أبي أحمل بولد ! وين أروح أسوي طريقة الولد عند د. فوزية القطان أو د. عالية الفضلي ؟؟

[بعدك طيب !]

بعد الله سبحانه وتعالى الدكتورة عالية الفضلي ..

على ايامي كنت اراجع عندها كنت اصادف بنية حليوة نقعد نسولف على ما تجي ادوارنا وكانت كل ماتشوفني تقولي ادعيلي انه الله يرزقني واحمل ووالله كانت دايمن على بالي وكنت ادعي لها ليل ونهار والحين اسم الله عليها ربي يحرسها بعد ما ربي تفضل عليها ورزقها واحملت وبمساعدة الدكتورة عالية احملت بـأربع صبيان توائم والله اني صادقة ما جذبت وقبل شهر يمكن عرفت انها ولدت وجابت التوائم ..

 

[@ جمانه @]

أنا رايحة عند فوزية القطان علشان الولد عطتني نظام غذائي وحبوب وغسول وابرة تفجير وبالنهاية انا الحين حاامل في بنت

الحمدالله على كل حال ربي مو كاتبلي الولد شنواسوي

حبيت اقولج تجربتي وبالنهاية الله سبحانه راح يعطيج بدون اي تدخل من احد

 

[تل السكر]

الله يرزقج ويرزق كل الي ودها بولد صاحي معافا باذن الله

 

[شوق بدر]

سبحان الله

 

[مليت الغربة]

ربي يرزقج ويرزقني بالولد الصالح الهي امين

 

[Peony]

الله يرزقج ويرزقني ويرزق كل محرومه بالولد الصالح يارب
كثري الدعاء والله يوفق

 

[سيرين عبد النور]

دكاترتنا الكويتيات للاسف دعاية اي دكتورة هندية احسن منهم مية مره بله
*
عليج وشجاب الخبرة لهم !! كل وحده خبرتها 7 8 سنين سوت لها جم حرمه دعاية وطيروها السما*
*
دعاااااااااااااااايه اطلبي تجارب البنات والله صدفة مره ينجح ومن الله مومن صنع ايدها
*
وعلاجها بكل مكان ينباع روحي صيدلية العرف تحصلين نفس علاجها لكن مضمون لا خرطي*
*
ولاجبتي البنت قالت لج ببرود اكييد مامشيتي على النظام او غلطتي*
*
شتردين عقب ميات الدنانير اللي قطيتيها اختي عندي لج والله علاج اضمن لج من خرابيطهم*
*
الدعاء والاستغفار والصدقة بنية الولد ويارب يرزقج ويرزقني معاج بالولد الصحيح المعافى

حبيبتي دكاترتنا ماخذين شهادات من لندن وايرلندا مو مثل الهنود ماعندهم حتى اجهزه حديثه وحريمهم يولدون بالشوارع !!!!
صحيح انه فيه في ناس تسويلهم دعايه بس في دكاتره شطااااااار حيل
واذا الوحده الله مو كاتبلها الولد حتى لو تاخذ نطفه الولد بروحها وتحطها برحمها هم ماراح تحمل بالولد*
يعني مو من النظام ولا من الدكتوره كله بايد الله
والله يرزق الكل باللي يتمناه
وصدقتي الصدقه والاستغفار شي عجيب سبحان الله

 

[نـعـومـه]

سمعت ان منتجات الالبان اذا كثرتي منها تحملين بولد والله اعلم .

انا سامعه العكس

حبيبتي اذا تمت المعاشره خلي ريلج يسبقج بهالشي لانه مذكور بالحديث

وشوفي ايام تبويض احتمالات الاكبر انجاب ولد

والله اعلم

 

[انا حبه للابد]

عسى الله يرزقج ويرزقني وكل من تبي الولد

 

[Killer^Girl]

من بعد الله
في طريقة تلقيح صناعي
عقب فصل الحيوانات المنوية
سالي الدكتورة تشرح لج اكثر
والله يرزقج انشالله

 

[××بنت الشيوخ××]

يهب من يشاء اناثا ويهب من يشاء ذكورا

الحمدلله على كل حال .. اكثري من الاستغفار كل شي بيد الله .. حتى لو حاولتي وانا قريت جم بنت اخذت علاج على ان تبي ولد وحملت ببنت ..

قولي الله ارزقني الذكر السليم المعافي يارب

 

[engnera]

صح انا جربت العلاج وينتني بنوته الحمدالله واللة يجعلها من الذريه الصالحه

 

[LAW_GiRL]

انا رفيجتي جربت دفوزيه عندها 3 اولاد وريلها يبي بنت راحو عطتهم علاج وابره وحبوب ورديه لمده 3 اشهر وبعدها حملت ويوم سوت سونار طلع بعد ولد ويابت الرابع وريلها حدا طنقر ويوم سووا تحليل للحيوانات المنويه عنده لقوا حزتها 89 حيوان منوي 2 بنات 87 ذكري

الرزققمن عند الله وساعات احنا مغفين نسوي على بو ايام التبويض وغيره ومايصير الحمل بولد لان كله من الريال لازم اول شي تسوين فحص للحيوانات المنويه في رياييل ماعندهم ذكري وايد وفي غيرهم ماعندهم انثوي وايد وفي بين البينين وللحمل الاكيد التلقيح فقط اما الباجي ياتصيب ياتخيب مو شرط
والله يرزقج بالولد الصالح

 

[حبووبة 76]

شكرا حبيبااتي للدعاااء وذكر تجاربكم

وبإنتظار المزيييييد من التجااارب .

 

[خيشة شكر@]

اللهم لاتذرني فردا وانت خير الوارثين

 

[؛؛حلاوه؛؛]

انا سمعت ماجده اليتامى بتحديد جنس الجنين

بس رى اذا نظامهم اكل معين اييب ولد ولا بنت ترى هالشي جذب واختي جربت نظام التغذيه ويابت بنت

اضمن شي تحديد الجنس

 

[هدى 4]

الله كريم ويرزقج باللي تتمنين

 

[maryam_q8]

الله يرزق كل وحدة باللي تتمناه

 

[حبووبة 76]

شكرااااااا


والباجي ويين ؟

 

[انوثة من حرير]

سبحان الله انا سويت تجربة ومافي شي يمنع الحمل بس ماحملت على تحديد الجنس وخلاص ماني مسوية تعبت من العلاج والحمية قطيت فلوس على الفاضي