أبي أفتح هالملف وابيكم تساعدوني نخليه عمل خير (عمليات العظام-الديسك-الرقبه-الركبه)

[ام طلال]

رد : أبي أفتح هالملف وابيكم تساعدوني نخليه عمل خير (عمليات العظام-الديسك-الرقبه-الركب

سوفتي حبيبتي والله مستمرة على الدوا قال لي لي 15 يوم ولازم اتدفى عدل وابتعد كثر مااقدر عن التكييف
انتي شلونج؟

 

[softlady]

رد: رد : أبي أفتح هالملف وابيكم تساعدوني نخليه عمل خير (عمليات العظام-الديسك-الرقبه-ا

سوفتي حبيبتي والله مستمرة على الدوا قال لي لي 15 يوم ولازم اتدفى عدل وابتعد كثر مااقدر عن التكييف
انتي شلونج؟

انا الحمدالله حاليا وضعي مستقر

اتصدقين ام طلال

تكرمين الف السوق ما الاقي كعب قصير الي طوله صبع او صبعين اضطريت اوصي عليهم كل الي بالسوق عماره موكعب

الحمدالله على العافيه

وخري عن التكييف

ولا تحطين مطاره حاره هم مو زين خلج على الوسط

وصدقيني طول ما انتي تتبعين هالكلام وتحافظين ماراح اييج عوار

 

[softlady]

اب

اب

اب

 

[يارضاها وقف وناظر شوي]

بنات ..

بعد معاناة 9 سنوات ..


من اصابة ركبتي ..

قررت اسوي عمليه ..

ودكتور حسين قوعان .. نصحني .. بمنظار ..

بس هو ماحبيته .. حسيته ششويه مادري ..

ناقد على .. مع انه لما رحت له كنت .. طايحه وذبحتني بالعوار ..

سؤالي ..

تنصحون اسويها وين .. .؟؟؟

ووين احسن دكتور للركبه ..

انا رحت الشافعي .. وقالي لا تسوين عمليه .. مهما قالوا لج ..

بتركضين اسبوعين .. وعقبها ماتقدرين تمشين

بس ما قالي بالضبط ششنو فيني ..

قالي ركبتي مو بمكانها ..

شتنصحوني فيه ..!!!!!!!!!!!!!!!!!!!!!!!!!!!!

 

[GaLaXii]

الله يشفيج حبيبي..
حاولى تعالجين شعبي..ماشاءالله عندنا وايدين اللي يعالجون شعبي.. والله يشفي كل المسلمين والمسلمات

 

[جنون العشق]

السلام عليكم ورحمة الله وبركاته ...

