قوه ،،
مسآع اطق فرة على القسم واشوف بنوتات 11 الي رايحين الادبي وكذالك 12
يبوون جداول تنظم وقتهم ،،
قلت بفيدكم بجم نصيحه انا استفدت منهم ،،
=\ اول شي بتكلم عن كل مآده بروح \=
(¯`•.¸¸.->(¯`•.¸¸.- العربي -.¸¸.•´¯)<-.¸¸.•´¯)
- لمآ تاخذين الدرس اقري بصورة اجمآليه وعقب قعدي فصفصي الدرس وانتي منسدحه خخخ عشان تندمجين
-خططي على الجمل الي تحسينها مهمه
- لما الابله تعطيكم [الجهد الذآتي] وتقسمكم 3 فرق عدل انتي مو تحلين فريقج وبس لا حلي الفرق كلهم
والله يعآفي [المذكرآت] عساس تشاركين مع الابله وتحطج بعين الاعتبآر
-لا خذيتوو [نص او آيه ] حفظيها اول باول وسمعي للابلع عساس ما تنظغطين بحز الامتحانات
-لاخذيتي درس قوآعد ردي بلبيت راجعيه اول باول وحلي الاسئله الي وره الدرس
-[الادب+البلاغه] انا مااحفظهم اقراهم قرايه عدله وافهمهم
(¯`•.¸¸.->(¯`•.¸¸.- الانجلش -.¸¸.•´¯)<-.¸¸.•´¯)
- اذا خذيتو درس وفيه كلمات ترجمي الكلمه يمه لا تكتبين طريقتها شلون تنقال بلعربي اكبر غلط
يعني مثلا [ fish لاتكتبين "فش" ] غلط بجذي عمرها ما تصير عندج لغه ..!
- الكلمه اليديده الي خذيتها قعدي نسخيها بورقه A4 لين تحفظينها عدل مدل
- السيت بوك فهميه وبسطي السؤال [ترجمي السؤال بكبره من عربي لي الانجليزي والاجابه بعد بجذي بيرسخ ابآلج]
والله يعافي ترجمة اخونا [ google] خخخخ
- الوظائف اللغويه حلووه وبسيطه ماتحتاج اي شي
-القواعد خلي عندج دفتر صغير وكيوت شكله [وكل ماتاخذون قاعده يديده كتبيها مع الشرح + مثآل]
(¯`•.¸¸.->(¯`•.¸¸.- التآريخ -.¸¸.•´¯)<-.¸¸.•´¯)
"مادتي المفضله"
- الدفتر يكون مرتب وفيه صور اهم شي الترتيب والاصفي والصفي كاآملين
-اطلعين تقارير وصور عن كل درس خذيتيه [ترى الصور تساعد في حفظ المعلومه ]
-التحضير المسبق للدرس اهم شي وتحطين اساله من مخج ،،
-خلوو عندكم بحصة التآريخ اوراق الي يلزقون الفسفوريه وكل ماقالت الابله سوؤآل[عللي\اذكري نتائج] كتبيه +الاجآبه ولزقيهم فوق الدرس
-بنهاية الاسبوع اخذي الاوراق الي يلزقون وحطيهم ولزقيهم بدفتر بو 80 ورقه وحفظيه عندج بيكون عندج ملخص جاهز بوقت الامتحان ماتتعبين بتلخيص
-واذا الابلة اطلبت تقرير كوني اول وحده تسويه
(¯`•.¸¸.->(¯`•.¸¸.- الجغرآفيآ-.¸¸.•´¯)<-.¸¸.•´¯)
نفس كلامي عن التاريخ
ولكن ارسمو الخرآيط اول باول + حلوو النشآط الي بلكتاب وايد مهم [اذكر ب11 ماكنا نهتم ويه منهم بالامتحان وتوهقنا
](¯`•.¸¸.->(¯`•.¸¸.- الفرنسي -.¸¸.•´¯)<-.¸¸.•´¯)
- حفظي الكلمات وطريقة نطقهم اول باول
-ترجمي كل كل كلمه ومعناها ولا تكتبين طريقة نطقها اكرر هشي
-القواعد راجعي اول باول
-والدرس الي تاخذينه راجعيه لانها ماده تحتاج مرآجعه مستمره
-وخلي دفتر التدريبآت والكشكول كاملين
(¯`•.¸¸.->(¯`•.¸¸.- الاحصاء -.¸¸.•´¯)<-.¸¸.•´¯)
مآده تعتمد على الفهم واسهل من [الريآضيآت =تره في فرق]
خلي الاله +الادوات الهندسيه علطول معاج [محايه+برايه+قلم رصآص]
-حاولي تحفظين القوانين اول باول
-دربي ايدج على الحل المسائل [اشتري مذكرات ونماذج امتحانات والي موذاك الزود تحط مدرس خآص]
