Ξღ سمعتي قصة خطبة او زواج غريبة؟؟ تعالي ღΞ

[لؤلؤية]

Anteeka

بعد عمري عسى ربي يهنيج...ويخليكم لبعض
خوووووش قصه


q8_hala

هلا فيج حبييييبتي
سبحان الله...اذا اراد شيئا يقول له كن فيكون
وفي انتظار قصص ثانية منج


اقروا هالقصة

مره كنت اراجع بالمستشفى وعطوني اوراق وقالولي عطيها واحد اسمه احمد مسؤل عنها عشان يخلصها وتاخذين اجازه مرضيه
رحت للقسم المخصص وقلت وين احمد طلعلي واحد قالي قولي موضوعك من البدايه وبعد ماقعدت اشرحله ساعه
قال اااااااااه انتي قصدك احمد ثاني مو انا احمد المسؤل عن هذه الورقه
وش توقعون سويت

قمت اهاوش واصرخ لانه ضيع وقتي وقعدت اقول وليه تطلب مني شرح وتفاصيل قالي خلاص انا راح اجيبلك الورقه خلاص اسكتي فضحتينا
ومن بكره مريت عليهم لقيته جاي وعطى الورقه موظفه سوريه وهالموظفه سألتني انتي مخطوبه قلت لا قالت العنوان اللي بالورقه بيتكم قلت ايه

من بكره لقيته جاي يخطبني وتفاجأت لما شفته نازل من عند ابوي وتزوجنا!

>>>منقوله

 

[لؤلؤية]

هذي القصة انا اعرف اطرافها

تقول انها وصلت لعمر 27 سنه وماتزوجت..مع انها من عايلة معرووفة جدا
والكل يتمنى يناسبهم بس اهي متردده..وامها ضاغطة عليها
وكانت بتوافق على واحد واهي مو مقتنعه بس عشان ترضي امها
بنفس الوقت...اختها ولدت
وراح اخوها وعياله الصغار يزورون اختهم الوالدة بالمستشفى...مر دكتور (ولد الديرة)
توه متخرج..وتعيين جديد بالمستشفى..توه بقراطيسه
شاف اليهال وما شاء الله كانوا يهبلووون>>>انتبهوا سبب الخطبة اليهال :dddds:
سأل عن اسم المريضة..وقالوله فلانه الفلاني>>>ثبت الاسم بمخه
وراح بسرعه يتحرى عن صديق قديم له..من نفس العايلة طلع عم المريضة
وقاله باخطب منكم..وودي اناسبكم

وتقدم..واخذ البنت اللي رافضه الكل..
ما شاء الله صامت صامت وفطرت على الدكتور :dddds:
عسى ربي يهنيها

 

[لؤلؤية]

قصة امي وابوي غريبة
ابوي اكبر من امي بـ30 سنه ولمن كان عمر امي 4 سنوات وابوي رايح للعمل يمر علي زوج عمتها واذا شافها قال لهم البنت هذه لااتصبح بوجها علشان ربي يرزقني ( من باب الدعابة) وترد عليه عمتها وتقول له يمكن الرزق مايجي الا علي وجهها
ويتزوج ابوي ثلاث ولا يجيله اولاد ( وحده طلقها وحده ماتت وحده جابتله بنت وهي الي زوجت ابوي من امي )
وامي طبعا تزوجت ولد عمها وحصلت مشاكل وتطلقت منه ودور الايام ويتزوج ابوي امي ويجيله الخير كله العيال والبنات والمال والعقار

>>>>منقوله

 

[لؤلؤية]

شدعوه بنات الموضوووع مايستاهل منكم كلمة يعطيج العافية ولاحتى حتى الرفع..
صج صج تضيقووووون الخلق

هذا والمشاهدات تعدت ال640
وانا عارفه انه قسم الحياة الزوجية مايشوفه الا العضوات المسجلين
وردودكم ماتتعدى ال 10 بنات

خلاص ما راح اكتب لكم قصص ثانيه...ولا راح ابحث
الا...........
لما اشوف ردود لاتقل عن ال 6

 

[q8_hala]

