أخوي ومرت اخوي ... صج بنات سنعة في هالزمن ماكووووو

[ام منتظر]

رائي من راي البنات خلي اخوج هو اللي يقرر ومالج شغل فيهم لا تدخلين
خلي هالمشاكل بينها وبين اخوج ادعوله الله يهديهة ويهنيهم مع بعض

 

[paraka]

أنا من رايي يقعدون مع بعض يتفاهمون وكل شي يتعدل .. إلحين أهما مافي شي يشغلهم بعدين مع اليهال والمسئولية أوضاعهم راح تتغير ،
حبيبتي إدعيلهم إن الله يهديهم أن شاء الله ويصلحهم.. والطلاق موشي شي سهل ..؟؟؟ والواحد من الأحسن إنا مايدخل بحياة غيره علشان بعدين مايتحسف .. والله يكون بالعون

 

[emynice]

حسبي الله ونعم الوكيل

صج هذا اللي يقهر .. الردية تاخذ لها وااحد سنع

بس سبحان الله نصيب ...

ان شاء الله تتغير وتصير للاحسن ... الله يهديها

والله يعينكم ان شاء الله

 

[زمن2008]

هذي مشكله مجتمعنا الكويتي مرت اخوي واخت ريلي والله مانخلص لو كل وحده حطت مكانها مكان اخت الريل او زوجه الاخ جان افتكينا من زمان
بس للاسف كل وحده تعذرب بمريت اخوها وكل مرة تحش بخوات ريلها وبس مشاكل والريال اخرتها ينحاش من الاثنين او يروح للي يشده اكثر
اعرف وحده كانت تعيب ليل نهار علي زوجه اخوها انها خامله وخايسه وعاشيه علي الخدامه وسبحان الله بس ملجت شرطت بالعقد خداااااااااااااااامه
تخيلو فاتقو الله في انفسكم وتركو الي مايفيد وصحيح بعض الحريم ماتترقع بس الطلاق ابغض الحلال ويمكن مع الايام تتسنع وتتغير والله موجود وبالمرصاد

 

[غنادير]

رايي من راي البنات خلي اخوج اهو اللي يقرر ومالج شغل فيهم لا تدخلين لا من بعيد ولا من قريب
خلي هالمشاكل بينها وبين اخوج ادعوله الله يعقل مرته ويهنيهم مع بعض

 

[كولوراديه]

انا عارفه ان من كثر ما تحبين اخوج تبين الاحسن له
بس حبيبتي انتي مالج شغل فيهم
اخوج ومرته ينيازون لو يتهاوشون لو يتذابحون انتي لازم برا الموضوع
اخوج ريال ويعرف يتصرف وما طلب مساعده احد وحتى لو طلب منج المفروض تقولين انا مالي شغل
بس السالفه ما توصل لطلاق
لو الرياييل طلقو على هالسالفه جان اغلبيه بنات الكويت مطلقات

 

[FOZQ8]

أمبيه من صجج يطلقها عشان شغل
اختي تبين نصيحتي
لا تفكرين ولا تقترحين على اخوج أي شي
خليه اهوا يتصرف اهوا ريال ويعرف اذا يبيها او لأ
حبوبه والله احسن انها تعزل روحها انا يابنت الناس عندي اخوان متزوجين بالعكس احب يكون لها مدخل بروحها كيفها وهذا اللي صاير
وموشرط حتى تزورنا ولو انها بنفس البيت برااااحتها تبي اتيي على كيفها ماتبي هم كيفها
خدامه من اول زواجها هم والله من حقها اهيا عارفه شنو تقدر عليه وشنو قدرتها
خلي اخوج يتصرف براحته وبس

 

[Q8ia_100%]

مافيها شي اذا اطلبت خدامه واهي توها عروس
يعني لازم اتكدش علشان تصير سنعه؟
ترى شغل البيت يهد الحيل لا تقولين نفرين والله ترى كررررررررف
وانتي تقولين اربع غرف وثلاث حمامات يعني شي يقص الظهر

