.·:*¨`*:·. دوانيه المغتربات .·:*¨`*:·.

[مجنونة حبه]

الحدالله عالسلامه فوفو وقره اهلج فيج (حلوه هذي)
وديري بالج على نفسج شوي شوي تراج باول الحمل
اهلين فوندا ما يشوف قلبج الهم يا بعد قلبي ان شاء الله عدوينج
اقري المعوذات بعد قلبي وكلنا يصير فينا شذي بعض المرات

 

[ريشه فنانه]

هلا بكل بنات الديوانيه


الغالين علي قلبي تراكم والله علي البال ما نسيتكم :eh_s(22):


بأول اقولكم تراني وصلت بريطانيا وللله الحمد وبعد ما انقشعت الغيمه البركانيه (الله لا يردها ) بعد تدرون ورانا سفره بالصيف

يا الله الحين تعالوا صفو شوفو شنو يايبه لكم من الكويت :jbdwjbd:




زبيدي حق غدا الديوانيه بتسويه لنا المحروسه طباختنا بطوطه

جم قرشه دقوس بوديج لزوم الغدا بس شوي شوي عليه كلهم جم حبه

معبوج اخضر ومعبوج بدبس الرمان وصل حديثا عاد الاخير ذبااح

طاسة غريبه مشكله من هيل وزعفران لزوم بعد الغدا وهم للديوانيه تستاهلون

كيس حليب نيدو بودر لوووول نبيه للعشا جاي حليب مع البقصم عاد البقصم انواع شيء بالسمسم شيء امير الامراء شيء بقصم سوق الديره

اتصدقون بنات نزلتي هذي جني عيوز القط من كل شيء واييب منه حتي بفك بوسفينه وصل لندن

وسلامتكم ماره الحين بس اسلم واييب الصواغي ان شاء الله لي طله ثانيه عاد الحين بفضي لكم وابي اخباركم وحده وحده ​

 

[q8_toffee]

هلا وغلا بفلجاويه

حمدالله على سلامتج نورت الكويت بردتج

الله يسهل عليج الحمال ويرزقج الذرية الصالحه يارب

عادي انا حاشتني هالحاله لمه رديت الكويت وقت الى قاعدين في بيتنا انام والوقت الى اهما نايمين فيه انا قاعده توقيت لاعب حسبه فينا

بعد قلبي فوندو الله يفرج همج وهم كل مهموم يارب

لاتضيقين خلقج وتفكرين وايد ماكو شي يسوى والله خليها على الله الله يسهل الامور انشاءالله

 

[q8_toffee]

هلا فيج فنانه

حمدالله على سلامتج

من طول الغيبات جاب الغنايم

ياي ياحلات الزبيدي وحلات سمجنا والله

اهم شي البقصم والدرابيل وزيدج بعد رهش وحلوى معاهم لزوم الجو والقعدة على الاقل نشم فيهم ريحة الكويت نونس روحنا فيهم

الله يسلمج من كل شي

 

[مجنونة حبه]

شلونكم يا صابرين بالغربه
شلونج توفي
وحمدالله عالسلامه ريوش
والله انتي نفسي حتى خبز رقاق يبته من الكويت
وبطل دقوس كرستال بو فلفلتين باقيلي غرشه وحده خاشتها
امبيه بس معبوج طرشيلي ياه اشدعوه اخويتج انا

 

[مجنونة حبه]

وينكم ليش صخه عسى ما شر
المهم يابتلكم خبرين الاول

اخييييييييييييييييييييييييييييييييييييييرا قروا كادر حق المهندسين ابتداء من ٢٠٠ دينار

اخييييييييييييييييييييرا ما بغينا
مشكورين يا جمعيه المنهدسين وياعطيكم العافيه يا مجلس
والخبر الثاني
اهو ناحية اخرى قالت مقررة لجنة شؤون المرأة د.اسيل العوضي ان الحكومة طلبت امهالها للرد على مطالب اللجنة بشأن حقوق المرأة المدنية والاجتماعية.
يالله ناطرين !!!!

