°ˆ~*¤®‰«ô_°ديوانية أمهات ذوي الإحتياجات الخاصة°_ô»‰®¤*~ˆ°

[HearT ChocolaTe]

مساء الخير والإحساس والطيبه .. شلونكم يا أمهات التحدي والصبر

 

[مباركيه]

مساء الهنا مساء السعادة أنت أشلونج عساج بخير

 

[مشاعل الشمري]

وعليكم السلام والرحمة .. لعيونج يا مشاعل يا الغاليه
فديت قلبج تقبل الله طاعتج

منا ومنكم صالح الاعمال يقلبي وعسى الله لا يحرمنا هالجمعه الصابرة يقلبي فديتج مو راضي يرووووح ومو راضين يردون الفلوس
انا مابي اجبره ومخليته على راحته
احبكم في الله

 

[مشاعل الشمري]

مساج الله بانور شلونج وشلون يوسف

الله يسلمج يحب ايدياتج
يويسف لاعب فينا بهالعطله

 

[مشاعل الشمري]

مساء الخير والإحساس والطيبه .. شلونكم يا أمهات التحدي والصبر

هلا وهلا وهلا بالطش والرش وماي الورد بقرش
هلا بمبدعة المنتدى ام عزوز الغاليه
تو ما نور منتدانا بشوفت هالصحبه الحلوة
الصابره + ام عزوز=نور هالمنتدى
ماتخيلون فرحتي بهاليمعه

 

[مباركيه]

حبته العافية مع ضمت إيدينج الدافية يا الحنونة

 

[العبدة أم كشة]

مرحبا بالجميع
شلونكم امهات شخباركم؟؟؟؟؟؟
مباركية
روعة النك نيم الظاهر انت مثلي تحبين سوق المباركية

 

[الصابرة المحتسبة]

أحبكم في الله ياخواتي
والمنتدى منور بوجودكم كلكم وحدة وحدة اي هذي الهقوة فيكم

 

[العبدة أم كشة]

وحنا نحبك اكثر وأكثرين
احبك الله فيما احببتينا اختنا الصابرة
نورك ياصابرة غطي على المنتدي كله

 

[مشاعل الشمري]

السلام عليكم ورحمة الله وبركاته
يسعد لي صباح خواتي
خوات الفرحه والهمه والطيبه
:eh_s(6):

 

[العبدة أم كشة]

صباح النور أخت مشاعل

 

[الأماني]

السلام عليكم ورحمه الله وبركاته

أشلونكم يا أمهات التحدي والصبر ... عساكم بخير ... واشلون أعيالكم

عسي ربي لا يفرقنا ويجمعنا في جنه الفردوس الأعلي

 

[بنت الكويت1]

شلونكم يالغاليات عساكم بخير الاسبوع الماضي سويت حق بنتي اشعة رنين مغناطيس وعلى اساس اني استلمها اليوم رحت جان يقولون لي جيبي كل اشعتها القديمة وتقاريرها وحتى التحاليل اللي مسويتها من قبل استغربت اول مرة العادة بس تقارير الاشعات السابقة عاد انا اللي بوصله اني يوم الاشعة كنت ادعي( واقول يارب انا عارفة حالة بنتي وانه الكل يقول مالها علاج لكنك تقدر تغير كل شي بلحظة يارب تكون اشعة بنتي هالمرة غير وتبين حل جذري وعلاج لحالتها واللهم اني لا اسالك رد القضاء ولكني اسالك اللطف فيه ) ومن هالباب انا خايفة وبنفس الوقت ناطرة يوم الخميس بفارغ الصبر قالوا التقرير يخلص الخميس والله يستر يارب في احد قبلي سوو معاه جذي ؟
الشي الثاني بنتي من كثر ما تحب اللعب بيدها دخلت ايدها بعينها وهذي مو اول مرة دايما تسوي جذي الجديد انها جرحت عينها من داخل وديناها البحر حطولها علاج وسكروها وحولونا للفروانية العيادة الخارجية بس اهي وااايد تعبانة من عينها وما قدرت تنام امس واليوم بس تبجي الله يشافيها ويشافي مرضى المسلمين

 

[الصابرة المحتسبة]

هلا حبيباتي شلونكم

بنت الكويت1 لاتحاتين ربي إن شاءالله يسهل الأمور ياقلبي وعليج بالدعاء

 

[الصابرة المحتسبة]

 

[الأماني]

لا تحاتين وخلي امرك علي الله وإن شاءالله ما عليها إلا العافيه ... وإن شاءالله أشعتها هذي تكون بخير وما عليها إلا الصحه والعافيه

والله يطمن قلبج عليها .. بس انتي كثري استغفار والدعاء في ثلث الليل

ولا تنسين داوا مرضاكم بالصدقه وربج كريم

 

[مباركيه]

السلام عليكم خواتي وبناتي أشلونكم وشلون عيالكم الحلوين 00هلا والله يا العبدة أم كشة أنا أول مادخلت النت حطيت النك مالج وقالوا لي موجود والمباركية أنا فعلا مباركية0000والله يشفي بنيتج يا بنت الكويت ويطمنج عليها وإن شاء الله ماحنا ناسينها بالدعاء

 

[العبدة أم كشة]

هلا فيكم امهاتت
ماتشوف شر بنتج بنت الكويت يمكن عندهم دكتور زائر هالأيام فيه دكاتره زايرين وكلي امر لربك
سبحانه فارج الكرب
مباركية منورة شخبارك؟؟؟؟؟؟؟؟

 

[مباركيه]

:tek::tek:اللهم يانور هذا الكون ياعون من يطلب العون يا الله00اللهم أكتب لأحبتي رضاك وأسعدهم بقربك وعونك ونجواك وأكقهم وأعنهم عمن سواك وأجعل سعادتهم في قلوبهم وأشرح صدورحم وأنر دروبهم وأعطهم الصحة والعافية 00اللهم أمين صبحكم الله باخير والسرور هلا فيج أكثر ياالعبدة أم كشة الله ينور دربج با الحبيبة

 

[مشاعل الشمري]

صباح الخير على عيونكم وعيون عييلكم
اللهم آميين ويتقبل منج هالدعاء