سعودية قوية
عضوه موقوفة
- إنضم
- 13 يوليو 2008
- المشاركات
- 382
- مستوى التفاعل
- 0
- النقاط
- 0
--------------------------------------------------------------------------------
السلام عليكم ورحمة الله وبركاته
ذكريات الطفولة وايامها الحلوووووووووووووووووووة
ارررررررررحب بالجميع
موضوعنا اليوم عن افلام كرتون وما ادراك ماافلام كرتون
ياحبي لها بالتلفزيون السعودي ايام الطفولة والبراءة أيام التسدح عند القناة الاولـــــــى
خارج نطاق المذاكرة!!! ههههههههههه (( أنا أبى اعرف تلفزيون الكويت فية فلم كرتون مثل التلفزيون السعودي وانتم صغاار كويتيات او ماكو كلشششش .....؟؟؟!!!))
عااد التلفزيون السعودي كان ونااسة كانت صججج
ايام الفرفشااات
و يوم كنت فرفورة صغيرة كنت على طول اتسدح عند التلفزيوون قبل ماتفتح القناة الأولى اشووف الألوان :::
أجلس انتظر
واذا بدا الكرتووون أرووح فيها وتبدأ لعيوووون تتفتح والسعابيل تتزلق هههههه
المهم وبما اني مدمنه افلام كرتون ايام الطفووله ولي ذوقي الخاص
اخترت لكم بعض الافلام اللي حفظتها صم من كثر ما شوفها
<<<<== وانا للحين اتسدح عليها ههههههههههههههه
(( الكابتن ماجد ))
مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله
ينعن بليسه كل ماجلست اتفرج على اخوي وهو يلعب كوره وبيتشقلب مثله مايمديه يرفع رجله الا وهو هابد عالارض
والا حركة التوأم منير وأنور اللي كأنهم قرووود هههههههههههههههههههههههههه
<<<== استغفر الله العظيم بس
بس احلى شيء اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد ارفس اللي قبالي هههههههههه
نشرت أحد الصحف بأن تسمية الكابتن ماجد بهذا الاسم ..
هو على اللاعب الآسيوي الأول السعودي ماجد عبدالله
فلم يجدوا من يستحق أن يسمى عليه أكثر من هذا اللاعب الفذ
.
.
.
.
.
النحلة (( بشار ))
هالمفهي اسميه ( بيض عيووون) جابلي الضغط وانا صغيرة
على كبر عيوونه امه تمر من جنبه ومايشووفها ههههههههههههههه
وانا عاد من زود التحمس اصااااااارخ اقوله امك ياغبي التفت شوفهااا ههههههه
<<<=== الي يشوفني يقول بيسمعك ا الحين بشااار
والله (90) حلقه وهو يدووووور امه
وتحذير: لاصحاب القلوب الضعيفة
في حشرة خضرة لابسة باروكة قهوية, ايديها زي السيوف ..تخوف .. الحذر الحذر
<<<== هع هع
وهع هع على اغنيته
((( بشار يا بشار هيا الى العمل اجمع ندى الازهار من روضة الامل )))
.
.
.
.
.
(( سالي ))
عاد تجيكم سيدة الشاشه الكرتونيه سالي يافديتهاااا
هالبنت قطعت قلبي حته حته من تبدأ الحلقه لين تنتهي وانا صياح واهلي يجون يسألوني
وشفيك من طقك .. اخوك خذ لعبتك..فيك شي يوجعك وانا ماني معهم دموعي اربع اربع
بس كانت تقهررررني بشي واحد . .يضربونها البنات وهي ساااكته ويكرفونها وهي منطمه
ولاعاد تجيكم المديرة آنسه منشن والله انا حاقده عليها هالخااايسه<<<<تحمست هههههه
.
.
.
.
.
.
(( هايدي ))
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان ياحبي لها هي وبيتر
كلير
<<== المشلوله الحمدلله ابشركم مشت هههههههههه
وجدها الشديد
<<=== بس اخر الايام هجدت شياطينه صار حليل ههههههههههه
وجدة بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال
هع هع
.
.
.
.
.
.
(( عدنان ولينا ))
<<<=== ياعيني عالرومانسييييه يانااس وهـ ارووووووووح انا معهم
هذاا عاد للحين عندنا اشرطته
عدنان ذا الي من اول حلقه ماغييير لبسه واخر حلقه تكشخ وجاب العيد ههههههه
والا صديقه عبسي
والله يا ويل قلبي على المغامرااات لولا اصبع رجل عدنان االي كان يكتب فيه ويدخله في خشمه
<<<==== هع هع يحووم الكبد الله يقرفه هههههههههههه
ولينا ذي الحساسه فديتها
وعلام الشرير اكره هو وجهه المربع ههههههههههه
.
.
.
.
.
الله يالدنيا الحين كبرنا
<<<== يا حبنا للحش عاد والتقطيييع
مير الحين القناة الاولى مانقرب حولها
طايحين بسبيس تون وام بي سي 3
المهم مالكم بالطويله بس حبيت اعيد ذكريات الماضي
وايام الطفوله التي لن انساها ولن انسى ابطالها وابى كل بنات كويتيات تكتب ذكريتهاا فى الطفولة مع افلام كرتون او مواقف صاارت لها حلووة
فديتكم كل وحدة تكتب رد بسيط
وانشالله الكـــــــــل يشاركني ويجاوبني مابي مرور كرام من غير رد على الاقـــل شكر على الموضوع
المكتوب عشان خاطري ولا مالي خاطر عندكم .....@@@
يجنن بــــس والله لى الحين احن للماضي واطالع 
