أقنعة / بقلمي {رواية مشوقة}

[Ya7aLaTi]

فديتوووج بليييز كملي حطي بارت بعد... ناطريينج :ggdw:

 

[cαяless шнispeя]

كلمت بابا بكل شي ماعدا سالفة دانة وعرف اني اجهضت
وزعل مني عباله اني اجهضت بكيفي !!
افا عليك بس يابابا الا فاتي عاد صج اني ما احب اليهال لكن مالي قلب على اذية احد هالمرة ااذي ضناي !!
يتني دانة تتحمد على سلامتي وتصبرني على اللي صار !
وتعتذر ان كان اجهاد صابني بسبب طقها يوم صدمتني باللي سوته
قلتلها ما اسامحج الا اعرف هذا شنو سالفته !
دانة : فاتي انا الوحيدة فيكم ما عشت مع امي وابوي مع بعض
من انولدت !
يا عند هذا او عند هذي
وجان زين اثنينهم مهتمين فيني
امي تعطيني فلوس وابوي يقول بابا روحي عند امج
محد فاهمني بنهاية دوام المدرسة تعرفت عليه كان ياي ياخذ بنته كبري والا اشوفه
امبيه فاتي وايد حلو ( انا توقعته شاب@@ ) فتي ما تتخيلين شنو ودي يصير ابوي بالصج
اها يعني دانة كانت تدور عن الحنان لقيتها يعني لو انا اهتمي باختي ممكن اعوضها
قمت اخذها بحضني كل يوم انومها
والله انه عبادي ينام عند امون بفراشها واني انا انام مع دانو والسبة اني توقعت انه الحنان
هذا اهو اللي ينقصها
ماكنت ادري ان السالفة صعبة !
في يوم رحت ارقابها بالنهاية دوام المدرسة
لبست عباية راس وخاشة ويهي
وين ماتروح اقرب صوبها والا الاخت تسبل حق واحد بعيونها @@
امبيه وين قاعدين جان اتلها منهدومها واطقها للسيارة << حمقت حيل
والله ما استوعبت شلون صرت بس المهم صارت
ردينا البيت قلتلها ماكو دوام مانبي مدارس من يوم ورايج وماكو مصروف وماكو طلعة
الحين عاد فهميني شلون بتغمزين حق الرياييل بهالحال ياجليلة الحيا
فكرت اني اكلمه ترددت وايد والا اقول السالفة حق امون على انها سالفة رفيجتي
كان راي ايمان انا لو مكان اختها جان كلمت الريال
لأن الاخت ماعمرها سوت شي بدون سبب لأنها ياهل أكيد
بتنجرف بس اهو عاجل وريال عود لازم يخيل على دمه ويفكر فبنات الناس !
اقتنعت بكلامها
طلعت بروحي اتمشى والا ادق عليه من تلفوني
قلتله ممكن نتعرف كنت مرتبكة وايد قال منو نتي قلت انا رفيجة دانة ودي اشوفك
بقولك شنو صار لها
قال اقدر اشوفج عاد ي؟
اهلج يرضون ؟
قلت اي
حقيقة ماكنت متوقعة اي شي بيصير المهم كان ودي ارعف شلون تجرأ لعب بمشاعر بنت مراهقة
اهو : اوكي نلتقي انتي وين ؟
فاتي : انا على البحر ضايق خلقي قلت اتمشى شوي
اهو : تعالي مركز سلطان فوق اكو خوش كافيه
فاتي : ماشي تم بعد ساعة انا هناك
بالطريج ماكنت افكر بأحد لا ام ولا ابو ولا احد حتى ريلي نسيته
حسيت اني بشوف هالمجرم وبتم اهين فيه لين يوخر عن اختي
صارت الساعة 6 ويه الموعد الاول !
دخلت من كثر ما كنت خايفة اسمع رقعة قلبي وانا امشي !
اتصلت عليه والا يقول شفتج ياقمر !
فاتي : هاه @@ وينك انت ؟
اهو : انا كاني طلي يمين شوي بتشوفيني
فاتي : اها سكر شفتك كاني يايه
جان اروح فوق تحت على الدبليو سي
مادري ليش ترددت
جان يدق يقول تعالي
فاتي : هاه مابي استحي
اهو : لا قلبي تعالي ماكو احد امان وهدووء اليوم دوامات لا تحاتين مو زحمة
رديت له وقعدت على الكرسي مجابلته

.. وللأقنعة بقية​

 

[cαяless шнispeя]

اذا بكمل ماني رادة عليكم الا بعدين انتو بس شجعوين لأنه حدي زهقانة والله

 

[mn.mn]

