.·:*¨`*:·. دوانيه المغتربات .·:*¨`*:·.

[CuTiE PiE]

اريزيستبل حبيبتى الف الف الحمد لله على السلامه يالغاليه نورررررررت امريكا.....

وهذا موقع لقناه دبى ينزل المسلسلات والبرامج الرمضانيه اول باول اتوقع راح تستفيدين منو انتى و دلوله

http://vod.dmi.ae/mediamanager/

 

[Australia girl]

كيوتي باي ...مشكوره والله ياريت اللي يعرف مواقع للقنوات العربيه ..

 

[dalal]

مشكووووووووره كيوتي حبيبه والله ...



Australia gir انا ماعرف الا هذول

ام بي سي اونلاين :
http://www.mbc.net/portal/site/shahed/menuitem.80f975233b56ba9e4968bb10480210a0/?vgnextoid=de369d85799e2210VgnVCM1000008420010aRCRD




ومن هني اشوف قناة الوطن

http://www.alwatan.com.kw/

 

[irresistible]

وي دلول مثلي كيوتي باي مشكورة لا خلا و لا عدم يا حلوة انتي فديتج و فديت بنتج شخبارها عروستنا بس باركولي ركبنا الدش بعد مرة لولولوليييييش العمارة رضو نحطة علي السطح متعاطفين معاي قتلهم لو انتو بالكويت و مافي قنوات انجليزية ما يضيق خلقكم هني كسرت خاطرهم بعدين ويهي يساعد علي التمثيل قمت عطيتهم بوز جان يرضون

 

[كندية]

شلووووووووووووووووونكم بناااات وحده وحده.....وشلوون رمضااان ...
زوزو مبروووك الستلايت ..تصدقيين انااا لما رديت الكويت حااشني اكتئااب هههههههههههههه كل ابي انقلش ...

 

[(((سامية)))]

سلام عليكم بنات

مبارك عليكم باجي الشهر

انا جديدة هني و اتمنى تساعدوني بليز ..

انا ناوية ان شاء الله اروح اكمل هندسه في امريكا شهر واحد بس ليلحين مادري اي مدينة و اي جامعة ! فبغيت اسألكم شلون الحياة في امريكا سهلة صعبة ؟؟ الشعب شلونه طيب و الا عنصري ؟؟ (خصوصا عقب احداث 11-9 ) ؟؟ الديرة امان ؟؟ انا بنية متحجبة و راح اكون بروحي من غير ريال امان هناك و الا لأ ؟؟ شنو المدن اللي فيها كويتين ؟؟

و اللي عندها اي اضافة بليز بليز تفيدني

و مشكورييييييييييييييييييين وايد

 

[chanel N22]

اختى سامية رديت عليج بموضوعج وقوليلي رايج

 

[Filakawyia]

السلام عليكم

شلووونكم بنات ؟؟؟ شخباركم ؟؟؟

شكلي بنضم لكم قريبا :ggdw:

في وحده منكم في اريزونا ؟؟؟​

 

[والله مادري]

سلام...


بنات منو فيكم بايرلندا دبلن ؟؟؟

 

[girl_in_abottle]

هذا الموقع إلي انا اتابع فيه القنوات العربية
http://www.fomny.com/tv-arabic.php

و قناة الراى من هل الموقع
http://www.dish2net.com/?channel=Alrai TV&stream=52

و ام بي سي و دبي و ابو ظبي من موقهم لانة فيديو ووايد واضح
طبعا اكو وصله بين التلفزيون و لاب توب عجيبة تخليج تشوفين بالتلفزيون كل شي

 

[irresistible]

مشكورين يا الله الباجي يستفيد من القنوات وينكم غاطين جذي رمضان لعب فيكم بيني و بينكم صج تعب و الله ما يمدي نتفطر الا نجهز حق السحور و الله احس خلاص استغفر الله تعبت انهد حيلي علي العموم عيد مبارك مقدما و حيا الله البنات اليدد

 

[Australia girl]

صباح الخير في احد ...بنات ضايق خلقي هالعيد اول عيد ماكون بالديره ..وهني المنطقه اللي انا فيها باااااااااااااااااارده مافيها اماكن تمشيه ولا شي ..لابغينا تغير جو طلعنا شوبينق اوووووووف ..اهلي يسالوني شسويتي للعيد ياحظي ماسويت والا شي يدوب شريتلي بدله ..حتى ميك اب ماراح احطا ريلي مايرضى هئ اهئ اهئ

