«المعلمين» دعت الهيئات التعليمية إلى الاعتصام

[عسولتي]

السلام عليكم ورحمة الله وبركاته ,,

كتب عبدالعزيز الفضلي:

دعت جمعية المعلمين الكويتية اعضاء الهيئات التعليمية بمختلف مدارس الكويت الى الاعتصام يوم الخامس من اكتوبر المقبل والذي يصادف يوم الاحتفال باليوم العالمي للمعلم وذلك احتجاجاً على قرار اطالة الدوام والمتمثل باضافة 25 دقيقة للانشطة الطلابية يوم الثلاثاء من كل اسبوع.
وقالت الجمعية عبر مسجات ارسلتها الى المعلمين والمعلمات «لنقف صفاً واحداً يوم الثلاثاء الخامس من اكتوبر المقبل ضد قرار اطالة 25 دقيقة غير مبررة امام مبنى رقم 1 بوزارة التربية الساعة الواحدة والنصف ظهراً».
من جانبها اكدت مصادر تربوية مطلعة ان وزارة التربية ماضية في تطبيق قرار الاطالة واضافة الـ 25 دقيقة على دوام يوم الثلاثاء من كل اسبوع لاسيما وانه تم دراسة هذا التوجه من قبل اهل الميدان واتخذ القرار بعد عرضه على مجلس الوكلاء رافضة الاسلوب الذي تلجأ اليه جمعية المعلمين بدفع المعلمين الى الاعتصام الامر الذي يعرقل العمل التربوي.

المصدر


http://alwatan.kuwait.tt/ArticleDetails.aspx?Id=54586



​

 

[عهود الحب]

رد : «المعلمين» دعت الهيئات التعليمية إلى الاعتصام

مالت عالبامية

 

[الفنانه79]

رد : «المعلمين» دعت الهيئات التعليمية إلى الاعتصام

انا اوووووووووووووووول وحده اعتصم وضد قرارات هالوزاره التعبااااااااااااااااانه

 

[رشيديه كووول]

رد : «المعلمين» دعت الهيئات التعليمية إلى الاعتصام

ماضنتي الاعتصام بسوي شي , الي في بالهم راح يسوونة اذبحونا بالتفلسف الزايد , بالله شبنسوي بالنشاط؟؟

اليهال راح يفطسون من الحر والخيسة والمناهج الغثيثة وفوق هاذا بزيدونهم 25 دقيقة ,

وفوق هذا مازادو معاشاتنا بس شاطرين يزيدون بالوقت

 

[مشغوله و محتاسه]

انا اقول خل يكملون نومتتهم احسن !

مو ذاك اليوم يقولون ما قلنا اعتصمو و لا شجعنا ؟؟

شكووو الحين ؟؟


ما عندهم سالفه كل يوم راي

 

[بنت شرق]

لازم نعتصم لان اذا طبقوا القرار صعب يغيروونه

 

[suger_spice99]

راح يطبقونة رغم انف الجميع

 

[مشغوله و محتاسه]

راح يطبقونة رغم انف الجميع

عدل ... و الله كريم يعينا و نتأقلم

 

[أبلة لولوة]

المصيبه ان كل هذا التأخييير على قفااااانا

احنا الي بنشرف عالنشااااط

والوجبااات

ناقصين احنا :"(


نعتصم ميخالف ونسوي الي علينا

بس لييش حزة القايله !! كلش تعاااااابه بنكون

الشكوى للــــــــــــــــه

 

[أم توفي]

ياجماعة الديرة ماشية على الاعتصامات انتوا ماشفتو المهندسين والأطباء شلون اعتصموا وخذو حقوقهم ترى احنا أولى من غيرنا احنا اللي قاعدين نربي أجيال المستفبل ومن حقنا نطالب بتعديل أوضاعنا تكفون شدو حيلكم شوي وتعالوا

 

[كونتيسة]

اللي ما تقدر تروح للاعتصام
اقل الايمان خل تغيب
نخليلهم المدارس فاضيه يوم واحد خل نشوف شبيسوون !!!!

 

[Turquoiseya]

المهندسين وغيرهم لهم هيبة
اما احنا هيبتنا مضيعتها الوزارة بنفسها

الحين انا افكر شلون البنات بيداومون الاسبوع الجاي
مدرستنا التكييف فيها يا حار او خربان

متنا من الخيسة الثلاثة ايام اللي طافت00 شلون عاد البنات

 

[البدر_66]

اعتصام الساعه وحده ونص

حتى الوقت مافي اختيار صحيح أحد يعتصم بالوقت ليش يتكلمون شنو الجمعية الدايخه

 

[قـہۈه فـرنسيـہ™]

استغفر الله ...هذآآ اعتصام ؟

جنهم يقولون لحد يجي شنو الساعه 1 ونص ..منو بيوقف بالشمس


>>>ما أردى من المربوط الا المفتلت

 

[سفيرة العشق]

رد : «المعلمين» دعت الهيئات التعليمية إلى الاعتصام

الحمد لله والشكر
حتى باعتصامهم دايخين

 

[عقارية]

رد : «المعلمين» دعت الهيئات التعليمية إلى الاعتصام

يمكن وحده ونص بالليل
يعني بالأحلام اعتصموا وبالأحلام بتلاقون تقديركم جموع المعلمين

أنا أقترح عليكم هجره جماعية من وزارة التربية

اللي معاشاتها على 8 دنانير مسج على الموبايل

معتقل النساء .

 

[ملامح بريئة]

بالذمة اعتصام الساعة وحدةوين الاعضاء وين الناس اللي تقدر الانشطة و ساعة مدتها بس يتهربون الطلبة منها الكبار و تتحول الى تقوية و هياته و الطلبة مالهم خلقنا اشلون لا زاد الوقت مادري منهو اللي يقترح هالاقتراحات فيه احد من صالحة انصراف المعلمين عن المهنة و احلال الواغدين اللي بدولهم ما لقوا وظائف لان تقاديرهم ضعيفة و الا عمرك شفتي مدرسة وافدة مبدعة تعطي من قلب الا من رحم ربي

 

[moony77]

منو بيوقف تحت الشمس بهالوقت الشمس عامودية بس حتى الوقت ما اختاروه صح جان قالوا غيبوا عشان يشجعون الكل