أقوى المادرس الامريكية فى الكويت؟؟؟

[Miss_Tiger79]

حبيبتي المدرسه العالميه الامريكيه من ارقى المدارس في الكويت نظامها امريكي بحت ..كل بدايه عام دراسي جديد تمتحن كل الطلبه الي في المدرسه سواء القدم او الجدد.امتحان مستوى من امريكا وعلى هذا الاساس تقسم الطلبه على الصفوف ..طاقم التدريس امريكي .وايد ممتازه فيها اهتمام ورعايه ..عيالي وايد مرتاحين اكبر واحد فيهم في الصف السابه ..وطبعا اهيا غنيه عن التعريف .اما التكامل فمستواها دون الصفر ولدي كان فيها والله مليونين فرق بينها وبين العالميه الامريكيه...............

بغيت اسألج اسعارهم جم ؟؟؟

والمدرسة باي منطقه ؟؟؟؟؟

 

[jolie_q8]

بغيت اسألج اسعارهم جم ؟؟؟

والمدرسة باي منطقه ؟؟؟؟؟

بحولي المبنى اليدي الازرق مجابل القادسيه .. صاحبتها نورا الغانم

 

[[--SuSHa--]]

اذا تبين مدارس امريكيه قويه من ناحية المناهج ف البيان و الامريكيه العالميه الكل يمدحونها .. و اهلي فيهم ثنتينهم و دراستهم قويه بس مختلطه .. بس هم ما يخلون من السلبيات خاصة العالميه :$ !

و التكامل عن تجربتي و تجربة اختي نقول انها وايد زينه و قويه !! مناهجها كلها من بره و الأحلى انهم يهتمون بالديانه شوي .. و نظامهم حلو و وايد زين .. ! يعني اللي يقول مستواها دون الصفر فأسمحولي عن تجربتي اقول غلطانه =) بالعكس وايد زينه ( بالنسبه لي و للي كانوا قبلي و معاي ) .. و خاصة بالهاي سكول شغل عدل



اما اذا تبين نظام بريطاني فعندج ال KES مالت السداح اللي بسلوى =) .. انا كنت فيها بالإليمنتري و اختي فيها لي grade 6 و بعدين يت عندي التكامل .. و قويه و قديمه و وااااااايد زينه .. هم بنات عمي فيها و اعرف وايد بنات هناك مرتاحين .. بأختصار هالمدرسه غنيه عن التعرييييييييف !! بس نظامها مختلط .. و هم ال BSK بعد نفس الشي قديمه و قويه ..



و الله يوفقج باختيار المدرسه و يكتب اللي فيه الخيييييير انشاءالله

 

[اناناسه]

هلا بنات والي يعافيكم شرايكم بمدرسة المستقبل الامريكيه الي في الفحيحيل

في احد مدخل عياله فيها ؟

 

[أم ضارى]

اذا تبين مدارس امريكيه قويه من ناحية المناهج ف البيان و الامريكيه العالميه الكل يمدحونها .. و اهلي فيهم ثنتينهم و دراستهم قويه بس مختلطه .. بس هم ما يخلون من السلبيات خاصة العالميه :$ !

و التكامل عن تجربتي و تجربة اختي نقول انها وايد زينه و قويه !! مناهجها كلها من بره و الأحلى انهم يهتمون بالديانه شوي .. و نظامهم حلو و وايد زين .. ! يعني اللي يقول مستواها دون الصفر فأسمحولي عن تجربتي اقول غلطانه =) بالعكس وايد زينه ( بالنسبه لي و للي كانوا قبلي و معاي ) .. و خاصة بالهاي سكول شغل عدل



اما اذا تبين نظام بريطاني فعندج ال kes مالت السداح اللي بسلوى =) .. انا كنت فيها بالإليمنتري و اختي فيها لي grade 6 و بعدين يت عندي التكامل .. و قويه و قديمه و وااااااايد زينه .. هم بنات عمي فيها و اعرف وايد بنات هناك مرتاحين .. بأختصار هالمدرسه غنيه عن التعرييييييييف !! بس نظامها مختلط .. و هم ال bsk بعد نفس الشي قديمه و قويه ..



