أحلى شــاي من أحلى ايديــــن

[طرقية]

أموت في الشاي _مشكورة ع الوصفات

 

[الدانة-81]

بنات ترى ماكو على شاي ليبتون الأحمر و الأخضر

و اللي تقول انها لما تروح عند ناس و تلقى شايهم أحلى من جايها هذا لأنهم يستخدمون نوع ثاني غير عن اللي انتي تستخدمينه


و ترى صج صج كل جاي يفرق عن الثاني

بيت ابوي يستعملون جاي الوزان مادري التعاون--وانا استعمل ليبتون
و أحس فرق فرق كبيــــــــــــــــــر بالطعم


حتى خواتي لما يزوروني يقولون جايج حلو!!!


بس عندي سر و لا تقولونه لأحد:

لما تبون تصبون الماي الحار على أكياس الجاي بالمطارة مو تصبينه كله مرة وحده---لا

صبي شوي (يعني استكانه) و هزي المطارة--ليما تشوفين الماي تلون
و بعدين ترسي مطارتج

و اللي تبي الجاي طعمه زعفران كثري منه--حطي قفشتين شاي من الزعفران

 

[a7La_3eMeYa]

الللللللله جاي ليمووون امم لذيييييييذ بيت يدتي يسوون انا احب جاي نعناع و ليبتون احلى جاي بالنسبه لي

 

[LUCK GIRL]

هلا وغلا بنااااات

عااااااااد انا غرامي جااااي الزعفرااان وماي الورد فوقه عذااااااااااااااااااااب

 

[جوري وبنفسج]

السلام عليكم

مشكورة يا قلبي على الوصفات الحلوة

بالنسبة لي أنا أحب شاي الربيع بكل أنواعه الأسود والشاي الأخضر مع الياسمين يجنن ريحته منعشة :eh_s(17): ولما أسافر أول شيء أحطه بالجنطة شاي الربيع ( مدمنة شاي ) وخصوصاً الدول الأوربية شايهم مالغ وماله طعم وشاي تركيا أسود وطعمه مو حلو .

اللبتون أخترب طعمه مو مثل أول

وشاي أحمد أحسه عادي

وبالنسبة لطعم الشاي المميز والمخدر سره أنه يسون شاي الورق بالغوري بعدين يحطونه بالمطارة ​

 

[Eng.shosha]

مشكووووره



بالنسبة لي

أحب شاي أحمد وشاي تويننجز



أنا أضيف للجاي

زعفران


أو نعناع لتغير الطعم

أحسه


مر بدون النعناع أو الزعفران

وحتي الحبق


يخلي طعم الجاي حلو

ايي حتى احنا نستخدم جاي أحمد ايييييييييييييينن صج طعمه جاي .. وأحط معاه زعفران وشووووووووووية هيل
بس عشان تصير ريحته حلوه .. ومرات نعناع فريش .. يطلع كده :eh_s(15):

خوووش موضوع .. يعطيج العافيه

 

[lona28]

والله حبيبتي لا يعلى على الشاي الي اشتريه من عالم الشاي صج روعه في انوا وايد ومقاديره مضبوطه في شاي اخضر بالفواكهه وشاي الليمون روعه واليانسون ما استغنى عنه شاي مدغشر اشتريه من المارينا

 

[LUCK GIRL]

المقادير:

2 كوب ماء
2 كبس شاي
عود قرفة
6 هيل مكسر
حبة قرنفل
¼ ملعقة شاي زنجبيل بودرة
2 ½ كوب حليب
1/3 كوب سكر
كريمة خفق محلاة + قرفة مطحونة + عود قرف




طريقة التحضير:

في الطنجرة على النار اخلطي المقادير الستة الأولى.

اتركيها حتى تغلي، اتركيها على نار هادئة مغطاة مدة 5 دقائق.

أضيفي الحليب واتركي الخليط يغلي مدة دقيقة واحدة.

