©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اوووفه]

كاتي اقري قران وحاولي لاتقعدين بروحج قعدي عند خواتج طلعي لهي نفسج باي شي ولاتفكرين بالعمليه والحاله الي انت فيها

 

[MisS *-* BMW]

السلام عليكم اشلونكم اخباركم ماني قادرة اوقف الدوخة ذبحتني وجسمي كله يعورني احس مكسر ما ادري شسوي*

وعليكم السلام

هلا والله

يا عمري ما اتشووفين شررر

ايه انا واخووي بعد جذي مالنا خلق شيء وجسمنااا متكسرر وكله تعبانين ومالنا خلق شيء

:\

اختي شلونج مع الفيتامينات عطاج الفيتامينات ولا للحين ؟؟

وتبين نصيحه اخت

شربي حليب فريش أو Kdd نص دسم اللي يصير لونه أزرق فاتح

لا تااخذين خالي الدسم ترى ما يسوي ولا شيء واحناااااا محتااجين حق الكالسيوم حيل

حتى لو ما حبيتيه غصبي روحج أو فيه طريقه اتصير احلى

سخني حيلب فريش وحطي معاه هيل ,, ولمن يسخن شربيه ,, وصدقيني الحليب وااايد واايد مفيد وبالذات حقناا احنا المتكممااااااات

تدرون ليش أول شيء حق عظااامناااا !!! والطااااقه احنا حيل محتاااجين الطااقه

وثاني شيء حق الشعر والاظااافر وحق نظاااره البشره وهم حق المعده واااااااايد زيين يبرد على المعده ويبعد عنهااا الحرقه والحموووضه ,,, نصييييييييحه بنااات شربوا حليب نص دسم ويفضل حليييييييب بااااااااارد علشااان الحمووضه والحرقه ,, على الاقل لو باليوووم قوطي وااحد صغير

المهم عوضووا وباذن الله يا كتكووووت بتتعدل حالتج ,, وما تشوفين شر :eh_s(7):

 

[MisS *-* BMW]

انا الحين بالسبوع الثاني وهالنفسيه موراضيه تفج عني
مادري ليش ياربي اول مره جذي تحوشني كئابه وزهقه
احس ودي انتحر وكله ابجي مومن العمليه متحسفه بس مادري من شنو جذي شعور خايس مادري ليش تعبت كل شي جربت قمت اطلع كل يوم ارد متأخر واستانس هم ماكو فايده تعبت تعبببببببببت شسوي شسوي كل شي جربت شعور الكآبه ونفسيه ووحده ومادري كل شي خايس شسوي

ياعمريي يا كيتي تعوذي من الشيطان وذكري الله واستغفريه ,, وشيء طبيعي والله وعارفه بالضبط شنو قاعده تحسيين فيه وأغلبناا مرينااا بهل الشعوور وانا حاشتني هل حاله اول 20 يوم من بعد العمليه ,,

تدرين ليش انا اقوولج لانه جسمج الحين وبهل فتره حايشه نوع من الحرمااان !! وفي شيء مو طبيعي قاعد يصير فيج واللي اهواا اكلج ونمط سلوكج بالاكل !! كله تغيرررر ,, ومعروف حتى من تاكلين وجبه دسمه مثل الفاست فوود اتحسين روحج واو ومستااانسه ليش لانه كلها عباره عن دهوون وهل دهوون تتخزن بالجسم وانتي عودتي جسمج على هل نمط .. فجاه شيء تغير بجسمج ومحتااج حيل للدهوون !! واحنا قاعدين نحارب الدهون فشنو يصير فييج اهني حاله من الكئابه وضقه الخلق وبجي وغلقه وبعضهم حاله من الاعصاب انااا عن نفسي .. كان في احد خير يحااجيني بهل فتره كله كنت صاكه علي الباب ومابي اكلم احد و24 ساعه بجي وضقه خلق ولايعه جبدي من كل شيء ,, بعدهااااا قاعده احاااول احاارب الحااله اللي انا فيهاااا واحاول كثر ما اقدر أني اونس نفسي واتناااسى الكئابه ,, وكنت أسوي اشياء تضحك كنت اروح اشتري العاااب علشان ألهي نفسي وكنت ألعب العااب تخص الطبااخ علشاان اعوض ههههه وكنت اسوي وايد اشياء ومو بيوم وليله يختفي هل شعووور لكن صدقيني وثقي بالله وباذن الله انها مرحله وتعدي ان شاء الله .. ولا تنسييين القران ثم القران ثم القرااان اهوا العلااااااااج الاول النفسييي واللي يبعد عناا الكئاابه والضيق وكثري الاستغفااار وذكري الله ,, وفكري في بعدين شلون راح يصير شكلج وخططي وقولي اناا بسوي جذي وبدش هل نادي وبشتري هل اغراض وبروح السوق وملابس بتصير قدي ووناسه حياتي كلها بتتغير باذن الله ,, باختصاار خلج ايجاابيه وتفااائلي بالخييير وباذن الله بتلقينه والاكل ترى والللللللله لاحقه عليه وبتملييييييين منه واتلوووع جبدج حتى والله ماكو مثلي كنت اموووووووووت على الوجباات السريعه والحلوياات وبيبسي ما كااان يفااارقني كان اهوا حياتي !! والله من سويت العمليه ما شربته الا مره او مرتين ولقمه بس ولاعت جبدي !! منو يصدق ؟؟؟؟ ولا ماكدوونلز ووجباات سريعه الله يزيد النعمه من اشم ريحته اتلووع جبدي :\ هذا قبل كنت اعشق شيء اسمه ماك وكنت اطلب على صمونتين و3 !! فيل ادري هههههه