و الله يوفقج باختيار المدرسه و يكتب اللي فيه الخيييييير انشاءالله

خلاص انا استقريت على النظام البريطانى .. انا ابى نظام شديد شويه حق عيالى

اتعرفين شنو الفرق بين ال kes & bsk؟ محتاره بينهم حاستهم ثنتينهم نفس المستوى

 

[طبوشة]

انا ضد مدرسة الابداع اللي بخيطان absلأن خوااااااااااااااااارة انا عيالي حطيتهم سنة فيها الصف الثامن وطلعتهم وهي على فكرة مدرسة جديدة هذي اعتقد ثالث سنة بس أنصحج لا تودين عيالج فيها حتى بعض المدرسين هنود موأمريكان مثل مدرسة اعيلي العلوم هندية وكل مابين فترة وفترة يطردون ويغيرون مدرس وشغل واسطات وان حبتك حيني

 

[طبوشة]

:وان حبتك عييييييييييني ماأنصحج فيها:0bee2e8d89:

 

[أم ضارى]

انا ضد مدرسة الابداع اللي بخيطان absلأن خوااااااااااااااااارة انا عيالي حطيتهم سنة فيها الصف الثامن وطلعتهم وهي على فكرة مدرسة جديدة هذي اعتقد ثالث سنة بس أنصحج لا تودين عيالج فيها حتى بعض المدرسين هنود موأمريكان مثل مدرسة اعيلي العلوم هندية وكل مابين فترة وفترة يطردون ويغيرون مدرس وشغل واسطات وان حبتك حيني

صاجه انا بعد سمعت سوالف عنها اشوه ماسجلت عيالى فيها

بس انتى وين وديتى عيالج عقب ماطلعتيهم منها؟؟

 

[Queen-q8]

خلاص انا استقريت على النظام البريطانى .. انا ابى نظام شديد شويه حق عيالى

اتعرفين شنو الفرق بين ال kes & bsk؟ محتاره بينهم حاستهم ثنتينهم نفس المستوى

هلا ام ضاري شلونج وشلون اليهال ان شاء الله بخير ؟؟

حبيت افيدج ترى bsk اهيا المدرسة البريطانية المعتمدة بالكويت يعني امتحاناتها من برا من بريطانيا وتتصحح هناك وترد ومستواها وايد قوي بكل شي انا ولد رفيجتي فيها ما شاء الله تبارك الله وهمن اهوا شاطر

وشغلهم صج مستوى وحتى الامير تشارلز لما يزور الكويت ما يزور الا مدرستهم يعني تعتبر المعتمدة من بريطانيا

ومدرسينهم اغلبهم اذا مو الكل من بريطانيا واغلبهم معاهم ماستر مو بس بكالريوس
وطبعا هالشي ما يقلل من مستوى الكويت انجليش سكول هذي عريقة واهي تقريبا من افضل المدارس الانجليزية بالكويت انا عيالي كانوا فيها حضانة بس صج مستواها وايد حلو


عموما انا اللي اعرفه قبل ان اقوى مدرسة اهيا الانجليش سكول بس من تجربة يعني من اللي اشوفه ان البي اس كي اقوى

 

[أم ضارى]

هلا ام ضاري شلونج وشلون اليهال ان شاء الله بخير ؟؟

حبيت افيدج ترى bsk اهيا المدرسة البريطانية المعتمدة بالكويت يعني امتحاناتها من برا من بريطانيا وتتصحح هناك وترد ومستواها وايد قوي بكل شي انا ولد رفيجتي فيها ما شاء الله تبارك الله وهمن اهوا شاطر

وشغلهم صج مستوى وحتى الامير تشارلز لما يزور الكويت ما يزور الا مدرستهم يعني تعتبر المعتمدة من بريطانيا

ومدرسينهم اغلبهم اذا مو الكل من بريطانيا واغلبهم معاهم ماستر مو بس بكالريوس
وطبعا هالشي ما يقلل من مستوى الكويت انجليش سكول هذي عريقة واهي تقريبا من افضل المدارس الانجليزية بالكويت انا عيالي كانوا فيها حضانة بس صج مستواها وايد حلو


عموما انا اللي اعرفه قبل ان اقوى مدرسة اهيا الانجليش سكول بس من تجربة يعني من اللي اشوفه ان البي اس كي اقوى

مشكوره ياعمرى على كلامج .... شى يحير ثنتينهم يمدحون فيهم .... شكلى بخلى عيالى يسوون المقابله بالمدرستين بعدين استخير ... والله يجدم اللى فيه الخير ابركلى من المدرسه الدايخه اللى مدخله بنتى فيها ... ادفع فلوس علشان اموت قهر :eh_s(14):

انا دافعه دافعه ادفع على شى يسوى ويبرد القلب ابركلى حتى لو بعيد شويه على

 

[حلم الطفولة]

بنات أكاديمية الابداع الامريكيه ,,, وبس !!
صح كانت أول أقوى لأن السويدان كان مسوي نفي أمريكا بالضبط وأحســــن ن ن .. فاللي شافوها قبل يحسونها اختربت . بس اللي يجربها الحين ويجرب غيرها راح يعرف انها وايد أحسن من غيرها .. وآنا جربت غيرها وديت لها !!
وفيه وحده راحو عيالها التكامل , ثاني سنه بتردهم الابداع قالولها مستواه وايد نزل مانقبل !!
الابداع دراسه و وناسه وهي الحي الوحيده بالكويت مع الامريكيه الدوليه اللي عندهم برنامج الباكولوريا للثانويه ,, بعد شنو أحسن من جذيه ؟ ؟