لأ يا أم فيصل لاتوقفين والله يعطيج العافيه
صراحه خوش موضوع
أكيد البنات يحبون يشاركون بس الظاهر تخونهم الذاكره
مثل ما خانتني..لان احس عندي سوالف كثيره متزاحمه بمخي ومادري شقول
صبري علينا شوي وشوفينا راح نبدع بالسوالف ويمكن نألف بعد :dddds:

 

[احترت اعبر]

يعطيج العافيه

 

[تمر حنا]

يعطيج العافيه ام فيصل والصراحه خوش موضوع وحيل مستانسين بسوالفج


لا يوقف

 

[شندوخه]

قصصج عجيييبه ام فيصل
هذي وحده من اهلنا تسولفلنا عن قصه زواج وحده بوزارتهم

تقول انه السكرتيره تشتغل خطابه وكان في واحد ولد عايله وفلوس وحلو وكان يدورله وحده قالتله خلاص تعال الدوام عندي بوريك وحده المهم وهالوحده عطتها السكرتيره خبر عشان تكشخ وقالتلها سوي نفسج ماتدرين انه بيخطبج قالت اوكي
ومن باجر اكشخت البنيه على سنقه عشره
والولد كان داش للسكرتيره قالتله انطر شوي بيدي شغله مهمه اخلصها ونروح لمكتب البنيه قالها اوكي
وبقعدته دشت وحده عاااااديه بنت حلال كلش مافيها شي يجذب لا من لبس ولا من جمال ولا من عايله
ومن شافها سال السكرتيره قالها ابي هذي قالتله من صجك يبا مو هذي لاتفشلنا قالها ابد ربي وربج الله
وراح وطلع عنها كل المعلوماااااات وسبحان الله تزوجوا والكل كان يتكلم بعرسهم الله يهنيهم

 

[اشواق2008]

مره مسيره علينا وحده تصير حق امي من بعيد المره زايره امي بدون لاتعطيها خبر تبي تخطب لولدها وتسأل امي عني وعن اختي انا مخطوبه كنت ايامها بالثانويه واختي اصغر مني ومخطوبه لولد عمي سبحان الله
نفس اليوم زارتنا رفيجت اختي الكبيره البنت حبوبه وجميله احلى مني ومن اختي وشهاده
اسئلت المره عن رفيجة اختي وخذت امي وراحو لهل البنت وخطبوها وما شاء الله تزوجت الولد صارلها 10 سنين السالفه
الله يرزق البنات كلهم ويتزوجون

 

[عمة فاتو]

انا بقولكم عن احدى قصص الخطوبة الى صارتلي
طبعا انا عوبه و ميننه اهلي... من كثر ما خطبوني ناس وارفض قمت ارقمهم ( للعلم انا البنت الكبيرة في العايلة ويبوني اتزوج ليش الى اصغر مني تزوجوا)
في واحد حدة شايف حاله يانه مع امه يبي يشوفني.قعد معاي وقالي انا ما عندي شروط وايد بس
1- ابيج ما تكملين الجامعة
2- ولا تشتغلين
3- وابيج تلبسين بوشيه ( ابو شباب صدق اني وافقت)
4- وانا ما احب مرتي تلبس دلاقات ملونه( ارجوز حضرتي عشان البس دلاقات ملونه)

طبعا انا امعصبه بس ساكته وبالعة لساني.... ان يزيد الطين بله ويقول
" طيعا انتي ما عندج شروط... انا كامل والكامل الله"<----- يعرف يقول امثال بعد

جان اقوله لا ليش... انته ؟؟؟ الى بتاخذك.. الله داعي عليها.... اقول عطنا امقفاك
جان يعصب وبيقول... لا هذي ملسونه ما ابيها
قتله لاااااااااا تكفى...!!!!! وبعدين دريت انه تزوج خدامتهم الفلبينية... ومشيته على الصراط المستقيم

 

[لؤلؤية]

بعد عمري فدييييتكم والله
باكمل لكم
بس خلوني اتفرغ..بعد مايطلع ابو العيال وارد احط لكم قصص يديدة :eh_s(8):

ويارب يوفق كل بنياااات المنتدى ويتزوجووون ويسطرون لنا قصصهم الحلوة مع ازواجهم

 

[لؤلؤية]

شندوخه

سبحان الله...صار نصيب البنت اللي ماتدري عنه

اشواق2008

لا اله الا الله...نصيب البنت اهو اللي وداها لبيتكم ...!!!

puzzle

ضحكني بقصة الدلاقات الملونه...حسبي الله على ابليسه
:dddds:

بنات راجعة لكم..

