أخوي ومرت اخوي ... صج بنات سنعة في هالزمن ماكووووو

[amwaj]

اسمحى لى اختى انى اقول لج رايي واتمنى انج تتقبلينه بصدر رحب .
اول شى ..
زوجت اخوج صارت هالسوالف كلها بينها وبين زوجها
فالمفروض ان اخوج مايطلع سوالفه مع زوجته وما احس ان طلباتها ممكن انها تخلى حياتهم تعيسه لهالدرجه
وبعدين انتى ماتدرين شنو اللى صار بينهم وخلاها تطلع من البيت .
بالنسبه لشروطها ...

1. لما طلبت خدامه ... ما اعتقد ان اللى تطلب خدامه تعتبر كسوله ؟؟ (( بالنسبه لرايي ))
لانها البنت تشتغل وراح ترجع البيت شى طبيعى تبى ترتاح وبصراحه البنت عروس وتبى تجابل زوجها وتدلع له وتكشخ له مو معقوله بتكرف وتبهذل وبالنسبه للخصوصيه عادى خل تقعد مع خدام بيتكم شالمشكله ؟ وبعدين انتى قلتى ان شقتها كبيره وايد ماشاء الله فاكيد تبى احد يساعدها فيها .
2.بالنسبه للمدخل شى طبيعى البنت تبى خصوصيتها تبى تدخل وتطلع على راحتها انا ما اقول انكم بتحاسبونها بس هذا شى طبيعى وكل عيال الكويت شققهم لها مدخل خارجى ونفس الشى تبى صديقاتها اهلها احد بيزورها مو معقوله كل ساعه بيدشون عليكم اصلا انتو مع الوقت بتملون وبتتضايقون .
3. بالنسبه لانتقاداتها انا اوفقج الراى صح مو حلو الشخص اللى دايما ينتقد ويعلق الحق معاج
4. بالنسبه للبسها مادرى احس انه ذوق شخصى وانتو شفتوها اول ماخطبتوها يوم ان لبسها واهلها مو عاجبينكم جان ماناسبتوهم .
5. بالنسبه لدوامها شوفى الحق ينقال لازم تسمع كلام زوجها وترضيه بس فى نقطه مهمه يمكن دوامها مومرتاحه منه يمكن الدوام اللى حاطه عينها عليه راتبه احلا والاداره اللى بتروح لها زينه وكلها حريم .. ولما شافت اخوج شد معاها عاندته .

وبالنسبه لدلعكم لها مادرى يعنى اهيا زوجت اخوج وصارت حسبت بنتكم واذا دلعتوها ودللتوها هذى نقطه حلوه منكم وتبين سنعكم وان شاء الله لما تتزوجين راح تلاقين نفس هالمعامله الحلوه من حمولج ... كلمه اخيره لج ادرى قرقت وايد
اذا تحبون اخوكملاتدخلون بحياته مع زوجته خلوهم على راحتهم :aha:

اتفق معاج بكل كلمة قلتيها وماادري ليش البنات قاعدين يشيشون البنيه على مرت اخوها..احنا مو بحرب واصلا ما كان المفروض ان مشكالهم تطلع من بينهم اهم الاثنين

 

[بنت باباتي]

اول شي مبين ان مالها خصوصيه واكبر دليل ان ادق التفاصيل انتوا تعرفونها هذي مشاكل يحلونها بينهم
واما عن سالفه تبي مدخل بروحها هذا حقها مو يعني تبي تعزله عنكم واهو اذا يبيكم لو كان بأخر الدنيا بيوصلكم
والمدخل مع الحموله مشكله بكرا اذا تزوجتي تحسين فيها
يعني بتستقبلين رفيجاتج اهلج مو حلوه داشين فبيت الناس كأنه ممر عشان يروحون شقتها
وسالف الدوام الثاني يمكن يكون اريح لها والدوام راحه مثل البيت وهم هذي حريه شخصيه واخوج اذا مو راضي يقنعها وتقنعه
والخدامه هذا امر ثانوي وبعد احس انه حريه شخصيه
يعني بكيفها ماتبي تشتغل
وبعد بسألج سؤال انتي بالبيت تطبخين وتغلسن وتنظفين يعني بيتكم مافيه خدامه ولاتقولين الخدامه حق امي
الانسان طاقات وحريات
وبين عليكم انتوا مو بالعينها
وهذا شي عادي كل واحد من بيئه مختلفه وتربيه مختلفه فأكيد يصير فيه اختلاف بالاراء


