أحس نفسي تغيرت صرت شريره

[قَلبيْ صُويبكْ !]

,


لآ حول ولآ قوه إلآ بـ آلله

وآلله مآلومج إللي صآرلج مو شويه , بس لو مخليتهآ ع ربج أفضل
صدقيني مهمآ تسوي ربي رآح يكشفهآ وآلحق يبين

بس سآلفه طلآقج غريبه !

 

[زعلـوه]

رددي دائما ( اللهم أجرني في مصيبتي وأخلف لي خيرا منها )

 

[للصبر اخر]

لاحول ولاقوه الا بالله
انتي من البدايه غلطتي انج احتكيتي باهله لانه معروف اهل الزوج ماتطحين معاهم الميانه
ويوم عرفتي سوالف حماتج المفروض تتهربين منها من غير لاتبيين لها هالشغله
الحين الكلام مايفيد لانج تطلقتي وربج فوقج ياخذ حقج منها واللي سويتي غلط والله يغفر لج

 

[بالحييل أحبك } ..]

حبيبتي شحن ..
اللي صار صار خلاص .. وأنا ما راح أعاتبج لأن عتابي ماراح يغير شيء بالموضوع والله لايلومج
لو تطلقت البنت فـ هذا لانها أظلمتج وكما تدين تدان
ولو ما صارلها شيء فـ ربج ستر وله حكمه صدقيني ..
أنتي لا تبلغين أحد باللي سويتيه لأن محد راح يوصل لأحساس حرجتج بالضببط ..
وماتدرين يمكن طلاقج خيره حياتي .. والله يرزقج باللي أحسن منه

 

[فوشية...]

ياقلبي عليج


باين عليج طيبه وع نياتج ماتستاهلين اللي صار لج


لاتفكرين بالموضوع واجد خلاص اللي صار صار


وهذا اللي الله كاتبه


وهذا اقل شي تسوينه لها مو كفايه شوهت سمعتج وخلتج تتطلقين


حسسبي الله ونعم الوكيل فيها


عيششي حياتج وانسسي وعسسى ربي يعوضج باللي احسسن منه

 

[توووفية]

كان مفروض توكلين رب العالمين ينتقملج منها والله كان بوعضج باللي احسن منه لانج انظلمتي انا حاسه فيج بس غلط تالبي سويتيه باللي سويتيه جنج تقولين حق ربج انت مو موجود استغفر الله مفرووض ايمانج فيه قوي وانه راح ينتقملج وياخذ حقج

 

[الغنج والدلع]

المفروض اخوج يتكلم ويقول الصج لطليقج حرام جذي شوهو سمعتج اخوج شلون يرضي بهالشي الله يعينج ياقلبي وإللي سويتيه غلط لكن ماتنلامين اكييد كنتي تحت ضغط نفسي ومقهوره وماعرفتي تتصرفين ادعي ربج ياقلبي الله يفرج همج ويوريج بإللي ظلمتج حوبتج حسبي الله ونعم الوكيل على كل ظالم دايم إللي قلبها أسود وظالمه ترتزق سبحان الله دنيا غريبه والله يعينج ويفرج همج وكلي امرج لربج وغسلي قلبج من الاحقاد والكره والله يرزقج ان شاء الله

 

[ريماس77]

يعل حوبتج ماتعداها حسبي الله ونعم الوكيل

 

[Tutti-Frutti]

بـصـراحـه بـصـراحـه
عـجـبـنـي الـلـي سـويـتـيـه
وانـشـالله ايـيـب نـتـيـجـه
مـا احـب اتـشـمـت
بـس هـم مـا احـب احـد يـظـلـم
وانـتـي انـظـلـمـتـي الله يـلـوم الـلـي يـلـومـج

ويـارب يـعـوضـج خـيـر

 

[جناان الورد]

رد : أحس نفسي تغيرت صرت شريره

سبحان الله كماتدين تدان
انتي ماسويتي شئ يمكن هذا شئ ربي اللي خلاك وسخرك تسوينه لانك مظلومه والله أعلم
بس بصراحه الغلط على اخوك ليش مادافع عنك بصراحه غلط

 

[جنيه ظفيريه]

لا حول ولاقوة الا بالله الدنيا صايره اتخوف بس المفروض انتي من الاول ماتطيعينها لازم اتحطين ابالج انها راح تقلب السالفة عليج وانا ماالومج عاللي سويتيه من الحره اللي بقلبج بس هم تخلين ربج ياخذ حقج الله يسامحها ويسامحج والله يعينج ويرزقج باللي يسرج

 

[صعب غلاها]

اهيا بدت والبادي اظلم

وانا الصراحه ما الووووووومج لانه اختها كل حقاره الدنيا موجوده فيها

وتستاهل اللي بيصير لها لانه هدمت بيت

 

[*بسبوسه*]