صفي الخليط ثم أضيفي السكر وحركيه حتى يذوب.
ضعي على الوجه الكريمة ورشيه بالقرفة وزينبه بعود القرفة.[/B][/SIZE][/FONT][/QUOTE]

 

[استقلال الحلوه]

اشكرج حبيبتي اهو اهم شي شااااااااااااااااي

 

[جوك احلى جو]

ليبتون احسه بيور

 

[LUCK GIRL]

شاكرين مرورج جوك احلى جو

 

[المحاماة فن رفيع]

مشكورين وااااااااااااايد على الافكار الحلوه واليديده اللي علمتوني اياها في صنع الشاي لاني بصراحه ما اضبطه كلش زززززززززز

 

[رائحـة المطـر‘]

بصراحة أنا ما أحب الجاي واجد بس بيتنا تقولين صعايدة ما يقند راسهم بالقهوة لأ لازم يشربون بعدها جاي هههههههههههه !!

المهم أميمتي حبيبتي تشتري جاي أحـمد علبته خضرا غامجه و عليه خط أحمر و اهو تي باقز مو ورق و جزاكم الله خير

و يعني شنو جاي فله ؟

و يالله يا حلوووه نبي طريقة الجاي العراقي

 

[D!@MOND]

شاي توينجز الاخضر بالياسمين روعه :$

مشكورة على هالطريقة

 

[LUCK GIRL]

بنات حابة اسال عن مكعبات الشلي باللبمون وغيرة عند روووعة للضياافة

منو جربتهااااااااااااااااااااااا

 

[sweet noni]

يعطيك العافيه حبوبه موضوعج روووعه

انا احب شاي ربيع اكسبرس من جد رووووعه وامخمخ عليه :d

واضيفه مع ملعقه صغيره شمر يخلي نكهته رووووعه غير اني اقدر الشمر زين للقولون وللمغص والانتفاخ

ومضاد لرائحه الكريهة للعرق .

وهم احب اشرب الشاي مع القرفه.

واحب الشاي الأخضر مع النعناع وخصوصا شاي من وادي النحل .

وبالنسبه لطريقتي لعمل اي شاي بس اغلي الماي واحط من الشاي اللي ابيه مع الاضافات في كوبي المفضل

واصب الماي المغلي واخليه يتخمر خمس دقايق قبل التقديم .

والحين ابروح اصلح لي شاي بنعناع حق اختي لان ام علي شرفت عندها ولازم نقوم بواجب الضيافه :eh_s(6):

 

[LUCK GIRL]

وناسه
بس شنو شاي الشمر


في وحدة اسمعا روعة للضيافة اتبيعج الشاي بنكهات
وهذا رقمها
66607287

 

[ام حسين 87]

الله يعطيج العافية حبيبتي
كل الأنواع اللي ذكرتيهم حلوين و بجربهم​

 

[فلونة احلى وردة]

واي شهيتوني
غرامي الجاي
وجاي ريد ليبل التي باق
روووووووعة
وبعد توينجز الاحمر شاي الفطور الانجليزي تستعملة المطاعم اللي تتميز بالجاي الحلو
مو المطاعم اللي جايها ماي مايوه لاو غالي وييييييييع
احب اللي مخدر ووسط
وسمعت من واحد انة يخلط بانواع الجاي يعين ليبتون وريد ليبل وربيع وجذي ويطلع الجاي ينن
يعني خلطوا خلطات وشوفا
انا الحين اول مرة اخلط توينجز الاحمر مع 3 ريد ليبل وزعفران وشووووووووووية هيل الله يستر حيل مدحتة لزوجي
الله يستر من الخلطة

 

[ام ابرار]

مشكورين على انواع الجايات ( جمع جاى ) ههههههههه واللة صج فية طرق مانعرفها وترا عمل الجاى فن بروحة عند اليابانيين واحسن جاى عندى انا لين الحين جاى احمد