والله يرزقج الزوج الصالح بس اذا تزوجتي راح تشوفين ان مهما حاولتي ترضين زوجج لازم يكون فيه خلافات بسيطه بس
اذا دخل طرف ثالث راح تكون الخلافات مصيبه واهي تافهه

والمشكله لازم الواحد يشوفها من جميع الجوانب
يعني حطي نفسج مكان مرت اوج وفكري بمصداقيه وحطي نفسج مكان اخوج
وعقب شوفي هل هالاشياء تستاهل كل هذا
انا اشوفها امور بسيطه
وما طلبت الا حقوقها العاديه

 

[حبيبته آنا]

شوفي حبيبتي

اخوج اهو المفروض يسنعها ويخليها تمشي على رايه مو اهو اللي يمشي على رايها

اما اذا على سالفة الخدامه ترا مافيها شي لما تساعدها خدامتكم لانج تقولين ان شقتها عباره عن 4 غرف ومادري شنو وحمامات ومطبخ يعني باختصار لازم احد يساعدها بالتنظيف خو منو الحين يسوي كل شي بروحه بدون خدامه؟؟حتى انتي نفسج ماتسوين كل شي بروحج لازم مساعده وكلنا جذي واذا على كلامج انج مستخسره امج تطرشلها الغدا فالمره ما اجبرتكم تقدر امج تقولها ان عندها مطبخ تطبخ فيه اللي تبيه او انها تنزل تاكل وياكم لكن يمكن امج عن طيب خاطر قاعده تطرش لها الاكل
ولاتنظرين لها على اساس انها اقل منكم لانكم انتو بنفسكم اخترتوها له وتعرفون اهي منو مو اهو اللي قايلكم خطبوها
ونصيحه مني مو علشان اهو اخوكم الوحيد تقعدون تتدخلون بحياته ليدام انه ما اشتكى لكم فمعناها مهما شفتو منها بينها وبين ريلها كيفهم ماله داعي تتدخلون بينهم لانه راضي لو اهو مو راضي جان عفس الدنيا عليها خو اهو ريال وحر نفسه لامربوط بعيال ولاغيره لكن اهو يمكن عادي عنده او يمكن اهي لها اسبابها انها تغير وظيفتها ويمكن اقنعته بهالاسباب
اخوج اللي بيده القرار سواء يعيش معاها مثل ما اهي تبي او يلزم عليها تمشي على شوره او حتى يطلقها

 

[مهناز]

السلام عليكم
بالبدايه اقول يمكن كلامي يضايقج بس انا وحده اقول الصج وما اجامل وانتي طلبتي راينا وبقولج رايي ، واهو مبني على كلامج بس .. انا البنت ماعرفها وما سمعنا منها علشان نحكم ومن العدل انا نسمع الطرفين بس من خلال كلامج راح اركز عالنقاط اللي ذكرتيها :

اختي باجر انتي راح تتزوجين وماظن تحبين احد راح يتدخل بحياتج ويحرض ريلج عليج ! وبعدين لا تكونين السبب في طلاق اخوج ترا حوبة المره بترد عليج وباجر اهل ريلج يسوون فيج مثل ما سويتي بمرت اخوج هذا اول شي .

ثانيا : طريقة كلامج قهرتني الصراحه اول شي ذكرتي انكم من عايله .. اوكي والنعم فيكم
وبعدين ليش تقللين من قدر المره واذا يعني اهي من عايله عاديه ليش حاطه ببالج هالشغله ؟؟ الظاهر من تصرفاتكم ونظراتكم تحسسونها انها اقل منكم ولو هالشي ما كان في بالج جان ما ذكرتيه بالاساس هذا دليل انه موجود حتى لو ماكان باللسان بس موجود بالعقل والقلب .