(¯`•.¸¸.->(¯`•.¸¸.- الاسلاميه -.¸¸.•´¯)<-.¸¸.•´¯)
-حفظ الاحاديث اول باول وسمعيهم
-خلي دفترج مرتب وحلو
- طبعي الاحاديث ملوت الفترتين [بورقه A4 ولزقيها باخر الدفتر احسن من عباله الحفظ من الكتآب]
-وحلي تقويم الكتاب وايد مفيد
(¯`•.¸¸.->(¯`•.¸¸.- القرآن -.¸¸.•´¯)<-.¸¸.•´¯)
-حفظي الايآت اول باول وسمعيهم
-اهتمي بالتجويد الي تاخذونه بلقرآن وحفظي الاساله
(¯`•.¸¸.->(¯`•.¸¸.- الاختيآر الحر -.¸¸.•´¯)<-.¸¸.•´¯)
-لاتهربين من هالحصص لان عليهم غيآب
-سلمي نشآطج اول باول الي اهو [التقرير] ترى حيل يرفع المعدل
-واذا الماده عليها دفتر[اهتمي فيه وحطي صور]
(¯`•.¸¸.->(¯`•.¸¸.-البدنيه-.¸¸.•´¯)<-.¸¸.•´¯)
-خلي لبسج علطول معاج ولاتنسينه
-اهو حصة وحده بس حفظي خدامتك بالهيوم تحط لج الملابس
-واذا طلبو ادوات او لبس يبيهم على طول والله يعافي النصر
وبجذي تكلمت عن كل ماده بتفصيل .~
الحين بقولكم عن المذكرات الزينه الي تشترونها
مذكرة [هلا مدرسه] وايد حلوه واجابتهم زينه
مذكره تلقونها بمكتبة جمعية الشاميه +مول جمعية السالميه [اسمها الشامل اتوقع]
حيل حلوه ومفيده
وفي مواقع بالنت ينزلون تلاخيص [وان شاء الله اذا قدرت بنزل لكم ]
واذا تبون معاهد تدرسون فيهم بدال المدرس عندكم
معهد القادسيه
بحولي احاول ادبر لكم رقمه ،،~{ تعرفون الدائري الرابع لما تمولنه سيده وتتكملون سيد لين ايكم جسر وتحت الجسر لفه ادخل على حولي لما تلفون هاللفه المعهد يبين عماره لونها اخضر والاعلان لونه اصفر}:080402ask_prv:
معهد المستقبل~{ دقو عليه ويدليكم
97114042
والحين طريقة تنظيم الوقت
تردين من السكول تبدلين ملابسج [ لاتاخذين شور ترى راح ادوخين لانه يسحب الطآقه]
تصلين الظهر
تتغدين وتقعدين مع اهلج نص ساعه
تفزين على على غرفتج وتبدين من اول حصه لين اخر حصه
تراجعين +تحلين الواجبآات+اطلعين تقارير+تحفظين الي مطالبه فيه
وتقريبا تخلص من كل هذا 7 بليل يمديج [تشبكين +تشوفين TV +تقعدين وتتعشين مع اهلج +تنامين 10 ]
وبس اتمنى تستفيدون من هالموضوع
وانا خصيت الادبي [لان انا طالبة ادبي] ومايمنع العلمي يطلوون علينا وهم بنات عاشر لان في مواد مشتركه .~
ومابي احد يظن اني قلدت اختي [SeLf^CoNfiDeNce ] بلعكس اهي اخت عزيزه وغاليه وشهادتي فيها مجروحه .~ اهي موضوعها يتكلم عن الدراسه والتسجيع وهيك ،، انا لا انا تكلمت بتفصيل عن كل مآده واهي مسويه الموضوع حمله [تشجيع] وتشكر على موضوعها .~
[ضغطوو على عزيزتنا ام كشه]
انصحكم اطلوون عليه وايد حلوو وومتعوب عليه ~{ وانا شخصيا استفدت منها } مشكووره حبيبتي:hjy5jewf:
:n2006107:
وهم دشو على موضوعي هذا راح يفيدكم بعد
صج صج مابي لكم الا كل خير والبنات الحين ادري بتقولوون ام قليب خخخ ترى نسبتي 82 الحمدلله خخخخخ:hjy5jewf:
ونطروو موضوعي اليديد شلون تنسقون دفآتركم ،،
الموضوع متعوب عليه وكلمة شكر تفرحني .~
وكل عام وانتو بخير ،، مابي منكم الا دعوه الله يوفقني بلكليه وارفع راس اهلي ,,، :yaaaaaarb:
التعديل الأخير:
