Ξღ سمعتي قصة خطبة او زواج غريبة؟؟ تعالي ღΞ

[Om_Ksha]

لووول هالقصه سمعتها من يومين مادري كاتبينها ولالا


المهم

انه في واحد محدووله وحده تشتغل بوزااره وقالوله رووح شوووفها هناك وبعدين قرر عجبتك ولالا المهم اهوا رايح ويحس بضيييقة ماوده يدش الوزااره واقف ويفكرر ولا تيي وحده وتدعمه وتتهاوش معاه ومادري شنو المهم اهوا عجبته وبدال لا يدش الوزااره قام لحقها لي بيييتهم وخطبها وتزوجهاا .. فكلا يقووولها لو مادعمتيني جان ما خذييتج ’’

 

[بنت.المطيري]

السالفه الثانيه مضحكه وغريبه بنفس الوقت

شاب وحيد امه وابوه

الولد مهندس ومعاه ماستر من امريكا وماينقصه شي امه متغليه فييه وحييل ماايقه فييه

مهندس وعايلته زينه وماعليه قاصر مملوح ماشاء الله وهم ملتزم وخلوووووووق وبشوور اهله

والام حييل حيل متغليه واتدور له بنت مطلع الشمس

سأله مديره ليش ماتزوجت

قاله امي مو محصله لي للحينها

قاله تعال شووف اخت مرتي وعطاه الرقم بورقه

خذاه وقال لامه
شافت الام الاسم وماياز لها الاسم ليش انهم مو من مواخيذهم

بس الولد يحب المدير ويحترمه

رد وقالها علشان خاطري يمااه شوفييها

وحن على امه وامه كسر خاطرها دقت وقالت بشوف البنيه

دخلت الام وانصدددددمت البنت مافيها من الزين شعره وحده سميييينه لدرجه انه زنودها اترطرط بس قططنه

طلعت الام قالت له ميتينه وماتصلح لنا

قال بشوفها

قالت الام خووش ماراح تلووق له

دخل شافها

طلع والام كلها ثقه انها ماااراح تعجبه لاخير ولا شر لاانها حسب كلام الام بوقت الشوفه موو حلوه شعرها مو ناعم ماجنها من عايله تشتهر بالشعور الحرير والكتكته

ومتيييييييييييييييييييييييييييينه جنها مريم الغضبان الله يرحمها ويغفر لها

وملامحها عاديه مع المتن متقلفصه

بس صدمها لمن قالها

عجبتني وابيها

ردت قالت له دش شوفها

قالها مقتنع

والولد مابذنه مااااي

دقت الام على اهل البنيه طبعا وافقوا بدون تردد بتزكيه من نسيبهم بعد

كلما دقت عليهم الام قالوا لها باجر

اي صج

لمن دقت قالت لهم متى اقدر ايي واتعرف عليكم

قالوا لها باجر ولمن ردت دقت متى يقدر الولد يشوف قالوا لها باجر

ولمن دقت قالت لهم متى اييون الرياييل قالوا لها باجر

دقت متى اييب الدزه قالوا لها باجر

متى الملجه قالوا لها باجر

انزين والعرس قالوا لها حجزنا الاسبوع اليااي لقينا حجز بصاله الجمعيه<- - اشووه انها مو باجر

لدرجه انه الام بالعرس قاعده واتصييح

وماتدري جم عطاها مهرررر

خالته ساسرته جم عطيتها قالها 12 الف

وصار عند خالته الصغيره هبووط شربوها سفن اب

طالعه بالصوور وهي تشرب سفن اب والكحل نازل من عيوونها من كثر ماداخت وعيونها صارت اتدمع من غير شعوور

وسبحان الله الولد يموووت على مرته وهم الام حبت بنت النااس حييل ودخلت قلووبهم

صج لاتنظر قدم ولاساق وربك قسام الارزاق

يحليلها نيتها بيضة وبنت حلال الله يوفقها

 

[tota kim]

هههههههه صج كلمن يااخذ نصيبه

 

