Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

اول شي انا زعلانه منج لان ما قلتيلي منزله روايه

ثاني شي مو كاسر خاطري الا هالسعود سؤال ليش كل سعود مسكين ؟

ودانه الله يشافيها

ويعين فاطمه على نفسها

اما اختها فما اقول الا مالت

يحليلها ليلى صج ونعمه الاخت

يسلمو وناطرين الياي

يا بعد عمري والله السموحه توقعت بتشوفين القصه اول ما انزلها و بتشوفين اسمي و بدشين مادري اني لازم ادزلج بس ولا يهمج انشاءالله من عيوني اذا نزلت قصه ثانيه اول وحده بتدري اني بنزل قصه انتي :eh_s(22):.

والله مادري ليش كل سعود مسكين .. حظهم الي اساميهم سعود جذي بعد من الله ..

الله يسلمج قلبي ..

 

[rayona]

رد: رد : Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ثيــنكيو على البارت واااي فاطــمه من صجهاا !!
امبي يعني من صجها ما تحس !
و الله انا لو اشووف ياهل ما اعرف جذي يكــسر خاطري و هذي بنتها بعد !!
امم بس فاكمه اول البارتات ما كانت جذي ! يعني اختها غيرتها ؟

ولكم حياتي ..
ايييييييه بعد شنقول غير الله كريم و انشاءالله تحس ببنتها ..
انا قلتلكم اني ماراح اتكلم عن شخصيه فاطمه من خلال البارتات بتكتشفونها .. فيها شوية من طبع اختها شويه ..
تابعييني و بتعرفين شخصيتها ..

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

فااطمه اي شي حمدالله والشكرر سخيفه اقوى شي معقووله يعني لولوه لها ايد بالسالفه ؟؟

يعطيج العافيه على الباارت ناطرينج

ممممممممم ما يندري يمكن لها و يمكن لا ..
تابعيني و بتعرفيين ...
الله يعافيج عمري .. انشاءالله البارت الرابع قريب بينزل

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

فاطمه حدج نو كومنت



يعطيج العافيه حوووبييي

الله يعافيج قلبي :hjy5jewf:

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

الـــبـــارت الـــرابــــــــــع ..


ظل حالهم جذي مده طويييييله سعود صار يقضي اغلب اوقاته عند دانه و فاطمه كل مالها و تتغير اكثر و هامله بنتها ..

تتغير لدرجة انها كله بالسوق .. او بالشقه تسوولف بالتلفون أحياناً مو دايماً مع لولوه اختها .. و مااراحت حق دانه الا مره وحده ..



بيوم كان سعود عند دانه ..
وفاطمه كالعاده قاعده بالشقه و كانت تسولف بالتلفون مع لولوه و دار هالحوار بينهم ..


لولوه : هــلا فططووم ها شلوونكم ..؟؟

فاطمه : هلا والله احنا تمام .. بس سعود كل ماله و عصبيته تزيد عن قبل

لولوه : هَـــووووو ليش عاد شفيه ؟؟

فاطمه : ليش ما اروح حق دانه المستشفى ..؟؟

لولوه : ويييه من صجه ريلج .. تروحين شتسوين بنتج و مريضه شتسويلها بتعالجينها مثلاً إذا رحتيلها بينشال المرض من جسمها مثلاً

فاطمه : مادري مادري اصلاَ انا من اول ما مرضت مادري ليش مو قادره اتقبلها ..

لولوه : بعدين حبيبتي فطووم يعني بذمتج هالمرض يتعالج ..

فاطمه : قلتله ..

لولوه : يعني مريضه و بعدين تتعلقين فيها و تروح منج و تتعذبين اكثر .. فخلج بعيده .. بعدين انتي شفتي بعينج بنت عمة امي و امي و ابوي الله يرحمهم و ام سعود صار فيهم هالمرض تعالجوا شي ..ولا راحواا و ما قدروا على العلاج ..

فاطمه : اي والله الله يرحمهم كلهم .. عشان جذي انا مابي اروح مابي اتعلق فيها و انا ادري انها بتروح خلاص .. اكيد المرض بيتمكن منها و مارااح يقدرون يعالجونها ..