انا بنقل لكم تجربتني شخصيا وتجربت اخوي واتمنى انكم اتحملوني لانه سالفتي طويله.. انا الله يسلمكم كنت اعاني من ديسك بفقرات الرقبه سنين طويله الم فضيع وطبعا جربت مساج وعلاج طبيعي لكن ما كوفايدة فاخواني بعد قلبي كانو يحاتوني حيل لما شافوني اعاني حيل من الالم وماقصرو حبايبي سفروني فرنسا لانه لو يقررون لي عملية العملية بالرقبه مكانها شوي صعب لانه قريب من النخاع الشوكي المهم سافرت فرنسا لدكتور ذكروه لهم ناس وكان مسوي لهم عمليه والحين اهما ماشاءالله شفو تماما الحمدالله وبالصدفة لما رحنا هناك عرفنا انه اهوا الي مسوي عمليه حق وحدة نعرفها من نسايبنا ماكنا ندري انه اهوا الي مسويلها المهم لما شاف اشعتي طلب مني اشعة ثانيه مقطعيه وطبعا لا تشوفين الفرق بين هني وهناك انا سويتها بمستشفى مبارك فصخوني كل هدومي والاشعة حق رقبتي ما ادري ليش !!! وهناك ما طلبو مني افصخ شي الا اذا حجابي فيه شي حديد واذا مافي مو مشكله وطلعت الاشعة بعد ساعة اواقل بعد وبعدين رحت للدكتور مرة ثانيه لما شافها قال انتي لازم عمليه انا قالي عمليه بصراحة خفت شوي وقلت له يعني مافي حل غير العملية قالي اكيد في علاج طبيعي بس مو بحالتج انتي لازم عمليه وعمليتج جدا سهله وبالمنظار وقالي العمليه وايد تطورت اول كنا نفتح فتحه بالرقبه من ورا وكانت شوي فيها خطوره الحين نفتح فتحه بالرقبه من جدام صغيرة جدا وتكون تجميليه بعد وماعاد في خطورة بالنسبه للنخاع الشوكي في جهاز يحطونه اثناء العمليه مثل انذار علشان مايقربون صوب النخاع الشوكي وبصراحة هذا الشي طمني حيل وقالي في كويتي انا مسويله عمليه قبل شهرين او اكثر انا مو ذاكرة بالضبط وكانت بالظهر والحين ياي يسوي العمليه الثانيه مثل عمليتج فيكي تساليه قبل لا تعملي اي شي <<طبعا الدكتورفرنسي من اصل لبناني المهم سألناه وتطمنا وقررلي العمليه بعد اسبوع المفروض قبل بس عندة سفرة لمأتمرالمهم وقت العمليه نزلوني غرفة العمليات وانا بالانتظار طبعا خلط مالهم شغل اتلفت يميني ويساري كله عيايز وشياب الي بيسون عمليات بس انا شباب لوووول لانه اهما كل عملياتهم بسبب الكبر والحمدالله سويتها وقعدت خمس ايام بالمستشفى لانه ارتفع ضغطي شوي مع انه مافيني ضغط بس اهما خبه الضغط عندهم مصيبه وانا الحين صارلي من سويتها سنتين ماشاءالله والحمدالله مافيني الا العافيه اللهم لك الحمد واخوي سوا نفس العمليه عند نفس الدكتور السنه الي طافت ماشاءالله وتحسن اللهم لك الحمد فأنصحكم يا بنات لا تسووووووون عمليات بالكويت نصييييييييحة وخاصتا اذا كانت بالرقبه او الظهر وادري اني طولت عليكم لا تواخذوني سامحوووووني وهذي تجربتي شخصيا واي شي تبونه انا حاضر والله يكتب لكم الي فيه الخير ياااااااارب ...

بس ابسال عن عمليه اخوك الديسك باي فقره ومنو سواله بفرنسا




عفيه ابي بيانات عن المستشفي والدكتور وكم كلفتك وماقصرتي

 

[غير كل الناس]

شلونكم بنات

سوفتي حبي شخبارج

انا بشيل البلاتينيوم اللي بظهري وكل مارحت قالو لي مافي سرير حسسوني اني بمستشفيات البصره

 

[++The DuchesS++]

الله يشفيكم بالقريب العاجل يااااارب

 

[زود الغلا]

يارضاها انا تقريبا نفس مشكلتك بس على اكبر ...انا ولدي طاح على ركبتي وطلعت ركبتي من مكانها وتعبت حيل شهر كامل جبس ومن كثؤ ما اعتمد على رجلي الثانية قامت تعورني وسويت اشعة رنين مغناطيسي وطلع عندي تضخم بالاربطة وضعف في العضلة الامامية الرباعية ومستحييييييييل اصعد درج او البس كعب عالي وحملت عقب سنة والله قدر اني حملت بتوام فصارتلي قصة ثانية وبعد الولادة ب3 اشهر عورني ظهري وسويت اشعة مقطعية وطل معاي دسك ياااااااااااارب سترك وانا عمري الحين 29 والله احس اني عجوز يالله اقوم واصلي قاعدة واذا جندست ما اقدر ارفع نفسي ولوعوا جبدي الحكومة سولي علج طبيعي غلط وخليتهم يولون ورحت حق د وليد التنيب وقالي لالالالالالازم عملية حق ركبتي ومستحييييييييييييل اسويها حاليا وبالكويت نوووووووو ...الله يشفينا .