مافي وقت للندم الحين ولكمة لو ولو

صار الشي وانتهر تطلقتي وانتي انتقمتي
انتقامج كان من كثر ضغطج النفسي

انتي الحين مستحيل تروحين تقولين انا اللي دزيت المسج وسويت جذي عشان اهيا دمرت حياتي لان بتركبين نفسج التهمه وبيقولون ان انتي فيج بلا من زمان
فاسكتي واستغفري وتوبي انج ماراح تضرين احد طول عمرج بهالطريقه
وربج يبي جذي يبي يفضح هالبنت بهالسرعه ويبي انها تنفضح على ايدج مثل ما تبلت عليج
اسكتي ولا تقولين شي ويمكن هذا من صالحج
وزوجج انشالله يردج ولا تلومينه انه صدق اخته وجذبج لان اخوج بعد اثبت عليج التهمه بسبت التلفون


بس سؤال انتي دازه من رقمج الخاص هالمسج ولا من رقم ماعليه بيانات عشان لا يصير عليج اي اشكال

 

[بنت عطا]

احسن زين سويتي فيها الحقيره

 

[انصاريه قمره]

مادري والله شقوول صدمه
معقوله في ناس جذي حيايه بينا وما الوم على اللي سويتيه بصراحه معنه كان غلط بس الله يلوم اللي يلومج

 

[الكــــــــايدهـ]

ياقلبي الله يفرج همج ،،، الي سويتيه مو غلط بالعكس من صالحها تدرين ؟؟؟

لأنها لو اخذت ولد عمتها وهي مكلمه اخوه ماراح تستمر معاه مستحيل يسكت اخوه الي كانت تكلمه لأنه يعرف سوالفها مستحيل يخليها

اذا خلاها ولد عمتها الي بياخذها خيييره لها ،، وهي جزاها عند رب العالمين وانتي الله بيكتب لج اجر الله ماراح يضيع اجرج لأنج سترتي عليها حتى عقب السالفه ما قلتي انها كانت تكلم اخوج

مع انها مو كفو ولو تفضحينها ماعليج شرهه ،، بس بنفس الوقت قاعده تسترين على اخوج عشان لو عرف طليقج انه كان له علاقه بأخته بتصير مذبحه


الله يوفقج وينور دربج وان شاء الله الحياه قدامج حلوه ،، احمدي ربج انج ما جبتي منه عيال انسيه خلاص دام هذي اخته ماراح تخليج لو رديتي له


اسفه على الإطاله بس قصتج حيل عورت قلبي والله يكتب لج الأجر ان شاء الله لانج طيوبه وعلى نياتج والي سويتيه مو غلط لا يأنبج ضميرج ابدا

 

[الكــــــــايدهـ]

واصلا اصلا هالبنت يبيلها شي يوقفها عند حدها ويعلمها ان الله حق عشان تتوب وتعقل

والي سويتيه ان شاء الله بيوقفها عند حدها ويخليها تصحىى


والله هالبنات مادري ليش يسوون جذي يعني ما يسوى كل هذا تضيعين اهلج وسمعة عائله كامله عشان لعب ومغازل وتفاهه

 

[ام هلال]

...........لو فوضتي امر لله ............
بس صار اللي صار وانتي الله يعوضج بالزوج الصالح

 

[زمرده]

رد : أحس نفسي تغيرت صرت شريره

تدرين انتي غلطتي بعد

وغلطتج كبيره ويمكن هذا عقابج والله اعلم

سامحيني اذا قسيت عليج

بس الكلم اللي بقوووله اهو الصج


انتي من البدايه شلوووون سمحتي لها تكلم شباب جدامج

واهي اعترفت انه اهلها مايرضون تروح مع السايق وانتي رحتي سهلتي الطريج لها

والله اللي سويتيه غلط x غلط

لازمي الاستغفار حبوبه

والله يعينج ع مصيبتج ويعوضج بافضل من زوجج

بس هالمره ابتدي صح

ولا للمجاملات على حسسساب الدين

الله يسامحج بس ويعيينج

 

[عهود الحب]

رد : أحس نفسي تغيرت صرت شريره

شوفي عمر الانتقام ما يبرد حرة المظلوم
انتي شفتي الاخت شلون صايرة
شلون بتكون حياتج ؟
الله ما كتب لج استمرارية مع هالانسان


الخبيثون للخبيثات والطيبون للطيبات

انتي مو من نصيبه خلاص
انسيه

و خلي حياتج تمشي
صار فيها شي ما صار مومهم
خلاص ابدي صفحة جديدة بحياتج



الموقف الي صار لج مكتوب يعني قضاء و قدر
اقبلي حكمة ربي
و اعتبري الي صار من صالحج


لأنه و إن تكرهوا شيئا ً وهو خير ٌ لكم
ما تدرين وين الخيرة في الأمر

ماتدرين


امورج بتتعدل بس انتظري شوي

و مثل ما قلت لج


اقتربي من ربج و خليها على رب العالمين
يا حلوها القعدة فوق السجادة وتلاوة البقرة والتوجه لله سبحانه
تحسين عقبها بترتاحين نفسيا



والهم ان شاء الله بيزول


بس يبيلج تصبرين
ومن صبر قدر