أقنعة / بقلمي {رواية مشوقة}

[miss 3yara]

الروايه موصج حدها وناطرين التكمله على احر من الجمر

 

[cαяless шнispeя]

يا م الماسك .. ؟؟ ترى حدج ذوووووووووووووووق ..

الصورة اللي بتوقيعج .. وكلامج .. ونك نيمج .. وحتى كتابتج بللون الكحلي ..

انتي اكيد داخلج فنان وحساسه وايد



الله يسعدج ولا يحرمج من هلج ..

الله يتقبل منج ويبلغج مرادج انتي اللي دوم اخذ بذوقج
من خلال الردود الطيبة لج بكل قسم ياشهرزاد اي والله


الف شكر على رايج وروحج الحلوة

 

[cαяless шнispeя]

بيلز كملي

هلا بالبدلية وراعيتها
فديتج والله ههههههه
حاضر بكمل قولي منو اللي اثر فيج وتحسين منو اقرب لج ؟

 

[cαяless шнispeя]

القصة روعة / ومبين انها واقعية/ وحبيبتي لا اتقولين ما في تشجيع اكيد في وايد بنات قروا القصة صدقيني لانها وايد وايد حلوة و اسلوبج في الكتابة وايد يشد ماشالله عليج؟ بس في ناس تقرا و ما ترد ولا حتى تشكر >>>>لا تاخذين بخاطرج وانشالله مع ااجزاء الياية راح يزيدون المتابعين.
( اكثر شخصية امأثرة فيني وكاسرة خاطري اهي -الام- / دلال / صج صج قلبي عورني عليها وانا اقرا القصة ).

وي وي فديت قلبج والله
سلامتج يالشيخة عسى ما تشوفين ظلم بحياتج قولي امين
ردج يبرد القلب اي والله
ان شاء الله بكمل واتأمل من الكل الخير
انتي جدا راقية والله مشكورة

 

[cαяless шнispeя]

خووووووووش بارت حبيبتي تسلم ايدج @@


امبيه قام افكر وين البيت اللي اهي ماتبيه @@


وليش ابوج فجأه طقها مافهمت :×


كملي حبيبتي متاابعتج لي اخر شي


اب اب

مممم خلج خلج فكري هههههه
وناسة اندمجتي
يلا الحين بنزل البارت بتعرفين وين
لا تحرميني اهتمامج يا كب كيك << صورتج الرمزية حدها
شي وانا وحدة بطة ترا موزين هههههه

 

[cαяless шнispeя]

الروايه موصج حدها وناطرين التكمله على احر من الجمر

وي ياحلوج حلواه
تسلمين ياقلبي على التشجيع
الله يحرمج النار ويبرد ويهج بأنهار الجنة
تابعي بتتشوقين اكثر

 

[cαяless шнispeя]