والحيييييييييين تعالي شووفيني مدلعه نفسي اخررر دلع ولله الحمددددددد صرت وااثقه من نفسيييييي ولا احد يهزني ولا احد يأثر فيني اناا اتحكم بنفسيييي اناا اتحكم بمشااعري اذا ابي اكون مستااانسه أو زعلااانه ما اخلي شيء يأثر فيني الا بحاله اشياء اللي الله كاتب لناا اياهاا امور القضاء والقدر اهني اقول لا حول ولا قوه الا بالله مو بايدي اذا تضاايقت اماا الامووور الثااااااانيه كلهااااا طااف


وهم بقوولج معلووومه معرووووووووووف بعد أي عملييييه جرااااحيه ... 80 % من الحالات يصير معاهم حاله من الاكتئاااب النفسي ..! بس انتي لا تحطيين ابااالج وترى هل حاله ما تكون دايمه وبسرعه تروح من لمن تتواافقين مع نفسج يعني لااااااااازم انتي بنفسج تقاااوميين وباذن الله كل شيء بيكون اوووك

انا ادري قرقت وااايد عليج السمووووووحه بس ما حبيت أبخل عليييج لانه انا حاشتني هل حااااله وما كانت بايدي ولا بايد احد ادري .. لكن انحاااول نتغلب علييييهاااااااااا .. :eh_s(7):

واذا تبين أي شيء انا حااااضر

 

[MisS *-* BMW]

بعد عمري ما قصرتي فديتج يالغاليه

انا من الكويت بس مسافره مع ولدي علاج برا
انا ذابحتني خاصرتي المكان ااي تحت ضلوعي من الصوب اليسار اموت منه احس مثل التقرص والتنمل من داخل لدرجه ما اقدر اجندس لازم افرد ظهري وارز نفسي عذاب في احد نفسي *

ولو يالغلاا ما سوييييييت شيء

والنعم والله ,, وياعمري ما يشوووووف شر ان شاء الله سلامته يااارب

!! هذا مو تسريييب يمكن الله لا يقووله فيج الكلى !! اختي تشربيين مااااااي ؟؟؟؟

!! ترى التكميم بناااات يطرد سوااائل واايد متخزنه من الجسم واهيااا أول الكيلوااات !! اللي انطيحهااا بعد العمليه على طووول هاذي اهياا السوااائل فيقووولج لازم لازم مااااي كثروا من المااااي علشان الله لا يقووله ما يصير فيناا جفاف او كلى او شيء :\

اختيييييييي نصيحه كثري ماااااااااااي وروحي فحصيييييي سوي أشعه لا تسكتييين على عمرررج والله يعيييينج !!!!!!!!!! مسافره مع ولدج علاج وهم انتي تعبااانه صج صج الله يعيينج وما تشوفين شررر حبيبتي

 

[kat.kot]

جزاك الله خير مس انا ما راجعت الدكتور بعد العملية الا مره وحده بعد رمضان بروحله ان شاء الله

 

[MisS *-* BMW]

جزاك الله خير مس انا ما راجعت الدكتور بعد العملية الا مره وحده بعد رمضان بروحله ان شاء الله

اجمعييييييين يالغلاا ... وياج ان شاء الله

ان شاء الله لازم ترااجعين حبيبتي

 

[kat.kot]

ان شاء الله براجع بعد العيد

 

[$fdetny$]

افاااااا
محد عبّرني ولا احد رد علي 

 

[MisS *-* BMW]

افاااااا
محد عبّرني ولا احد رد علي 

شسالفه اختي ؟؟

 

[أم مـنـ*ـار]

انا الحين بالسبوع الثاني وهالنفسيه موراضيه تفج عني
مادري ليش ياربي اول مره جذي تحوشني كئابه وزهقه
احس ودي انتحر وكله ابجي مومن العمليه متحسفه بس مادري من شنو جذي شعور خايس مادري ليش تعبت كل شي جربت قمت اطلع كل يوم ارد متأخر واستانس هم ماكو فايده تعبت تعبببببببببت شسوي شسوي كل شي جربت شعور الكآبه ونفسيه ووحده ومادري كل شي خايس شسوي

السلام عليكم
تعوذي من الشيطان واكثري من الاستغفار وقرات القرآن كلنا مرينا بالمرحلة هذي تغيرات بالجسم كثير مو متعودين عليها وماتأقلمنا عليها يبي لنا فترة
والله يكتب لك الخير

 

