ألحقوني عرسي بعد شهر بس

[يالبيه 17]

ياحياتي مبروك
لاتخافين سهالات والله

خصصي لج كل يوم له شغله تسوينها
مثلا الخياطين ومحلات الخام كلهم بيوم واحد
والمكياج والعطور بيوم واحد خلصيهم
والقمصان ولبس الشقه والبجايم بعد بيوم او يومين خلصيهم
والكعبات والشحاطات وانتي بكرامه بيوم واحد خلصيهم
والبدله والمسكه والكعب بيوم واحد
وحجوزات العرس من مصوره ودي جي بيوم واحد

صدقيني اذا شديتي حيلج راح تخلصين ب15 بيوم ان شاء الله
وابدددددددي عنايه من الحين
اهتمي بنفسج
ولاتطلعين من البيت الا وانتي حاطه كريم وقايه من الشمس
وسوي كل اسبوع 2حمام مغربي عشان يفرق لونج بسرعه

والله يوفقج حبيبتي

 

[هــنــوف]

حبيبتي اذا تكلمينه حاولي تلمحين له يأجلها شوي مو واااجد اذا ماتكلمينه حاولي اول شي تجيبين ورقه وقلم وتسجلين جدول فيه الايام وتكتبين فيه الي قالت لج رق رق وحطي ميزانيه لكل شي الله يوفقج يااارب ويعينج عالسوق برمضان

 

[نورعيونك]

عندج الحين 40 يوم تقدرين تخلصين كل شي ان شالله
اهم شي الاشياء الى بتخيطينها يعنى الى عند مشاغل وجذي
الدراريع والعبي وقميص اول يوم
3 ايام تخلصين= بدل الشقه +البجايم+واكسسوارات البيت +لوشنات وشاور جل وجذي
2يومين=قمصان النوم +ملابس داخليه+عطورات+مكياج
2يومين جواتى وجناط وساعات
4ايام +دراريع وبدل استقبال
2يومين البدله البيضه والمسكه وبدله ثاني يوم
وكل شي تبينه كتبيه بورقه ولما تروحين السوق اشتريه لان تقدرين ب3 ايام تخلصين كل شغل السوق
من مكياج وعطورات وملابس وقمصان وكل شي

 

[موناليزا مطير]

مبروووووووك وعسى ربي يوفقج ويهنيج انشاءالله
اول شي بدلة العرس ومن باجر والصالون والمصورة عشان ما تحاتينهم وبعدين بلشي بالباجي
وعندج رمضان وياااكثر المعارض اللي فيه يعني فرصه حق الدراعات والبدلات
وقمصان النوم امرهم هين يومين او ثلاثه انتي خالصه
بس اهم شي سجلي كل اللي تبين عشاان ماتنسين وموووووفقهـ انشاءالله

 

[مغروره بس معذوره]

حبيبتي اذا ماحصلتي بدلة العرس عندي عادي ااجرها لج
لونها اوف وايت وكلها شوارفسكي وطالعه علي 1800 دينار بس باجرها على 500 ووالله اني ما اجرتها حق احد للحين
وموديلها حيل غريب ووايد راقي ومعاها طرحتها تقريبا لي الخصر اذا بتشوفينها طرشيلي عالخاص وتعالي باي وقت تبين شوفيها

 

[كل شيء عادي]

مبروووووووك وعسى ربي يوفقج ويهنيج انشاءالله
اول شي بدلة العرس ومن باجر والصالون والمصورة عشان ما تحاتينهم وبعدين بلشي بالباجي
وعندج رمضان وياااكثر المعارض اللي فيه يعني فرصه حق الدراعات والبدلات
وقمصان النوم امرهم هين يومين او ثلاثه انتي خالصه
بس اهم شي سجلي كل اللي تبين عشاان ماتنسين وموووووفقهـ انشاءالله

جزاك الله ألف خير حبيبتي
ماعليك امر وين أماكن المعارض إلي فيها دراعات حلوه وتكون اسعارها معقوله

 

[كل شيء عادي]