اول مرة عرفت انه الحامل تحوشها لوعة جبد

يوم اشوف امي واهي تطبخ سمج والا تقط اللي
بجبدها على الارض
جان اركض انادي ايمان اقولها انتي صرتي كبيرة قومي فصخي امي
غير هدومها والا كبيرة على الفاضي
جان امي تقولنا انا امون انه اهي بتييب لنا اخت اواخو
وعادي اللي صار لا نخاف عليها
وطلبت منا نجتمع ونختار اسامي صبيان وبنات عشان
تسوي قرعة وتختار اسم
مرت الايام وقضت الشهور ..
وياتنا اخت يديدة اسمها دانة
على قولة امي دانوو ويه الفقر هههههههههه
لأنه كانت حزتها تتفاوض مع بابا بخصوص البيت !
كان كل هم امي انها تحافظ على الاقل
على مستوى معيشتها
لو بالمظاهر !
عشان لا يعايرونها بيت باباعود باختيارها !
حتى لما كانت تروح مناسباتهم كانت تسوي
جمعية مع جاراتها وتاخذها
اول وحدة
تخيلو عندها عباية لما نبي نروح
بيت يدي تقول عطوني عباة بيت باباعود
حرام حتى ملابس ابوي كان ما ييبلها
اف مادري متى بتفرج معاها !!
فلما طلع لنا بيت الحكومة ابوي ظل يساحلها
انه توافق
على اساس انه بيرتاح من اجار البيت !
لأن بيوت الحكومة اجاراتهم رمزية كل سنة يدفعون
ومبلغ ما يتجاوز 30 دينار على ما اظن !
وافقت ام خالد
وشالو من منطقة السالمية
الى منطقة عمرنا ما سمعنا عنها
اسمها صليبية
معروف عنها انها بيوت كويتيات متزوجات اجانب
واخواننا البدون والبعض اللي يستأجر من
هالكويتيات من ورا علم وزارة الاسكان !
على اساس انه الاجار مو وايد !
بشكل عام في فرق فقط بالمستوى المعيشي
اما عن السكان انا لا اعلم فاكيد منهم الزين ومنهم الشين
حالها حال اي منطقة باي مكان
وشلنا قشنا الى هناك بعد ما ابوي عدل في
البيت من برا ومن داخل من ناحية عمران وتقسيم
جديد بحيث انه يعجب
امي على الأقل شكله اذا مو مكانه !
طبعا امي وافقت بشرط !
انها تقدم على ليسن وتسوق سيارة !!
ممم وافق باباتي على مضض
انتقلنا رسميا الى البيت بتاريخ 22-7-1990
وبعد جم يوم ابوي نفذ وعده لأمي بقرار تعليمها قيادة السيارة !
كان اكو جارة براس العاير
كنا بقطعة 7 بالتحديد هالجارة متزوجة ايراني مرة عودة
امي حبتها وايد
مادري جنه امي وصديقاتها تفسيرلحالة النقص من ناحية الحنان !
اغلبهم عيايز !
ياحرام كله تناديها يما
اقولها ماما هذي ماماعودة تقول لا بس الاحترام لازم
المهم امعلي كانت وايد تشجعامي انها تتحمل ابوي وتساعده
الوحيدة اللي ابوي يخلي امي تزورها بالمنطقة كلها ما نعرف
غيرها وانا عن نفسي كنت احبها وايد لأنها كانت تبيع كوكاويات
<< تخصصي هههههه
دانة كلت الجو علينا انا وامون وخلود
كنا ما نحبها كله نقرب يمها نعضها ههههههه ونركض
وامي تحذفنا بنعالها خو اقرب شي كااااك
اتفقت ماما وبابا مع المدرب يعلم امي تسوق اذكر اسمه
عمو حسام
وان شاء الله اول دروس القيادة باجر
في يوم لم كنا نحسب حسابه هههههههه
دقت خالتي ام علي على امي الصبح مبجر
دلول اخذي عيالج وتعالي انتي وريلج
ماما : والله يايما اليوم ما قدر اتريق
عندج لأنه المدرب بيمرني
خالة ام علي : اي تدريب انتي الثانية صداموو
الغبرة دخل علينا !!!!!!!!​

صارالغزو واحنا بمنطقة اذا مو كلها فأغلبها عساكر
من الجيش الكويتي
يعني عليها العين من قبل القوات المحتلة !!
مممم وبدت علاقة امي وابوي بالتوترر!!​

وللأقنعة بقية ..~

 

[miss 3yara]

لا الله يخليييييييييييييييج كملي

 

[TooT*BaRri]

شدني التوقيع

وقريت الكلام واندمجت

ولي عوده ( بهدوء الليل ) لقرائة ماخطته اناملك من قصص

على صفحات اجمل منتدى


دمتي بحفظه ............وبالتوفيق

 

[mn.mn]

لووووووووووووووول جو جو عفية كملي والله حدنا اندمجنا امبيه فاطمة كبري انا بعد كنت برابعة ابتدائي لما صار الغزو

ناطرين ترى الباجي لااااااااااااااااااتطولين

 

[TuTTi^FruTTi]

وااي البااارت عجيييييييييب يلا كملي @@


واعليه امج ماتهنت بالسوااقه :\


خووش شي كملي حبيبتي لا تطوولين وجانزين تطوولين البارت شويه احس قصير

 

[miss 3yara]

الله يخليج كملي

 

[mn.mn]

اي والله طووووووووووووووووولي البارت بسرعة يخلص

 

[cαяless шнispeя]