فطوم عفية بعد بارت واحد نبي نعرف شصار معاه ؟؟؟؟؟؟؟؟؟؟؟؟؟؟؟؟؟؟؟؟؟؟

 

[mn.mn]

لاااااااااااااااا تردين علينا يبا راضين حقرينا بس كملي بعد البارت اللي وراه

 

[cαяless шнispeя]

دار بينا هذا الحوار اللي كان وايد محرج بالنسبة لي وايد حلو بلانسبة له
اول شي مد ايده قلت عفوا ما اسلم على غريب
جان يخزني يقول سلمي لا تفشليني جدام الناس شيقولون بعدين يعرفون اني مواعدج @@
اوخ ياكبرها عند الله ههههه
جان امد ايدي
كانت اول يد غريبة امد ايدي اسلم عليه
تم ماسك ايدي يقول ايدج ترجف وانا ابي اسحب ايدي ابيه يفج
فاتي : لوسمحت لا تنسى نفسك ترا اقدر اصرخ !
اهو : اسمي عادل وعمري 47 سنة
موظف بالداخلية متزوج وودي اتزوج صراحة عقب ما شفتج حسيت انه يبيلي
اتزوج اثاري الزين كله هني وانا عبالي مرتي محتكرة الجمال
ضحكت لأنها قالها باسلوب يونس
للحظة تمالكت نفسي قلتله ممكن ندخل بالموضوع
عادل : آمري
سرحت
امبيه عمري ما سمعت ريلي يقول امري !!!
ااااااااااااااااه كله منه اهو السبب والله !!
فاتي : انا اخت دانة !
عادل : ادري
اتوقعت
كان واثق جدا انج انتي
فاتي : لا تتوفع اني بكلامك المعسول ممكن انجذبلك
انا مرة كبيرة وما انجر برذيلة لو على رقبتي !!
عادل : افا بس افا شهالكلام انا شنو طلبت فديتج
سمعي انا ماراح اكلم دانة لسبب وحد بس !
قاطعته : اللي اهو ؟
عادل : انتي
فاتي : نعم @@مبطلة حلجي
عادل : شفايفج حلوة تدرين !
فاتي : لوسمحت لا تتحجى براعة .
عادل: ماشي شنو تشربين ابي اشوفج ونتي
تشربين احس بتكون لوحة ولا اروع بمخيلتي !
فاتي : انا ما شفت بحياتي اوقح منك وهاااااااااا اها ماني شاربة شي
عادل : يعني عصبتي ؟
تدرين عاد متعتي اراضيج ياحلو الدلع لما مايكون تصنع
فاتي : بقولك شي قبل لا امشي .
عادل : أنا كلي لج ..
فاتي : ابعد عن دانة واتركنا بحالنا تراها بنت كبر بنتك
عادل : وانا من لي ؟
شلون اقدر انسى القمر اللي معصب الحين
فاتي : ارجوك هذا اخر كلام عيب عليك تعيش مراهقتك على كبر !
وبمنو ؟ فبنات خلق الله
عادل : انتي منو ايمان والا ام عبدالله ؟
فاتي : نعم @@ وشعرفك باسامينا
عادل شوفي حبوبة روحي سألي دانة انا شلون اعاملها .
وتعرفين اني مو من النوع اللي يلعب انا
اختج لو ابيها جان بمكالمة وحدة اجيب راسها وتجيني لحد عندي
فاتي : ممكن اروح ؟
عادل: صبر اوصلج للسيارة
فاتي: ماله داعي ارجوك
عادل : اذا كان ابو ولدج مايعرف الذوق او مو متعود يدلعج
فأنا بدللج بحطج بعيوني
لأنج خسارة فيه !
قمت اناوياه بعد ماحاسب
او ما طلعنا من الكافيه على يمينا فرع الزهور
استأذن مني دقيقة
ورجع يقول تفضلي ولو انه الورد ماينهدا للورد نفسه
فاتي : لو سمحت مالاداعي
عادل : انتي قهوتج ماشربتيها !!
فاتي : اخوي وبعدين
عادل : ناديني عادل او باباتي !
فاتي : انا بمشي
وصلنا السيارة قبل لا اركب استأذنت منه وشكرته وطلبته انه ماعاد يجرب يقرب علينا اكثر من جذي
عادل : فاتي انتي تنحبين
على فكرة بويهج فيه غمازة حلووة
فاتي لوسمحت عادل
عادل : عيديها قبل لا تروحين
ايده على باب السيارة يبطل الباب لي
امبيه انا ريلي مرة وانا توني والدة مافتح لي الباب لا وقيصرية ولادتي !
اذكر قالي عن الدلع خلصينا !


