آيفـوون زوجـي .. والصــور إللـي فيـه وهالربـع اللـي مادري متـى يعقلـووون !!!

[mysterious sea]

الله يسخره لج !

 

[هيبة فتاه]

والله هالتكنولوجيآ خربت عقول الشباب انا ولد اختي امس جا برودكاست صور تفشل ....
وهو توه صغير

 

[انا لحبيبي .]

البنات ما قصرو

 

[أنت روحى]

حبيبتي مالج شغل بعدين الدعيله أن الله يهديه او يزينج بعينه او يترك هذى السؤالف..
صج شئ يبط الجبد بس لا تكبرينها قوالى شيل الواتس اب ...

او عسى الله يهديه الج يارب

 

[YA B3DHUM]

ليش ما خليتيه يمسحه ؟
الحين ماتخافين من البنات لا تخافين من هل ربع
خراب والله خراب لو انتي قاعده مع ريلج يدقدقون تعال تعال
مايستحون متى الله يفكنا من هل دوانيه ومن هل ربع
بس الله يعينج وقوليله اذا تحبني مسحه عشاني

 

[قمرالبيت]

اي والله الايفووون سبب لنا مشاكل اهم مو مال تكنولوجيا مال خرابيط

شتسوين بالديوانيه بالدوام بالتلفزيون هذولا اهم الربع يلوعوون الجبد

انا بجيت بجيت ووصلت الطلاق تالي سكت شسوي

 

[ورود خذلتها العاصفه]

الله يهديه

 

[إستبرق]

لا كل شي بايده انا زوجي واحد دز له شغله مو سنعه زوجي سيده دز له رجاء لاتدز لي هالسوالف مالي فيها وبعدين رد دز له فقام زوجي حط له بلوك
والتويتر ماعجبني لان مو نفس الفيس بوك يعني اي احد يشوف لج رد يقدر يحط فولو ويكلمج فبس قلت لزوجي مو مرتاحه للبرنامج قال يسلم راسج ومسحه
بكل بساطه الشغله بايد زوجج اذا ماله بهالسوالف ينبهم او يحطهم بلوك
والله يهديهم ويبعد عنكم الشر

 

[كويتيه وكلي فخر]

اختي اعرف واحد من كثر ما يتحاسب من تليفونه فتح تليفون ثاني وكل ما نزل من السياره لبيته يخليه في السياره خايف من التحقيقات داخل بيته علشان جذي لاتكثرين المحاسبه عليه دايما ذكريه بربه وحطي التليفزيون على القنوات الي تشرح صدره بذكر الله وطلبي له الهدايه واعلمي انكي لن تهدين من تحبين فان الله يهدي من يشاء

 

[عهد..]

حبيبتي انتي الحين اهدي وروقي و خذي عصير ليمون يهدي اعصابك
ولو ان الغيره ماتهدى بس ماعليه انسي الي صار واذا جاء
تكلمي معاه بهدوء وقولي ليه يحذف الواتس اب لانه مسبب لك مشاكل
وبيخرب حياتكم وبشككم ببعض وانتي بعد احذفيه
ونصيحه بلاش تفتحين جواله وتشوفين ايش الي يجيه طنشي وخليك واثقه
واستغفري ربك وان شاء الله مايجيه شي من هالصور​

 

[دلع انثه]

عاااااااادي عاااااااادي عطيه طااااااف لاتبينين انج مهتمه وااايد
أنا الي عندي تقريبا نفس حالتج بس ودائما يلعب باالعاب تخيلي بس نوقف عند إشارة يبطل الواتس اب لوووووول يحسسني يطمن على البورصه وشركاته لوووووول الريال نفس الياهل خليه فتره وراح يمل وادعي ربج يهديه ويهدي رييايل الكويت كلهم عشان يرتاحون حريمهم

 

[بروريتآ]

حطي بتلفونج صور آل بتشينو وحطيه خلفية لآي فووونج


........ وحاولي يشوفها وإذا سأل قولي عاجبتني شخصيته هههههههههههههه

راح يفلفل قهههر ولا يقدر يبطل حلجه

 

[سـوار الياسمين]

انتي تفكرين بة خلي يمسحة اساس اذا هو مو راضي عن الصور كان قال اسمعوا يارجال لاحد يرسل مثل هذا الاشياء انا مااحب بس زوجك عااااااااااااااااااجبة الوضع |||.. اللة يهدية لك وجعل عينة ماتشوف الاانتي .. |||انتبهي على زوجك وخلك ذكية

 

[ساندريلا]

حبيبتي مو بس ريلج جذيه اغلبية الرياييل توصلهم هالسوالف من ربعهم
هالواتس نعمه ونقمه بنفس الوقت