لولوه : اييييه .. زين اقولج في جنطه شفتها بمجله قلت بطلبها بس تطلع غاليه عليَ اهني بالكويت .. فقلت اقولج توشفينها لي عندكم بلندن .. اذا سعرها رخيص ياريت تشترينها ليي و بس ترودوون اردلج المبلغ

فاطمه : ويييه من صجج لولوووو اعتبريها هديه مني لج .. بس قوليلي آي ماركه و باجر اروح السوق اشوفلج ..


--


وكملووا سوالف سخيفة عن الجناط و اللبس و الماركات و حش بالناس هذي تطلقت و هذي تزوجت و علانه مادري شصار فيها ..
هذي اهيا شخصيتهم لوولوه و فاطمه .. نقدر نقول انانيين .. بس لوولوه اكثر انانيه من فاطمه ..

وسبب تغير فاطمه لانها حاطه فكره براسها انه بنتها لا يـــمــــكــــن تتعالج من هالمرض .. !!!




بــعـــد ســـنــتــيـــن ..


المكان : مشرف
بيت ليلى


ليلى : بسسسس يا يهال قعدوا كل مكان انظفه تعفسونه هيييعووو شويييييي

يتها لوجين بتنخش وراها : يمااا خشيني .. بدر لاحقني

ليلى : اووووووه بسسسسسسسسسسس قعدوووووووووووا يننتوني ..

كانوا وقتها بدر(7سنوات) و لوجين(7 سنوات) و دلال و طلال(أعمارهم8سنوات) يلعبون صيده مصيده .. و مسوين حوسه بالصاله ..

ليلى : قعدوا هادييين شطار مثل رتوجه ..

ريتاج(صار عمرها 8 سنوات) كانت قاعده اطالع تلفزيون و بس سمعت خالتها تمدحها لفت ويها على خالتها و طالعتها و ابتسمت ابتسامه غروور كانت غير عنهم
تحب المكياج تحب سوالف البنات الكبار .. ما تحب تلعب معاهم و دايماً اذا نادوها تلعب معاهم تقولهم ..


برجعكم اسبوع لوراا عشان تعرفون شنو كانت تقولهم ريتاج>>


كانت قاعده بالمطبخ تشرب ماي جان يدشون عليها
دلال و لوجين : رتووووووووووووووج

رتوج: نعم

دلال : بنلعب لبيده تلعبيين معانا

رتوج : لا ما احب العب العاب يهال

طلال ياهم : ليش اخت رتاج من كبرج الي ما تبين تلعبين العاب يهال كانا انا و دلول ترى كبرج و نلعب هالالعاب ما يصير فيج شي اذا لعبتي

لوجين : اي والله صح كلام اخوي

شربت ماي و حطت القلاص على الطاوله و طلعت من المطبخ وقالتلهم و اهيا طالعه : مم لا للا مابي العب لعبوا بروحكم

طلال و دلال : ماااالت ..

لوجين : الشرهه علينا الي نقولها تعالي لعبي معانا


...... نرجع للزمن الي كنا فيه


شفتوو شتقولهم اذا قالولها لعبي معانا .. كانت تحب تحسس روحها انها مره كبيره .. مو بنيه ياهل .. وو على عمرها الا انه فيها غروور زايد عن حده .. يمكن من دلعهم الزايد لها ..


تتوقعون بينفعها هالدلع ولا بضرها ..!!..!..


المهم طبعاً محد منهم سمع كلام ليلى و كملوا لعب .. وضحك .. و ليلى تنظف وراهم ..


شــــــــــــوي ..

جـــــان يـــــــرن التلفون ..


راحت ليلى و شالت التلفون : الووووو


سعود : قووه ليلى .. شلونكم و شلون اليهال انشاءالله كلكم تمام

ليلى : اي الحمدالله كلنا تمام لا تحاتي .. و اليهال زينيين بس انتو شلونكم و شلون دانه انشاءالله زينه ؟؟

سعود : لا الحمدالله .. دانه تمام و ابشرج بعد يومين يايين الكويت خلاص .. دانه تعالجت من المرض الححمدالله

ليلى : صججججججججج .. الحمدالله على سلامتهاا .. خلاص الساعه جم طيارتكم عشان نييكم المطار

سعود : الساعه 7 الصبح نوصل الكويت ما نبي نكلف عليكم 7 وايد مبجر يمكن ما تقعدون الصبح

ليلى : لا نقعد شوارنا .. خلاص ما علييك انت المهم تردولنا بالسلامه و احنا بنكون بستقبالكم بالمطار

سعود : مشكوره ووالله اختي تعبتج واايد معاي

ليلى : لا مافيها لا تعب ولا كلافه ..