حبيبتي اذا ماحصلتي بدلة العرس عندي عادي ااجرها لج
لونها اوف وايت وكلها شوارفسكي وطالعه علي 1800 دينار بس باجرها على 500 ووالله اني ما اجرتها حق احد للحين
وموديلها حيل غريب ووايد راقي ومعاها طرحتها تقريبا لي الخصر اذا بتشوفينها طرشيلي عالخاص وتعالي باي وقت تبين شوفيها

ماتقصرين ياعمري أنا دبرت بدلة العرس من صديقتي

 

[ظل الياسميـن]

حبيبتي هذي عنايتي بالكامل بسيطه وخفيفه وتبين معاج النتايج بالأستمرار وراح تبين بأقل من شهر​

http://www.q8yat.com/t900762.html​

بالنسبه للتجهيز شوفي سوي جذي أحسن لج​

الأحد : فراره على مشاغل الحريم هاليوم لبدل الاستقبل والدراريع الفخمه​

الأثنين : لبس الشقه - بجايم طويل قصير شورتات لقنزات شورتات جينز كورسيهات بديهات قمصان للبناطيل وووو لاخ​

الثلاثاء : النفانيف قصير طويله نوعي​

الاربعاء : روحي افتري على اتليهات البدله البيضه وبعد ماتختارينها وتقيسينها تطلعين لمحل أكسسوارت أو محل ذهب تختارين الطقم الي تبينه ويصب لج نفسه فضه ( حرام تاخذين ذهب او الماس )​

الخميس : روحي اخذي كعب العرس بعدها اطلعي اخذي قمصان النوم نوعي قصير طويل شيفونات دانتيل حرير وووووالخ​

الجمعه : على الحمرا مووول ركض وناسه لانجري قميصج ليلة الدخله والصباحيه من هناك نصييييييييييحه والله ماراح تندمين​

السبت : راحــــــــــــــــــــــــــــــــــــــــــــــــــــــــــه​

الأحد : ردي افتري على مشاغل جديده واختاري بدل استقبال كشخه وذربه وحلوه​

الأثنين : أكسسوارات والشباصات وربطات الشعر وهالسوالف​

الثلاثاء : روحي المركز الفرنسي خلصي كل عطوراتج الفرنسيه​

الأربعاء : افتري ع القرشي وأجمل وأمل الكويت والشايع والرصاصي خمي كل العطورات العربيه​

الخميس : نكتار وبدي شوب أخذي المجاميع مالت الجسم مثل التوت البري ومجموعة العروس والفتاة الخجوله وووووو اخذي الي يعجبج​

الجمعه : روحي أحجزي صالون العرس والمسكه وصالون الصباحيه​

السبت : روحي جيبي نفنوف الصباحيه والكعب ماله​

الأحد : روحي خلصي عبيج اذا انتي تلبسين عبي وملافعج والنقابات اذا منقبه ولاتنسين القبعه​

السبت : روحي جيبي طقم الفوط وطقم الحمام عزج الله الي زباله مع علبة كلينكس مع ستاند الفرش والمعجون وجيبي ديباج العرس​

واشتري نعالج عزج الله لمن تخلص بدلاتج​

امممممممممممم وشنو بعد والله حسيت أنا الي متورطه مو انتي :eh_s(2):​

يارب ماكون نسيت شي​

اي اي اي أغراض الجمعيه خليها قبل العرس بأسبوع تجيبينها​

ياربي وشنو بعد والله اذا تذكرت شي علمتج ع طووووووووووووووووووول​

الف الف الف مبروووووووك ياعروس

يوم السبت روحي المصصمات احجزي البدله البيضه
انا افضل انج تاخذين جاهزه اجار لان ماراح يمديج اتفصلين على الاقل الجاهز تاخذينها وانتي مرتاحه
عندج المصممة بشرى العيدان - هيا الحوطي - زياد انطوان- انجلوس هيثم بوحامد- لابرجوازي

 

[مطنـوخهـ]