 

[مسطره واقلام]

softlady حبيبتي ما تشوفين شر انشالله انتي والبنات الحببوبات الي يعانون من عوار الظهر والركب وغيره وغيره
بالنسبه حق اللي يعانون من الدسك
اذا تبون نصيحتي انا طالبه وتخصصي هالاشياء ما انصحكم بالعمليه وخلوها اخر الحلول على قولتهم اضعف الايمان لجأو اول حق العلاج الطبيعي لانه وااايد مهم لمثل حالتكم واستمرو وواظببو لانه الشغله مو سحر يبيلها صبر واستمراريه ووانشالله تتحسنون وما انصحكم تروحون خاص روحو الحكومه لانه العلاج واحد والخاص ماراح يعطونكم شي زوود وانصحكم بمستشفى الرازي ومبارك اللي يشتغلون هناك وايد شطار وفي كذا وحده اعرفها شتغل هناك زينه اي وحده تبي اساميهم تقدر تراسليني عالخاص

وفي دكتور يشتغل ب مستشفى دار الشفا اسمه سعود العبيدي دكتور وااايد زين وشاطر ومحترم وتخصصه (spin) ظهر اهوه يدرسنا بالجامعه عن نفسي ما جربته بالعلاج بس بالجامعه لمن يتحجى ويشرح يبين انه وايد فاهم وعارف شلون يعالج
واللي تبي تسوي العمليه (مابذنها ماي يعني p: ) خل تراجع دكتور وخل يشرحلها شنو العملية بالضبط لانها مو سهله وهاذا ظهر وفيه اعصاب واي شي لا سمح الله ممكن يأثر على الجسم كله و خل تييب ورقه وقلم وتكتب الايجابيات والسلبيات بعدين تقرر
واتمنى عطيتكم معلومات تفيدكم وانشالله ما تشوفون الا كل عافيه يارب

......تحياتي مسطره واقلام......

 

[krkosha]

ثنيب وبن نخي بالشفا وايد زينين امي كانت شبه مشلوله وكانت ماتتحمل تحط الكفر على ريولها من الالم اللي فيها الحمدلله سوت عمليه عندهم ب 2008 وايد تحسنت بس خربو شي ثاني اللي اهوه خذو عظمه من ريولها وحطوها برقبتها وااايد تاذت صار ضغط على رقبتهاا

شوفي انا اعطيج ياها من الاخر امي الحين 6 سنين واهيه تعاني من دسك الظهر ودسك الرقبه وعصبها حيل تعبان وركبها متفتفتين هشااااشه

الدكاتره اللي نفعو معاها عبدالرزاق العبيد وثنيب وبن نخي (بس طبعا عبدالرزاق احسن واحد)

وراحت مستشفى الامريكي اللي بدبي حده فااااااااااشل وحراااميه ومسكينه اول ماوصلت المستشفى السستر سوت حركه غلط خلت امي اطيح على ظهرها وعفست الدنيا تدهورت حالتها وقالولها علاجج مموعندنا ردي الكويت

اما اللي صج صج صج فااااااهمين المانيا ودكتور حسن خاجه الفضل لله ثم لهالدكتور الله يحفظه من كل شر انسااان فاهم وعارف اللي يسويه وعلى فكره المانيا ركبت لامي بطاريه ببطنها تضخ الدوا لان العوار اللي فيها موووووطبيعي ولكن واهيه راده الكويت انقطع واير البطاريه داخل جسمها وردت الكويت دكتور حسن خاجه سوالها عمليه وعدل البطاريه وضبطها والله حلااال عليه كل فلس ياخذه عساه يتهنى فيه

الحين اذا مشكلتج عظام روحي حق عبدالرزاق واذا اعصاب روحي حق حسن خاجه

وترا على فكره اهيه ماكو دكتور ماراحت له بالحكومه والخاص وابوي دفع الاف مؤلفه ومافاد معاها غير هالددكاتره

 

[krkosha]

بس للامانه امي نفسيا تعبت وماقدرت تتحمل المستشفيات والعمليات لان وايد تعبثو فيها
يعني لوكانت مهيأ نفسها نفسيا جان تجاوبت مع العلاج بشكل اسرع وتحسنت حالتها اكثر