سعود : زين يالله اترخص انا و سلميلي على اليهال و بوسيلي ياهم .. و سلمييلي على ابوي .. و الكل .

ليلى : انشاءالله يوصل

سعود : يالله فمان الله ..

ليلى : مع السلامه


ريتاج : خالتي ابوي الي داق

ليلى : ايي ويقول برد بعد يومين

ريتاج : ليش ما خليتيني اكلمه

ليلى : نسييت .. خلاص بعد يومين بيييج و بتكلمينه و تقرقيين على راسه

ريتاج : زين ..





بـــعــــد يــــــــومــــــــيـــــــــن ..


الــمـــكــان : الــــمــــطـــار ..


الكل راح عشان يستقبلهم .. كانوا ماخذين اليهال و حوسه و لويه بالمطار بسبتهم ..



انــــفــــــتــــــح بـــــــــاب الــــقــــادمــــــون



طلعوا سعود و فاطمه و كان سعود شايل دانه بيده ..

اول ما دشوا قطووا عليهم نون و وورد كانوا فرحانيين فيهم وبردتهم ..
ودموعهم كانت تعبر عن هالفرحه ..
صج انهم فرحانين بس بنفس الوقت كانوا مضايقين على شكل دانه ..



خل اقولكم شلون كان شكل دانه ..


دانه كانوا ملبسينها كبوس على راسها لانه مثل ما تعرفون كانت اهناك تاخذ كيماوي فشعرها كله طاااح .. رموشها راحوا و حواجبها خفووا واايد .. ضعفت واايد .. قبل ويها متروس خدود الحين الخدود راحوا و تحت عينها اسود ..



طلعوا من المطار و كلهم توجهووا لبيت ليلى .. كانت مسويتلهم عزيمه بمناسبة رجوع دانه بالسلامه ..



ببيت ليلى ..


كانوا قاعدين يسولفوون ..
واليهال يلعبون
بس رتاج قاعده بحظن ابوها ..


رتاج : بابا ليش طولتوا مو قلتلي ماراح تتاخرون ..

سعود : اشناءالله عميتي رتاج آول و آخر مره اسافر و اتاخر زين

ريتاج : لا مره ثانيه اذا بتسافر ابي اروح معاكم ليش بس تاخذون دانوا

سعود : اختج اسمها دانه مودانو و انشاءالله نسافر كلنا مع بعض ..

ريتاج : انزين ..

ليلى : الا سعود شلون السفره تعبتوا فيها

سعود : والله دانه اهيا الي اكثر وحده تعبت ..

ليلى : الحين .. خلصت علاجها كله

سعود : اي .. بس قالي الدكتور انه تقدر تكمله بالكويت فقلنا نرجع نكمله اهني احسن ..

ليلى : يعني اهيا الحين تشافت ولا شنو ؟؟

سعود : اي بس لازم بعد تاخذ علاج بالكويت .. و لازم تراجع كل شهر نخاف بعد يرجعلها

ليلى : اي .. وعليا عليها ..

سعود : اييييييه يالله ما عليه اهم شي انه هالزفت انسحب من جسمها و العلاج الي بتاخذه اهني وقايه لها .. بدووووووووور

بدر : هلا يبا

سعود : وين امك .. قولها يالله ابوي بيروح

بدر : انشاءالله يبا

ليلى : وين تردون تو الناس

سعود : لا بعد بنرتاح .. و دانه بعد لازم ترتاح


فاطمه دشت عليهم


سعود : ها خلصتي

فاطمه : اي ..

ليلى : فاطمه قلت حق الخدامه تحطلكم من الاكل الي كان بالبوفيه ..

