الله ينولج اللي تبينه والفال لي ان شاء الله وراح اسويها وابي اودع المسامات والتلون البشره و و و و ... الخ
بس انا ابي اسويها بعطلة الربيع وعشان اشوف النتايج لا تنسين نبي تقرير اسبوعي على الاقل عن التطور معاج ما عليه تحملينا حبيبتي ودعائي لج بالبشره الصافيه
لووول شدعوا حبيبتي انا بعد ابيكم تستفيدون من تجربتي ولا جان ما حطيتها بالمنتدى
امس رحت موعد المراجعة مع الدكتور
وراني صوري قبل العملية والحين
في فرق كبيييييير
بشرتي شوي شدت
وصارت حيل صافية .. مو صافية من المسامات والحفر .. يعني صار لونها واحد
عطاني كريمات تسوي نضارة وتشد زيادة
قال لي النتيجة راح تبين معاج بعد شهر او شهر ونص
وقال لي اراجعه بعد 6 اسابيع
بس الكريمات كانو غاليين .. خسبقو لي الميزانية
الله يخلي الوالدة سلفتني :×
بس بنات ما انصحكم بعد العملية ان تلعبون بويههكم
قبل يومين كنت بلعب بويهي افقص فيه .. مع انه ماكو حبوب ولا شي .. بس حسيت ان في مشروع نفرة
بطيتها شوي ولا يدمم
جنه حايشتني اكزيما بويهي
والدكتور زفني :×
لان بشرتي صارت حساسة ما مداها ترتاح
بس انا الله يهداني ما ايوز من سوالفي
لوما اني احب اتعبث جان ما طلعت لي حبوب
اخ بس لو الواحد يقدر يغير طبعه :×
