رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ
الـــبـــارت الــعـــاشـــــــــــر ..
دانه انسحبت منهم بدون ما يحسون .. و راحت دار ريتاج
بدار ريتاج ..
دشت دانه بدون ما اطق الباب ..
جان ريتاح تقولها ..
ريتاج : هااا شنووو شتبين
دانه : رتوج سمعتي آخر خبر
ريتاج : لا
دانه : يقولج ضروي ولد خالتي لولوه معجب فيج
ريتاج : قديمه أدري
دانه : حلفي ...
ريتاج : والله تذكرين لمن رحنا
خنرجعكم شهر تقريباَ >>
كانوا رايحين مزرعه لولوه .. او ريل لولوه لانه عنده وايد مزارع و كانوا رايحين مزرعه من مزارعه
و كانوا كلهم لاهين بالشوي ..
بس ريتاج قاعده بزاويه و حاطه سماعات الآيبود على اذونها تسمع
جان تشووف واحد قاعد يمها
ولا ضاري ..
جان تشيل السماعات من على اذونها وتلف ويها عليه .. : شنو !!
ضاري : قووه
ريتاج بقلبها شفيه هذا : ههلا
ضاري : شلونج ..
ريتاج : شفيك ضروي شهالاسئله ماجنك توك قاعد معاي داخل .
ضاري : الصراحه يعني بدش بالموضوع احسن
ريتاج : يستحسن
ضاري : ممم الصراحه ريتاج .. انا م ع ج ب فيج وو...
ريتاج : ممم لا تكمل وفر كلامك لوحده غيري لانه مو انا اهيا االي ادور عليها و في مليوون وحده غيـ..
ضاري : بس انا مابي المليون ..
ريتاج : و اعذرني ضاري مستحيل افكر فيك غير انك مثل اخوي بدور .. غير جذي مستحييل ..
--
نرجع للواقع ..
دانه : حلفي .. زين ليش انتي يعني ما تبينه ..
ريتاج : مابي واحد من العايله ..
دانه : شسبب ..
ريتاج : بس جذي ..
دانه : زيين عطيني سبب مقنع يخليج تردين ولد خالتج
ريتاج : تبينه انتي اخذيه .. انا قلتلج سالفة اني آخذ واحد من الاهل انسيها
دانه : هههههههه شاخذه حلاو اهوا انتي ما تبينه انا آخذه بعدين انا ما افكر بالزواج الحين من صجج تو الناس اصلاً
ريتاج : اي والله دانوو توج صغيره على الزواج .. خلج جذي 20 و فوق ال20 بعدين قبلي اذا احد اخطبج غير جذي لا ..
دانه استانست انه اختها تسولف معاها و تنصحها اهما يقعدون مع بعض بس مو دايماً ..
ريتاج : بس تصدقين دانو ما اعتقد الحين احد بيقبل فيني كزوجه يعني
دانه : ليش بالله ..
ريتاج : شعري قام يطييح ..
دانه : خو مو وواييد يطييح
ريتاج : من صجج تعالي تعالي اوريج .. قربت دانه من ريتاج و نزلت ريتاج راسها عشان توري دانه شغله من داخل شعرها
دانه شهقت و قالت : امبيييييه رتووج فيي ..
ريتاج : صلعه .. و نزلت راسها
دانه : اييه شلون سكتي ..
ريتاج : لا قلت حق امي و امي تعرفينها كل شي تقوله حق خالتي لولوه و خالتي لولوه تقولها عين عين وديها يقرون عليها ... بس انا الي فيني يبيله دكتور ...
دانه : امبيه انا ااذا فيني آي شي ماقول حق امي ليش اصلاً تقوليلها امي والله ماراح تفيدج ابوي يفهم اكثر ..
ريتاج : مادري
دانه : شنو ما تدرين ... ليي متى بتسكتين
ريتاج : تخيلي اتسبح شعري يطيييح بالحمام وووااايد ..
دانه : رتوج والله لا تسكتيين .. كلمي ابوي اليوم
ريتاج : خلاص اكلمه ..
شوي ولا يطلع صوت من اللابتوب .. ولا محمد داش على ريتاج بالمسنجر و طلع صوت ..
جان ريتاج تقول لدانه : زين دانوو تبين شي بعد تقولينه
دانه : هـ ـا لا
ريتاج : خلاص عيل روحي ..
دانه بقلبها شفيها تحولت : زين اصلاً كنت توني بطلع .. بروح داري يالله
طلعت دانه من الدار و راحت
وكلمت ريتاج محمد ..
ريتاج :
هلا
محمد :
سنه على ما تردين ..