لا الله يخليييييييييييييييج كملي

حاضر فرحت وربي بأهتمامج
كلميني عن انطباعج
وخلج قريبة ازدادت الاحداث تشويقا _03ba:

 

[cαяless шнispeя]

شدني التوقيع

وقريت الكلام واندمجت

ولي عوده ( بهدوء الليل ) لقرائة ماخطته اناملك من قصص

على صفحات اجمل منتدى


دمتي بحفظه ............وبالتوفيق

بادئ ذي بدأ ارى احرف منمقة في موضوعي لا يسعني ان اكن لها الا التقدير والله
الف شكر غلاتي
كوني قريبة

 

[cαяless шнispeя]

لووووووووووووووول جو جو عفية كملي والله حدنا اندمجنا امبيه فاطمة كبري انا بعد كنت برابعة ابتدائي لما صار الغزو

ناطرين ترى الباجي لااااااااااااااااااتطولين

امبيه وناسة انتي كبري يعني
يعني تذكرين ذيج الايام @@ الله لا يعودها
خلج قريبة بتشوفين اللي صار

 

[cαяless шнispeя]

وااي البااارت عجيييييييييب يلا كملي @@


واعليه امج ماتهنت بالسوااقه :\


خووش شي كملي حبيبتي لا تطوولين وجانزين تطوولين البارت شويه احس قصير

اي اي واعليه اقولج اليوم دش كان بمفس اليوم دشت الغبرة

صج كان المدرب قبسة هههههههههههه مو خوش سالفة
خلج قريبة راح انزل كثر ما اقدر ترا اكتبهم كل ما انزل يعني فرش هههههههههه

 

[cαяless шнispeя]

الله يخليج كملي

امبيه وينج يلا الحين بنزل بارت فديتج والله يحلو اهتمامج يشجع

 

[cαяless шнispeя]

اي والله طووووووووووووووووولي البارت بسرعة يخلص

يا حلوج يا منمن هههههههههههه

يلا وينج تعالي اقري اخبار فطوم

 

[cαяless шнispeя]

