أفكار بسيطه والنتيجه هدايا أنيقه :" حملة لتحسين الذوق العام"

[nonia]

انتي تبين الصراحه وماراح تزعلين ؟ ماظنتي ! كل البنات حساسين ،خصوصا اذا اتعبوا على الشي
بس شوفي انا مااحب اجذب :

اخترعتي صح؟؟؟ :dddds:

انا احب تمازج اللونين الابيض مع الذهبي ، شغلج حلو بس عندي بعض الملاحظات:

لوخليتي الشريطه بروحها من غير دب بالوسط أحلى صار زحمه ، و لان هديتج عباره عن ايات من القران الكريم وشمعه يعني الدب اهنيه داش عرض ، يعني يا ان التصميم ابكبره يكون طفولي او يكون ابكبره شغل كبار.
انتي الحين خليتي كل التصميم مرتكز على اللونين الابيض والذهبي وييتي حق الشمعه وحطيتي لون أصفر ، و امغطيه على الايه اللي وراها ، تدرين شنو كنتي تقدرين اتسوين ، كنتي تقدرين اتييبين شمعه ذهبيه قصيرة وصغيره أصغر من اللي حطيتيها عشان اتبين الايه اللي وراها وتترابط العناصر اللي في الصوره وماتطلعين عن اللونين اللي حطيتيهم .

التصميم بشكل عام لا اتحاتين ، يعني مستحيل أصنفج ضمن اللي ذوقهم سيء ، ذوقج يدل على الكرم والحس الراقي

العلبه الثانيه : ناعمه جدا بس الصوره مو واضحه ، ماعرفت معناها ، بس عموما العلبه ناعمه ، والوانها متناسقه

يعطيج الف عافيه
vcdfvgdh
وارجو محد يزعل لان احنا اهنيه كلنا قاعدين نتعاون ، وما انعرف بعض فلحد ياخذ الامر شخصي .

وياليت انشوف المزيد من المشاركات . ويعطيج الف الف الف عافيه ومشكوره على ثقتج فيني :tek:

شوفي حبيبتي أولا مشكوره وايد على التعليق ...

وبعدين والله ما كان ودي اجرحج ولا بنيتي اي شي سيئ وربي يعلم باللي بنيتي ,,, وكانبس ودي انبهج على الطريقه وسوري اذا ضايقتج بانها كانت على العام وما فكرت اخليها على الخاص بس هم مشكوره على التنبيه يعني اذا بنصح وحد من البنات يفضل انصحها على الخاص ...

ثانيا انا خاشه اسمي واسم ريلي بهاللون الأصفر يعني بالفوتوشوب ونهائيا ماكو لون أصفر والشمعه أوف وايت وايد تمشي مع الذهبي ولون البوكس والصوره يمكن مو موضحه الآيه بس ترى الآيه وايد واضحه انا مو مغطيتها اهي صايره على الجنب .... وبالنسبة للدب اتفق معاج عجبني تعليقج اني ما ادخله عرض بس انا لما اخترته على اساس انه سوفونير ولاده فقلت ادخل الدب وصاجه لو كانت ورده بيكون وايد أحلى ...


مشكوره حبيبتي على النقد البناء وترى انا أحبج لأني احب د.شريفه لأن احنا كنا بتجمع واحد يوم احنا حوامل .

ومشكوره مره ثانيه .

 

[A7la 7la]

:e3:
:edbf4317b9:

يعطيج الف عاافيه ...


الصراحه أفدتيني .................
قاعده أقرى ردج أكثر من مره .....!!!


.
.


عمومآ فكره الصندوق عجيبه .... أنا فكرت اليوم أحطهم بـ ( ســله ) .. لوووول ... بس خفت تقول لي :
شنو ؟؟؟ ليلى والذيب؟؟؟ لووول عاد بنت خالتي بالوجه ماااتقشمر خخخخخخخخ

.
.
بس اعتقد الصندوق أذرب و يخليها تتحمس أكثر عشان تعرف شنو فيه..!!





وبالنسبة للتغليف ... أكيد بخليه على ذوقي .. اذا على ذوقهم بيحطونلي أحمررررر ...!!