[بنت الانصاري 77]

يعطيج العافيه يا الغاليه على هالقصص الحلوه اللي ذكرتني بالذي مضى

 

[بنت.المطيري]

أنا توني أفطن بالموضوع رووووووووعة وماشاء الله عليج أم فيصل من وين يايبة هالقصص كلها
المهم الله يوفقج حبيبتي ويهون عليج ولادتج يا رب
وأنا في قصة سامعتها بقولها لكم
كان في وحدة رفيجتها بالدوام قاعدة تدور حق أخوها
عروس وتقعد تسولف لها عن البنات اللي يشوفونهم ولا حظت بطلة القصة انه الولد خوش واحد شهادة وأخلاق وأدب وهي تعرف اخته واهي مو متزوجة ليلحين وسنها مناسب حقه الخلاصة : حطتا براسها
ولاحظت انه اخته واهي تسولف لها عن العرايس المرشحين له محد عاجبه كله تعذرب بالبنات وما يعجبها العجب وقالت حق روحها أنا لو انطر اخته تيي تخطبني ما راح آخذه .
فشسوت ما شاء الله عليها ..
باقت تلفون الأخو (عريس الغفلة )من تلفون رفيجتها اللي بالدوم يعني غافلتها وخذته
وراحت دقت عليه من رقم سايقهم أو أحد ثاني مو متذكره ... المهم من رقم غريب
وشنو قالتله ؟؟؟
قالتله أنا فاعله خير وشايفتلك شوفه
بنية مناسبة وخلوقة وخريجة وتشتغل وعايلة وأصل وفصل (قامت تمدح روحها شوية ميخالف عشان تشوقه -اني لاأكذب ولكن أتجمل لوووووووووول ) المهم وقاللتله وإذا بتشوفها اهية راح تكون مع امها باليوم الفلاني بالمجمع الفلاني تعال وشوفها وانت مو خسران بس ترى البنت ما تدري )
المهم راح أخونا المجمع وشافها من بعيد ودخلت مزاجه وراقبها اهيه وامها واهمة الثنتين امسوين روحهم ما يدرون ...
وبعدين لحقهم لي البيت ودله وراح حق اخته وقاله لقيت البنت اللي ابيها وخطبيلي اياها ويوم اعرفتها اتفاجئت انها رفيجتها بالدوام
والحمد للهتزوجوا وعيلو ..
ويقولج ليلحين ما يدري منو فاعلة الخير هذي
أو بالأحرى ما يدري انه اللي دقت عليه اهي البنية نفسها .

خخخخخخخ العب بالحلااااااااال العب بالحلاااااااااال <<سامعه طارق العلي يغنيها :dddds:

 

[بنت.المطيري]

اخيرا خلصت..ياااااكثر ردودي فشله:$

يسلمو ام فيصل ويسلمو لاتعبني غروري عالرفع
..اقول ام فيصل ماتزوجين وحده ن هالعزوبيات ولدج..احم احم ..

يعني اقول خل تسدحلنا القصة اهني خخخخخخخ



عساج عالقوة

 

[قلب راشد]

في وحده من أهلنا كاانت حاطه حنه واهي ما تحبها بعيشة الله بس كاانت زايره بيت يدتها وقالت لها الا تحطين حنه علشاان تصبغ شعررج :eh_s(1):

المهم ما أدري شنو قصر عليهم بالزوااره وقالوا لها ترووح تييبه

فطلعت وهي معصبه وقالت أول برووح بيتنا بغسل شعرري عقب بمر أييب لكم اللي تبوونه

لأنهم ساكنين بنفس المنطقه ..

فطلعت رايحه بيتهم جاان تبنشر سياارتها

حنه + بنشر = :0bee2e8d89:

وقفت بالشارع واهي بس قاطه الملفع على رااسها واهي مو متحجبه

فوقف لها وااحد يصلح لها التاير

ولحقها الى البيت

وبعد فترره يا خطبها .. عاد يوم سإلته تقول شنو اللي حببك فيني

تدروون شنو قال ..























ريحة الحنه .. أمووت عليها :krkrkr:​

 

[Princess Tota]

أب

أب

أب

أم فيصل فديتج اشتركت عشان أرفع لج الموضوع .. تسلمين على السوالف الحلوة و الجهد اللي بذلتيه .. الله يعطيج ألف عافية.. و آنا عصرت مخي عشان أتذكر قصة غريبة .. بس أتذكر أقولكم إياها .. ​

 

[RoO7ii.T7bic]

خوووووش قصص

بقول لكم قصه بنت خالتي

اهي كان ولد خالي يحبها يمووت فيها وامها كانت تدري واهي بس

بس يا لها واحد من طرف مرت خالي واهي وافقه لانها تبي نطلع من بيتهم لانه ابوه حجر وما يطلعها والا شي

عاااد المسكين ولد خالي زعل وعقب جيي سنتين حب وحده بس مو نفس مذهبنا وراح خطبها بس ما صار نصيب وعقب فتره بنت خالي خلعت ريلها والحمدلله ما يابت منه عيال

وقعد بيت اهلها سنه جيي بس ولد خالتي للحين ما يدري انها تطلقت

وعااد اهو وابوه وريل خالتي راحو العمره عاد ابوها قاله انا لو عندي بنت ما تررددت وزوجتك اياه بس ما عندي الا فلانه مطلقه

عاااد اهو لما سمع انها تطلقت
حلف عليهم الا يردون ويخطبهاا

عااد اهي مني ما كنت متردده خابف توافق خايفه يصير معاها نفس الشي مع طليقها بس عقب تروجته واهو كان طاااير فيها

واللحين حاامل وقريب تولد
الله يقومها بالسلامه

وبس خلصت الديايه وعنفصت

 

[لؤلؤية]

اخيرا خلصت..ياااااكثر ردودي فشله:$

يسلمو ام فيصل ويسلمو لاتعبني غروري عالرفع
..اقول ام فيصل ماتزوجين وحده ن هالعزوبيات ولدج..احم احم ..

يعني اقول خل تسدحلنا القصة اهني خخخخخخخ



عساج عالقوة

الله يقويج حبيييبتي
وفيصل ان شاء الله بازوجه بس خل يكبر شوي :dddds:
عسى ربي يرزق كل بنية بالزوج الصااالح

بنات قصصكم اتينن

كملوا

 

[^^المهره^^]

بعد عمري يعطيج الف عافيه
موضوعج اينن
بدون اي مبالغه يمكن هذا امتع موضوع انطرح في هالقسم
العاده كله مشاكل و استشارات
بس انتي بموضوعج هذا صج صج سويتيلنا جو حلو
الله يعطيج العافيه و ان شالله لا نزوجت احطلج قصتي
لاني انخطبت من قبل بس مافيهم قصه واو اللي تستاهل اني احطها

ادعيلي حبيبتي

وبانتظار قصص يديده:ggdw:

مع السلامه

 

[روحي فداها]

اب

اب


اب


اب لعيوووووووون ام فيصل موضوع حلووووووووووو لايوقف بنات

 

[q8Sadika]

thank you nice subject

 

[كادي::::]

و الله موضوعج يستاهل الرفع
الله يرزقني بإلي في بالي يا رب

 

[Princess Lady]

روووووووعه الموضوووووووع

 

[nono Al-amora]