في صباح يوم جديد تلقينا اتصال من خالتي ام علي

تحذر امي انها لازم نطلع من المنطقة عشان لا احد يستهدفنا
لأنه احنا يهال وامي ماراح تتصرف بأي موقف !
قعدنا يومين بالمنطقة ! خلال هاليومين
ابوي وامي بس يصارخون على بعض
جيكتو@@ماما وبابا صراخ متبادل !!
وين قبل يما ماكان لج صوت !!
مادري ليش يما تغيرتي
شخصيتها قبل وايد احلى حسافة قررو انه نطلع
من صليبية
بابا كان عنده حزتها بوكس شوفرليه ابيض !
جان يركبنا
ونحط اغراضنا ونربط السيارة !
صار موقف يضحك انه ركبنا وحطينا كل
اغراضنا وربط بابا السيارة
بالحبل ماعدا باب السيارة من صوبه على اساس
اي نقطة تفتيش
يقدر بنزل من السيارة
راح قفل باب البيت وقرا دعاء اللهم اني استودعتك الامانة ..الخ
ويه وركب السيارة
بابا: دلال ركبي بسج بجي ان شاء الله خير
دلال : اي خو شلون اركب وانت مربط السيارة حتى من صوبي
الحين امي لما نذكرها بالسالفة تقول تهقون كان بيهدني هههههه
ابوي بيسوي حركة بايخة جان يقولها بتركبين والا امشي
وما تلاقون الا ام خلود مسوية كوكسة ( شقلبة )
وداشة من الجام كلنا ضحكنا ههههههه
احنا بالطريج عند راس العاير امي وقفت ابوي تبي تسلم على
خالتي ام علي
ما شفت امي بلحظة يأس كثر هاللحظة !
لمتها وقالتلها :يمه طيعيني وتعالي معاي يمه والله احطج بعيوني
خالتي ام علي :ادري والله بنيتي انتي بس ما اقدر انا ما اموت
بأرض غير الكويت << كان على بالها انه بننحاش نروح السعودية !
ترا ما رحنا ودعناها ومشينا واهي تقرا الصلوات علينا !
بابا ودانا حولي على اساس المنطقة ما عليها
رمي ومنطقة مو كويتية فما راح يحاتي
ابوي كان مشروع فدائي سابق !
في حرب مصر 67 ماكان خايف عادي الوضع كان عنده
بس امي وايد ترجف ايدها ! ولاحظنا انا وامون انها
مانامت مع ابوي بالغرفة
بروحهم من اول يوم غزو @@
قبل كانو يزفونا عشان ينامون بروحهم الحين لا !!
امبيه يعني الوضع مو طبيعي !!
حتى لما كنا ننام شفتو المقابر الجماعية شلون الجثث مسطرين
احنا نفسهم كان بابا بعدين خلود بعدين
انا بعدين امون بعدين ماما وبحضنها دانوو
بالترتيب
من اهم الاحداث اللي صج للحين اذكرها واضحك اختي امون !
من الاوضاع الغريبة تأثرت وهي كانت في مرحلة بلوغ !
اول مرة تييها الدورة كان 6 يوم بالغزو وانا ماكنت اعرف شفيها
خو شعرفني كنت ياهل هههههههه
رحت عند بابا اقوله امون من كبرت صارت بايخة هههههه
وبالفعل صارت شخصيتها غير تماما حتى الخبز كانت تخبز مع امي
انا بس اكل لووول
ايام كانت جدا بايخة واليوم الواحد بطيء يمشي علينا !
امي تعرفت على جارتنا اليديدة ام نجوان << فلسطينية مقيمة
اهي اللي علمت امي شلون تخبز وايد صرنا كلوز مع بعض
غدانا وعشان وريوقنا وحتى الصورايخ تمر من فوقنا واحنا مع
بعض ! وابونا مع ابوهم وايد اسألة مرت في بالي ليش
كويتنا صارت مكسرة !
ليش ماقمنا نزور باباعود ؟ زين مو هذول عراقيين وغزونا ؟
زين ليش ما صادفنا ماماعودة الصجية ؟ مو ماماعودة عراقية ؟
انا : يما وين ماما عودة العراقية
امي: الله المستعان اكلي وانتي منطمة):
<< اندقرت بسرعة وانطميت حسب الاوامر العليا هههههه
اسألتنا ماكان احد يجاوبها لكن كنا انا وخلودي وامون منتبهين
وناطرين اي جديد يخص موضوع البيت وهل امي راح ترجع تسوق السيارة؟!
في يوم ابوي دش البيت معاه مرة كبيرة بالسن عندها ضرس من جدام
طايح @@
متينة وايد حسيتها نفسي يمكن لأني بطة !!
امي تخبز مع ام نجوان انا وخواني انحشنا مخترعين من العيوزة
خالد: ماما اكو وحدة ابوي ماسك ايدها @@
ماما لفت ويهها وياربيييييييييييييييييي شنو كان موقف جميل
كان بيدها العجين ولمحت المرة العيوز واللي معاها ركضت عليها
يمااااااااااااااااااااااااااااااااااااااااااااا
كانت مسافة بينهم مو بعيدة لكن صرخة امي وفرحتها اكبر اكبر بوايد
طبعا انا وخلود وامون سوينا اجتماع مصغر هههههه
نبي نعرف منو هذي @@