ريتاج :
ماكو اختي كانت عندي .. و كنت اسولف معاها و انت دشيت عليً فطلعتها برا عشان اعرف اتكلم
محمد :
محسستني انج تكلميني بالتلفون مو بالمسنجر
ريتاج :
محمد ممطول بالمعاتب يعني
محمد :
هاا .. زين آسفين آسفينن .. الا صج مايصير تعطينا رقم تلفونج ..
ريتاج :
ههههههههههههههاهاهاهاي أحلامك
محمد :
ليش ..
ريتاج :
شنو حسبالك انا غبيه ولا غبيه .. كلكم انتو الصبيان نفس الشي .. تاخذون ارقامنا بعدها تقطونه ورا الشمس
محمد :
ترا اصابعج مو سوا ..
ريتاج سكتت
محمد :
يعني انتي عندج اخوج .. ترى حتى الاخو يقدر يضر اخته مو شرط واحد غريب ما تعرفينه يضرج حتى أقرب الناس لج ممكن انه يضرج
ريتاج :
صح كلامك .. بس بعد يعني مو سهوله نثق باحد الحين عرفت
محمد :
عيل ليش ضفيتيني او رضيتي انج تكلميني دام انج ما تحبين تثقين باحد غريب .. و انا بنضرج غريب
ريتاج :
مادري
محمد:
انا ارد عليج انتي ضايفتني و ضايفه غيري تسليه بس ..
ريتاج :
شكو ضايفه غيرك !!
محمد :
دامج رضيتي تكلميني و تاخذين ايميلي من الجااااااااات .. فأكيد غيري بعد مسوي نفسي
ريتاج :
شكو
محمد :
يا امي انا بنظري آي بنت ادش الجات فتكلم مليوون وااحد
ريتاج :
تبي الصراحه ..
محمد :
شنو
ريتاج :
كنت اكلم شباب و كان ايميلي في شباب بس بالوقت الحالي كلهم مسحتهم و باقي انت !!
محمد :
شمعنه
ريتاج :
مادري يعني الباجي مادري شلون اصلاً رضيت فيهم .. يقطون حجي وصخ وو يحسيسوني اني قـ****
محمد :
شتتوقعين يعني بكلمونج باحترام مثلاً ...
ريتاج :
بس مو لهدرجه
محمد :
تدرين احنا الشباب شنسمي البنات الي يدشون الجات زباله .. لانه والله الجات زباله .. بس احنا اندشه تسليه بس اهوا غلط
ريتاج :
اي والله غلط
محمد :
دامج تدرين غلط ليش ادشينه
ريتاج :
غلطه و انشاءالله ما تككررر
محمد :
غريبه
ريتاج :
شالغريب
محمد :
غروروج وين راح
ريتاج :
لا لا موجود .. بس الغرور ماله شغل بالحجي الي انقوله فوق
محمد :
لا انتي قايلتلي قبل ما تحبين احد يتحكم فيج .. و انا لمن اقولج لا ادشين الجات جني قاعد آآمرج انج ما تسوين شي .. انتي تبينه
ريتاج :
اولاَ يا اخ محمد انا هالشي قاعده افكر فيه اصلاً من زمان اني اهد الجات لانه ما ورااه الا عوار الراس .. يعني من قبل لا على قولتك تآمرني اني ما ادش الجات اساساً كنت مقرره اني ما ادشه خير شر ..
محمد :
ايييييييييه هذي رتوج الي اعرفها من قبل مادري جنه ثلاث اسابييع او اكثر
ريتاج :
اوكي
محمد :
تدرين ..
ريتاج :
لا والله مادري ..
محمد :
مالت .. زين سمعي تدرين بالحات لمن كنتي تسولفين معاهم كنت ما اتكلم اشوفج شلون تردين عليهم صج فيج غرور .. بس مؤدبه عكس البنات الباجي الي يدشون الجات .. فعشان جذي بعدين قررت اني اكلمج و اسويلج آآد .. لانه الصراحه على انج مغروروه بس فيج شي يجذب ..
ريتاج :
مشكوور ..
محمد :
العفو .. و بس يعني لو هالغرور شوي يروح عنج تصيرين اوكيييي باوكي
ريتاج :
خير انشاءالله ..
وظلوا يسولفون مع بعض ...
طبعاَ صج ريتاج مسحت كل الصبيان الي عندها بالاايميل من اول اسبوع تعرفت فيه على محمد .. و من بعدها قعدت تفكر انها ما تدش الجات خير شي .. يعني الكلام الي قالته لمحمد صج ..
تتوقعون محمد بغيرها ولا شبصير ..!!
تابعوني و بتعرفون كل شي .. مشكووووووووووورررررررييييييين كلكم على تشجيعكم ..وإنشاءالله هالبارت يعجبكم :sfg:
.. 