وبعدين سالفة الشغل اكيد في سالفه صايره امخليتها اتعاند
ماكو وحده اتخرب بيتها واهي مرتاحه

انا ما ادافع عنها بس مثل ما قالوا البنات لاحد يتدخل خلوهم بكيفهم

 

[bobo lover]

ياعل ربي يهديها ويصلحها ويردها لبيتها وريلها قولي آمين

شوفي يمه احنا ان كتبنا راينا ماراح يجدم ولا يأخر لانه اخوج اهو صاحب القرار بهالمواضيع واهو ابخص منا موكل مشكله تصير بين المره والريال حلها يكون الطلاق مرات الطلاق يكون علاج لبعض المشاكل ومرات يكون قاز ويشب بالمشاكل بين الزوجين
انا نصيحتي لج خليج بعيده عنهم ولانحرقين اعصابج ماتدرين باجر ربي يهديها وترجع لبيتها احسن من الاول وتالي تطلعين انتي بالشينه وبتخسرين اخوج لانج نصحتيه انه يطلقها وهو ماطلقها بتظل هالكلمه براسه وبتنحسب نقطه ضدج

انتي قولي حق اخوج صلي صلاة استخاره واكثر من الدعاء وصل قيام الليل وخليه يطلب من ربي انه يسهل له اموره مع مرته ان كان بردتها خير ربي يعجل فيها انشاء الله ون جان فيها شر ياعل ربي يصرفها عنه ون قدرتي تصيرين مصلح خير بينهم لج الاجر والثواب عند الله مايضيع ياقلبي

كل عروس اول ايامها تصير بينها وبين ريلها جذي سوالف عيالي كنت انا انظف شققهم وكنت اغسل ثيابهم وحتي الاكل احطه جدامهم بس الحين كل شى تغير ولله الحمد صاروا يعتمدون علي نفسهم ومادري حتي عن لون طووفة غرفتهم النوم"

يعني شوي شوي بتتعلم وتصير خوش مره اذا اهيا شاريه بيتها وريلها ون شافت ان قعدتها بيت اهلها ازين لها خل تقعد ماتشوف شر واخوج ريال الف من تتمناه "

صح كلامج

 

[جيده ومهايطيه]

ليش حريم الأخوان شر لا بد منه
الحمدلله اهم حريم خوانا و بنفس الوقت امهات عيالنا عسى الله يسعد الطيبة و يهدي الردية ...
بس هم بلسم وشي حلو بالبيت لأن بصرااااااااااااااااااااااحه
" اللي مريحه اخووووووووووووووي اشيله فوق راسي"واللي متعبته اسمحولي........ اللي ما يحل امور بيته مو رجال.. شلون بيحل امور الدنيا ....

 

[Maltesers]

الله يهديها .. ادعولهم الله يوفقهم ويكتب لهم اللي فيه الخير

 

[ســــــــــما]

:lkmnkl: بنات أنا حدي منقهرة على اخوي مركز وعايلة وموناقصة شي ،،، والله من حرررتي بكتب القصة إهني في هالقسم يمكن إحنا غلطانييين يمكن انتوا متزوجات وأدرى بهالمواضيع خلوني أقص القصة ....

:gr4uu: من وين أبدي :gr4uu:
إحنا تعبنا وايد على ما دورنا حق أخوي زوجة لانه كان يبي فيها مواصفات معينة منهاااا يبيها تشتغل مع الحريم يعنى يبيها مدرسة أو موشرررط مدرسة ادارية أو مكان كله حريم (موغرضة المعاش ولاشي بس هذا شرطه)