لووول بس انا مشكلتي إني تعلقت باللون البنفسجي بجميييييييع درجاته .. لدرجة أحس قمت أكرر نفسي...؟؟
بس هالمره طاق ببالي لون المشمش ....؟؟؟؟

.
.



أما بالنسبه لسالفة اني أخلي أحد يطرش الهديه .. امممممم لأ ...!!

أنا عندي خطه ثانيه .....!!



بنسوي عشاء عااادي ... يعني مثل جمعة الأهل بيوم الخميس ... و بقعد و نسولف و نتعشى كل العايله .. و بسوي نفسي أنا و خوااتي إننا ما طرى على بالنا عيد ميلادها ....!!




بعدين عقب العشاء و اذا قربت الحزة اللي يمشون فيها .... راح نجتمع أنا و خواتي و نقولها تعالي شووووي ... و بنسحبها لغرفة نكون حاطين فيها الكيكه و شابين الشموع ... و مطفين اللمبه ... يعني بس الشموع مضويه بالغرفه ...راح نفتح الباب و ندزها للغرفه ......... و نغنيلها هااااااااااااااااااابي بيرثداااااااااي ريـــــــــــــــــــــم ............!!!
:lolo::lolo:


ههههههههههههه و الله من الحين قااعدين نخطط ... كل شوي طالعين بخطه .. بس هذا اللي رسينا عليه مؤقتآآ .... نبي نمثل ان نسينا عيد ميلااادها و قبل لاتطلع نسحبهاااااا و نفاجئها ......!!

:nbvppw:

حرااااااام أدري بنلعب بأعصااابها .. بس عااااااااادي تعيش و تاااكل غيرها ....:botetoo:. لووووووووول

:23_asmilies-com:
.
.




وأرد أشكررررج مررررره ثاااااانيه ....

بس صج عاد بتفتحين محل هدااايا ..........؟؟؟؟؟


بالتوفيق مقدمآآآآآآآآآآآآ:33_1185028183:

 

[rzaan77]

وااااااااااااو
وايد حلوين مشكوره

 

[شهد ستايل*]

السلام عليكم ورحمه الله وبركاته.....
شلونكم حبايبى ان شاء الله بخير..
يسلــــــــــــــــــــــــــــــــــــــــمو يالغاليه صديقه د. شريفه...على هالحمله .... الله يعينج متعبه شوى ........بس اكيد الفايده بتعم الكل........الى يعرف والى مايعرف بعد.....
بانتظار باقى الحمله......
بالتوفيق ان شاء الله للجميع...........

 

[صديقة د. شريفه]

ما اعتقد نونيا بتزعل من النقد البنّاء
الشغل سواء شغلي او شغل نونيا او شغل ساره ستايل او اي وحده من الخوات اللي لهم بشغل الهدايا والسوفينير (اعتذر ان نسيت جم وحده لأن الذاكره لكم عليها والكبر شين) كل ملاحظه عليه يمكن تغير الشكل العام للشغل حتى لو كانت بسيطه
وفعلا الناس أذواق وكل من شايف ذوقه الأحسن
عن نفسي انا عندي ان ذوقي توب وماكو فوقه خخخخخخخخخخخخخخخخخخخخ

واعتقد نونيا تحب تعرف الأخطاء بسوفينيرها عشان تكون لها معلومه مفيده للمستقبل ان بغت تسوي سوفينير ثاني حق البيبي الياي انشالله بدون أخطاء

وبالنسبه لسوفونيرها الأول
صراحه ياصديقة د شريفه نقدج كان بناء على صورة غير واضحه
باعتقادي ان السوفنير مافيه أصفر نهائيا
هذا انعكاس لون الزجاج اللي اهو بالأصل ياي على برنز وداخله شمعه أوف وايت ومع الفلاش صار لونه مصوفر
بس مبين ان لون الشمعه الأساسي مو أصفر
وبالنسبه للدب هالشي أنا أأيدج في انه داش عرض ولو ان الدبدوب كان عنون ومومخرب عالشكل العام
انا هالنقطه وايد أدقق عليها بشغلي.. مثل ماقلتي يايكون الشكل كله شكل كبار أو شغل يهال
وبالنسبه للآيه القرآنيه حلوه وايد بس حم حرام مو مبينه واضحه لو حاطتها بشكل يبينها أكثر جان ما تتحسفين على انها مو مبينه