فاطمه : اي مو انا كنت قاعده احط معاها الاكل ..

ليلى : اي زين اشوا يعني خذيتي ..

فاطمه : اي .. يالله ماما ريتاج تعالي البسج جوتيج

سعود : و لبسي دانه بطريجج

فاطمه : لبسها انت ما تشوفني قاعده البس ريتاج

ليلى حست انه الوضع متوتر بينهم فحبت تحل المشكله : تعالي دانه ..

يتها دانه و خذت ليلى جوتي دانه و لبستها


سعود قعد يخز فاطمه و لو كان يمه شي جان حذفها فيه بس ما حب يطول السالفه فهدهم و طلع ينطرهم بالسياره ..



هذا حالهم صار صارت فاطمه تتحيز و تهتم برتاج اكثر من دانه نست انها بنتها الي يابتها و تغيرت من اول ما ياها المرض هل بضل هذا حالها ولا بتتغير و ترد طبيعيه مثل اي ام تخاف على عيالها من دون تفرقه .. !!!



الحمدالله دانه تشافت .. صج انها تشافت من هالمرض الي عانت منه .. بس هل ممكن انها بتبدى تعاني من أشياء ثانيه ..؟؟
شنو بصير بحياة دانه .. كل شي بنعرفة بالبارت الياي ..
تـــابـــعـــونـــي ..

 

[miss disaster]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

لووول ترى اتغشمر وياج (وحده تبي تلعب باعصابج ) وترى صج انا ما اشوف الاسامي تحت لا اقرى العناوين

اما دانه مسكينه ما ادري ليش بتتعقد من امها

بس صج شهالام حتى لو كانت انانيه بمرض عيلها ما تنساهم !!!

وما ادري شكله جذي كل سعود مسكين ؟

يسلمو وناطرين الياي

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

لووول ترى اتغشمر وياج (وحده تبي تلعب باعصابج ) وترى صج انا ما اشوف الاسامي تحت لا اقرى العناوين

اما دانه مسكينه ما ادري ليش بتتعقد من امها

بس صج شهالام حتى لو كانت انانيه بمرض عيلها ما تنساهم !!!

وما ادري شكله جذي كل سعود مسكين ؟

يسلمو وناطرين الياي

ههههههههههههههههههههه مو وواييد صج زعلووا ليش ما قلتلهم بس يالله ما عليه ..

يمكن تتعقد و يمكن تعطي امها اكبر طـــــــــــاف .. ههههههههه تابعيني و بتعرفين شنو بصير بحياتها ..

والله مادري شقولج بس ترى جد موجوده شخصية فاطمه بالواقع يعني وو انانيه وواايد ..

الله يسلمج عمري انشاءالله باجر البارت الخامس بكون جاهز لكم ..

 

[6amni bs]

رد : Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ويع ويع ويع فاطمه مالت عليج والله خو بنتج حق شنو جذي هااا
يعطيج العافيه كملي

 

[بيـــشو17]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

الحمدالله يارب انها تشافت والله يبعد عنا وعنكم هالمرض ويشافي امت محمد كلها :yaaaaaarb:
وفاااطمه ماتستاهل تكون ام بس الله يورينا فيها يوم:rgewrg:
وسعود بعد قلبي ماقصر مع دانه :33_1185028183:

يعطيج العافيه ريونه على البارت الحلو فرحتينا واااايد:wqedqw::blueSmCLR:
وناطرينج:aha:

 

[miss disaster]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ههههههههههههههههههههه مو وواييد صج زعلووا ليش ما قلتلهم بس يالله ما عليه ..

يمكن تتعقد و يمكن تعطي امها اكبر طـــــــــــاف .. ههههههههه تابعيني و بتعرفين شنو بصير بحياتها ..

والله مادري شقولج بس ترى جد موجوده شخصية فاطمه بالواقع يعني وو انانيه وواايد ..

الله يسلمج عمري انشاءالله باجر البارت الخامس بكون جاهز لكم ..