ثالثا :

وحدة توهااا متزوجة عندهااااا 4 غرف كبار و3 حمامات ومطيخ مجهزبالكامل شقتها من احسن مايكوووون اخوي ماقصر عليها بولا شيييييييي حتى سافرواااااا شهر العسل شهرييييييييييين لفاها الدنيا كلهاااا والله لو تشوفون شقتهم موقاصرهااا شي

عليها بألف عافيه .. من حقها يكون عندها شقه ومأثثه وهذا واجب على الزوج

من أول شهر يت الاخت تبي خداااااااااااااامة ( أبيه حدها كسوووووووووووله وين خصوصياتج)

اهي حره تبي خدامها ومن حقها .. اهي وزوجها يتفقون .. باجر انتي اذا تزوجتي وطلبتي خدامه ماظن راح ترضين اهل ريلج يتدخلون ويقولون تو الناس مو من حقكم اصلاً .. المره وريلها كيفهم .. الخدامه الحين شي ضروري يعني اهي عروس تبينها كل يوم تغسل 3 حمامات ؟ وتنظف وتخم وتكوي الهدوم وتغسل المواعين ولاتنسين انها لازم تهتم بأخوج وبنفسها علشان لا تعلقون على ملابسها وكشختها وذوقها !!

عمرنا ماشفنا عليها بدلة سنعة

تبي مدخلها بروحهااااا عنه مع ان هذا أخوي الوحيييييييييد مادو ريايل بالبيت لكن الأخت بتعزل نفسهاااا ماتمرنا ولاشي إلا إذا كانت مغصوووووبة وبالغصب تييي

من حقها المره يكون لها باب بروحها !!!! كلها باب تدش وتطلع منه تحس بالخصوصيه وإذا يعني اخوج الوحيد شنو بايقته اهي ولا حارمتكم منه ؟؟؟ اهي قاعده معاكم بنفس البيت ومن حقها يكون لها مدخل خاص تبي تحس بخصوصيتها تبي ناس يدشون ويطلعون عليها .. مافيها شي للحين المره ما غلطت ومادري ليش انتي متنرفزه باجر تزوجي وخلي حماتج تقول عنج هالكلام راح تقلبين الدنيا عليها .

مايعجبها شي كله تنتقد مع إنها من عايلة حدها عادية

عيب والله ترا كلنا عيال آدم وحوا وباجر لما نموت كلنا بناخذ معانا قطعة كفن واعمالنا ما راح ناخذ اسامي عوايلنا ولا فلوسنا
مردنا بنندفن بالتراب وياكلنا الدود فلا تحطين هالشي ببالج مو زين والله !!! ترا الناس ينفرون منج

حتى يوم رحنا خطبناها صار مزااااد على المهرر أبيه عيب يعني بيعطيج 6 بعد اشتبين

والله اهي تحط المهر اللي تبيه هذا حقها الشرعي وبعدين اخوج يقرر اذا يناسبه ولا لا على حسب امكانياته اهو
وبعدين المره تشتغل وشايفه خير ومهرها عليها بألف عافيه كل شي صار غالي هالمبلغ زين انه يغطي عالاقل الاساسيات !

واااااااااااي محترة على أخوي وااااايد حبيبي

شغلي نفسج بشي مفيد ولا اقري لج قرآن وادعي ان الله يوفق اخوج مع مرته ويسخرهم حق بعض ويرزقهم الذريه الصالحه اذا تحبينه !