وبصراحه الشكل الثاني روعه وألوانه تينن حده متناسق
وبالنسبه لتقييمي انا اصنفج من الثلاثه الأوائل لأرقى الأذواق :icon30:

وياليت فعلا كل وحده تتقبل تعليق اختها بالمنتدرى برحابة صدر لأن هالشي يساعد عالتعديل والتغيير للأفضل
وياليت كل وحده تقول رايها بطريقه لبقه وحلوه بحيث ماتضايق فيها اختها وتخسر مشاركات وايد يدشون الموضوع ويحكمون عليها من ردها
شاكرتلج وضوعج حبيبتي صديقة د شريفه​

شكرا على تعليقج الجميل يا ام بدير:blueSmCLR:

وفعلا انا ما انتبهت انه مو اصفر ، اعتقدت انه لون اصفر فعلا ، والذهبي كان راح يعطيه فخامه اكثر لان اهوا الون اللي راح يسيطر على التصميم ويزيده قوه ، أحسن من الزجاج .

وان شاءالله البنات اهنيه عارفين ان شاءالله اني مابي الا فايدتهم وتقديم النصح لهم ، واجاباتهم عن تساؤلاتهم .

شكرا على مشاركاتج الهادفه يا ام بدير وفقك الله وسدد خطاك:icon30:

 

[صديقة د. شريفه]

شوفي حبيبتي أولا مشكوره وايد على التعليق ...

وبعدين والله ما كان ودي اجرحج ولا بنيتي اي شي سيئ وربي يعلم باللي بنيتي ,,, وكانبس ودي انبهج على الطريقه وسوري اذا ضايقتج بانها كانت على العام وما فكرت اخليها على الخاص بس هم مشكوره على التنبيه يعني اذا بنصح وحد من البنات يفضل انصحها على الخاص ...

ثانيا انا خاشه اسمي واسم ريلي بهاللون الأصفر يعني بالفوتوشوب ونهائيا ماكو لون أصفر والشمعه أوف وايت وايد تمشي مع الذهبي ولون البوكس والصوره يمكن مو موضحه الآيه بس ترى الآيه وايد واضحه انا مو مغطيتها اهي صايره على الجنب .... وبالنسبة للدب اتفق معاج عجبني تعليقج اني ما ادخله عرض بس انا لما اخترته على اساس انه سوفونير ولاده فقلت ادخل الدب وصاجه لو كانت ورده بيكون وايد أحلى ...


مشكوره حبيبتي على النقد البناء وترى انا أحبج لأني احب د.شريفه لأن احنا كنا بتجمع واحد يوم احنا حوامل .

ومشكوره مره ثانيه .

حبتج العافيه وانا أحبكم كلكم ، و د.شريفه صديقتي الروح بالروح بره المنتدي طبعا من سنييين ، ومالومج اذا حبيتيها اهيا اتهبل .

اي والله انا ما انتبهت الى ان اللون مو اصفر ، بس عالعموم العلبه حلوه ، بس انا اتعرفيني لازم اعلق عشان انا امسويه حملة يعني تعليقي امانه ههههههههه :wqedqw:

ودايما اذا الواحد اختار لونين احداهما لون فخم مثل الذهبي من غير تفكير يخلي القطعة الاساسيه ذهبيه ويخلي كل العناصر مترابطه بحيث انه ما يدخل عنصر ثالث واهوا الزجاج للعلبه، الزجاج يفضل ان يكون اهوا عنصر وحيد ابحد ذاته يعني يكون اهوا الهديه او مضاف في علبه شفافه واهوا العنصر الاساسي فيها ، بس بشكل عام العلبه حلوه ، ومثل ما قلتلج تدل على الكرم ، لان في تصاميم يبين فيها البخل ، وانتي على العكس ، امبين عليج تقطين على الشي وتتعبين عليه