امبيه لا يكون خالتي ام علي صارت متينة
<< تفكير اطفال والا ماكو اصلا شبه بينهم !!
وليش امي بحضنها فوق العشر دقايق تبوس ايدها وريولها !
كلنا تأثرناا للحين ما انسى انه عباية العيوز صارت
بيضة من الطحين اللي بيد امي هههه
العيوز طلعت اهي نفسها امي العودة الصجية
اللي ما عمرنا شفناها
حتى اذكر خلود دايما يقول هذي المتينة
اللي تطلع مع توم وجيري ما يبين منها شي
من عمر نبي نشوفها
تعرفنا عليها ماحبيتها ماكانت تتحجى كويتي ههههههه
كله تقول ولج
ما تنادينا باسماءنا
ماياني احساس للحظة انها امي العودة الا بليل لما كنا بنام !!
فصخت ملفعها !!! يؤ والا نفس فلافل امي هههههههههههه
اهني عرفت انها تشبه امي وامي تشبها
كانت في وحدة معاها كبيرة بالعمر تقريبا كبر ماما
بس حركاتها ماشلون في شي فيها غريب
امي باستها بعد وقالتها احبج وع شنو
تحبينها واهي تسوي حركات مو صاحية :/
هذي كانت خالتي فضيلة !
على قولة امي : لما كانو يهال كانو يروحون البصرة يزورون امهم
بالعطلة والا يطيحها خالي علي على عتبه البيت حزة مغربية
فحاشها عوار بالراس
قبل ماكان عندهم علاجات غير الكي !!
جان يجوونها على راسها
وعقب ما جووها قامت تقط خيط وخيط
ويوم تطورت العلاجات دخلها ابوي العود
المستشفى يعالجونها عطوها جلسات
كهربا اللي خلتها مرة وحدة تصير
مينونة مو واعية على اي تصرف
كنا نحب نلعب معاها لأنها وايد كانت
تضحك وكانت تساعدنا نسوي شي خطأ
يعني شي فوق الخزانة ما نقدر نييبها ننادي
خالتي فضيلة
على قولة امي طول وقلة عقل !
امبيه تدرون ماكنت تتحجى وماتحس اذا تعورت
ما اذكر انها قالت اي واوا او انها حست بألم
يتراوالي هذا من الجلسات الكهربا اللي خذتهم
امي قالت حق بابا : عبدالله بروح اشوف ابوي واخواني !
ابوي : مستحيل ام خالد ما اقدر اضمن عمرنا هناك خليهم الله وياهم
لما الله يفرجها
للمرة الاولى تكون امي قوية بهالدرجة ! بحضرة ماماعودة قالتله عبدالله
اذا ماوديتني بيت ابوي بالجابرية انا بروح بروحي !
اوخ @@ من صجها امي
كانت تحاجي ابوي وتلبس يعني مابذنها ماي بتروح ابوها خو لازم تتطمن
عليه
ابوي استسلم وقال يالله نروح
طبعا ذا بنروح يا كلنا يا مايصير يعين يا نعيش عيشة فل يا نموت احنا الكل
مممم بس ماماعودة المتينة معانا !
مممم تهقون شنو استقبال باباعود لها ؟
وصلنا بيت يدي بعد ما مرينا على وايد نقاط تفتيش
لأول مرة امي تدش بدون ما تطق الباب
بس غريبة ماكان الباب مفتوح !
امي ركضت على الشباك اللي صوب حوض السباحة
تبي تشوفهم وينهم @@
ابوي يضطر يكسر الباب والجيران انتبهو وخبرو امي انه ابوها راح السعودية
اهو و مرته وامها وخالي احمد
ماماعودة ضحكت !! وقالت حق امي ابوج وعوايده !
امي سكتت امها بطريقة بايخة يعني لو انا قايلة
حق امي رجاء ولا كلمة يمكن دفنتني !
امي عند عتبة الباب تبجي يبااااااااااااااااااااااااوينك ما امداني
فرحت فيك
جارتهم حاضنتتها وتصبرها
جارهم قال حق ابوي تعالو نامو عندنا وعلى باجر ردو بيتكم
نمنا عندهم لأن في الشارع نفسه في بيت باباعود كان رمي
ما وقف رمي متواصل والقرآن شغال امي تقرا وتبجي
وكل شوي تطل من الدريشة
ناطرة خالي علي يرد البيت لأنه الوحيد اللي ماراح معاهم !
وخالي علي كان ضابط بالجيش !
يعني شلون الحين بيرد والا
ماهو راد امي توترت اغمى عليها من اللي فيها
ايمان يما لا تبجين بيرد
دانة تبي امي ترضعها امي ما رضت
قست امي للحظة على الكل
تمردت ماتبي هالوضع
قالت لأبوي : لو ديرتك ماكان هذا حالك يمكن جان وقفت وصرخت او قاومت !
ابوي ماكان يرد عليها لأنها وايد كانت تعبانة
يدتي بجت تقول ابي ولدي وامي تبي اخوها وابوها
صار الصبح هدا الرمي امي توجهت بيت باباعود
والا تلاقيه مكسر حتة اكو نخلة يم بيت يدي يدي نفسه اهو اللي زرعها !
مكسورة النخلة !

ياية صوب النخلة امي والا شافت !!!!
للأقنعة بقية ..​