آخر شي الحين طالعتلنا بفنتق تبي تطلع من دوامهاااا

طالعتلكم ؟؟؟ ليش اهي متزوجه اخوج ولا البيت كله ؟ اختي دوامها اهي اللي تقرر وين يناسبها ووين ترتاح واخوج الوحيد اللي يوافق أو يرفض بدون تأثير منكم عليه وعلى رايه

وتبي تروح مكان راقي وفي رياييييل موهامهااا قالها أخوي يا أنا أو الدوام تخيلواااااا شنو اختارت @@ قالت خلاص أختار اني أغير الدواااااااااااام

اوكي اهي غلطانه لانها عصت زوجها بس هل يا ترى قرار زوجها هذا كان قراره اهو ؟؟ ولا تأثير منكم عليه ؟ يمكن المره حست انكم تتدخلون بكل صغيره وكبيره بحياتها وما قدرت تتحمل .. بس الله يهديها ويهديكم وينحل هالخلاف لازم اخوج يقعد معاها ويتفق معاها المشاكل ما تنحل بالعناد

والله يابنات أمي مومقصرة معاها بولاشي تعاملها أحسن منا اللى إحنا بناتهاااا والله أكلها توديلها اياها لي عندهااااااا

يزاها خير الوالده الله يخليها لكم ان شاء الله

تقول حق أخوي انت معقد

ليش اخوج شلون يتصرف معاها ؟؟؟ مانعرف التفاصيل ماقدر احكم على هالنقطه

راي بالموضوع : إن البنت اللى من اولها جذيه يطلقهاااا قبل ما ايبون يهااااااااااال وتصيير سوالف أكبر والبنات اشكثرررهم ولا شرايكم ؟؟ بليز لاتبخلون علي لانه هم اخوي أحسه وااااايد ضايق خلقه والله مادري على شنو من سنعهاااا الزاااااايد الصج هالأشكال أهمه اللي قايم حظهممم

وانا اقول حرام تقولين هالكلام وخلج بعيده ولا تتدخلين بين اخوج ومرته .. اخوج كبير مو بحاجه حق ولي امر يقوله طلق اليوم وتزوج باجر .. المفروض انتي تكونين واسطة خير مو شر

حـــسبي يالله ونعم الوكيــــل

الافضل تقولين الله يهديها ! ويهدي الجميع ان شاء الله​

 

[ع ــندك / خ ــبر]

لو انا ريال .. مايربيها الا الطلاق

^_^

 

[nice-girl]

حبيتي انزين اخوج جان فهم و قوه
وجهه نظرها يمكن متضايقه من دوامها يمكن اهناك معاش اقوى امتيازات اكثر
اذا اهيه عايفه لا حول ولاقوه
الله يهديها

 

[bedour18]

السلام عليكم
بالبدايه اقول يمكن كلامي يضايقج بس انا وحده اقول الصج وما اجامل وانتي طلبتي راينا وبقولج رايي ، واهو مبني على كلامج بس .. انا البنت ماعرفها وما سمعنا منها علشان نحكم ومن العدل انا نسمع الطرفين بس من خلال كلامج راح اركز عالنقاط اللي ذكرتيها :

اختي باجر انتي راح تتزوجين وماظن تحبين احد راح يتدخل بحياتج ويحرض ريلج عليج ! وبعدين لا تكونين السبب في طلاق اخوج ترا حوبة المره بترد عليج وباجر اهل ريلج يسوون فيج مثل ما سويتي بمرت اخوج هذا اول شي .

ثانيا : طريقة كلامج قهرتني الصراحه اول شي ذكرتي انكم من عايله .. اوكي والنعم فيكم
وبعدين ليش تقللين من قدر المره واذا يعني اهي من عايله عاديه ليش حاطه ببالج هالشغله ؟؟ الظاهر من تصرفاتكم ونظراتكم تحسسونها انها اقل منكم ولو هالشي ما كان في بالج جان ما ذكرتيه بالاساس هذا دليل انه موجود حتى لو ماكان باللسان بس موجود بالعقل والقلب .

ثالثا :

عليها بألف عافيه .. من حقها يكون عندها شقه ومأثثه وهذا واجب على الزوج



اهي حره تبي خدامها ومن حقها .. اهي وزوجها يتفقون .. باجر انتي اذا تزوجتي وطلبتي خدامه ماظن راح ترضين اهل ريلج يتدخلون ويقولون تو الناس مو من حقكم اصلاً .. المره وريلها كيفهم .. الخدامه الحين شي ضروري يعني اهي عروس تبينها كل يوم تغسل 3 حمامات ؟ وتنظف وتخم وتكوي الهدوم وتغسل المواعين ولاتنسين انها لازم تهتم بأخوج وبنفسها علشان لا تعلقون على ملابسها وكشختها وذوقها !!