للأقنعة بقية ..​

 

[cαяless шнispeя]

وينكم هذول اللي بيشجعون قصو علي وانا مثل الهبلة اكتب هههههههههههه


ماما نونة خلص النفيش والا شالسالفة ههههههههه


تصبحون على خير :0bee2e8d89:

 

[الغاليه نونو]

خلص ويهج

كملي سالفتج مستانسه بعد مسلمه عالريال لوووووووووووو انا مكانج جان ادق علي 777 والعن ابو اسلافه


كملي قاعده اشرب قهوتي





والله معاااااااااااااااااااااااااج كملي قلت لج يارومنسيه ههههههههههههههههههههه

 

[cαяless шнispeя]

خلص ويهج

كملي سالفتج مستانسه بعد مسلمه عالريال لوووووووووووو انا مكانج جان ادق علي 777 والعن ابو اسلافه


كملي قاعده اشرب قهوتي





والله معاااااااااااااااااااااااااج كملي قلت لج يارومنسيه ههههههههههههههههههههه

طارالنوم لما قريت 777 ههههههههههههههههههههه
خفت يسحبون الجنسية يا معودة لوووووول
اقول يمااا شوي الخيال بدا يلعب دور فلو اندمجتي عادي وسناسينج ودمرتي جمومج عادي
بس ترا مو كل شي صج هههههههه
عفية برب اكمل لا انكفخ :dddds:

 

[الغاليه نونو]

حسبي الله علي عدوينج موكل شي صج لاتلعبين بمشاعري ههههههههههههههههههههههه شنو ذنبي اقرا وابجي والشايب يزفني وطلع موكل شي صج

شوفي الاضافات اللي موصج كتبيها بالاحمر والصج بالازرق اشرايج

 

[فرح ومرح]

صباح الخير كويتيات هذه اول مره اشارك بالمنتدي بس من كثر ما عجبتني وشدتني قصتج فاتي الصراحة روعه القصة واحسها واقعية بكل احداثها واسلوبج فاتتتيييي حيل مشوق

 

[cαяless шнispeя]

لالا خلج مندمجة منها تنظفين خشمج ومنها تعيشين الخيال اللي فيه منه وايد والبيوت اسرار هههههههههههههههههههههههههه

 

[الغاليه نونو]

حياكم الله فرح ومرح


ياحلوكم فرح ومرح مع بعض لاتطوووفكم فاتي تبي تسوي مسلسل قولوا ماشاء الله يمه

 

[cαяless шнispeя]

صباح الخير كويتيات هذه اول مره اشارك بالمنتدي بس من كثر ما عجبتني وشدتني قصتج فاتي الصراحة روعه القصة واحسها واقعية بكل احداثها واسلوبج فاتتتيييي حيل مشوق

صباح النور
حقيقتا والله والله انه دمعت عيني من قريت اعجابك
بارك اللهفيج حبيبتي
على فكرة هذي المحاولة الاولى لي بالكتابة
السموحة على لاخطاء الاملائية
شرف كبير انه يكون انضمامج معنا قصتي
الله يسعدج حبيبتي



مامانونو شوفي البني شتقول والله دمعت من الفرح

 

[الغاليه نونو]

انزين كتبي يمه وانتي الحين اعتبري نفسج مشهوره مو كل مامدحوج تبجين فشلتينا باجر التلفزيون والفضائيات يمدحونج شتسوين هم بعد بتصيحين وتقولين ماما نونو وشوفيهم ههههههههههههههههههههههههههه

 

[cαяless шнispeя]