المهم سنه واحنا ندوور لين لقينا وحدة كانت مناسبة طبعاا يوم ينا نخطب كل المميزات قالوهااا والأغلب كان كله جذب بجذب
المهم يوم يت بيتنا تخيلوااا وحدة توهااا متزوجة عندهااااا 4 غرف كبار و3 حمامات ومطيخ مجهزبالكامل شقتها من احسن مايكوووون اخوي ماقصر عليها بولا شيييييييي حتى سافرواااااا شهر العسل شهرييييييييييين لفاها الدنيا كلهاااا والله لو تشوفون شقتهم موقاصرهااا شي وين المشكلة :
1)من أول شهر يت الاخت تبي خداااااااااااااامة ( أبيه حدها كسوووووووووووله وين خصوصياتج)

اهيا حره اذا طلبت خدامه انتي شنو الي قاهرج
واذا على الخصوصيه اهيا ادرى بنفسها وبخصوصيتهااا

وشعلاقة شهر العسل ومميزات الشقه بالخدامه ؟؟

2)تبي مدخلها بروحهااااا عنه مع ان هذا أخوي الوحيييييييييد مادو ريايل بالبيت لكن الأخت بتعزل نفسهاااا ماتمرنا ولاشي إلا إذا كانت مغصوووووبة وبالغصب تييي

كيفها
مو غلط لو طلبت شي مثل هذا
تبي تدخل وتطلع على راحتها ما تبي احد يعرف عنها كل صغره وكبيره (متى طلعت وشكثر طولت ومتى ردت)
خصوصا ان انتي من النوع الي مبققه عيونج ومبطله اذانج بكل شي يخصج او ما يخصج وهذا واضح من تفصيلج لحياة اخوج ومرته ..

3) مايعجبها شي كله تنتقد مع إنها من عايلة حدها عادية

ها يعني لو من عايله كبيره ميخالف تنتقد !!
وانتي الحين في هالموضوع ما انتقدتيها ؟؟؟ الا شقيتيها شق ...
4) عمرنا ماشفنا عليها بدلة سنعة حتى يوم رحنا خطبناها صار مزااااد على المهرر أبيه عيب يعني بيعطيج 6 بعد اشتبين :eh_s(4):

خلي سالفة المزاد على كتر
شلج في بدلها ؟؟؟ لبست سنع والا كشخت انتي ليش حاره عمرج ؟؟
واااااااااااي محترة على أخوي وااااايد حبيبي
5) آخر شي الحين طالعتلنا بفنتق تبي تطلع من دوامهاااا وتبي تروح مكان راقي وفي رياييييل موهامهااا قالها أخوي يا أنا أو الدوام تخيلواااااا شنو اختارت @@ قالت خلاص أختار اني أغير الدواااااااااااام @@

طالعتلكم انتوووواااا بفنتق ؟؟ انتوا منو يعني ؟؟

اخوج الي متزوجها والا انتوا كلكم تزوجتوها ؟؟

وبالنسبه للخلاف الي بينهم فهذا خلاف بينها وبين اخوج انتي ليش شايله هم ؟؟؟

والله يابنات أمي مومقصرة معاها بولاشي تعاملها أحسن منا اللى إحنا بناتهاااا والله أكلها توديلها اياها لي عندهااااااا وخدامتنااا نظف شقتهااا وحدة ماتسوي شي تنطر الخدامة تيي تنظفلهاااا وتسويلهاااا حتى لما تتأخر بالليل عند أهلها أو شي تقوله عادي تقول حق أخوي انت معقد ومادري شنووو:0bee2e8d89:

بالنسبه لخدامتكم انها تنظفلها وغداها الي يودونلهياه هذي امور امج راضيه فيها وقاعده تسويها عن طيب خاطر
وين المشكله بهالشي ؟؟
انتي قصر عليج شي يوم خدامتكم نظفتلها والا ودتلها غداها ؟؟؟

وبالنسبه لرجوعها بليل فهذي سوالف عاديه تصير بين اي زوجين خصوصا الخلافات الي لها علاقه بوقت الرجوع من الطلعات
هذي مشاكل عاديه تصير بين اي اثنين متزوجين

انتي ليش حاشره عمرج وشاغله بالج ؟؟؟

وآخر شي البنت موهامهاااا راحت بيت أهلهاااا وحدة ثانية سنعة تقول ريلي أولى من الدوااام

