©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[! FABULOUS]

شصار على قروب الواتساب
اذا سويتوه قوليلي ادز رقمي !!

 

[عيون عبدالرحمن]

بنات سوال سريع

حد سوى تكميم وكانت فيه حلقت المعده وشلوها له بالعمليه؟؟؟ يعني الموضوع سهل يشلها بالعمليه؟ ارجووووووووووووووووووكم ردو

 

[ام هلا وغلا]

موفقين انا وصلت للصفحه152 في قراة يومياتكم انا متحمسه حيل للعمليه عند التدكور محمد براك الهيفي نامن الرياض بس قاعده ارتب اموري عشان انزل للكويت ودي اعرف هل الدكتور ينزل لرياض

 

[عسوله30]

السلام عليكم
انا وزني ١١٨ و طولي ١٦٣ وصار تقريبا سنه اراجع عند الدكتور احمد الملا بالاميري ودايما مايكون موجود واللي اعرفه عنه انه استشاري وناس واجد يمدحونه
انا خلصت تحاليلي كلها وباقي لي جم ابره فيتامين بي وقالو لي احنا ندق عليج
وهذا انا استخير وخايفه بس ودي بالعمليه لاني زهقت من جسمي عمري ماحسيت بالرشاقه ��
عندي سؤال جم تكلفة العمليه بالحكومه ؟؟ لاني موموظفه

 

[HOT^CHOCOLAT]

صباح الخير بنات شلونكم
وألف مبروك لامتكممات بالتوفيق
أنا سويت لقروب حياتي فابلوس حياج معانا طرشي رقمج على الخاص
عسوله حبيبتي الله يوفقج واستخيري وانشالله سهاله حيل سهله تره لاتخافين وتكلف بالحكومه 1200 حدها بس
ام هلاوغلا حياج الله بالكويت فديتج موفقه انشاالله وربي يسهل دربج
عيون عبدالرحمن في بنات مسوينها اقري الصفحات الي قبل بتلاقين انشالله ولاتخافين الله يسهل دربج

 

[Ba6oo6a-Q8]

up
up

 

[Bant almajed]

مرحبا بنات شخباركم شلون صحتكم بسالكم يوم ابنديتوا بالشوربه تحسون مثل الغصه والم في المعده فوق انا وقت الي اشرب الشوربة احس بالم وغصه انتوا صار معاكم مثلي

 

[HOT^CHOCOLAT]

مرحبا بنات شخباركم شلون صحتكم بسالكم يوم ابنديتوا بالشوربه تحسون مثل الغصه والم في المعده فوق انا وقت الي اشرب الشوربة احس بالم وغصه انتوا صار معاكم مثلي

هلا حبوبه شلونج اهو عادي بس لازم تكون شويه خفيفه حيل أو أسبوعين اخذي حبوب المعده عشان ترتاحين ماعليه ﻷ تحاتين وانشالله بتضعفين بصحة وعافيه

 

[Bant almajed]

مشكورة يالغلا هوت جوكليت والله يسمع منج يارب تتحسن صحتنا للافضل

 

[دلع طفوله]

مساكم الله بالخير
انا متكممه من 6 شهور وطبعا بعض الحلوات اعرفهم والاقي في متكممات جدد

الله يهنيكم ويدوم يارب علينا الصحه

انا نزلت الحمد لله باقي لي عالمثالي 10 كيلو بس اعاني من الترهل وخصوصا الفخوذ والبطن اللي مو راضي ينزل


قاعده افكر ابتدي جلسات لف حراري وال بي جي بس مدري,,,

 

[Princess-86]

بنات شلونكم لكم وحشه والله
انا امس صارلي شهرين عالعمليه ونزولي زين
بس بغيت اسالكم قياس الجواتي وانتو بكرامه يتغير عقب الضعف ؟

 

[أم توته]

حبيبتي الريل تصغر ومقاسج رح يتغير
عن تجربه سابقه للرشاقه

بنات منو شربت عصير اناناس بالمرحله الاولى عادي .. لان التفاح مادري لاطعمه ولا ريحته يشجعون
يعني صارلي 5 ايام من العمليه اقدر اشرب اناناس كي دي دي او سيزر

 

[بيسو و]

بنات سوال سريع

حد سوى تكميم وكانت فيه حلقت المعده وشلوها له بالعمليه؟؟؟ يعني الموضوع سهل يشلها بالعمليه؟ ارجووووووووووووووووووكم ردو

هلا ياغاليه تصدقين تسسببت اني اسجل بالمنتدى مع اني عجازه يعني كسلانة

ايه انا شلت الحلقه وكممت بنفس الوقت اناسعودية عند د عبد الرحمن السالم وعندي انه احسن لان التعرض للبنج من اخطر شي والله يوفقك

 

[دلع طفوله]

ام توته العصيرات اللي يناسبك اخذيه

بس حاولي مو حوامض لانه الحموضه لحالها تكفي رح تكون من اعراض العمليه خصوصا
الايام الاولى مارح تقدري

 

[آلشيخه بنت شلآح]

مسالخير بنات

انا كملت السنه هالشهر من سويت التكميم ونزلت بس 40 كيلو
وباجي لي تقريبا 15 كيلو واوصل للوزن اللي ابيه
وليما الحين اذا كليت احس بعوار في المعده
خاصا اللحم معدتي مو راضيه تتقبله نهائيا

وبعد في شغله غاثتني الترهلات لاعت جبدي منها
والمشكله اخاف من العمليات
ورافضه اني اسوي شد
وش الحل في رايكم وش اللي يخلي الترهلات تختفي بدون عمليات

وانشالله الاقي الحل عندكم بنات

 

[عروووبه]

صباح الخير .. شلونكم حبوبات ؟ هوت جوكليت شخبارج ؟ انا دخلت عليج خاص على اساس بنضم لكم بالواتسب بس للاسف مشاركاتي قليلة فما قدرت ادخل رسايل خاصة عليج .. قلت خل اشارك جوووود اقدر ارسل لج خاص

 

[ريوماksa]

بنات انا زوجي وزنه 120 وطوله 169
سمنته متركزه بالبطن
ايش افضل له التحوير او التكميم
وطمنوني انا خايفه كثييييييييير اخاف يصير فيه شي وافقده
كيف هالعمليات سهله ولا صعبه

 

[عروووبه]

هلا ريوما ... انا سمعت التكميم افضل واسهل من التحوير .. والله يسهل عليه وعلي وعلى الجميع ياااااااااارب

 

[ريوماksa]

هلا ريوما ... انا سمعت التكميم افضل واسهل من التحوير .. والله يسهل عليه وعلي وعلى الجميع ياااااااااارب

افضل من اي ناحيه؟
يعني بالنزول افضل
ام افضل لان تعبها اقل؟
وقبل فتره قابلت وحده مسويه تحوير بمستشفى العسكري بجده
وقالت ان الدكتور قال لها انه التكميم بأحسل الاحوال ماينزل اكثر من 35 كيلو
مادري هل المعلومه هذي صح ام لا

 

[عيون عبدالرحمن]

مرحبا بنات

خلاص قررت اجي الكويت واسوي لي عملية تكميم او تحويل حسب راي الدكتور....بس أمانه قولو لي رايكم في الجارالله ؟ طمنوني بنات بليز؟ وتهقون مواعيده سهله؟