 

[Artya 【ツ】●]

آنا عندي بس خل تكمل القصه وأسدحها اهني على طوووووووووووووووووووووول

 

[اشواق2008]

بنات توني ذكر قصة زواجي غريبه
الله يسلمكم انا من الله خلقني مخطوبه لولد عمي هو اكبر مني بسنتين فاشل بالدراسه ولا عنده وظيفه وانا بثالثه ثانوي الرجال يحن يبي يتزوج ابوي مارضى قاله ماعندك وظيفه ولا شهاده على شنو ازوجك لا ويقول ما ابيها تكمل
المهم ابوي تهاوش مع ولد عمي وكبرت السالفه وتجمعت العائله ابوي مارضا الولد لسانه طويل على ابوي بس عمي ابو الولد طيب ويحب ابوي انتهت السالفه وكل واحد راح بطريقه ولد عمي يقول لخواته وعماتي اذا تزوجت غيري يارب تموت هي والمعرس واذا ما ماتت اذبحها هي وياه ويدعي علي وعلى ابوي تخرجت من الثانويه خطبني زوجي وتسهلت الامور
وتزوجت زوجي اكبر مني 10 سنين بشهر العسل قالي والله يا اشواق صارلي جم سنه وانا اتحلم انه ابوج جايبلي هديه لما عطاني الهديه قالي دير بالك عليها ترى محد يدري انا شنو عطيتك
سبحان الله والله يابنات زوجي ما شاف ابوي الا قبل الغزو بسنه زوجي على ايامها يدرس بس النصيب
اختي متزوجه ولد عمي خطيبي سابقا يصير حماها يقولها تدرين اختج ليش ماجابت عيال لاني داعي عليها من قلبي ولد عمي ماتزوج لي لحين
انا الحمدلله سعيده بزواجي وصارلي 7 سنين متزوجه الله يتم علينا وادعولي بالذريه الصالحه
وسبحان الله النصيب متى ما الله كتب يجي كل ما اتذكر سالفة زوجي وحلمه اقول سبحان الله

 

[حلاووه]

يعطيج العافيه

صج كل واحد ياخذ نصيبه

 

[ام حسوني]

خووووووووووش موضوووووووووووع

يا ام فصووووووووولي

يعطيييييييج العااااااافية

و نبي بعد قصص منج و من البنات

و لا تزعليين انا برفع لج الموضوع كل يوم

و يا رب يرزقني و يرزق البنات العزوبيات الزوج الصالح

عاحلا و ليس اجلا

يا رب

 

[Om_Ksha]

ام فصووول سالفه الاسره الحاكمه هم سمعت فييها
دكتورتي بالجامعه تسووولف انه عندهم بنيييييه تقول سلانيه((الدكتوره تتكلم عنها)) تقووول وهم بعد سمعتها ولا بد .. المهم تقول هالبنت قامت وتدز مسجاات ونشرت خبر زواجها من واحد بالجامعه من الاسره .. والكل يروح يباركله بالزواااج واهوا مستغرب !! شكو ما تزوج .. وقال الا ارووح اشووووفها .. ويوم راح شافها ولا تعجبه وصج تزوجها !!

 

[Om_Ksha]

اي وهم في سالفه رفيجتى قالتلي عنها .. انه في يوم من الايام في وحده معروووفه ((سمعتها مو ذاك الزود)) وحطت عييييييينها على وااااحد ولد عااايله وتقوم وتراقبه بكل حركاته وتعرف وقت روحتها للبيت وردته وغيره وتعرف رقمه وقامت شرت رقم نفس رقمه بس آخر رقم غيييييير وعطته اخوووها .. واتفقت مع رفيجتها انه توووقف جدام بييتهم وتفش التاير وحرصت علا رفيجتها انها ما تكون كااااشخه واهيا الكاشخه المهمممممممم وتدق علا رقم اللى تلحقه وتقووووووووله احمممممد تعااااااااال بسرعه السياااره بنشرت وانا واقفه صووب هالبيت وتعطيه العنوان ويلا باااااي تراا ماكو شحن
وتقفل التلفوون .. ويطلع الصبي منصدمممممممم !! ويشووفها وااقفه ويقولها انتى داقه علي تقول لالالا داقه على اخوووي وتسأله عن الرقم وتقوله رقم اخووي غير المهممممممممممم انعجب فييها وقام يدق علييها وخطبها ..