 

[q8_toffee]

شلونكم يا صابرين بالغربه
شلونج توفي
وحمدالله عالسلامه ريوش
والله انتي نفسي حتى خبز رقاق يبته من الكويت
وبطل دقوس كرستال بو فلفلتين باقيلي غرشه وحده خاشتها
امبيه بس معبوج طرشيلي ياه اشدعوه اخويتج انا

هلا و غلا

انا بخير الحمدالله انتي شلونج

خبز رقاق ضروري حق رمضان سويتها نفسج العام يبتلى خبز رقاق وانشاءالله هالسنه بعد اذ الله جعلنا من الحيين

مبرووك على الكادر

 

[مجنونة حبه]

الله يبارك فيج توفي
ما صدقنا والله بس الحمدالله نطرنا سنين عالكادر
بس شفيكم صخه
شنو متقين ما احد يدش

 

[q8_toffee]

الله يبارك فيج توفي
ما صدقنا والله بس الحمدالله نطرنا سنين عالكادر
بس شفيكم صخه
شنو متقين ما احد يدش

ماكو احد والله من لقه احبابه نسى اصحابه الكل وصل الكويت بسلامة ولاهين مع الاهل الله يهنيهم ولا يفرق شملهم انشاءالله

والى اهني اكيد بعد لاهين مع دراستهم وهالمجره


غير ان منتدى معلق جم يوم

 

[مجنونة حبه]

امين
وانتي توفي ما راح تردين الكويت

 

[ريشه فنانه]

هلا والله بالطيبين عاد ما ادري شالحزه عندكم انا بالنسبه لي بريطانيا بقولكم صباح الخير

واااي يا هوا لندن وراحة البال هههههههههه ادري ودكم اتكفخوني توني يايه يعني شبعانه من الكويت :dddds:
بس صج الكويت حلوه واليمعات والطلعات لكن
صدقوني القعده بيتج اهني ما ادري اريح بلا لويه وتنجزين وايد اشياء فستغلوا الوقت طول ما انتوا اهني لان بالكويت نوووووووووووووووووووووووووييييييي يا الله البلعه والطلعه والزوارات :ada:


وبعدين شنو خططكم للصيف ؟
انا ناويه اسوي جوله من لندن لاسبانيا ومنها لين فرنسا والعوده لندن وبعدها للكويت

يا اللله عطوني خططكم و رايكم _03BA:

 

[q8_toffee]

امين
وانتي توفي ما راح تردين الكويت

اكيد انشاءالله بنرد طيارتنا يوم الاحد انشاءالله

 

[q8_toffee]

هلا والله بالطيبين عاد ما ادري شالحزه عندكم انا بالنسبه لي بريطانيا بقولكم صباح الخير

واااي يا هوا لندن وراحة البال هههههههههه ادري ودكم اتكفخوني توني يايه يعني شبعانه من الكويت :dddds:
بس صج الكويت حلوه واليمعات والطلعات لكن
صدقوني القعده بيتج اهني ما ادري اريح بلا لويه وتنجزين وايد اشياء فستغلوا الوقت طول ما انتوا اهني لان بالكويت نوووووووووووووووووووووووووييييييي يا الله البلعه والطلعه والزوارات :ada:


وبعدين شنو خططكم للصيف ؟
انا ناويه اسوي جوله من لندن لاسبانيا ومنها لين فرنسا والعوده لندن وبعدها للكويت

يا اللله عطوني خططكم و رايكم _03ba:

هلا وغلا بأهل بريطانيا

الحمدالله اهم شي راحة البال وين ماتكونين مو مهم المكان

تبين الصج محد يشبع من الكويت حتى بالحر ورطوبتها حلوة بالنسبة حق اهني صج ان اهني الحياة ايزي وسهالات بس ياربي حياتنا بالكويت لها طعم ثاني مافي مجال للمقارنه

حلوة جولتج انشاءالله تهنين فيها يارب وتستانسين

ماكو والله انا بقعد بالكويت انشاءالله

 

[مجنونة حبه]

اهلين بتوفي شخبارج يالله الله يسهل عليج واتردين الكويت وتشبعين من حرها
ريوش اهلين بلندنيه
اتصدقين ريلي يحن الا يبي يروح لندن بالصيف
بس احسها صعبه شويه مع ياهلين ولا انتي اشرايج
ورحله الي انتي امخطتيها حلوه وبذات اذا كانت بالسياره لان راح اتمرين بمناطق ماراح اتشوفينها لما تكونين بالطياره

 

[ريشه فنانه]

توفي اتروحين واتردين بالسلامه استانسي قد ما تقدرين واللله تبين الصج راحة البال كلها بحضن امي