من حقها المره يكون لها باب بروحها !!!! كلها باب تدش وتطلع منه تحس بالخصوصيه وإذا يعني اخوج الوحيد شنو بايقته اهي ولا حارمتكم منه ؟؟؟ اهي قاعده معاكم بنفس البيت ومن حقها يكون لها مدخل خاص تبي تحس بخصوصيتها تبي ناس يدشون ويطلعون عليها .. مافيها شي للحين المره ما غلطت ومادري ليش انتي متنرفزه باجر تزوجي وخلي حماتج تقول عنج هالكلام راح تقلبين الدنيا عليها .


عيب والله ترا كلنا عيال آدم وحوا وباجر لما نموت كلنا بناخذ معانا قطعة كفن واعمالنا ما راح ناخذ اسامي عوايلنا ولا فلوسنا
مردنا بنندفن بالتراب وياكلنا الدود فلا تحطين هالشي ببالج مو زين والله !!! ترا الناس ينفرون منج



والله اهي تحط المهر اللي تبيه هذا حقها الشرعي وبعدين اخوج يقرر اذا يناسبه ولا لا على حسب امكانياته اهو
وبعدين المره تشتغل وشايفه خير ومهرها عليها بألف عافيه كل شي صار غالي هالمبلغ زين انه يغطي عالاقل الاساسيات !



شغلي نفسج بشي مفيد ولا اقري لج قرآن وادعي ان الله يوفق اخوج مع مرته ويسخرهم حق بعض ويرزقهم الذريه الصالحه اذا تحبينه !


طالعتلكم ؟؟؟ ليش اهي متزوجه اخوج ولا البيت كله ؟ اختي دوامها اهي اللي تقرر وين يناسبها ووين ترتاح واخوج الوحيد اللي يوافق أو يرفض بدون تأثير منكم عليه وعلى رايه



اوكي اهي غلطانه لانها عصت زوجها بس هل يا ترى قرار زوجها هذا كان قراره اهو ؟؟ ولا تأثير منكم عليه ؟ يمكن المره حست انكم تتدخلون بكل صغيره وكبيره بحياتها وما قدرت تتحمل .. بس الله يهديها ويهديكم وينحل هالخلاف لازم اخوج يقعد معاها ويتفق معاها المشاكل ما تنحل بالعناد



يزاها خير الوالده الله يخليها لكم ان شاء الله



ليش اخوج شلون يتصرف معاها ؟؟؟ مانعرف التفاصيل ماقدر احكم على هالنقطه




وانا اقول حرام تقولين هالكلام وخلج بعيده ولا تتدخلين بين اخوج ومرته .. اخوج كبير مو بحاجه حق ولي امر يقوله طلق اليوم وتزوج باجر .. المفروض انتي تكونين واسطة خير مو شر



الافضل تقولين الله يهديها ! ويهدي الجميع ان شاء الله​

كلامج جدا عاقل. الله يهدي الجميع انشالله

 

[blue diamond]

انا مع كلام العضوه مهناز بكل كلمه قالتها يزاها الله خير كفت وفت
وفي ملاحظه ثانيه بعد : ياريت لو اسم الموضوع يتغير وتخصصين بدال ما تعممين ان صج بنات سنعه بهالزمن ماكووووووووو !!!!!!!!!!!
لو حاطه بعض جان اوكي !!
الله يهديج بس

 

[داعجه العين]

kuwaitya_zogaa

..مهناز..بنت باباتي


يعطيكم العافيه

كفيتوا ووفيتوا

وفي شغله ثانيه


مادري انتم لما زوجتوها لاخوج هل كان عقد زواج ولا صك عبوديه

اختي كل وحده ولها رايه وشلون تختار حياتها وشروطها لو انتي متزوجه راح تشوفينها طبيعيه ومن حقوقها