يعني نفسيا خلج مرتاحه دايما خلج ايجابيه وانصحج بالعلااااااج الطبيعي ولاتقطين روحج بالفراش وتقولين عوااار لاصدقيني حيلج بالعلاج الطبيعي والسباحه ثم السباحه ثم السباحه

ادري قرقت وايد بس هالكلام يفيدج ويفيد غيرج ومابي يصير لكم اللي صار بامي والله يحفظكم نشالله ويشافيكم يااارب

 

[++The DuchesS++]

انا قبل اسبوعين سويت حادث جايد والحمدلله الله ستر
وتكسرت عندي الركبتين وسويت العمليه والحمدلله
وحده منهم شبه مفتته تقريبا 10 اجزاء حيل اوسوس خايفه تصير مضاعفات
اللي فهمته من الدكتور ما ترد نفس قبل تماما احتمال كبير خشونه مبكره والله المستعان

 

[زود الغلا]

ياااااااااااااااااااارب يشافينا اجمعين ...قبل اسبوعين رتجعت التنيب وحولني على دكتور حسين قويعان المطيري وحيييييييييييييييييل مدحلي اياه وقالي التنيب روحيلة وخلية يشوف اشعة ركبتك اذا يقدر يسويها بالمنظار احسن لان التنيب يسوي شق 10 سم ااما حسين لا بالمنظار وعوار اخف ولما رحتلة كان حيل زحمة وماستقلنا وبروحلة انشالله مرة ثانية ...اي نسيت اقولكم قالي لالالالالالالالازم اسوي عملية لانه الركبة بادية تتاكل الله يشفينا .

 

[.. مـــلاكـ ..]

الله يشافيكم و يشافيني
انا اعاني من الديسك
والله نفسيتي تعبانه
ماقدر امشي وايد وماقدر اقعد وايد
بسرعه اتعب .. والعلاج الطبيعي احسه مافاد معاي !!
بنات المفروض بعد جم جلسه احس بتحسن من خلال تجاربكم ؟؟؟
وصج العلاج الطبيعي يبيله وقت طوووويل ؟؟
ومنوو جربت الابر المسكنه ؟؟؟


عفيه اللي تعرف تفيدنا

 

[ashwaq000]

انا مو من الكويت من السعودية بس احب افيد اي احد يتصفح المنتدى

انا كانت عندي مشكلة عويصة بالعمود الفقري والحمدالله الله سخرلي افضل الدكاترة بالسعودية وهم موجودين بمستشفى الملك فهد بجدة
الحمدالله عملي العملية دكتور مهدي باصي وهو جدا متعاوون ودكتور خالد جمجوم وتكللت بالنجاح الحمدالله

طبعن ماتتخيلو وش موجود بظهري الان من اسياخ ومسامير وخطافين كلها مسببة لي ثقل بالظهر

وافكر بعد سنتين الى 3 سنين اشيل الي بظهري والله ييسرها ويسهلها ليا ويخرجني منها طيبة

وعلى فكرة المستشفى يستقبل اي حالة من الخليج العربي

 

[cheese cake]

وانا بعد نفس الحاله بالرقبه والظهر
الله يشافينا

 

[الباسمه]

ليش الموضوع قديم

جد استفدت منكم
بنات كملو تجاربكم وتجارب اهلكم غيرنا يستفيد ويدعي لنا بالشفا

انا عندي الديسك الفقره 4 و 5 الي تصيب اكثر الناس
وصارلي ست سنين اقول الم وعوار يجي يومين والثالث اتعافى بس طبعا خليت الكعوبه والاحمال الثقيله والقعده عالارض
المهم كان الدسك سنتر يسمونه الي اهو اخف ضرر مايلمس العصب
وقبل شهر او اقل طلع كله ناحيه اليمين ولامس العصب
ماتتخيلون الالم عساه مايجيكم
المهم ماخليت مسكن ولا ابر ولا نفعني
ساءت الحاله
ورحت لحذيفه بن نخي
ونادى التنيب وقامو يكلموني انه سوي العمليه يقنعوني بتركيب دعاميه الي اهو استبدال الغضروف الي يسمونها العمليه الكبيره فتح الظهر
طبعا ماقتنعت بعدين قالو فيه عمليه منظار اخف بس يرجع الدسك بعد اسبوع او سنه حسب الحاله!!!
ماعجبني كلامهم وكنت متأذيه حيل من الالم
قلت ابي اجرب ابره الكورتيزون قالو جربيها واذا ماخفيتي لعد اسبوعين عمليه