الله يووووووووفقها راقيه وجذابه ما قصرت

روحي سوي اشتراك بالصالون الصبح وانتي فاضيه مغربي

العطور يوم كامل دبنهامز او سيفورا عطور ومكياج والمكياج بعد اتصلي على الهندي كومار

ملابس البيت يوم كااامل بالافنيوز وشحلاته كله تنزيلات اخذي لج 3 شورتات 4 جينزات 10 بديات هيلهوبات و3 تنانير قصار
4 فساتيين قصار او طوال

الاكسسوارات عندج المعارض كل يوم معرض

الجناط الافنيوز

الجواتي حوش السالميه

الملابس الداخليه لاسنزا مسويين تنزيلات ودبنهامز

البجامات اويشو ودريم مول وكل مكان بجايم

القمصان اخذي لج من الايووووووب كل قمصانج

الملافع والعبايات يومين روحي الفحيحيل والفروانيه

البخوورر اخذي لج فره بسوق الكويت كلهم موجودين المحلات سطرة وحده

مجموعات الجسم باث اند بودي وكس وجدامه بودي شوب ونكتار

والله يسعدج ياااا رب

 

[شيخه كويتية]

حبيبتي
كل ماتخلصين من شي
كتبي هني عشان نكون متابعين معاج .. ونذكرج اذا نسيتي شي


موفقه

 

[al-7nona]

حبيبتي ترى النفسيه تلعب دور

خلج ريلاكس وهدي اعصابج

والبنات فديتهم ماقصروا معاج

بس اهم شي تكونين هاديه


والله يوفقج حبوبه ويوفقنا ويتمم علينا بالخير يارب

 

[أميـِـِره]

الف مبروووووووووووك عسئ الله يتمم عليج

اهم شي لا تتوترين ياقلبي عادي تقدرين تمشين امورج بشهر صدقيييني بس اذا قسمتي ايامج بذكاء

فصلي العبايات و الدراريع و الثوب الابيض اووول شي

وبعدها ابدي بالعطور و البخور تقدرين تخلصينهم بيوم واحد اذا رحتي الافنيو خلصي عطورج من وجووه و البخور عندج اجمل و القرشي و هالسولف

اليوم اللي بعده روحي خلصي المكيااج ودييري بالج لا تتعدين 150

واهم شي خلي الساعات و الجناط و الكعوب ااااخر شي يعني قبل العرس باسبوعين جذي

والقمصان والملابس الداخليه وطقم الروب خلصيهم بيوم واحد رووحي الجميع شي خيااااال وسعر معقوول

وششنو بعد

امممممم اي الجنزات و البديات و التفانيف خلصيهم بيوم واحد لاتقولين مايمددي تقدريييين اهم شي اطلعي من بيتكم مبجر وو ششنو بعد اي البجايم كل مارحتي مجمع خميلج جم وحده باخر الشهر بتكونين خالصه من البجايم اوو روحي مااكس عججيب


ان شاء الله مانسيت شي.

مووفقه ياقلبي
*

 

[saroonah94]

لو انا مكانج كنت راح احتج بقوة

 

[بنت الاحلام]

مثل ما قالت جذابه كلامها مقنع صراحه

وحلو ومنظم

 

[زامليه وافتخر]

حبببيتبى عاادى انتى بس هدى نفسسج ويبى ورقه وقلم واكتتبى كل اللى تحتاجينه صدقينى باسبوعين بتخلصصين كل شى

يعنى بالطلعه الوحده حااولى كثر ماتقدرين خلصى لج شغلع والقمصان والبجايم ولبس الشقه صدقينى مايبى لهم شى انا بيوومين خلصتهم صدقيينى
لاتنسين الجوواتى والجنااط والمكيااج هذيل يمكن شوى بتتعبين عليهم بس انتى اذا احد معااج حلوو بيسهل علييج التجهيز يعنى بيسااعدج يعنى مثلا اذا تثقين بذووقهم خليهم يخلصون لج البخور والعطورات العربيه والمعموول ومحموعات الجسم عرفتى


وموفقه يااارب ولا تحاتين بتخلصين وبتطلعييين احللى عروووس