 

[طبوشة]

انا وديتهم المدرسه العالمية الامريكية ممتاااااااااااااازة بس أرجوك لا تودين عيالج حق المدرسة الامريكية اللي بخيطان ترى والله ضياع للطالب وثل ما قلتلج خوااااااااااااارة ومظاهر على الفاضي

 

[أم ضارى]

بنات أكاديمية الابداع الامريكيه ,,, وبس !!
صح كانت أول أقوى لأن السويدان كان مسوي نفي أمريكا بالضبط وأحســــن ن ن .. فاللي شافوها قبل يحسونها اختربت . بس اللي يجربها الحين ويجرب غيرها راح يعرف انها وايد أحسن من غيرها .. وآنا جربت غيرها وديت لها !!
وفيه وحده راحو عيالها التكامل , ثاني سنه بتردهم الابداع قالولها مستواه وايد نزل مانقبل !!
الابداع دراسه و وناسه وهي الحي الوحيده بالكويت مع الامريكيه الدوليه اللي عندهم برنامج الباكولوريا للثانويه ,, بعد شنو أحسن من جذيه ؟ ؟

شوفى وايد وايد من اللى اعرفهم مامدحولى مدرسة الابداع ... ومادرى ليش سبحان الله من داخلى مو حابه ادخلهم فيها لاتسئلينى ليش الهااااام هههههههههههه
حتى التكامل رفيجتى دخلت بنتها اهناك تقول انا بالمره مو عاجبنى مستواها بس ان للامانه بنتها مستانسه اهناك علشان جذيه مخليتها

 

[أم ضارى]

انا وديتهم المدرسه العالمية الامريكية ممتاااااااااااااازة بس أرجوك لا تودين عيالج حق المدرسة الامريكية اللي بخيطان ترى والله ضياع للطالب وثل ما قلتلج خوااااااااااااارة ومظاهر على الفاضي

على كثر مامدحولى النظام الامريكى حاسته وايد فرى اكثر من النظام البريطانى

على العموم انا ان شاء الله بدخل عيالى تأسيس بريطانى واذا حسيتهم ملو والا تعبوا من الدراسه بحولهم للنظام الامريكى

والله يجدم اللى فيه الخير


بس مالت خيطان خلالالالاص عقب الحجى اللى قلتوه ليحوشك روح بعيد ورجع سالم

 

[طيبة الكويتية]

ام ضاري
ليش ما تجربين اللانجليزيه الحديثه اللي بالجابرية
صج انه اعيالي مو فيها, لكن صديقاتي ايام الجامعه كانوا فيها و يمدحونها وايد, ووحده من الخوات ويانا بالمنتدى امدحتها لي على اساس كنت ناويه انقل الكويت ة ادخل اعيالي فيها لكن مالله كتب.
تقول انه الصفوف و الاهتمام وايد فرق عن باجي المدارس.
روحي شوفي المدارس اللي عاجبتج بنفسج. و شوفي المناهج و نظافة المدرسه نفسها و الحمامات و انتي بكرامه و كل شي. و الله يسهل و تشتقرين على شي سنع يااااااااااااااارب

 

[أم ضارى]

ام ضاري
ليش ما تجربين اللانجليزيه الحديثه اللي بالجابرية
صج انه اعيالي مو فيها, لكن صديقاتي ايام الجامعه كانوا فيها و يمدحونها وايد, ووحده من الخوات ويانا بالمنتدى امدحتها لي على اساس كنت ناويه انقل الكويت ة ادخل اعيالي فيها لكن مالله كتب.
تقول انه الصفوف و الاهتمام وايد فرق عن باجي المدارس.
روحي شوفي المدارس اللي عاجبتج بنفسج. و شوفي المناهج و نظافة المدرسه نفسها و الحمامات و انتي بكرامه و كل شي. و الله يسهل و تشتقرين على شي سنع يااااااااااااااارب

صاجه انا وايد وايد امدحولى الانجليزيه الحديثه واهيه صراحه احسنلى واقربلى مليون مره من سلوى بس

بينى وبينج يوم رحت اشوفها خرعتنى السكرتيره كلمه والثانيه تقولى ترا احنا دراستنا وايد جد ترا احنا ماعندنا غشمره ترا دراستنا وايد صاكين على اليهال ومافيه فن وناسه وماعندهم حمام سباحه

يعنى بالمختصر حتى لو كنت رايحه وخاطرى بالمدرسه كرهتنى فيها ... وكملت على رفيجتى تقولى من جم سنه كانوا الشرطه يكبسون عليهم لان فيه طلبه عندهم مخدرات اهناك !!!!!!!!!!
مادرى صج وا لا بس هالكلام على ذمتها
هالاشياء اللى خلتنى اشيل هالمدرسه من راسى قلت روح بعيد وارجع سالم