المهم طلعت من الشفا ورحت المواساه وخذيتها عند د محمد شمساه استشاري بالتخدير ويشتغل بعد بالعدان
المهم قالي بيطير الالم وعطاني ابرتين مو بس ابره
فعلا قل الالم بنسبه40% بس مازلت ماقدر امشي حدي 10 امتار
او امشي واسند ع شي
المهم قلت بشوف دكتور ثاني ورحت لطارق درويش اول ماشافني قال عمليه عتد انهرت انا قلت مافيه بديل
علطول فتح ظهر قالي لا اما اكلمج عن المنظار الي اهي اخف شوي ع قولتهم

قلت بستخير

وصارلي اربع ايام الالم نفس قبل
وانا موكله أمري كله لله ومستخيره
والله يسهل امري وامركم

للعلم رحت اكتويت لانهم قالولي هذا عرج نسا
ولحين ع حميه

وشكلي بروح لدكتور حسن خاجه
لان الالم عندي من العصب

وعسى كل من كتبت تجربتها او اثرت الموضوع ماتشوف مكروه
اعذروني طولت عليكم بس الموضوع مو هين وما يدخله الا الي محتاج فعلا لنصيحه
وبقولكم شنو يصير معاي

 

[الباسمه]

​

ليش الموضوع قديم

جد استفدت منكم
بنات كملو تجاربكم وتجارب اهلكم غيرنا يستفيد ويدعي لنا بالشفا

انا عندي الديسك الفقره 4 و 5 الي تصيب اكثر الناس
وصارلي ست سنين اقول الم وعوار يجي يومين والثالث اتعافى بس طبعا خليت الكعوبه والاحمال الثقيله والقعده عالارض
المهم كان الدسك سنتر يسمونه الي اهو اخف ضرر مايلمس العصب
وقبل شهر او اقل طلع كله ناحيه اليمين ولامس العصب
ماتتخيلون الالم عساه مايجيكم
المهم ماخليت مسكن ولا ابر ولا نفعني
ساءت الحاله
ورحت لحذيفه بن نخي
ونادى التنيب وقامو يكلموني انه سوي العمليه يقنعوني بتركيب دعاميه الي اهو استبدال الغضروف الي يسمونها العمليه الكبيره فتح الظهر
طبعا ماقتنعت بعدين قالو فيه عمليه منظار اخف بس يرجع الدسك بعد اسبوع او سنه حسب الحاله!!!
ماعجبني كلامهم وكنت متأذيه حيل من الالم
قلت ابي اجرب ابره الكورتيزون قالو جربيها واذا ماخفيتي لعد اسبوعين عمليه

المهم طلعت من الشفا ورحت المواساه وخذيتها عند د محمد شمساه استشاري بالتخدير ويشتغل بعد بالعدان
المهم قالي بيطير الالم وعطاني ابرتين مو بس ابره
فعلا قل الالم بنسبه40% بس مازلت ماقدر امشي حدي 10 امتار
او امشي واسند ع شي
المهم قلت بشوف دكتور ثاني ورحت لطارق درويش اول ماشافني قال عمليه عتد انهرت انا قلت مافيه بديل
علطول فتح ظهر قالي لا اما اكلمج عن المنظار الي اهي اخف شوي ع قولتهم

قلت بستخير

وصارلي اربع ايام الالم نفس قبل
وانا موكله أمري كله لله ومستخيره
والله يسهل امري وامركم

للعلم رحت اكتويت لانهم قالولي هذا عرج نسا
ولحين ع حميه

وشكلي بروح لدكتور حسن خاجه
لان الالم عندي من العصب

وعسى كل من كتبت تجربتها او اثرت الموضوع ماتشوف مكروه
اعذروني طولت عليكم بس الموضوع مو هين وما يدخله الا الي محتاج فعلا لنصيحه
وبقولكم شنو يصير معاي