ان تكون لها شقه وخدامه وباب بروحها وبالنسبه لانها تبي تنقل انتي ماتدرين شنو ظروفها وليش قالت هالكلام

وشي ثاني لما كتبتي موضوعج بينتي ان اخوج ملاك وهي شيطان

هذا ظلم بحقها

ولاتسمعين كلام اللي يقولون هذي ماتسنع الا بالطلاق .....حرام عليهم ان ابغض الحلال عند الله الطلاق

هل انتي ترضين احد يسوي جذي فيج ولا تبين احد يلتمس لج العذر ويعطيج فرصه ثانيه ,,,,تري كما تدين تدان

اخيرا اتمني انج ماتشوفين هالردود هجوم في حقج لكن كلمه الحق تنقال وفكري بالكلام اللي كتبناه عدل

حنا مانبيج توثمين بذنبها ولو ان مو مهتمين بأمرج ماتعنينا وكتبنا رد​

 

[رفرف]

المره بشور ريلها كيفه وهو حر معاها ..

 

[أم دناش]

عطوها طاف واذا ما تسعت بدالها اربع قبل لا يجيب اعيال ويتوهق فيهم

 

[ليالي الكويت]

ماكو فايده هالاشكال الرديه حظها قايم

اي والله صاااااااااجه

 

[Miss M]

من راي المشكله لازم تنحل بين اخوج و زوجته و اهم يختارون الافضل لهم ولازم يصير في الحياة تنازلات حتى تمشي والواحد يقدر يستقر
وبدايه الزواج عادي تصير مشاكل بس المهم ان الواحد يستحمل و يصبر
حرام تحلون المشكله بالطلاق لا من صالح اخوج ولا البنت توهم في تجربه جديده لازم يتعلمون

 

[أميرة الحلا]

انا اقول المشكلة مشكلة اخوج واهو وكيفه
لانه قراره وراح يحدد مصيره

الله يعينكم

 

[د-سوسه]

حبيتي انتي قاعده اتشوفين المظاهر..انا مقدره حرتج علي اخوج بس السوالف الي سواها قاعدين ايسوونها كل الرياييل يعني كل عروس تروح شهر عسل ويحطون لها شقه بروحها عاد 4 ولا 10 غرف مافرقت اهي الحين محتاجه غرفه وحده ..هذي اشياء بين زوجين محد يقدر يعرف شلي قاعد ايصير بينهم وعسالله يهدي اخوج ويعرف يقرر اذا كانت هالانسانه تناسبه او لا

 

[شهد ستايل*]

حبيبتى الله يهديج....ويرزقج الزوج الصالح ..وان شاء الله تتوفقين فى حياتج علشان ما تشوفين اخت ريل تبى طلاقج ......

المره ما طلبت الا حقها الشرعى...ومافى احد ينكر هالحق حبيبتى ....
وبالنسبه حق دوامها ..هذى مشكله اخوج ويا مرته بس ....مو هذى المره اللى كنتوا تدورون عليها سنه وفيها الشروط اللى يبيها اخوج ..معنى هذا اهى عاجبته ,,,وهذى مشكله صغيرة ....لا توصلينهم للطلاق وتاخذين اثم ...كل اللى توهم متزوجين تصادفهم مشاكل راح يتخطونها ان شاء الله .......الله يهيديهم ويهنيهم.....

كلمه للبنات اللى يردون
ليش فى ردود بعض البنات الفاظ قاسيه ..واحيانا بذيئه ....يا ليت تكون الردود بكلام طيب
وياليت تتذكرون الحديث الشريف اللى معتاه( اذا حدّث احدكم فليقل خيرا او ليصمت ),,,,,,,,,,اللله يهديهم


بالتوفيق للجميع ان شاء الله

 

[FOZQ8]

أمبيه اللي ينصحون بالطلاق من صجكم !! ليش خراب البيوت يعني لوحده فيكم كلش ملاك عند ريلها ؟؟ ترضين باجر من اي سالفه والا مشكله صكج بالطلاق !! ما تتسنع الا بالطلاق !! شهالكلام
لاحول ولا قوه الله بالله

