©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[cat-girlq8]

بنات شلونكم شخباركم ؟ عسي اموركم طيبه ؟

بشروني عنكم وعن نزولكم ان شاء الله تمام التمام ...؟ داشه اسلم علي بنات يا ما استفدت منهم / ايه من الجمال / اميره بكلمتي / شيرازيه / سما / مذهله / وايد بنات وسوري اذا ما ذكرت اسمائهم

والف مبروك للمتكممين الجدد تري بس البدايه صعبه وغثيثه وبعدها عادي راح اتعودون والوضع يصير طبيعي

 

[ChokOBar]

ورق العنب الي بقواطي اوراق الي نسوي ملفوف عنب الاخضر هذا تقصدين الي بالعلب بجمعيات

لا ما اقصد ورق العنب المعلب

اخذيه مباشره من شجرة العنب و اغليه


انا قطفت لي كيس كبير من ورق العنب و غسلته وخزنته بالفريزر وكل يوم اغلي لي شوي واشربه

 

[HOT^CHOCOLAT]

جوكليت بار من وين شجرة ورق عنب نحصل يبيله والله ومشالله نزولج حلو الله. ينولج الوزن الي في بالج والبنات يارب

 

[شهد-الكويت]

قوه بنات اشلونكم كلكم

بنات صار لي 5 ايام وزني واقف اتوقعون من المشي معني ما اكل كله سوائل

 

[Maryam]

لانج تفكرين وايد بالوزن

 

[ود=الحب]

مساءالخير يا بنات
ابي اسألكم عادي اسوي العملية
وانا علي الدورة؟؟؟؟

 

[شهد-الكويت]

اظاهر جذي مريام اشلونج شخبارج لج وحشه

مساء النور اي عادي انا سويتها وعلي دوره عااادي

 

[HOT^CHOCOLAT]

حياتي السلام عليكم شلونكم شخباركم أنا كنت احاتي اسوي عمليتي ووقت عمليتي مع الدوره زين الحمدالله *

 

[ام سالم العنزي]

السلام. عليكم حبياتي شلونكم شخباركم اعذروني غطيت عنكم بس تعرفون فتره امتحانات والحين خلصنا وان شالله الله يوفق عيالنا ويصلحهم ويهديهم
شهوده حبيبتي شلونج ياقلبي طمنيني عنج واميره ولحظات ودبلوماسيه وجوكو بار وهوت جوكليت ومريام كلكم شلونكم يارب تكونون باحسن حال بفضل من ربي سبحانه فديتكم

 

[donat]

متكممات شلونكم

انا شكلي بنظم لكم قررت اسوي تكميم مع اني ميته خوف عفية طمنوني....بلييز
خايفة من العواااار عقب العملية و خايفة من الاكتئاب و الدوخه و اخاف اصير مريضة و كله اتقطط ...
و اخاف اترهل و شعري يحت ...
امبييييه كرهتوني صح

 

[HOT^CHOCOLAT]

صباحووو شلونكم شخباركم فديتكم
ام سالم حياتي أنا بخير عساج بخير
دونت أنا عمليتي اول شهر 5 صج بديت اخاف بس البنات هني ماقصرو صج مشجعيني الله يهنيهم وينولهم الوزن الي يبون ةلاتخافين توكلي علي الله وفكري برشاقه والخفه

 

[Ba7rainya87]

شخباركم بنات قطعت عنكم فتره طويله بس بذكركم في عمليتي

تاريخ العمليه : ٢٠١١/٧/٤

عند الدكتور محمد الجار الله

التكلفه ٥٠٠٠ دينار بحريني

الوزن قبل العمليه ١٢١ والحين ٧٥ ( معدل النزول ٤٦ كيلو ) تحسونه اوكي ولا بطي ؟

الطول ١٦١


الاجابيات الحمدالله الثقه بالنفس اكثر وقمت احصل ملابس بكل مكان مقاسي وحته مقاس الجواتي الله يعزكم تغير