 

[الدااانــــه]

ذكري الله لا تخربين بيتج عشاان صوووره

ترى موووو بس ريلج يوووصل هل سووووالف كل ريايل الكووويت صدقيني وإل تقوول لا هذي ما تدري عن ريلهااا
صدوووقوني كل الريايل تووصلهم
وريال اذا بخيرب والله يقدر يخرب واهوو مجاابلج ليل ونهاار

بس انتي ريلج شاااريلج و ماايرضى على زعلج مبين

صلي على النبي كلمي وقوليلي خلاص ماا ابي تكررهاا

والله يخليكم حق بعض ولا يفرقكم ​

صاااااجه :eh_s(15):

 

[روحي زوجي]

لاتكثرين عليه ترا يملج

خليه وهو بيتركهم من نفسه باين عليه على نياته ويحبج

حبيبتي لاتخربين حياتج عشان صور

عين العقل

ماشاء الله عليج :eh_s(15):

 

[mizyana]

طنشي عادي ولاتحرين قلبج ودامج ثقه بنفسج صيري نفسي ياجبل مايهزك ريح

 

[جنون العشق]

والله هالوتس اب بلوي

 

[فديت اللي أحبه]

بصراحه أنا ودي اعقب على كلام خواتي الفاضلات، الزوج اذا ماوقفته زوجته عند حده في مثل هالخرابيط وهالمواضيع اعذروني واسمحولي اقول عنها غبيه ،، هدديه بالشي اللي يلوي ذراعه هيبته ورجولته وكرامته وسمعته، حسسيه انه حثاله وطاح من عينج و بيني له ان الثقه فيه انعدمت و عطيه نظرة احتقار وبيني له انج لايعه جبدج منه ووقتها راح يستحي ويحرم يحط هالسوالف لان الزوج مايحب هالمعامله من الزوجه ، والزمي عليه يبيع التليفون بكبره ، لاتقولون ابي اخرب بيتها بس هاذي نصيحه لازم تكونين قويه تعاملي معاه بقوه لاتسمحين له يجرحج وقلل من كرامتج لما يشوف هالصور يعني مايحترمج والكلام موجه للجميع ،اي زوج يشوف هالسوالف اعتبره ولاشي استحقره واذله ذل ، لازم تفهمون ان هالشي غلط وموصح ، واللي قاعد اشوفه ان كل وحده منكم عاجبها الوضع تدري باللي يوصل زوجها من الرذيله وتقول عادي هو وغيره ، طيب خليج على وضعج معاه وخليه يشوف وشوفي شلون راح تندمين كثر شعر راسج ، لاتتهاونون بهالسوالف علي قلبه غثيه ايلين يبطلها والمراه اللي اقدرة تروض اسد تقدر تروض زوجها ، نصيحه نظفوا المجتمع لاتسمحون لهم يهدرون كرامتكم بشوفة أشياء وصخه ، أنا وحده أتكلم من واقع تجربه حولة حياته جحيم وعذاب أهنته خليته بيزه مايسوى والحين أبيكم تشوفونه تغير 180 درجه عقل تليفونه عادي هددته اذا يبي يشتري ايڤون يطلقني وكنت جاده بهالموضوع مع أني أنا عندي ايفون بس لما شاف جديتي بالموضوع تردد وهون انه يشتريه وكل وحده مفتاح مشاكلها مع زوجها بيدها حليها بيدج ولا تخلينه يتمادى بالغلط ، وأدعي له بالهدايه والله يسخره لج ويهدي ازواجنا اجمعين ويبعدهم عن المعاصي ، واسمحولي حبيباتي طولة عليكم بس وربي أني محتره حيييييييييل من وضع ازواجنا والحال اللي اوصلوله حافظوا عليهم واللي يحب زوجته مستعد يبيعه عشانها ولايهدم بيته مثل ماسوى زوجي فضل حياتنا على شي ماراح يسعده الا بيضره ويخرب بيته لانه هو عارفني مجنوووووووووونة غيره ، وانا مابيلكم الا الخير أنا حاسه فيكم كلنا زوجات ونغير فساعدوا بعض وحاربوهم يتركون هالبلاوي ،،*

 

[الفدنه]

الله يهديج ترى محد يعيف زوجته بسبت هالخرابيط
ولا تبينين له انج غيرانه بالعكس دايما حسسيه انهم اشكال واطيه
ووصخه ويكسرون خاطرج شلون ذالين نفسهم وراخصين باجسامهم
وبينيله انج خايفه عليه من النار بسسسس
وعن تجربه هبه وبيطخ
والله يهديه​