انا قبل لا يدخلوني الولاده يتني الدكتوره سناء وقالتلي انا بحط لج طلق صناعي واذا حسيتي انج تعبتي و مو قادره تتحملين عوار الطلق قولي حق السسترات انج تبين كمام واذا ما تبين كمام طلبي ابرة ظهر .. وصج اول وما زاد علي الطلق وصار كل 5 دقايق جان اطلب كمام بس كان وايد قوي وما حبيته لانه قمت اهلوس منه
جان اطلب ابرة ظهر والله العظيم ثواني ولا اشوف دكتور التخدير داش ومعاه الابره .. صج صج صج عجيبه جني جذابه قعدة اسولف مع امي وريلي ولا جنه فيني طلق
ترى والله الولاده ما تخوف بس الي يتعبج الطلق فنصيحه جربي الكمام اذا ما عجبج اخذي الابره .. واقولج شغله في مستشفى الشركه عندهم جل يحطونه حق عنق الرحم عشان يوسع الرحم ويخدر العوار وهذا الجل لو تفرين كل المستشفيات الخاص ما تلقينه عندهم و وايد بنات اشتروه من برى حتى سعره 60 دينار .. انا حطولي الجل اول ما بدى الطلق معاي وصج خدر الالم