بس انا كله احاتي ان المعده ترجع تتوسع وارجع ازيد معني اكل شوي ولما احس اني شبعت علي طول اوقف فرق عن قبل وايد بس دايم اخاف ان يرجع يزيد وزني

وانا ماراجعت الدكتور ولا مره بعد العمليه تحسون يبيله اراجعه ؟

والحمدالله اسوي رياضه واحس الترهل اللي بيدي قل بس لحين

 

[Ba7rainya87]

مقاسي من ٢٦ و ٢٨ صار الحين ١٤

 

[شهد-الكويت]

قوه بنات اشلونكم

هوت ودونت توكلو علي الله وسوها ترا سهاله والله والله يقومكم بسلامه يارب

ام سلومي يا هلااااااااا بالغاليه الله يخليج لهم ويطول بعمرج يا حياتي شخبارج لج وحشه يا قلبي


بخير بحرينيه ربي ينزلج بصحه وعافيه يارب وناسه انجاز حلو مشالله وصلتي 75 الفال لي انشالله والبس مقاس 10 قبل كنت البس 20 و22 وساعات 24

حتي لو ردت تكبر معده ما راح ترد نفس قبل وانتي حرام حافضي لا تاكلين وايد

 

[omal7lo]

السلام عليكم

أول شي يعطيكم العافيه علي هالموضوع الروعه الي شجعني حييييل اني اسوي هالعمليه

انا اول مشاركه لي بهالمنتدي
كنت اتابعكم من بعيد وقريت جم صفحه والحين تشجعت اني ادش معاكم بهالموضوع الي قريبا اصير متكممه




من زمان حاطه ابالي اسوي هالعمليه بس فيه معارضين ويحبطوون وويخوفووني
فقلت بشترك بشركه تغذيه لان وزني مو فوق ال 100 قلت ان شالله اقدر انزل الوزن الي ابيه بصحه وعافيه بدون عمليات ومع المشي انزل بسرعه

بس كلش كلش ماكو فايده فيني
اشتركت بدايت كير 7 شهور قطيت 1000دينار وشوي علي 14 كيلو بس لان بس مليت من الاكل وأخرررررررررررربط

حرام والله

فكلمت كذا وحده قريبه مني من ضمنهم ريلي وامي وخواتي ورفيجتي قالوا لي توكلي علي الله

وقعدت ادور بقوقل عن احسن دكتور

فأرتحت علي د وليد بستكي

واليوم موعدي معاه وبقوله تحاليلي والمنظار والسونار بسويه عنده علشان ابي العمليه بسررررررعه


ابي منكم انكم تشجعوني وما اتراجع

انا مستعده جسديه ومعنويا وماديه هههههههههههه

بس ابيكم تشرحوولي اقدر اسويها هالاسبوع ؟؟ ولا طواله شهر ولا شهرين

لان المنظار يطلع بنفس اليوم صح؟؟

وعندي بيبي عمره سنه وشهرين هل راح اتعب وما اقدر اجابله

عندي خدامه تساعدني وريلي قالي وقت النوم ينام معاي متعلم علي ابوه

بس احاتي اتعب وايد وما اقدر اتحرك

هل الالم بعد العمليه لدرجه ما اقدر اقوم علي حيلي ؟؟!!



وانا دورتي كلش مو منتظمه بس انصدمت قريت رد لمذهله ان دورتها ما انتظمت لان تلخبظت هرموناتها



وان شالله اكون صديقه هالموضوع علشان راح اسويها واكيد عندي استفسارات وايد راح ااذيكم ههههههههههه


للعلم عمري 25

 

[شهد-الكويت]