وهذا مثال ، اقرب مثال قدرت احصله يعني ، شفتي العلبه البلاستيك هذي مثاليه للاستقبالات ،
يعني انا مثلا رحت استقبال يايبين فيه مثل هالعلب البلاستيك وحاطين في وسطها فنجان قهوه تركيه بس هالفنجان طبعا بألوان مزركشه برتقالي في اخضر في احمر في وردي المهم كان يونس وحاطين في الأسفل قاعده خضراء فاتحه ، وحاطين فوقها الفنجان وحاطين في وسط الفنجان الككاوه وفي الصحن نفسه حاطين ككاو لاصقينه بالصحن و بعض المكسرات بس شكله كان يشوق لو عندي جان حطيته

لاحظي دايما يفضل الزجاج يكون اهوا التصميم النهائي وليس مضاف الى تصميم

 

[صديقة د. شريفه]

المملوحه23


والله خوش أفكار يامملوحه وعسى اتهنون انا كله اهلي يسوون فيني جذي لما أفقد الامل انهم ابيعطوني هدايا ويحتفلون فيني ، لما اوصل حدي كلش الا اهما امفاجئيني بس مادري اشفيهم اخر الايام مالهم خلق مثل اول ههههههههههههههههه ملوا مني ، اف متى اتروحين بيت ريلج ونفتك منج (لسان حالهم)

المهم بالنسبه للسله اذا حلوه ليش لا بس اذا مثل ليلى والذيب مادري مو متخيله ، فيه اسلال حلوه ، انتي وذوقج يعني ، بس الصندوق أذرب ، وممكن اهي تستفيد منه في تخزين اغراضها .

كل الالوان اللي ربي خلقها حلوه بس الرك على الذوق وعلى تمازج الألوان .، لان كل لون له جماله

لازم اتعرفين اول شي المشمشي شنو يلوق معاه

هذي صور للون المشمشي وتناسق مع بعض الالوان خصوصا في الماركه اللي انعرفها كلها " جوسي"

تناسقه مع اللون الابيض ، وحتى لو حطيتي الشريطه نفس لون المشمشي احلى واحلى

لاحظي ان المشمشي وايد حلو مع الاسود ، بس اهم شي انفرق بين درجات المشمشي المختلفه :

شفتي الشريطه هذي المنقطه بأبيض؟ لو اتحطينها مع لون مشمشي بتصير الهديه اتينن :

وهذا تطبيق للمشمشي مع الذهبي أيضا رائع

بالنسبه للكيكه ، انصحج في كب كيك اللي بالفنار ، يحطولج مافن غريبه عجيبه عندهم حق الاحتفالات اتحطون اي رسمه انتوا تبونها ، وراح تفتكون من التقصص ، اتحطون على كل كب كيك شمعه اهما يحطولكم اياها وراح يكون شكلها يونس والوان واشكال مثل هالطريقه، بس طبعا اتحطين العدد اللي تبينه:

فألحين عندج عدة الوان تختارينهم مع المشمشي :

اما ذهبي ،، او المشمشي بس الشريطه اتكون من خامه اخرى ، او الابيض ، او الأسود الراقي، او البني، واذا تبين جرأه في الهديه حطي مع المشمشي شريطه لون وردي فاقع .


بالنهايه ، لا تلتزمين ابلون واحد عشان انتي اتحبينه ، بالعكس وسعي مداركج كل الألوان حلوه ، ودربي نفسج عليها ، وحبيها ، واهم شي اتنقين اللون المفضل لها مو لج

وبالنسبه لمحل الهدايا ، اي نعم افكر ابهالشي لأني احب هالسوالف ، بس مو حاليا ، ان شاءالله ادعيلي ، ودي الصراحه أشتغل في هالمجال
وشكرا
::

 

[صديقة د. شريفه]

وااااااااااااو
وايد حلوين مشكوره

شكرا من ذوقج ، ودايما شرفينا ابحضورج

 

[صديقة د. شريفه]

السلام عليكم ورحمه الله وبركاته.....
شلونكم حبايبى ان شاء الله بخير..
يسلــــــــــــــــــــــــــــــــــــــــمو يالغاليه صديقه د. شريفه...على هالحمله .... الله يعينج متعبه شوى ........بس اكيد الفايده بتعم الكل........الى يعرف والى مايعرف بعد.....
بانتظار باقى الحمله......
بالتوفيق ان شاء الله للجميع...........

