أبي نصيحه ؟؟!!

[الجود دهن العود]

بنات انا مدرسه وخبرتي 8 سنوات والحين بنوتي وحيدتي الله يخليها لي بتدخل أولى ابتدائي


بس أحس على قولة المثل( باب النجار مخلوع )

لانها حيل عنيييييييييده ودلوووووووعه وانا حدي عصبيه تنرفزني بسرعه وكله صراخ

اخاف باجر اذا بدرسها أصرخ عليها على أدناة الدون واعقدها

وبعدين انا حيل اهتم بالتدريس من وسائل وورش وخرابيط تاخذ وقتي

شلون أنظم وقتي وياها الله يعيني عليها << هذا وانا ماعندي غيرها شلون لو أكثر



لا تحرموني نصايحكم فديتكم

 

[رزه مرتزه]

اول شي الله يخليها لج يااااارب

وبنتج سهاالات ان شاءالله خصصي وقت معين اتدريسها

يعني اذا انتي من النوع الي لازم يقيل يعد القيلوله ابدي درسي بنتج .. يعني من 5-6:30 جذي كاااااااااافي حق كل المواد ..

وبعدها سوي شغلج على فراغه ..

يعني بدي بنتج عليج عشان اذا بديتي تسوين شغلج ما تحاتين وتقولين وراي بنتي وجذي

واذا عالعصبيه انتي اخذيها انج بتلعبين معاها لعبه انه انتي ابله وهي طالبه

وعسى الله يوفقها يااااارب ويوفقج

ادعيلي ..

 

[LA TROO7]

حبيبتي

ان شاءالله تفرحين بتخرجهاا

طولي بالج عليها لان اول سنه مهمه حيل ومنها يتحدد مستواها
شجعيهاا داايم خليها تحب الدراسه لانج اذا تعبتي وياها اول سنتين خلاص برتاحين وراح تدرس برووحها
وان شاءالله يكونون ابلاتها زينين

لاتحاتين وادعي لهاا دايم

 

[الجود دهن العود]

رزه ولاتروح مشكورين على النصيحه والله يعيني

بس موجنه شوي من 5 الى 6ونص وانا اسمع العربي حيل يكتبونهم واجبات

 

[الجود دهن العود]

أب أب أب

 

[¤§ زيتونة §¤]

فديت البنات يختي




وانا بعد نفسج والله بعد بنتي الوحيدة حبيبتي بتروح اولى ابتدائي

وتصدقون اني نقلت من مبارك الكبير التعليمية الى الاحمدي لعيونها عشان اقرب يم بيتي واكون قريبة من مدرستها




الله يعينج حبيبتي ان شاءالله ويخليها لج يا رب وتفرحين بشهادتها اللهم امين


مثل ما قالو لج البنات اختاري وقت اهيا وانتي مصحصحين بعد المغرب تنامون وترتاحون وتقومون تدرسينها وتجيكين عليها



انا الصراحة افكر ادرسها اول ما ترد من المدرسة تحل واجباتها وتحفظ وارد اجيك عليها بعد المغرب ...... ان شاءالله اقدر

 

[الجود دهن العود]

والله يازيتونه الكلام سهل بس بنتي عوووووووووووووووبه ماتتخيلينها واللي تبيه تاخذه واذا عندت وقلت لا تخيلي تقعد بنص الليل يمه أبي ........؟؟ الشي اللي منعته عنها

الله يخليلج بنتج ونفرح فيهم ان شاء الله
ويعينا على تنظيم الوقت والصبر


مادري شفيني أحاتي مع اني عندي خبره من صغري وانا شاطره وادرس بنات اختي وبنات اخواني

 

[سوسه كويتية]

اب

اب

اب

 

[الجود دهن العود]

اب

اب

اب

رفع الله قدرج ياراما

 

[ضحـاوي]

الله يخليها لج ,, وتفرحين فيها يارب

اول سنه يبيلج تسايسينها حييييل وتتحملين

 

[رزه مرتزه]

هلا حبيبتي شووفي انتي الظاهر حيييل مدلعتها

وترا هذا غلط مو عشاان وحيدتج خلااااااص

لا لازم تعررف الغلط والصح

يعني لاقعدت نص الييل قوليلها هذا مو وقت طلبج هذا وقت النوووم

لاوم شويه شده بس مو عاد تصيرين نسره لااااااااا

يعني شدي ورخي

انتي الحين مدرسه وتدرسين كذا صف

هل انتي دايم تشدين معاهم

ولا تشدين وترخين

وترا ساعه ونص كافيه وايد للطفل بهالعمررررر

لا تكرهينيها في الدراسه بروحها الصبح كله دراسه هم بعد بتلحقين الدراسه للبيت ويروم يومها كله عالدراسه


لاااااا اكيييد العربي بياخذ اكثر الوقت والانجليزي بعد والرياضيات لانهم يوميا عليها

لكن العلوم والاجتماعيات والاسلاميه لا يوم وترك

وعسى الله يخلييها لج يااااارب