©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[سـما]

ياحلوكم سما وهوت جوكلت ونوفا والله كلامكم ريحني
تكفون تكفوووووون لا تخلوني اهون واتراجع كل الي حولي يحبطوني وزوجي رافض
وانا لايعه جبدي من زاد وزني وانا متقوقعه علي نفسي ولا اطلع ولا اشتري شي
مستخسره يهالجسم ال چنه برميل مدربح حمدلله والشكر
غير الناس الحاقده الي لقتلها ممسك وتنقز علي الطالعه والنازله
حسافه كنت جميله والحين كاني زنجيه والعيون صارت مغرزه ماتبين
ياجماعه والله عايشه بكابه ماعندي شغله الا اطالع نفسي بالمنظره والصور واطلع الاختلافات مو السبعه الختلافات الميه
هذي ماساتي وقولولي رايكم وساعدوني لو بالكلام
وشكرا

حبيبتي " بس بس بس"
ترى من اختيارج للنك نيم مبين
انج وصلتي لمرحلة نهائية برفضج لواقعج الحالي

انا قعدت 8 سنين وانا اقول بس ولكن ما قررت وتشجعت
الا لما نصحني دكتوري اللي ولدت عنده باني اسوي عملية تكميم
وقلت له بس دكتور انت مو وزني مبير لهدرجه!؟
العمليات للي وزنهم قريب للميتين
فوق ال 150 ع الاقل
قال وانتي حاطه ببالك انك مش حتوصلي لهذي الاوزان !؟
كلها كم سنه بس


صدمني كلامه
طبعا هو قالي كلام بالمصري بس بهذا المعنى
ومافتح وياي الموضوع الا لما سالته
شلون ضعف نصه ما شاء الله في خلال اربع شهور بس!!؟

لما نصحني فيها ماكان ببالي في يوم من الايام اني اسويها
مد لي ورقه فيها اسم الدكتور الهيفي ورقمه
واخذ الورقه مجاملة

وبعدها بدت الفكرة تتقلب براسي
اربع اشهر
وقمت ابحث واسأل

وشفت رابطة المتكمكمات
وتجربة اختنا العزيزة اميرة بكلمتي
وتابعتها من البداية وعشت معها اول باول
تخطت ال 80
و
70
و
60
وكبر بداخلي الحلم
وحسيت انه آن الاوان لتحقيقه

وانا مثلج
جميلة والوزن الزايد دفني
دفني خارجيا وبدأ يدفن روحي شوي شوي
لكن بفضل الله وبمساعدة عباده
الله قدرني اني انتصر
الحين بعد مرور8 شهور
انا باول السبعينات وكنت 109 ماشاء الله تبارك الله

تغيرت 180 درجه
قعدت سنه كاملة اقتع زوجي وكان رافض بشده
بشده بشده
لكن صليت استخاره
وسالت امي ووافقت وشجعتني
وكل اهلي الباقين معارضين

طولت وانا افكر
وابحث
وبعدين اكتشفت ان افضل دكتور يسويها
هو الهيفي
وما اخذت على كلام الناس
وبحثت عن الدكتور نفسه وانجازاته
واكتشفت انه مع اثنين امريكان كانوا اول من ازال المراره بالمنظار

يعني هو المسلم العربي الشرق اوسطي الاول
هالكلام من سنوات مو الحين
يعني عنده خبره باستخدام المناظير اكثر من غيره

ويطري علي دكتور ولادتي
واقوم ادور الورقه اللي عطاني من جم شهر
والا يطلع الاسم اللي مسجل فيها "الهيفي"
ابتسمت وعرفت انه هذا قدري

وعزمت وتوكلت على الله
وماقدر زوجي يمنعني
لان الله سبحانه يسر لي الامر
كان لاخر لحظه يقول لي خلينا نكنسلها
لا تيتمين عيالج

لكن انا كنت قويه
لاني سالت عن حكم التكميم الشرعي
وقالوا لي حلال لانها علاج وليست من تغيير خلق الله بشيء
وان المعده اصلا حجمها اصبح مرضي وليس طبيعي

فلما يصير شي لاسمح الله
اهم شي ما اكون مسويه شي يغضب رب العالمين

الحين
زوجي يقول لي:
الحمدلله انج سويتي العملية






حتى لو ما قال
انا كل ذرة بجسمي تحمد الله وتشكره على فضله
اللهم لك الحمد حتى ترضى
ولك الحمد اذا رضيت
ولك الحمد بعد الرضا
ما شاء الله لا قوة الا بالله






اختي "بس بس بس"
وكل اخت وزنها فوق ال 98

اذا تعرفين تركضين
ركضي باسرع قوة عندج
لدكتور شاطر تثقين فيه وترتاحين له
طبعا بعد ماتصلين صلاة الاستخارة
وبرضى والديك لان رضا الله من رضا الوالدين
واذا نوعهم مو متفهمين فهميهم
واصبري عليهم
واذا الله كاتب لج راح يرضون