مشكوره يا شهد ستايل من ذوقج ، ومابي شي إلا الاجر من رب العالمين وان الله يرحمنا من الاذواق اللي لج عليها اشوي

 

[*مستانسه*]

أشكرك اختي صديقة د.كتوره شريفه .. الموضوع جميل و متعوب عليه و انشالله بنشارك بأفكارنا اذا ماعندج مانع ؟

بالنسبه حق خواتي كويتيات المنتدى اقولك هدوا من اعابك الناس اذواق و كل من يبدي رايه و موضروري نلتزم و نقتنع بأذواق غيرنا ,,, خلونا نستفيد من بعض من غير تجريح

 

[صديقة د. شريفه]

أشكرك اختي صديقة د.كتوره شريفه .. الموضوع جميل و متعوب عليه و انشالله بنشارك بأفكارنا اذا ماعندج مانع ؟

بالنسبه حق خواتي كويتيات المنتدى اقولك هدوا من اعابك الناس اذواق و كل من يبدي رايه و موضروري نلتزم و نقتنع بأذواق غيرنا ,,, خلونا نستفيد من بعض من غير تجريح

يا هلا ومسهلا فيج يا مستانسه عسى دوم مستانسه أناسه على قولة الكويتيين قبل

وشكرا على اطرائج وانا معاج في كل شي الا في مسألة الاقتناع ، في ناس لازم يقتنعون بالواقع ، مثل ما قلت سابقا في خط معروف للذوق ، والذوق المختلف في ان كل واحد يحب لون معين او خامه معينه ، والذوق اهوا في كيفيه ادماج العناصر مع بعضها ، واحنا حملتنا هذي لتحسين الذوق العام وتطويره ولو بشكل طفيف

وهالموضوع وضع من أجلكم ، و نبي مشاركاتكم الحلوه

 

[A7la 7la]

هلا و غلا ... سوري تأخرت ... وبالنسبه لسالفة أهلج .... عندي و عندج خير ... بس أنا أختي أذتني تقول تبي تصير خاله ....!!

.
.
المهم يعطيج العافيه على الصور مااقصرتي أغريتيني بالمشمشي ...!!:hjy5jewf:

وأنا عندي صورة للمشمشي حبيت أضيفها :
.
.
.


.
.
.

وبالنسبه للسله .. أنا أستوحيتها من هالصوره ... بس طبعآ من دون بـطـول اللي شيسمونه...!! ههههه

.
.
..



.
.
.
حيل عاجبتني السله عفسه بس حلوه ...!!

.
.
.



و من بعــد إذنج ودي أضيف صوره عجبتني حيييييييييييل :
.
.
.
.





.
.
.
.



الصراااحه تستاهلين العزيمه على هالكاكاو .........!!

.
.


تحيااااتي لج و الله يوفقج باللي بخااطرج ...........:edbf4317b9:

 

[صديقة د. شريفه]

خوش أفكار يا مملوحه 23

حطي كل الصور اللي تبينها هذا الموضوع للجميع ، و يستمر ابمشاركاتكم وأذواقكم ، ونصيحه لج سوي اي فكره تطري على بالج ولا تهتمين ، سوي فناتق ، بالنهايه كل شي يعتمد على الذوق مهما كانت صورته

 

[A7la 7la]

ماااقصرتي ... تحياااتي لج .......

 

[*دنــيـQ8 ــا الوله*]

وااايد حلوين ... والذوق وايد حلو ... مرات توصلك هديه من حلاة تغليفها ماودج تفتحينها خخخخخ

وتسلمين عالموضوع والصور

 

[almost a whisper]

ماشالله افكاركم روعه بنات

صج قاعده استفيد منكم مشكوووووووووورين

 

[صديقة د. شريفه]

دنيا الوله

ALMOST A WHISPER

شكرا لمروركن ، وحياكم الله

 

[ام فطامي]

دايما ذواقه

الله يوفقج

 

[صديقة د. شريفه]

هذا من ذوقج العالي يا أم فطامي ,,,,,,,, شكرا جزيلا

 

[om3boood]

مشكووور عالصور.... الذوق موجود بس يبيله تشغيل مخ