[kat.kot]

بنات تعبانة بالغصب أمشي جسمي كله يعورني وخمول مو طبيعي وراسي صداع ضايق خلقي علي نفسي وبعد المغرب شربت شوية شوربة وصار فيني شئ غريب قلبي قعد يرقع وتسبحت بالعرق ما ادري شنو هذا

 

[أم مـنـ*ـار]

اوووفة اليوم كنت عند اخصائية التغذية وسألت عن حالتك والنزول القليل قالت شئ مو طبيعي نزولها بطئ جدا قالت خل تفحص عن الغدة احسن
قالت غلط عدم الاكل وغلط نفكر ان الاكل القليل ينزل الوزن تقول لازم المحافظة علي الوجبات الخمس الالتزام بالنظام والاكثار من الماء يساعد على انزال الوزن
حتى لو نرجع لازم ناكل عطتني نظام اكتبها وانزله بعدين

 

[kat.kot]

ام منار انا كرهت الاكل من كثر ما اتعب بعد ما اكل ترجيع ولوعة جبد

 

[أم مـنـ*ـار]

بنات تعبانة بالغصب أمشي جسمي كله يعورني وخمول مو طبيعي وراسي صداع ضايق خلقي علي نفسي وبعد المغرب شربت شوية شوربة وصار فيني شئ غريب قلبي قعد يرقع وتسبحت بالعرق ما ادري شنو هذا

نفس حالتي اللي صار فيني قبل اسبوع حسيت ابي اموت رحت المستشفي سويت تحاليل سريعة ضغط وسكر وتحليل ضعف الدم شوي الضغط نازل بالعادة ارتفاع وباقي التحاليل مضبوطة
بس لاحظت شئ بنات بعدها بيومين افطرت انزلت الدورة لاحظت التعب خف ورجعت لحالتي الطبيعية اعتقد والله واعلم ان الصيام يأثر لان فترة الافطار ماناخذ فيها الوجبات الكافية ونبذل مجهود انا مسجلة نادي سباحة عشان كذي نتعب
طبعا رحت دكتوري وطلب مني تحاليل شاملة بكرة اشوف نتيجتهم ان شاء الله
لا تحاتين كل الامور طبيعية
الله يكتب لك الخير*

 

[اوووفه]

ام منار بعد قلبي مشكوره ماقصرتي بس المشكله ما اقدر اكل وجبه وحده علي بعض عشان اكل خمس وجبات اليوم اكلت جم قطعه لحم نتفه رحت اركض ارجع مت وتعبت بس الحمد لله
زين بسالكم شنو التحاليل بالضبط الي اسويها عشان اطمن *

 

[أم مـنـ*ـار]

ام منار بعد قلبي مشكوره ماقصرتي بس المشكله ما اقدر اكل وجبه وحده علي بعض عشان اكل خمس وجبات اليوم اكلت جم قطعه لحم نتفه رحت اركض ارجع مت وتعبت بس الحمد لله
زين بسالكم شنو التحاليل بالضبط الي اسويها عشان اطمن *

الاخصائية قالت خل تفحص الغدة
انتي علي خير مطولة برا علشان تفحصين عند دكتورك وتاكدين من وضعك

 

[$fdetny$]

هلا مس بي ام دبليو
انا ذكرت تجربتي وابي احد يشجعني عالعملية هل اهيا تنفع بحالتي وخاصةً اني نزلت من وزني وااااايد بس للأسف الفشل عندي بثبوووت الوزن 

 

[MisS *-* BMW]

هلا مس بي ام دبليو
انا ذكرت تجربتي وابي احد يشجعني عالعملية هل اهيا تنفع بحالتي وخاصةً اني نزلت من وزني وااااايد بس للأسف الفشل عندي بثبوووت الوزن 

هلا فيج هلا والله

شوفي اختي اناا كنت مثلج ,, انا جذي بعد كنت اضعف وانزل وماكو فاايده ومااايثبت وزني للأسف

وحلي الوحييييييييد اهوا التكميم ولله الحمد الحين كل شيء اووك ,,

واحسن لج صلي استخاااره وروحي استشيري أي دكتور جراحه ,, عندج الشطار احمد الشرهان وخالد العنزي وباسل السميط :eh_s(15): هذيل اللي اعرفهم واغلبهم ما شاء الله شطاااار

 

[kat.kot]

مس شنو التحاليل الي عطاج اياهم الدكتور ابي اروح اسوي تحاليل اشوف من شنو هالتعب والخمول الي فيني

 

[$fdetny$]

هلاااا فيج مس
انا رحت حق الدكتور محمد الهيفي وقال لي اوكي يسويها لي بس قاعدة اقرى تجارب البنات وصراحة الاعراض اتخوف ماااادري يمكن بس بأول فترة ؟؟!!
وشكلي بعد بروح حق خالد العنزي وبستشيره بعد والله يكتب الخيرة انشاءالله
مس انتي عند منو سويتيها ؟؟ وجم صارلج امسويتها ؟؟
ادري اذيتج بأسئلتي بس والله احس اني ضايعة 