©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اميره بكلمتي]

اميرة اشلونك

الحمدالله تمام

 

[اميره بكلمتي]

اميرة انت كم غرزة وين اماكنهم

خمس غرز موزعه ع البطن

 

[اوووفه]

خمس غرز والله واجد علي بالي 3 بس

 

[اميره بكلمتي]

لوووووووووووول

اي والله 5 غرز

بس ترا والله سهالات ماتحسين فيهم لانه كبس تجميلي

 

[روض81]

الحمد لله على السلامه انا متابعه بصمت و الحين قررت اتكلم انا مسويه العمليه من شهر 11 و الحين جسمي مليكان و النفسيه حلوة الحمدلله وحابه اشجعكم

 

[اوووفه]

الحمد لله على السلامه انا متابعه بصمت و الحين قررت اتكلم انا مسويه العمليه من شهر 11 و الحين جسمي مليكان و النفسيه حلوة الحمدلله وحابه اشجعكم

هلا فيك معانا
انت وين مسويتها وعند منو وكم كان وزنك وتشجعينا علي العمليه او ان تعبها واجد يعني تسوي انسوي عمليه

 

[Love \ Hate]

بنات عقب شكر من العمليه بلشتو رياضه ؟؟

 

[دمع القلوب]

اوفه انا مابي احد يدري عني عشان جذي رحت ما كان يدري الا امي ووحده من خواتي جت عندي الصبح لين المغرب وراحت

والعمليه اي ثقب بالسرر ويمه شوي فتحه ثانيه يمكن غرزتين ما شفته

وتحت الصر مباشره فتحه صغيره شفتها مثل الجرح الصغير حده حتى مو مخيط لانه نتفه يروح من نفسه

انا كل شوي انا واقوم ماحب نومة المستشفى

 

[دمع القلوب]

روض ٨١ وانا نفس اسالت اوووفه اسالج

ولوف هيت اللي عرفته ان بعد ٣ اشهر من العمليه تبلشين رياضه

 

[دمع القلوب]

اميره بكلمتي بشريني شخبار امتحاناتج

 

[دمع القلوب]

عذبه وينها مختفيه هالايام فديت قلبهاا

 

[mahawey]

هااااااااااااااااااي ياالرشيقات اشلونكم شخباركم ان شاءالله وباذن الله نضعف بصحه وبعافيه ياربي

 

[mahawey]

اشلونكم مع المشي والرياضه نصحيه مني لكم حاولواكل يوم تمشون ورياضه علشان وزنكم مايثبت

 

[Lola Al Lola]

مساء النور
الحمدالله على سلامتج وفالج الرشاقه
الدوخه ترا عاديه بس بعدين تخف عنج

الله يسلمج حبيبتي والحمد لله الدوخه خفت بس ساعات تييني مو مثل اول طول اليوم
لاني ما اخذ البروتين بعد طعمه الله يزيده مو شي

 

[Lola Al Lola]

لولااا عطينا التفاصيل

جم وزنج وطولج وشنو السبب اللي خلااج تبين تضعفين وشلون التعب بصراااحه والحين تعبانه والا راح التعب

وحطولج بربيش والا لا

والله اول سبب خلاني اسوي العمليه اني مليت من شي اسمه رياضه ورجيم
تخيلي 15 سنه اسوي رياضه وبس اتركها يرجع وزني يزيد تعبت وزهقت
ثاني سبب انه عرس اخوي شهر 10 باذن الله وابي شكلي يتغير ابي اكون غير بالعرس
والتعب والله بس اول اسبوع بس الحين والله مافي عوار بس شويه دوخه والحمد لله
وبالنسبه للبربيش كنت خايفه لا يحطونه والحمد لله ماحطلي بربيش
وان شاء الله بس اوصل الوزن اللي ابيه راح اقولج جم كان وزني

 

[الكروان]

انزين حبايبي بعرف كل فتحه جم غرزه ووين اماكن
وشنو نوعيه اكلكم اول اسبوع

 

[Lola Al Lola]

انا خمس فتحات
بس صراحه الغرز مادري جم
واول اسبوع مافي اكل بس سوائل
ماي وعصير عنب او تفاح كي دي دي
وبس

 

[دمع القلوب]

انا ٣ فتحات بالسر ويسار السر غرزتين

وتحت الصدر فتحه صغييييييره مو مخيطه لانها ما تحتاج صايره مثل الجرح ينخاط من نفسه

 

[دمع القلوب]

انا صايمه من قبل امس الساعه ١١ بالليل وللحين حتى الماي ما عطوني يقولون بكره الظهر تشربين ماي بس ماحس بجوع ولا عطش ولا شي

بس الالم للحين واذا تنفست مو نفس قبل ماقدر اخذ راحتي بالتنفس بان مكان العمليه يعورني وضلوعي

 

[Lola Al Lola]

دمع القلوب الف حمدالله على السلامه
انتي صار معاج مثل ما صار معاي
بالضبط
ولو اشم ريحه الاكل تلوع جبدي كرمج الله
وكلها يومين بالضبط وبتكونين طبيعية
لا تخافين ولا تحاتين