اي اوك انا اعرف وايد امهات انانيات بس والله لما يمرضون عيالهم يموتون من الخرعه ما جنها ما تدري عنهم ومالها شغل

فيهم:eh_s(14): :eh_s(14):

 

[المـاسة]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

عمت عين امهاا قطع ام جذي شالحقاره حتى لو ان مرض بنتهااا ما يتعالج المفروووض انهااا ما تبعد عنها كلش



خلااااص كرهتهاااااااااا قطع ((فاطمه))

 

[كيكه كتكات]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

الحمدالله يا ربي ان دانه تشافت

وااااااااااااااااااي على هالفطوم امبيه قامت تقهرني حييييييييل =(

بس صج صج لو انا مكان سعود جان هفيتها بأقرب شي يمي

مادري ليش احس ان اذا يعني روايه لي يومنا الحالي هذا رتاج ان كبرت راح تصير مغروره وايد وراح اتشوف نفسها ع اختها دانه واتوقع دانه راح اتعاني بحياتها ان كبرت وفاطمه راح تفرق بين دانه ورتاج وممم مادري ان توقعاتي صح ولا

بأنتظااارج up

 

[Tom ♥ Jerry]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

.


واااااااي فآطمه حرآم عليها ! بنتهآ مريضه بالعكس المفروض تهتم فيهآ آكثر
عفيه أمممممممم :| !

الله يهديهآ

كملي حياااااااااااااااااااتي ..

up up up

.

 

[rayona]

رد: رد : Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ويع ويع ويع فاطمه مالت عليج والله خو بنتج حق شنو جذي هااا
يعطيج العافيه كملي

الله يعافيج عمري :eh_s(22):

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

الحمدالله يارب انها تشافت والله يبعد عنا وعنكم هالمرض ويشافي امت محمد كلها :yaaaaaarb:
وفاااطمه ماتستاهل تكون ام بس الله يورينا فيها يوم:rgewrg:
وسعود بعد قلبي ماقصر مع دانه :33_1185028183:

يعطيج العافيه ريونه على البارت الحلو فرحتينا واااايد:wqedqw::bluesmclr:
وناطرينج:aha:

الله يعافيج حياتي عسى دووووووم فرحانه ..
انشاءالله عل 12 بنزل بارت ..

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

عمت عين امهاا قطع ام جذي شالحقاره حتى لو ان مرض بنتهااا ما يتعالج المفروووض انهااا ما تبعد عنها كلش



خلااااص كرهتهاااااااااا قطع ((فاطمه))

هههههههههههههه و يمكن تكرهينها زياده بعدين ... مشكورة بعد عمري على مرورج

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

الحمدالله يا ربي ان دانه تشافت

وااااااااااااااااااي على هالفطوم امبيه قامت تقهرني حييييييييل =(

بس صج صج لو انا مكان سعود جان هفيتها بأقرب شي يمي

مادري ليش احس ان اذا يعني روايه لي يومنا الحالي هذا رتاج ان كبرت راح تصير مغروره وايد وراح اتشوف نفسها ع اختها دانه واتوقع دانه راح اتعاني بحياتها ان كبرت وفاطمه راح تفرق بين دانه ورتاج وممم مادري ان توقعاتي صح ولا

بأنتظااارج up

مممممممممممم بالنسبه لتوقعاتج بخصوص ريتاج و فاطمه :nocommint: تابعيني و بتعرفين شنو بصير بحياتهم :sfg:

إنشاءالله قريب بكون البارت جاهز يعني عل 12 .. نطرييني

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

.


واااااااي فآطمه حرآم عليها ! بنتهآ مريضه بالعكس المفروض تهتم فيهآ آكثر
عفيه أمممممممم :| !

الله يهديهآ

كملي حياااااااااااااااااااتي ..

up up up

.

الله يسمع منج و يهديها :yaaaaaarb: ..
إنشاءالله بعد قلبي بكمل عل 12 انشاءالله
مشكووووووورة بعد عمري على مرورج و متابعتج :eh_s(7):

 

[بيـــشو17]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ريونه حبي ناطرينج

 

[rayona]

رد: Ϟ«كل شي بحياتي تــغــيــر حـبــيــت الدنيا اكثر من يوم ما خــذنـي هــــواك«Ϟ

ريونه حبي ناطرينج

إنشاءالله بعد قلبي الحين بينزل البارت و سوري على التاخير :d