طول طريجي افكر فيه
كان وسيم لدرجة انه لفت نظري على انه اشيب الزلف !
كان عطره بيدي ! كل شوي شميته
بقلبي اقول يا بخت مرته فيه !
ومرة اقول ماتنلام دانو !
ياترى شنو بسوي شلون اتصرف ؟
دخلت اسمع ضحك بغرفة خواتي
دشيت والا المح بنوتة تلعب مع عبادي ولدي وخواتي يمها
قلت اكيد رفيجتهم سلمت والا دانة تقول سلمي تعالي ييت بسلم ولا امي @@
ههههههه يما ماعرفتج سوري
<< من داخلي كارهة اللوك اليديد وايد
امي : معذورة قلبي شلونج ماما
فاتي : بخير فديتج وانتي ؟
ماما : خلاص برد اعيش عندكم امري لله ما اقدر فراقكم
لميتها وقلتلها خو من اول يما ليش !!
قالت اتفقنا انا وابوكم انه لي في الشقة دار بروحي واهو بورحها
بتحمل هالجم سنة خل تتخرج اموت وازوجها وتكمل دانو دراستها
ونزوج اخوكم ونستركم وبعدين يحلهاا الف حلال !
قلت على البركة يما بدلت
رحت غرفة بابا
دخلت عليه كان يصلي خلص دعالي
بابا :مبروك ردت امج
فاتي : شكرا بابا انت اغلى اب في الدنيا
بابا : ماتتخيلين يا فاتي شنو استحيت منها لما شفتها مو لابسة عباية راس
فاتي : دري فديتك انا ماحبيت اقولك عشان لا اضيق خلقك
بابا : الله كريم بس عسى ما تأثر على خواتج
ياحلوه بابا كان دوم يعدني انا كبيرتهم
اي خو قبل اناجاسوسة عنده هههههههههه
عادت المياه تقريبا الى مجاريها !!
يمكن مجرى الماي هالمرة غلط لكن الناس مايعرفون شنو الظروف الحقيقة
داخل اليت !
امي ويهها خير علينا اتصلو ناس خطاب حق امون
ممم امون اهي الفقر طلعت مو دانة ههههههه
خايفة ماتبي تتزوج
لما اصرينا على السبب انا وامي
طلعت الاخخت تقول انها تخاف من اول يوم !!!
طبعا انا وامي مصخرناها اسوبع نتطنز عليها هههههههههههه
واحنا على العشا والا يطق الباب واخوي يقول شيلو العشا ادخلو داخل عندنا ضيوف
امبيه ضيوف شنو الساعة 11 الحين ؟؟
منو بيزورنا
مممم والا اسمع صوت عريس لغفلة زوجي
اف اف مابيه شيايبه هذا
بقلبي ميته عليه ابي اشوفه
بصراحة ابو عيالي لو شنو ماسوى
والا امه تدش علي الدار تحب راسي تقول يا امي ميخالف ترا مهما صار هذا زوجج
وابو ولدج لازم تردين
رديت وايدي على قلبي خايفة على بابا ودانة !
ابوي من تصرفات امي وخايفة على دوينة من تصرفاتها الطايشة !
كان وايد يعتذر
كان يمسح دموعي
حتى اني اذكر يومها طلب اني انوم ولدي عند امي بالطريج كان يتغزل فيني
يقول وين الكرش طيرتيها على جذي كل ما اتههاوش وياج اوديج عند اهلج بصراحة اقرف من اسولبه احسه مايعرف يتكلم
اميه وينه وين عادل كان فنان بالكلمة !ّ
وكل ما اذكر عادل اتعوذ من ابليس اقول بقلبي هذا حلالي هذاك لا
بس يابنت لا تفكرين بالحرام !
وايد كان يوم حلو حتى انه وعدني بيسفرني فديته بوعبدالله جنه يدري اني كنت تعبانة
كانت ردته لي بهالوقت مثل تكملة لقصة الفرح
امي ردت وانا رديت ودانو ماعاد تكلم لأنها اكيد بتحس بامي وابوي من يديد
يارب هدي سرنا والله احبهم مابيهم يفترقون !



للأقنعة بقية ..​

 

[cαяless шнispeя]

انزين كتبي يمه وانتي الحين اعتبري نفسج مشهوره مو كل مامدحوج تبجين فشلتينا باجر التلفزيون والفضائيات يمدحونج شتسوين هم بعد بتصيحين وتقولين ماما نونو وشوفيهم ههههههههههههههههههههههههههه

اي خو ماعرف ما اتأثر ههههههههه
بعد تدرين عشتو كاتبة حساسة هههههههههه
انا حتى بسناسينج تأثرت يمااااااااااااااااااا


احبج يا ويه الخير

 

[فرح ومرح]

انا اتمنالج حبيبتي النجاح وتصيرين مؤلفة مشهورة فاتي الغالية نونو ترا انا وحدة مو ثنتين بس من زود الفرح و:klhfl:المرح اللي فيني

 

[cαяless шнispeя]

انا اتمنالج حبيبتي النجاح وتصيرين مؤلفة مشهورة فاتي الغالية نونو ترا انا وحدة مو ثنتين بس من زود الفرح و:klhfl:المرح اللي فيني

ههههههههههههههههه ياحلوج
تعالي ماما تقولج انا وحدة مو ثنتيتن هههههههههه
فديتج يا مرح ويافرح وحدة مو ثنيتن:dddds:
تابعينا

 

[الغاليه نونو]

وي السموحه يمه علبالي خوات فرح ومرخ


فاتيمااااااااااااا مالج شغل بسنسوناتي كملي يالله موباقي شي ويقعد شهريار من النوم ههههههههههههههههههههه