اقووول ؟؟ جني اشتقت اشتقت للكويت من يديد وفايق يا هوا يوم كنا سواااااااااااااااااااااااااااا:denya:


مجنونه حبه

تعالوا لندن بالصيف بس لا تطولين بلندن نفسها قعدي بلندن جم يوم بعدين فتروا بالمناطق الثانيه مانشستر وكاردف وايد حلوين

وااي بنات ادعولنا صاحب البيت يبي البيت وبس احنا اللي حايسيين قاعدين ندور باهالبيوت ولاندور شيء مناسب ولا محصلين
والمعزب يبي بيته كلهخ من السوسه مرته مشيشته اقول مرتي تبيه تبي اتعدل بالبيت
دعواتكم ​

 

[q8_toffee]

توفي اتروحين واتردين بالسلامه استانسي قد ما تقدرين واللله تبين الصج راحة البال كلها بحضن امي

اقووول ؟؟ جني اشتقت اشتقت للكويت من يديد وفايق يا هوا يوم كنا سواااااااااااااااااااااااااااا:denya:


مجنونه حبه

تعالوا لندن بالصيف بس لا تطولين بلندن نفسها قعدي بلندن جم يوم بعدين فتروا بالمناطق الثانيه مانشستر وكاردف وايد حلوين

وااي بنات ادعولنا صاحب البيت يبي البيت وبس احنا اللي حايسيين قاعدين ندور باهالبيوت ولاندور شيء مناسب ولا محصلين
والمعزب يبي بيته كلهخ من السوسه مرته مشيشته اقول مرتي تبيه تبي اتعدل بالبيت
دعواتكم ​

الله يسلمج من كل شر ياقلبي

الله يكون بعونج على الدوارة والنقله الله يسهل لكم وتحصلون الى تبون انا الحين مرتاحه الحمدالله بمكاني بس ريلي مفكر يغير المكان لمجرد التغير انا مالى خلق نقله وترتيب

 

[مجنونة حبه]

امبيه شفيهم رياييلنا عالنقل نقعد ٦ شهور ويزهق او متخوف من المكان ويطلع الفييييييييين عذر وعذر ولما نلاقي مكان يقول اي هذا احسن وبعدها لما نسكن يغير رايه
الله يهينا ويعينكم صج تنقل صعب بالذات لو كان عندكم يهال

 

[هــلا الكويت]

مرحبا مغتربات .. الله يسهل عليكمم ..

بغيت اسألكم .. بما اني قريبا بأنضم لكم .. بالنسبة للي كانت ساكنه بشقه مع زوجها قب لا تسافر ..

لما يرجعون لكويت وقت العطل وين يقعدون ؟؟؟؟؟

فيدوني جزاكم الله خير ..

 

[مجنونة حبه]

هلا والله بهللا الكويت
وحياج قريبا معنا
شوفي بالنسبه لي انا انتقلت بيت حمولتي عندهم شقتين وخذيت انا شقه وفرشتها قبل لا اسافر مممممممممم بسنة لان كان ناويين نسافر وبس شذي احسلنا كل ما ردينا شقه تكون جاهزه واغراضنا موجوده ما نحاتي

 

[chocolate fondue]

هااااااااااي بنااااااااات شخبااااااااركم؟؟؟

مجنونة حبه مشكوره ياقلبي على الدعوه الحلوة و مبروووووك على الكادر عليج بالعافيه و سالفة السفر مع ياهلين عادي سافري و استانسي آنا ياما سافرت مع عيالي نظمي نومهم و سويلج برنامج يريحج و يريحهم علشلن لا يتعبون و يأذونج

ريوووووش شخبااارج ؟؟؟ شالزين شالصوايغ العدله والله مشتهيه سمج الكويت يم يمي وعليج بالعافيه مقدما بالتور اللي بتسوينه في أوروبا و الله يعينج عالنقله صج تكسر الظهر

هلا الكويت آنا نفس مجنونة حبه نقلت بس نقلت عند الماما الله يحفظها عندها شقه فاضيه وكل ما أرجع أروح أقعد عندها بدل لا أدفع أجار عالفاضي و اهم شي أثاثي ما يتكسر بالمخازن الله يسهل أمورج يارب

توفي توصلين الكويت بالسلامه إن شاء الله ريحي و بالج هناك و استانسي

يا حلات الجو هالأيام شمس و دفى الله لا يغير علينا إن شاء الله

شخباااااااركم بعد؟؟؟