 

[Stylista_Q8]

استراليا قيرل

عيل واللي يقولج العام كان عيد وبنفس اليوم عندي إمتحان وبعد جم يوم امتحان يعني من امه ما تهنيـت فيه

والله يعيني هالسنة بعيد الاضحى

بس احسن شي تسوينه حطي قناة الوطن وقعدي طالعي الاجواااء او روحي شوبينق مثل ما سويتي و سينما و مطاعم معه ريلج ~


والله مآادري

انا اعرف ناس في دبلن

 

[Om_il3ubed]

هلووووووووووو في احد هني؟

 

[irresistible]

عيدكم مبارك شخباركم

 

[(((سامية)))]

سلام بنات

عيدكم مبارك

ليلحين ماكو احد بامريكا ؟؟

فيلكاوية

انا رايحة امريكا قريب بس ليلحين مادري اي ولاية ؟!! ليلحين ما ياني قبول ! what a about you ??

ام العبد

شلونج ؟؟

عاد انا كنت حاطة في بالي استراليا بس حسيتها وايد بعيدة و ما فيها كويتين وايد فخفت !! شنو تدرسين ؟

 

[CuTiE PiE]

عيدكم مباارك بنات وعساكم من عوااااااده

اريزيستبل حبيبتى انا الحمد لله انى ايش اخبارك وايش سويتى بالعيد.......

 

[* بنت المطر *]

كل كويتيه باستراليا مغتربه وطاقه جبدها من الغربه اقولها

اكيد مليتي من الوول وورث وكولز و كي مارت هههههههههههه

اه ماودج نروح نتمشى بمركز سلطان بالكوووويت واااااي:tomato2:

والله بنات استراليا حلوه وشعبها يحبون الاكل بشكل موطبيعي

اللي يسوي ريجيم باستراليا طل بعينه يضعف:krkrkr::eh_s(16):


يمكن تطول غربتي سنين وسنين

وفيها عيوني مايطولك نظرهــــا

لكن تأكد لوتضيع العناويـــــــــن

تكشف لك الدنيا خافي قدرهـــــــا

انك عزيز ومسكنك داخل العيـــن

بين الرموش وساكن في نظرهـــا:q8:​

 

[Stylista_Q8]

كويتية باستراليا

امبيه ديرتج عكس ديرتي لووول

يمكن تطول غربتي سنين وسنين

وفيها عيوني مايطولك نظرهــــا

لكن تأكد لوتضيع العناويـــــــــن

تكشف لك الدنيا خافي قدرهـــــــا

انك عزيز ومسكنك داخل العيـــن

بين الرموش وساكن في نظرهـــا

^
^
^
صـح لسـآااااانج ^^

 

[Om_il3ubed]

كل كويتيه باستراليا مغتربه وطاقه جبدها من الغربه اقولها

اكيد مليتي من الوول وورث وكولز و كي مارت هههههههههههه

اه ماودج نروح نتمشى بمركز سلطان بالكوووويت واااااي:tomato2:

والله بنات استراليا حلوه وشعبها يحبون الاكل بشكل موطبيعي

اللي يسوي ريجيم باستراليا طل بعينه يضعف:krkrkr::eh_s(16):


يمكن تطول غربتي سنين وسنين

وفيها عيوني مايطولك نظرهــــا

لكن تأكد لوتضيع العناويـــــــــن

تكشف لك الدنيا خافي قدرهـــــــا

انك عزيز ومسكنك داخل العيـــن

بين الرموش وساكن في نظرهـــا:q8:​

لوووووووول تصدقين ريلي يقول نفس الكلام ماكو احد يضعف هني بس انا ضعفت لاني اروح نادي وجذي والحين رديت سمنت مع الحمال لووول

لوووول اي والله ملينا... تصدقين عاد كولز ترى ارخص من وول ورث :dddds: عن تجربه يعني لووول وعندهم ماركه دياي حلال اذا ما كان لج خلق تروحين القصاب الحلال

وبس عيشي حياتج وتمر الايام ان شاءالله :ada: