©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[cat-girlq8]

الاسم:miss cute
الطول:148
الوزن قبل العملية:78.3
معدل النزول والمدة :1.8
تاريخ اجراء العملية :9.3.12
اسم الدكتور :محمد الهيفي
التكلفة :3000
النتائج الايجابية للعملية :ليما الحين ما شفت شي نزلت بالوزن شوية
النتائج السلبية للعملية : خمووووول فضيع والم بسيط ووايد اشتهي اكل حلو

===========================


حمدالله علي سلامتج وفالج الرشاقه يارب
وزين ماخترتي والله ونعم الاختيار بالنسبه للدكتور محمد براك الهيفي شهادتي فيه مجروحه
فن وتعامل وحوار الله يجزيه خير ان شاء الله
والله يعطيج الصحه والعافيه وبالنسبه للالم تري شده وتزول بس ديري بالج الحلو مو زين لج بهالفتره حاولي انج تقطعين ب 3 اشهر لانه النزول يكون بهالاشهر الاولي

مع تحياتي

 

[boOnita]

بنات شلون اشرب البروتين

انا شريت بريزر

 

[اميره بكلمتي]

صباح الخير حبيبتي اميره اشلونج حبيبتي تقصدين سعر الادويه مع اتعاب الدكتور ؟ لان اتعابه ٢٥٠٠ دينار ؟

تماام الحمدالله

ايي اصلا حتى الحكومه اتوقع يعطون نفس الابر كلها مع الفلوس

 

[اميره بكلمتي]

الاسم:miss cute
الطول:148
الوزن قبل العملية:78.3
معدل النزول والمدة :1.8
تاريخ اجراء العملية :9.3.12
اسم الدكتور :محمد الهيفي
التكلفة :3000
النتائج الايجابية للعملية :ليما الحين ما شفت شي نزلت بالوزن شوية
النتائج السلبية للعملية : خمووووول فضيع والم بسيط ووايد اشتهي اكل حلو

الف الحمدالله ع السلامه وفاالج الرشاقه يارب
الجسم يختلف من وحده لي الثانيه

 

[اميره بكلمتي]

الحمدالله ياربي انا اليوم وايد احسن من امس امس رحت الطوارى ماقدرت اتحمل العوار عطوني ابرة مسكن
واليوم من الصبح قاعده اشرب عصير مو قادره اخلص نصه ههههه سبحان الله

اشفيييج ام خدود عسى ماشر

ماتشوفين شر

 

[Q8 fashion]

بنات اليوم كنت عند الدكتور احمد الشرهان و حددلي موعد العمليه يوم الاحد الياي انشالله

 

[اوووفه]

هلا حبيبتي

بخير ربي يسلمج ياقلبي...

صار الله يسلمج 81 اذكر قلت بموضوع الرابطه الجزء اللي قبل هذا:eh_s(7):

الدكتور يقول نزولي بطيء

:eh_s(11):شسوي اوووووووووووفه

صدقيني احسن النزول البطي عشان الجسم مايترهل وراح تضعفين انا كنت نفسج ثابت او ماسويت العمليه كلش ماينزل بالشهر يادوب كيلو ومرات ماينزل والحين فجأه نزل ابيه يوقف مو راضي صرت اخرع مومياء وترهل جسمي حيل وجهي ذبل
فانت احسن لج نزلي بطي وتحركي رياضه مالج الا هيفاء

 

[مشاعر]

كللش موو وقته

اجل راجعي دكتووره تغذيه وشربي شاي اخضر وردي العبي رياضه ( اشتركي بنادي احسن ) وشوفي يمكن يتحرك

ادري والله موقته ...

قاعده اشرب شاي اخضر والنادي تو من فتره قريبه خلص اشتراكي كنت داشه 6شهور

قلت اريح شوي ...رديت علي المشي الحين والله كريم

:

اووووووفه وين اختفيتي:bbbiu:

 

[اميره بكلمتي]

بنات اليوم كنت عند الدكتور احمد الشرهان و حددلي موعد العمليه يوم الاحد الياي انشالله

زيين اشوه يلا تطلعين منها بالسلامه يارب

 

[اميره بكلمتي]

ادري والله موقته ...

قاعده اشرب شاي اخضر والنادي تو من فتره قريبه خلص اشتراكي كنت داشه 6شهور

قلت اريح شوي ...رديت علي المشي الحين والله كريم

:

اووووووفه وين اختفيتي:bbbiu:

لاتعتمدين ع الشاي هم ارد واقوولج غيري نظاام اكللج وشوفي يمكن ينزل

 

[Q8 fashion]

الله يسلمج

 

[Q8 fashion]

بنات ما لقيتو الموضوع المثبت عن جنطة المستشفى

ما ادري شنو اخذ

 

[اميره بكلمتي]

بنات ما لقيتو الموضوع المثبت عن جنطة المستشفى

ما ادري شنو اخذ

لاوالله للاسف مالقيته

بس انا كتبته بصفحه 7

بس لعيونج نسخته لج

شوفي راح اقولج شنو الاساسيات والضروريات اللي تحتاجينها بالمستشفى اللي اهي :-

ملابس قطنيه وسيعه ويفضل اللي فيها ازره من جدام
دلاغات وسراويل طويله قطن ( لانه مرات بعد العمليه تستبردين )
فرشاة ومعجون وصابون الوجه
ولوشن مرطب للجسم ومرطب لشفايف
وشحاطه وانتي بكرامه حق لمى تمشين
واهم شي تكثرين من الملابس الداخليه والغيارات حق الدوره يمكن تنزل عليج فجأة
امممممممممم بس واذا تذكرت شي ارد اقوله

 

[اميره بكلمتي]

كيو فاشن

باي مستشفى بتسوين عمليتج ؟؟

 

[Q8 fashion]

تسلم عيونج مشكوره

 

[boOnita]

ليش محد رد علي ��

 

[ام خدود ورديه]

بنات يعطيكم العافيه انا اليوم لي رابع يوم من العمليه بخصوص ابر السيوله كلمن اغزها ينزل علي دم مثل الدوره بس مو واايد مره وحده تقريبا وتكرمون لمن امسح بالكلينكس فيه دم دقيت عليه احسه متردد قال اممم خلاص غزيهم اليوم وباجر وقفيهم بعدين بس تحركي

الحين شرايكم اظل عليهم ولا اوقفهم واتحرك اخاف اضر نفسي خصوصا وانا حاسه الدكتور متردد

 

[اميره بكلمتي]

ليش محد رد علي ?

امريني شبغيتي حبووبه

 

[اميره بكلمتي]

بنات يعطيكم العافيه انا اليوم لي رابع يوم من العمليه بخصوص ابر السيوله كلمن اغزها ينزل علي دم مثل الدوره بس مو واايد مره وحده تقريبا وتكرمون لمن امسح بالكلينكس فيه دم دقيت عليه احسه متردد قال اممم خلاص غزيهم اليوم وباجر وقفيهم بعدين بس تحركي

الحين شرايكم اظل عليهم ولا اوقفهم واتحرك اخاف اضر نفسي خصوصا وانا حاسه الدكتور متردد

غريبه والله

ابر السيوله اطقينها بالبيت انا خبري يطقونها لج بالمستشفى بس ومجرد ماتطلعين خلااص توقفينها داام الدكتور قالج وقفيها خلاص وقفي

 

[cat-girlq8]

بنات شلونكم شخباركم؟

اميره بكلمتي شخبارج ؟ شمسويه ؟

يعطيج العافيه اموره مو مقصره مع الكل لاخلا ولا عدم ان شاءالله
بس عندي سؤال
اللحين صار لي تقريبا شهرين وجم اسبوع ... ومادشيت نادي والمشي بين فتره وفتره مادري شفيني مالي خلق ...
من رايج ادش نادي ولا استمر عالمشي ؟
وانتي شصار وياج عن الشد ؟ هل فكرتي انج تشدين جسمج ؟ ووين مقرره
وهل الرياضه تغنيني عن عملية الشد
؟
ناطره اجابتج