 

[غزلان]

اهي رفسه النعمه
دامها تبي الطلاق اهي الخسرانه وبعنادها راح تخسر اكثر
زوجوا وحده ثانيه الدنيا ماوقف

 

[w7shteene]

استغفر الله

وحسبي الله ونعم الوكيل

الحين البنت محتره على اخوها ماتدخلت ولا سوت شي

وبتاخذ رايكم

شنو ذنبها

لاتقولون ادافع اانا عندي نفس هالدعله وازود

متدلعه اخر تدلع

ووصخه ولبسها اخر هلاقه

مع انه وقت اللى نخطب دورنا الاصل والفصل وبنت الحموله

طلع خرطي بخرطي

انسانه ماديه لأبعد الحدود

وان شريتي شي عليه القيمه وغالي اهديتيه لعيالها اللي اهما عيال اخوي

تعلقهم بالكبت وتتلبسهم خلاجينها

كل الطلبات توفرت بس وين اللي يقتنع

بنات لاتقولون بين اخوج وبينها

واهيا مظلومه وماشفنا ردها

اقسم بالله اكو شكثر من هالنوعيه

وصج تحترين

اصغر منها وشايلين البيت وسنع وهالضحكه من هني لهني

اخرتها دوام ونوم وتقعد الخشم شكبره

على شنو

استحينا وقلنا حرام الطلاق

والله يهديهم

بس العوج عمره مايتعدل

والله اني حسيت بالبنت لاني نفس موقفها

ولا تقولون انتي عندج خدامه نفسها

تمر ايام وخدامه تروح وننطر وعاااااااااااااااااااادي

شغل وجامعه ومجابل البيت مع اهلي طبيعي

بس ليش ندور العذر لها الحين

يعني احنا ننطق واهما ينشالون على العين والراس

اخر زمن الجنه"مرت الاخو" تقعد وبنت البيت تكرف وتشتغل

الحين انقلبت الايه صدقوني

كل شي مايعجب

كله شروط ووكل واحد يفرض عضلاته على الثاني

وصدقوني يابنات

اكو بنات بالكليه توهم يعني

يدرسون طرق التعامل مع الحموله

والله العظيم اعرف بنات شكثر

تلقين كل وحده تتفنن بالتشلخ على الحموله وكل وحده تعطي مواعظ وطرق تدريس معتبره

وهذا اللي صاير البنات يسمعون ويطبقون


على بالها اهيا اللى اوكي


ماقول الا اللي يدري يدري

واللى مايدري يقول باميا​

 

[أم وهابي]

هذا اخوج الوحيد ومن حقج انج تتدخلين لمصلحه اخوج اولا واخيرا

لازم تفهمونها حجمها الصجى واذا مو عاجبها خل تقضب الباب المره بدالها الف مره وبلاش بعد

لكن طول ما انتو معطينها اكبر من حجمها راح تشوف نفسها عليكم وتصدق عمرها

سمعى سالفه رفيجتى معاى بالدوام

زوجت ولدها الكبير واهى ما عندها الا هالولد مع اخوه
ولدها جميل - غنى - ولد عايله - خريج مدارس امريكيه - مهندس - جنتل
زوجته عاديه - مو كويتيه - اهلها على قد حالهم حده ( طبعا مو عيب بس ابيكم اتشوفون المقارنه) هيلقيه حدها

سوت لها عرس الكل يتكلم فيه والمهر 10 الاف يوم ولدت جناح امبراطورى - وخدامه وحفل استقبل
طبعا بيتهم معطينها دور كامل
اخر شى شنو سوت قالت ابى بيت بروحى

تدرون زوجها شنو سوى ودها بيت اهلها وقطها بالاشهر وخلاها تبجى دم ليما اهى ارجعت برمحها تتأسف
ادرى انى سويت قرقر وايد بس والله احتريت على اخوج الوحيد كلش لا تسكتون وايد حريم ما ينعطون ويه