©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[booba]

مرحبا بنات
من زمان عنكم شلونكم
انا ولله الحمد نززلت 12 كيلو بخلال شهر ونص وقمت اكل من كل شي اشتهسه بس لقمه لقمتين واوقف

 

[HOT^CHOCOLAT]

هلا والله بوبا
الف مبروك النزول الحلو الله يتمم عليج يارب وايد حلو وانشالله توصلين للوزن الي تبينه

 

[ضايعة بالطوشة]

وي سوري قام اقول بطني من بره صوب الجرح وايد وايد يعورني شسوي

يعني قولتج ما ارد سوائل ؟!

وايد متحبطه

 

[ضايعة بالطوشة]

اكل جريش وكورن فلكس بس وعصير تفاح ولبن الوفرة خالي دسم ��

والله ما خربطت

 

[ضايعة بالطوشة]

بنات تفاح كيديدي مو حلو اشرب تفاح نادك او مراعي عادي !!؟

 

[HOT^CHOCOLAT]

العوار عادي يروح لاتحاتين ولاتشيلين ثقيل وتسحبين

شربي عادي اهم شي يريحك

 

[booba]

ضايعه بالطوشه اي عادي حبيتي شربي اي نوع انتي تبينه

 

[ضايعة بالطوشة]

يعطيكم العافيه :*

 

[لك الحمد يا ربي]

بنات صارلي ٢٣ يوم شنو اكل شنو اشرب

 

[مزيونه 79]

شخباركم بنات من زمان عنكم والله الدنيا تلاهي مبارك عليكم ماتبقي من الشهر
ومبروك للمتكممات اليدد
وفاااااالكم الرشااااااقه

 

[لك الحمد يا ربي]

وينكم

 

[لك الحمد يا ربي]

بنات صارلي ٢٣ يوم من العمليه شنو اكل ماعاد فيني طاقه

 

[HOT^CHOCOLAT]

خضار مسلوقه بس بالخلاط وجريش وهريس وشوربات وعصاير طازجه *

 

[لك الحمد يا ربي]

متا اااكل الاكل العادي

 

[دلال العبدالله]

السلام عليكم بنات


انا سويت تكميم من 10 ايام والحمدالله طلعت بالسلامه

كان وزني 85

وطولي 163

وسويتها بمستشفي السلام عند د. أحمد الشرهان


وحبيت اسألكم بس نزلت 7 ب 10 ايام نزولي احس شويه مشالله اختي مسويتها نزلت اكثر مني الي تقدر تساعدني بليز تفيدني :eh_s(7):

 

[Maryam]

دلال على كتلة الوزن
و نشاط و لا تقارنين نفسج بأحد
نزولج وايد حلو

ادري شكله الشرهان قال لج مو زين نزولج عادي قالي من قبل

 

[HOT^CHOCOLAT]

مشالله الف مبروك وفالج الرشاقه صرتي متكممه معانا حياتي نزولج مشالله وايد حلو الله يتمم عليج وجسم من جسم يفرق لاتحاتين

 

[booba]

السلام عليكم بنات


انا سويت تكميم من 10 ايام والحمدالله طلعت بالسلامه

كان وزني 85

وطولي 163

وسويتها بمستشفي السلام عند د. أحمد الشرهان


وحبيت اسألكم بس نزلت 7 ب 10 ايام نزولي احس شويه مشالله اختي مسويتها نزلت اكثر مني الي تقدر تساعدني بليز تفيدني :eh_s(7):

بالعكس اختي ماشالله نزولجج وايد حلو
انا بكمل الشهرين الحين وكل اللي نزلته 13 كيلو
وبعدين لانجج مو وايد متينه فلا تتوقعين ان نزولج بكون وايد مثل اللي اوزانهم كبيره
انا بعد كنت 88 والحين الحمدلله صرت 75 :eh_s(9):

 

[عيالي...حياتي...]

مرحبا خواتي المتكمممات
ولهت عليكم فديتكم
الحمدلله تميت شهر و9 ايام من العمليه
طبعاً الترجيع شبه يومي بسبة اذا كليت جريش او هريس او سلطه خضرا
او اي شي نتفه انغث غثاااااااا مو صج
والله هذاك اليوم كرهت روحي
طبعا ابليس قالي اكلي قفشتين تشريبه والقفشه والله صغيره
وبس كليت القفشه الثانيه
وحسيت اني مو قادره اتنفس وانغثيت قمت ابجي تخيلو جنه في خروف في بلعومي
وشربت ماي وراها
ولا ارتحت لين رجعت اللي دش بطني
انا استغرب اللي يقولون اكلي عيش
او معكرونه مسلوقه
شلون وانا مو عارفه اكل شي
خواتي بسالكم
متى اكل الاكل الطبيعي
بدون احاسي بالغثيان والترجيع
تكفون طمنوني متى

 

[دلال العبدالله]

مرحبا خواتي المتكمممات
ولهت عليكم فديتكم
الحمدلله تميت شهر و9 ايام من العمليه
طبعاً الترجيع شبه يومي بسبة اذا كليت جريش او هريس او سلطه خضرا
او اي شي نتفه انغث غثاااااااا مو صج
والله هذاك اليوم كرهت روحي
طبعا ابليس قالي اكلي قفشتين تشريبه والقفشه والله صغيره
وبس كليت القفشه الثانيه
وحسيت اني مو قادره اتنفس وانغثيت قمت ابجي تخيلو جنه في خروف في بلعومي
وشربت ماي وراها
ولا ارتحت لين رجعت اللي دش بطني
انا استغرب اللي يقولون اكلي عيش
او معكرونه مسلوقه
شلون وانا مو عارفه اكل شي
خواتي بسالكم
متى اكل الاكل الطبيعي
بدون احاسي بالغثيان والترجيع
تكفون طمنوني متى

هلا حبيبتي مشالله انتي صار لج شهر و 9 ايام يعني نفس اختي وصار لها نفس المشكله واسألت الدكتور وقال لها المعده يكون فيها هواء وانتي تاكلين توقف القمه حتي لو كانت صغيره علشان جذي قالها شربي ربع قلاص ماي او ستكانه و قالها اذا حسيتي انه في شي واقف او بترجعين شفتي شلون اذا احد غص بالاكل يطقونه علي ظهر وتنزل القمه او انج تمشين وبس وانشالله اني اكون ساعدتج بهالمعلومه :eh_s(7):