صحيح لو وحده سنعه جان اختارت الزوج

بس انتي ما تدرين عن تفاصيل الخلافات الي بينهم

ولا المفروض انج تدرين

والي عرفتيه هذا عرفتيه من اخوج بروحه

ما سمعتي الطرف الثاني

وفرضي انها غلطانه من راسها لي ساسها انتي ليش معوره قلبج ؟؟؟؟؟؟؟؟:0bee2e8d89:

طبعا ردي واضح بين كلامج الي في ردج

ونصيحه مني

شغلي نفسج بأي شي

وبالنسبه لاخوج مالج غير انج تدعيلهم بالهدايه

 

[jana-nana]

انا مو متزوجه بس فييييي بنات كلااااااب والله ما يستحوووووووووووون ... صج نفس اللي نشوفهم بالمسلسلات ... اذا اخوج ما يبيها ومو مستحملها خل يقعد وياها وينزرهااااااااااااا ويتغير عليها عشان تعرف الصح من الغلط وان ما تسنعت شوفولكم صرفه

 

[&رعبوووبه&]

ويه يا ما بتحترين خصوصا مع الوقت لما تشوفين انه اخوج بدا ينحاز لها

وصدقيني هالاشكال ما تتطلق

الله يعين في ناس مرت اخوهم جكر وجسم ويـــــــــع صدر وبطن واهي بنت

لا ومو موظفه ووصخه وتدور السوالف ولا اخوهم مزيووون يجيب العافيه ورومانسي

واااااااااي لا تذكريني

بس على قولة البدو الخيل من خيالها اخوج اهو اللي المفروض يسنعها

 

[كيت كات]

هلا حبيبتي
انتي تبين راي
بقولج رايي
من ناحية تبي خدامة انا كنت جذي بالضبط بس كان غرضي اني اخاف
وعلى قولتج الشقة كانت كبيرة احطها باي مكان
ومن ناحية انها كانت تنتقد لهي يمكن هذا طبع فيها ومو عن قصد
مممممممممم
تبي تنعزل بالمدخل انا افضل ان مرت اخوي معزوله علشان تاخذ راحتها بالدخله والطلعه
وهم بعد علشان اللي خاطره يزورها مايحس انه مراقب او شي ج\ي
بسسسسسسسسسسسسسسسسس
انها تختار الدوام وتخليه
لا والله اهني العيب بكبره
انا اهد كل شي واختاره
بس حبيبتي
شرايج تشوفين وجهه نظرها ترا يمكن ماقالتها قاصدة والله
ترا في بنات ماكو اسلوب
وانا ماشفت عليها عيوب قوية
الطلاق مو هين
واهم توهم
الله يهدي سرهم يارب ويصلحهم
ويعطيج على نيتج الصادقة مبين عليج وااايد متاثرة على اخوج ياقلبي

 

[سلمى الخير]

الخيل من خيالها

واخوج الي عطاها ويه تتمادى

خل ياكل حصاده

 

[زوجي غرامي]

طبعا ردي واضح بين كلامج الي في ردج

ونصيحه مني

شغلي نفسج بأي شي

وبالنسبه لاخوج مالج غير انج تدعيلهم بالهدايه

اي والله انتي ليش شاغله بالج فيهم وايد
:denya:

 

[أم روعة]

حرام تحكمون عالموضوع من طرف واحد

يمكن هي عندها اسبابها بعد ... برايي لا تتدخلين بينهم وانشالله الله يصلح بينهم

 

[-Bello-]

الحل بيد اخوووج ..وعسى الله يهديها

 

[newq8ia]

شوفي اذا اخوج ما شكى انتي نصيحه لا اتدخلين
واذا اهو عاجبه وساكت كيفه واذا اهو يتشكى قوليله يصلح اموره ويوقفها عند حدها ويصرخ جم صرخه واتحس انه ريال
واذ مانفع يخليها