عيا بقول لكم سالفه أمي وابوي

أبوي اكبر من امي ب 10 سنين واهوا لاعب مشهور قبل . فأمي كانت بيت جيرانهم ومعجبه فيه وحافظه الاوقات الي يطلع فيها وكل ما يكون عند ابوي تدريب بالنادي امي تكون واقفه بحديقه بيتهم تنطر ابوي يطلع وابوي ثقيل ما يعطي ويهه وامي ميته ميته تبيه.مره كانت ناطره ابوي يطلع برا بيتهم وطلع ولا خالتي الي اكبر من امي كانت تطالع امي من الدريشه وتحذف عليها نعال من الدريشه وتصاارخ علييها ابوي مسكين ما انتبه كمل طرييجه . ام ابوي كلمت ابوي عساس يخطب امي لانها زينه وتدرس بالتربيه وخوش بنت وعليه ابوي قالها اوكي
واخطبت امي .هذا السالفه معتمده من امي وابوي وخالتي بس التكمله مشكوك بامرها لان امي تقولي حجي وابوي يقولي حجي فما ادري منو اصدق .
التكمله
كلام ابوي: ان عقب ما ابوي خطب امي ب 3ايام ولا يدتي ام امي ترووح بيت اهل ابوي وتقولهم ليش مادقيتو عشان تعرفون اذا بنيتنا موافقه ولا لأ بس ابشركم وافقت...

كلام امي : انه ام ابوي كل يوم ولمده 3 ايام تروح وترد بيت اهل امي بس عشان اهل امي يوافقون على ابوي

 

[nono Al-amora]

يقول لكم سالفه أمي وابوي

أبوي اكبر من امي ب 10 سنين واهوا لاعب مشهور قبل . فأمي كانت بيت جيرانهم ومعجبه فيه وحافظه الاوقات الي يطلع فيها وكل ما يكون عند ابوي تدريب بالنادي امي تكون واقفه بحديقه بيتهم تنطر ابوي يطلع وابوي ثقيل ما يعطي ويهه وامي ميته ميته تبيه.مره كانت ناطره ابوي يطلع برا بيتهم وطلع ولا خالتي الي اكبر من امي كانت تطالع امي من الدريشه وتحذف عليها نعال من الدريشه وتصاارخ علييها ابوي مسكين ما انتبه كمل طرييجه . ام ابوي كلمت ابوي عساس يخطب امي لانها زينه وتدرس بالتربيه وخوش بنت وعليه ابوي قالها اوكي
واخطبت امي .هذا السالفه معتمده من امي وابوي وخالتي بس التكمله مشكوك بامرها لان امي تقولي حجي وابوي يقولي حجي فما ادري منو اصدق .
التكمله
كلام ابوي: ان عقب ما ابوي خطب امي ب 3ايام ولا يدتي ام امي ترووح بيت اهل ابوي وتقولهم ليش مادقيتو عشان تعرفون اذا بنيتنا موافقه ولا لأ بس ابشركم وافقت...

كلام امي : انه ام ابوي كل يوم ولمده 3 ايام تروح وترد بيت اهل امي بس عشان اهل امي يوافقون على ابوي


ومشكوره ام فيصل عالموضوع

وجانزين يتثبت:eh_s(6)::eh_s(6)::eh_s(6):

 

[RoO7ii.T7bic]

انا بعد بقول سالفه امي وابوي

ابوي خطب امي لما كانت صغيره بس يدت امي عيت وقالت ما عندنا بناات للزواج عاد ابوي مسكين تحطم وسافر مع رفيج مصر وتزوجوا مصريات خوات

وعقب ما يابت مرت ابوي له 5 بنات وبهل الفتره ماتت يدت امي

ورد ابوي وخط امي ووافقواا

وعقب ما اتزووج بابي مامي قالها تدرين اني خطبتج قبل ما اخذ المصريه
جان تقوله امي لا مادري
قالها هذا اللي صار

ويابتنا ماماتي 3 بناات

 

[بدوره 22]

خل اقولكم قصة امي وابوي

امي تصير حق ابوي من بعيييييييييييييييد بعييييييييييييييييييد وااااااااااااااااااااااااايد

المهم ان يدتي الله يرحمها كانت كله تقوله خلني اخطبك فلانه ( امي )

وهو موراضي ... (( ما شافها لي الحين ))

وسبحان الله يوم كانوا رايحين عرس وخبركم عروس قبل بالحوش

وامي كانت موجوده وشافها ابوي وقال حق يدتي منو هذي ؟

قالتله فلانه ...

قال ابيها وايد حلوه

وتزوجوا

 

[Shade]

عجييييييييييب الموضوع