السلام عليكم

أول شي يعطيكم العافيه علي هالموضوع الروعه الي شجعني حييييل اني اسوي هالعمليه

انا اول مشاركه لي بهالمنتدي
كنت اتابعكم من بعيد وقريت جم صفحه والحين تشجعت اني ادش معاكم بهالموضوع الي قريبا اصير متكممه
من زمان حاطه ابالي اسوي هالعمليه بس فيه معارضين ويحبطوون وويخوفووني
فقلت بشترك بشركه تغذيه لان وزني مو فوق ال 100 قلت ان شالله اقدر انزل الوزن الي ابيه بصحه وعافيه بدون عمليات ومع المشي انزل بسرعه

بس كلش كلش ماكو فايده فيني
اشتركت بدايت كير 7 شهور قطيت 1000دينار وشوي علي 14 كيلو بس لان بس مليت من الاكل وأخرررررررررررربط

حرام والله

فكلمت كذا وحده قريبه مني من ضمنهم ريلي وامي وخواتي ورفيجتي قالوا لي توكلي علي الله

وقعدت ادور بقوقل عن احسن دكتور

فأرتحت علي د وليد بستكي

واليوم موعدي معاه وبقوله تحاليلي والمنظار والسونار بسويه عنده علشان ابي العمليه بسررررررعه


ابي منكم انكم تشجعوني وما اتراجع

انا مستعده جسديه ومعنويا وماديه هههههههههههه

بس ابيكم تشرحوولي اقدر اسويها هالاسبوع ؟؟ ولا طواله شهر ولا شهرين

لان المنظار يطلع بنفس اليوم صح؟؟

وعندي بيبي عمره سنه وشهرين هل راح اتعب وما اقدر اجابله

عندي خدامه تساعدني وريلي قالي وقت النوم ينام معاي متعلم علي ابوه

بس احاتي اتعب وايد وما اقدر اتحرك

هل الالم بعد العمليه لدرجه ما اقدر اقوم علي حيلي ؟؟!!



وانا دورتي كلش مو منتظمه بس انصدمت قريت رد لمذهله ان دورتها ما انتظمت لان تلخبظت هرموناتها



وان شالله اكون صديقه هالموضوع علشان راح اسويها واكيد عندي استفسارات وايد راح ااذيكم ههههههههههه


للعلم عمري 25

وعليكم السلام ربي يعافيج يا قلبي والله انا قبل كنت حيل خايفه من العمليه واستخرت وتسهلت اموري وعمليه اول اسبوع بس عوار خفيف مو الي ما تقدرين تحملينه وعادي تقومين تحركين بس في الم تحملينه بعد اسبوعين من عمليه ما فيج الا العافيه وتوكلي علي الله والله يخليلج البيبي يارب ودكتور وليد معروف وشاطر توكلي علي الله واشجعج انج اسوينها انا شوفي دوام وسويتها الحين لان مليت من دايت ونادي ماكو فايده اضعف وارد ازيد وبعدين الحلو بعمليه ما تحسين باليوع كلش وراح تنزلين انا قلت اسويها الحين عشان انشالله بالعيد الا انا نازله علي الاقل 20 كيلوو والعمر كله لج يارب وموفقه ونورتي الموضوع يا قلبي :eh_s(7):​

 

[omal7lo]

فديتج شهوده منور بوجودج

وتذكرت باجر موعدي مو اليوم واااي ضايق خلقي احس شصبرني لي باجر
عندي اسئله للدكتور وايد واحاتي

الله يسهل اموري واموركم يارب

 

[omal7lo]

مقاسي من ٢٦ و ٢٨ صار الحين ١٤

ماشالله الفال لي والفال تلبسين 10

انا 26-24 بس ال 24 ضيج شوي انا احب الشغلات الضيجه ما احب الوسيع

 

[omal7lo]

تذكرت يوم كنت عروسه اجهز لعرسي كنت اشتري 14 ووسسيع امي تقول اشتري اصغر من 14 علشان يصير ضيج هههههههههههه


واي صصصج ايام

كان وزني وقتها 65

 

[omal7lo]

بنات انا طولي 150

صدمه هههههههههههه قززززمه قبل مو 150

المهم


تتوقعون جم الوزن المثالي لي ؟