 

[طيبة الكويتية]

شوفي ام ضاري, مالج شغل بكلام السكرتيره طبعا
كل ما تكون المناهج صعبه بصراحه و الاداره شاده على اليهال الشي هذا احسن, راح يطلعون منظبطين والله. بالنسبة للترفيه عندج الويك اند ونسي اليهال كثر ما تقدرين و عوضيهم عن الكراف طول الاسبوع.
ما تخيلين مدرسة اعيالي اشلون شديدين و دراستهم صعبه. الحين ولدي بكي جي 2 و يعطونهم جمع و طرح و بدو معاهم من العام في القراءة بالانجليزي و كتبهم وايد . لكن انا مستانسه من الشي هذا لما اشوف اعيالي يدررسون صح و متأسسين عدل . و من يومين لبست ولدي العود جاكيت كحلي بس مو مال المدرسه فوق ملابسه, ما رضه يقولي لأ مس رزان تزفني. هذا المسؤوله على المبنى مالهم. ما ارتاح الا لما رحت وياه و استأذنت منها و بنفس اليوم رحت شريت له جاكيت المدرسه.

اما سالفة المخدرات هذي شي ثاني. تأكدي منها
و بعدين اعوذ بالله المخدارات في اغلب المدارس. اذكر قبل جم سنه ( وايد طبعا فوق العشر سنين) لما تخرجت من الثانويه اختي تقولي صايدين بنات بالمدرسه و مخدرات و حوسه.
الله يكون بالعون يارب و يحفظ اعيالنا من اصدقاء السوء و يحميهم يارب.

 

[أم ضارى]

شوفي ام ضاري, مالج شغل بكلام السكرتيره طبعا
كل ما تكون المناهج صعبه بصراحه و الاداره شاده على اليهال الشي هذا احسن, راح يطلعون منظبطين والله. بالنسبة للترفيه عندج الويك اند ونسي اليهال كثر ما تقدرين و عوضيهم عن الكراف طول الاسبوع.
ما تخيلين مدرسة اعيالي اشلون شديدين و دراستهم صعبه. الحين ولدي بكي جي 2 و يعطونهم جمع و طرح و بدو معاهم من العام في القراءة بالانجليزي و كتبهم وايد . لكن انا مستانسه من الشي هذا لما اشوف اعيالي يدررسون صح و متأسسين عدل . و من يومين لبست ولدي العود جاكيت كحلي بس مو مال المدرسه فوق ملابسه, ما رضه يقولي لأ مس رزان تزفني. هذا المسؤوله على المبنى مالهم. ما ارتاح الا لما رحت وياه و استأذنت منها و بنفس اليوم رحت شريت له جاكيت المدرسه.

اما سالفة المخدرات هذي شي ثاني. تأكدي منها
و بعدين اعوذ بالله المخدارات في اغلب المدارس. اذكر قبل جم سنه ( وايد طبعا فوق العشر سنين) لما تخرجت من الثانويه اختي تقولي صايدين بنات بالمدرسه و مخدرات و حوسه.
الله يكون بالعون يارب و يحفظ اعيالنا من اصدقاء السوء و يحميهم يارب.

طيبه انتى عيالج باى مدرسه؟؟

خلاص ان شاء الله ارد امرها مره ثانيه وقت التسجيل

 

[Lemona]

السلام عليكم شلونج اختي محد يعرف شلون مدرسة الخليج الانجليزية الي بلسا لمية شلون مستواها:eh_s(6):

انا بعد معاج
بنات يعطيكم العافية اللي تعرف عن مدرسة الخليج الانجليزيه اللي في السالمية تفيدنا
ضروررررررررررررري قبل لا يخلص التسجيل

 

[sara999]

شوفي ام ضاري الي سألت وشفت ماكو غير اليونيفرسال احسن شي من كل شي وان كان فيها شي سيء مو على المستوى التعليمي والاخلاقي
والكل يمدحها ....عندي ولد بدخله السنه اليايه على ما يكمل وياخذونه ... بس تقولين ما تبين اختلاط !!! مادري!! انا ما فكرت جذي لان الي عندي ولد وما عندي بنت ....شوفي ais جنها مو مختلط ؟؟؟؟ مادري بس ترى قويه اهيا في ميدان حولي

سيدة الكويت .... لما تيين تختارين بين ثنائية اللغه والامريكيه او البرتش على اي اساس؟؟؟
معقوله بختار عشان ابي عيالي يطلعون امريكان ؟؟ معقوله !!!!! مو هذا التفكير ترى في اشياااااااااااااااااااااء واااايد غير ان ولدي ماراح يتكلم عربي