ثقي بالله سبحانه
وادعيه
ولا تنسين ان تدعين بانج تنزلين الوزن الزايد
بالصحة والسعادة

 

[بس بس بس]

سما اشكرج كلامج بالصميم واحس اتكلمين عن حالتي ووضعي
نفس الموقف الي انا فيه محد مقدر الحاله الي انا فيها من اهلي احس ثقلت وبدت تناقص صحتي من الوزن الزايد
بس ودي يدعولي ويشجعوني بس لاني خايفه ومضطره علي العمليه
وكله اسال نفسي معقوله راح اشوف الرشاقه بعد هالسنين
يارب يارب يارب حقق امنيتي وطلعني بالسلامه لعيالي وساعد وكل الي مثلي يارب

 

[سـما]

سما اشكرج كلامج بالصميم واحس اتكلمين عن حالتي ووضعي
نفس الموقف الي انا فيه محد مقدر الحاله الي انا فيها من اهلي احس ثقلت وبدت تناقص صحتي من الوزن الزايد
بس ودي يدعولي ويشجعوني بس لاني خايفه ومضطره علي العمليه
وكله اسال نفسي معقوله راح اشوف الرشاقه بعد هالسنين
يارب يارب يارب حقق امنيتي وطلعني بالسلامه لعيالي وساعد وكل الي مثلي يارب

اللهم آمين
اللهم آمين
اللهم آمين




اهم شي
انتي ركضي ، شناطره !!!!؟
اقول لج قومي ركضي ركض صلي استخاره
وبشرينا بالاخبار الجديدة الزينة

انا يا اختي وكل اللي سوو العمليه
ننصحكم لله
نبي لكم الخير مثل ما الله رزقنا فيه
مافيه احد سواها وهو محتاج لها وتندم
اتحدى احد سواها وندم

واللي الله كاتبه بيصير
واحنا مؤمنين بالله وبقدره خيره وشره

خلي ثقتج بالله كبيرة واحسني الظن بالله






وانصحج بالدعاء
بالدعاء
بالدعاء

ان ينزل وزنج بصحة وسعادة
ورب العالمين اذا استجاب لج راح انزلين بصحة وسعادة
بعملية والا بدون عملية

اهم شي ادعي الله رب العرش العظيم

 

[HOT^CHOCOLAT]

مساء الخير عسولات

برنسس شلونج حياتي شخبارج وناسه مابقي شي وتصيرين متكممه معانا الله يتمم علي خير يارب

ومريم مشالله حلو نزولج انشالله تنزلين بصحه وعافيه يارب

مهمومه ليش موعاجبج ماعليه يثبت وينقص ولايزيد تحملي اهم شي قاعد تنقصين أنا يثبت اسبوع او بالايام او اكثر حتي من 10 وفجأه ينزل وأستأنس ولا انقص نص كيلو بس شنو شفت وزني الحين ماشفته من سنتين اللهم لك الحمد انشالله مني لي الغيد ننقص 10 كيلو راضيه ب5 الله كريم

سما حبي شلونج شخبارج مشالله عليج وعلي كلامج الحلو بصراحه وايد يريح وطمن عساج علي القوه يارب

يارب اشوفكم رشيقات وبصحه وعافيه اللهم لك الحمد وايد مستانسه أنا الكل يقولي ضعفانه بس الحسااااد ولا كلممممممه طرمان من الحررررره احسن خايفين لا ضعفت اشوف نفسي علي ولدهم الحمدالله والشكر بس

 

[Maryam]

هوت شوكلت مالج شغل بأحد المهم انتي شنو تبين
و لا تهتمين للناس
شكلج مو ممخلية احد مو قايلت له

 

[HOT^CHOCOLAT]

هههههه اي والله كله من زوجي وانا قايلتله بس مايقدر لازم

 

[لك الحمد يا ربي]

بنات شسالفة الخدران التنمل اللي يجي بالريوول والايد

 

[حرم حبيبها]

بنات شنو احسن فيتامين للشعر ومن متى بلشتو فيتامينات

 

[HOT^CHOCOLAT]

أنا بلشت فيتامين من اول اسبوع وأخذ ابر حديد بعد

 

[ضايعة بالطوشة]

ماشا الله عليج سما كلامج جميل ويشجع

 

[ضايعة بالطوشة]

أنا بلشت فيتامين من اول اسبوع وأخذ ابر حديد بعد

اي مستشفى وبجم. الأبر ه

 

[ضايعة بالطوشة]

بنات شسالفة الخدران التنمل اللي يجي بالريوول والايد

والله مادري انا يالي بعد ونسيت اسأل دكتور:eh_s(11):

 

[إنسانة أكثر]

السلام عليكم ورحمة الله وبركاته


خواتي العزيزات / المتكممات

بدايَةً كل عام وانتم ابخير

انا انسانة عانيت مدة 8 سنوات

يابنات والله ماتهنيت لا في سوق ولا في لبس

فعلاً معاه حق اللي قال إن ( السمنة سجن ) :bbbiu:

والله يابنات سجن وانا مسجونة صارلي 8 سنوات :eh_s(16):

كنت افكر مدة 3 سنوات بالعملية :eh_s(2):

ولما اسمع ان ناس توفوا فيها ( الله يرحمهم ) اتراجع :eh_s(16):

وافكر برجيم واقول اببدآ السبت

ويطوف سبت ورا سبت وماكو فايدة :rgewrg:

سمعت بسالفة الابر اللي تسد الشهية

قلت خلني اجربها ولا اشوف تجارب بنات

لعل وعسى تبعدني عن بنج العمليات وقص المعدة وهالأمور

مع العلم اني مو متزوجة ولا عمري سويت في حياتي عملية

بعدين طلع جهاز المايسترو :eh_s(2):

اللي نفسي فيه حيييل لكن للأسف مكلف حيل مكلف ولا اقواه

ميزانيته حيل فوووق :eh_s(4):

حشى قيمة سيارة مركبة موتر ببطني مو جهاز اصغر من كف الايد :rgewrg:

المهم يابنااااات وصل عمري 28 وانا للحين ماتقدملي احد

والسبب اني ساجنة نفسي ولا اطلع بالمناسبات :eh_s(16):

الحمدلله النصيب من الله وانا راضية بالقدر خيره وشره

وباللي كاتبه ربي لي ولله الحمد

لكن تعبت صدقوني تعبت

أختي / بس بس كلامج لامس روحي وقلبي لأن معاناتج نفس معاناتي :eh_s(2):

والأخت / سما جزاج الله الف خير ع النصيحة اللي حركت فيني العزيمة والاصرار :eh_s(15):

بس يابنات انا خايفة من شغلتين

وتكفون صارحوني فيها

تساقط الشعر هذي شغلة والترهل

يابنات انا مو متزوجة واخاف يحت شعري ويترهل جسمي

هم خايفة من آثار العملية

يعني حسوا فيني لو تزوجت شأقول حق هالمغبر اللي ماادري متى يجي :eh_s(22):

بنات هل فعلاً يترهل الجلد بطريقة بشعة

والشعر هل اتصلع المتكممة ولا اشاعات وكلام ناس حاقدة مايبوني اسوي العملية

وآثار العملية تروح ولا تبقى

تكفون بنات جاوبوني لاني بجد تعبت

وزهقت من التعليقات اللي مالها داعي على سمنتي :rgewrg:

بإنتظاركم يامتكممات وفالكم الرشاقة والجسم المشدود والحياة السعيدة يارب :eh_s(7):
​

 

[HOT^CHOCOLAT]

اولا شلونكم بنات شخباركم
التنمل هذا عادي لازم تاخذون فيتامين وعقب بروح الإبر من المستوصف تاخذينهم ولحبوب كتبلي عليهم اسمهم سنتريوم

وانسانه اكثر شدي العزيمه ويالله وكل شي له حل الحمدالله الطب متطور سويها ولبسي وكشخي بالزواج عانيت أنا تزوجت متينه وبالحمال كليت هوا تعبت تعب من حمالي وولدت مبجر الله لايواريكم هاليوم والتساقط هذا تاخذينله حبوب او ابر وبتعدل والترهلات عليج بالمشي والسباحه لاتخلينهم انتي بخير والآثار فتحات صغيره قوليله الغبر لوووول انج شايله المراره وتسااااهيل والله السمنه والله مرض تيب السكر والضغط والقلب والكليسترول توكلي علي الله

 

[HOT^CHOCOLAT]

أنا بمستشفي الجهرا سويتها مع أني مومن سكان الجهرا فديتهم خوش عنايه بصراحه

 

[ضايعة بالطوشة]

اذا علا ترهل دشي نادي واذا علا يعرج الله يسلم بروتينات وفيتامينات واكبر الحديد

 

[ضايعة بالطوشة]

بنات انا بليت مهروس وزني وقف

يسوي ارد سوائل بس دكتور قالي لاتردين سؤال لان ضرين معدني بعدين شفوي



وبعد استفسار بطني من بره مؤ راحل وايد وايد يعولني يسوي

 

[ضايعة بالطوشة]

بديت*

 

[HOT^CHOCOLAT]

ماعليه كل وحده تبدي بالإكل يوقف ورد ينزل لاتردين سوايل خل معدتج تتعود علي الاكل حرام وجسمج محتاج اكل وباجي كلامج موفاهمته بدليات

 

[مهموومه]

ضايعة كلامج مومفهوم عيديه
وخلج عالمهروس بس لاتحطين مايونيز واشياء جذي