وياها كل شي بالتفاهم ينحل :33_1185028183:

 

[@أجمل سنيني @]

تصبر بعد شتسوي..ِ

 

[أم حوور]

مد اليد مره


ممكن تنمد 100 مره


والحقران مو حل

 

[ام شووووق]

رد : ألم ....

اهي المفروض تجرب كل الاساليب معاه

اللي اخرهم الحقران

 

[Q8yah in Q8]

رد : ألم ....

شكرا بنات
المره الحين عند اهلها ولا اتصل وكلف على عمره
هالطريقه صح ام غلط ؟؟؟؟؟؟

 

[شيخه الحلى]

انزين اهيا ليش احقرته؟؟
شنو تبي منه بالضبط؟؟
شنو المسؤوليات اللي تبيه يحس فيها؟؟؟
يمكن اهيا اللي خلته يعصب ويمد إيده