وسالفته معروفه بين الكل واهوا لي الحين مايدري عنها !!

 

[Om_Ksha]

رفييجتى بنت عايله معروووفه كله تسولف عن اخووها انه مو راعي زوااج بس تمدحه انه زين وطيب وجذي المهم الريال كبر وماتزوج .. ويوم من الايام تقولي اخوووووووووي امس خطب ..واليوم بيملج ..

وملج على وحده كان شايفها لمن يسافرون فرنسا كل سنه وتوووها متخرجه من الثنويه !! مع انه عمرها 21 تخيلو 8 سنييين بالثنويه .. تخرجت وامجلت من صوووب بس صرااحه الكتاب مبين من عنوانه احس انه وااااااايد وحده تعمر بالثنويه كل هالسنين .. وعلا فكره اخووها هم مو هيين واااااااااااااايد يتحرش ماكو بنت ماتحرش فيها ويووم اللى خطبها كنت زايرتها ورقمني !! فاستغربت انه يومها خطب

الطيور على اشكالها تقع

 

[لؤلؤية]

|- بنوته -|
باذن الله تكمل بالقريب العاجل..وتسطرينها لنا هنيه
قولي يارب


اشواق2008

صج انتي اغلى هدية ابوج عطاها لريلج
و.....عسى ربي يرزقج بالذرية الصالحة اللي تقر عينج انتي وريلج


ام حسوني
من عيوني...ولايهمج..وان شاء الله البنات مايقصرون


Om_Ksha
واااي من بعض البنات عليهم حركااااات موطبيعية
ما ادري اسميها دهاء والا عبقرية
وما يكسر خاطري الا البنات اللي خايفين ربهم وحاشمين روووحهم ومحترمين عوايلهم...
ياقلبي اهم ما صارلهم نصيب للحين
والمبلتعه اهي اللي يمشي سوقها وتاخذ شي راهي
صج ارزااااااق



سمعوا هالقصة

7

7

7
واحد كان عنده 6 بنات لا اله الا الله
وكان معااااند انه مايزوج الصغيرة قبل الكبيرة...ووقف نصيب بناته بسبة هالشغله..خاصة انه بنته الكبيرة مريضة...وماتقدم لها احد

مرت السنين...وشاف انه بناته قاعد يطوفهم القطار واهو متزمت ومعاند بزواجهم...
فحن قلبه عليهم...وقرر انه مايتشدد

اول واحد طق بابه..خطب البنت رقم 4 وافق الابو على طووول..وتزوجت..وعقبها بشهرين
انخطبت البنت رقم 3 ..اهي اصلا كانت تحب واحد..والابو رافض زواجها قبل خواتها الكبار
خطبها حبيبها..بعد ماشاف انه الابو غير رايه وزوج البنت ال 4
ووافق الابو على طول على زواج البنت ال3
وبعدها بفترة موبعيدة..تقدم للبنت الكبيرة واحد ارمل..وحالته مرتاحه....وتسهلت وتزوجت
خلصنا من 3 بقى 3

ومرت السنين...

البنت الخامسه والسادسة كانوا صغار وكبروا...وقعدت البنت الثانية للحين ما آآن اوانها
وتزوجت الخامسة...وبعدها باسبوع انخطبت السادسة...
منو قعد ؟؟؟ >>>> الثانية

هذي كانت آخر وحده...وزوجت خواتها وكانت تفرررح لفرحهم
ووصل عمرها لل36 ولا تزوجت
فقدت الامل...خاصة انها وصلت لهالعمر
وسبحان الله ..
ارسل لها نصيبها...واحد عمره 40 سنه...ولم يسبق له الزواج لانه كان يدرس لذلك فهو يحمل شهادات عليا...ميسور الحال...ومنصب كبير..
حتى انه نصيبها كااااااااان احسسسن من نصيب خواتها كلهم تبارك الرحمن
وتزوجت آآخر وحده
وعسى الله يهني الجميع